“Qytetarët mbushin sheshin “Skënderbej”, shfaqje muzikore dhe akrobaci në ajër” plus 9 more - Gazeta Dita
“Qytetarët mbushin sheshin “Skënderbej”, shfaqje muzikore dhe akrobaci në ajër” plus 9 more - Gazeta Dita |
- Qytetarët mbushin sheshin “Skënderbej”, shfaqje muzikore dhe akrobaci në ajër
- Lëvizte me 9 kg kanabis me vete, pranga të riut nga Korça
- “Të barabartë mes të barabartëve!” Një mijë ushtarakë certifikohen nga NATO
- Shpejtësi e frikshme në Tiranë – Durrës, Policia Rrugore: Familja ju pret
- Meta e Haradinaj, takim në Nju Jork
- Zyrtarët më të paguar në Shqipëri, nga 1 janari pagë 3 mln lekë (Lista)
- Familjet në nevojë, Rama, Linda dhe Zaho, bashkë drejt Stambollit me “Air Albania”
- Indonezi, shkon në 832 numri i viktimave nga tërmeti e cunami
- Referendumi në Maqedoni, nis votimi
- “Ata që qeshën me Trump në OKB, kanë për t’u penduar rëndë”
| Qytetarët mbushin sheshin “Skënderbej”, shfaqje muzikore dhe akrobaci në ajër Posted: 30 Sep 2018 01:42 AM PDT Sheshi "Skënderbej" ia ka dalë të kthehet në një qendër të madhe eventesh artistike. Pas një vere të mbushur me spektakle kulturore e sportive, sheshi kushtuar qytetarëve të Tiranës është hapësira më e frekuentuar për shfaqje të ndryshme. Këtë të shtunë, qytetarët e shumtë dhe të vegjlit patën mundësi të ndiqnin një nga spektaklet më të njohur në botë, i njohur si Teatri i Rrugës "Mobile Homme", i organizuar nga Ambasada franceze në Shqipëri, me mbështetjen e Bashkisë së Tiranës dhe Aleancës Franceze.
Shfaqjen e ndoqi edhe kryetari i Bashkisë së Tiranës, Erion Veliaj, i cili tha se kryeqyteti ka pasur aktivitete të shumta kulturore dhe shtoi se kjo traditë e bukur do të vijojë edhe më tej. "Jam shumë i lumtur që, në fakt, Tiranës nuk i kanë munguar aktivitetet gjatë gjithë verës, por sidomos edhe tani në vjeshtë. Dua të falenderoj shumë kolegët e Ambasadës franceze, ambasadoren Christine Vasak që bashkëpunoi për të na sjellë një shije të veçantë të Francës, diçka jo klasike sportive, por mbi të gjitha një dhuratë për fëmijët e Tiranës; besoj se për fëmijët e Tiranës më e mira është gjithmonë përpara", tha ai.
Kryebashkiaku theksoi se përkundër skeptikëve që mendonin se sheshi nuk do të arrinte të mbushej asnjëherë, evente të tilla kulturore janë tregues se ky transformim e ka kthyer atë në një nga hapësirat më të preferuara për qytetarët e Tiranës. "Për të gjithë ata që mendonin se sheshi "Skëndërbej" ishte shumë i madh dhe nuk do mbushej kurrë, ja ku është sot, plot me fëmijë, plot hare, plot gëzim; unë besoj se e gjithë e ardhmja e Tiranës do të jetë plot gëzim. Kështu që, shumë faleminderit miqve francezë dhe mezi pres të bëjmë akoma më shumë gjëra të bukura bashkë", u shpreh Veliaj. Spektakli vijoi me shfaqje të ndryshme dhe nga trupa e Cirkut Kombëtar dhe Banda Frymore e Qytetit të Tiranës.
o.j/dita |
| Lëvizte me 9 kg kanabis me vete, pranga të riut nga Korça Posted: 30 Sep 2018 01:35 AM PDT Policia e Shtetit ka sekuestruar 11 kg marijuanë në Maliq. Për ngjarjen ka rënë në pranga Saimir Kroi, 29 vjeç, banues në fshatin Vreshtas-Maliq. 29-vjeçari u kap në flagrancë me një qese plasmasi të madhe, brenda së cilës ndodheshin edhe 9 kg drogë. Gjithashtu nga kontrolli i ushtruar në banesën e tij, iu gjet një sasi tjetër me peshë 2 kg. Policia ka vazhduar punimet për të identifikuar persona të tjerë të cilët mund të jenë të implikuar në këtë ngjarje. o.j/dita |
| “Të barabartë mes të barabartëve!” Një mijë ushtarakë certifikohen nga NATO Posted: 30 Sep 2018 01:26 AM PDT Forcat e Armatosura të Shqipërisë duke nisur nga dita e sotme kanë një grup batalioni me aftësi të plota luftarake, sipas standardeve të NATO-s. Në fund të stërvitjes një javore "Albania Lion/Biza 18", ku morën pjesë mbi 1 mijë e 200 trupa e mjete ushtarake, Grup- Batalioni i Këmbësorisë së Lehtë u çertifikua si "Combat Ready" (i gatshëm për luftë), nën monitorimin e ekspertëve të NATO. Në stërvitje mori pjesë edhe ministrja e Mbrojtjes, Olta Xhaçka, e cila në fjalën e saj u shpreh FA-të kanë shënuar një pikë kthese në historinë e tyre, duke u renditur të barabartë mes të barabartëve. "Çertifikimi, nga ana e NATO-s, i Grup Batalionit të Lehtë të Këmbësorisë dhe deklarimi i tij, (Combat Ready), "I gatshëm për luftë" shënon përmbushjen e pjesës më të rëndësishme të detyrave tona të shtëpisë, detyrimeve të Paketës së Objektivave të Kapaciteteve të vendit tonë ndaj Aleancës. Ndaj pa frikë mund ta quajmë këtë hop cilësor, një eveniment historik në marrëdhëniet tona me NATO-n", theksoi më tej, ministrja Xhaçka. Më tej, ministrja Xhaçka nënvizoi se progresi është i prekshëm dhe ambicia do të jetë modernizimi i plotë strukturave të FA. “Forcat e Armatosura i dalin zot çdo pune dhe detyre që ju ngarkohet. Ashtu siç dinë të kryejnë operacione luftarake dhe paqeruajtëse, ashtu dinë edhe të kryejnë shërbime, atje ku të tjerët e kanë të pamundur. Të tillë jeni ju, të gatshëm në çdo kohë në shërbim të qytetarëve dhe të vendit. Falë këtij shembulli që ju keni vendosur, të rinjtë dhe të rejat që do të zgjedhin forcat tona të armatosura, e që do t'i bashkohen shumë shpejt shkollës së NATO-s, do të kenë shumë më tepër arsye për t'u afruar e shumë më tepër hapësira për të ngjitur shkallët e karrierës së profesioneve të ndryshme në Forcat e Armatosura njësoj si kolegët tanë të Aleancës“. Grup- Batalioni i Këmbësorisë së Lehtë (GBKL) gjatë stërvitjes certifikuese “Albanian Lion/Biza 18”, iu nënshtrua një sërë skenarësh, të përgatitur mbi praktikat më të mira të vendeve të NATO dhe të bazuar në doktrinat e Aleancës për sa i takon GBKL, duke testuar kapacitetet operacionale që ata zotërojnë, por edhe për aftësitë e tyre profesionale në fushën e luftimit. o.j/dita |
| Shpejtësi e frikshme në Tiranë – Durrës, Policia Rrugore: Familja ju pret Posted: 30 Sep 2018 01:11 AM PDT Policia Rrugore ka ushtruar kontrolle me radarë në rrugën interurbane Tiranë-Durrës me qëllim parandalimin e aksidenteve rrugore. Gjatë kontrolleve është ndaluar një 28-vjeçar nga Preza, i cili po udhëtonte me 225 km/h. Në postimin e tyre, Policia Rrugore shkruan se kjo shpejtësi është vrasëse, papërgjegjshmëri ndaj jetës, rrezik potencial edhe për jetën e përdoruesve të rrugës. Sipas tyre, policia nuk ka qëllim gjobat por ka prioritet sigurinë e jetës së përdoruesve të rrugës. Në fund të ata i dërgojnë një mesazh drejtuesve të mjeteve: “Mos shpejtoni të dërgoni patentën në shtëpi por ecni brenda limiteve që të shkoni me patentën në shtëpi se familja ju pret” o.j/dita |
| Meta e Haradinaj, takim në Nju Jork Posted: 30 Sep 2018 12:57 AM PDT Gjatë qëndrimit në Nju Jork, Presidenti Ilir Meta dhe kryeministri i Kosovës Ramush Haradinaj kanë zhvilluar një takim jo formal. Haradinaj ka publikuar një foto dhe një status në rrjetet sociale, ku thekson se gjatë bisedës u konfirmua vendosmëria e dy vendeve për ta çuar përpara axhendën euro-atlantike. Reagimi i plotë i Haradinajt në Facebook: Kosova dhe Shqipëria janë në të njëjtin kurs të përcaktimit euro-atlantik dhe miqësisë së përhershme me Amerikën. Në këtë frymë u zhvillua edhe agjenda e ngjeshur gjatë vizitës zyrtare në ShBA. Në një takim rasti me Presidentin e Shqipërisë, Ilir Meta, rikonfirmuam se vendosmëria jonë për ta çuar përpara agjendën euro-atlantike mbetet e palëkundur. o.j/dita |
| Zyrtarët më të paguar në Shqipëri, nga 1 janari pagë 3 mln lekë (Lista) Posted: 30 Sep 2018 12:47 AM PDT Nga 1 janari i vitit 2019, pagat e njerëzve të drejtësisë shqiptare, të cilët kanë kaluar dhe që do të kalojnë me sukses sfidën e trefishtë të Vetingut, do të trefishohen. Nëse aktualisht, paga mesatare për gjyqtarët dhe prokurorët është nga 100 deri në 130 mijë lekë në muaj, pas 1 janarit 2019, paga mesatare do të bëhet nga 280 deri në 380 mijë lekë në muaj, duke u bërë njerëzit më të paguar në Shqipëri, madje mbi Presidentin dhe kryeministrin. Paga e anëtarëve të Gjykatës Kushtetuese dhe Gjykatës së Lartë do të rritet deri në 380 mijë lekë në muaj ose 3 333 USD në muaj. Rritje page do të përfitojnë vetëm gjyqtarët dhe prokurorët, të cilët janë konfirmuar në detyrë me një vendim të Komisionit të Pavarur të Kualifikimit që ka marrë formë të prerë apo me vendim të Kolegjit të Posaçëm të Apelimit. Hyrja në fuqi e pagave të reja për njerëzit e drejtësisë që kalojnë Vetingun parashikohet në pikën 6, të nenit 169 të ligjit për statusin e gjyqtarëve dhe prokurorëve. Pika 6 parashikon që magjistrati që ka kaluar procesin e rivlerësimit pas datës 1 janar 2019 gëzon të drejtën për të marrë diferencën mes pagës dhe përfitimeve të tjera, sipas parashikimeve ligjore të zbatueshme para hyrjes në fuqi të këtij ligji dhe pagës dhe përfitimeve të tjera, sipas parashikimeve të këtij ligji, brenda tre muajve nga vendimi i formës së prerë të rivlerësimit. Kjo pikë është lënë në fuqi edhe nga vendimi numër 35, datë 18.04.2017, i Gjykatës Kushtetuese. Krahas gjyqtarëve dhe prokurorëve që kanë kaluar dhe do të kalojnë Vetingut, siç shkruan shqiptarja.com, paga të larta do të vijojnë të marrin edhe anëtarët e komisioneve të Vetingut. Paga reale bruto e kryetares së Komisionit të Pavarur të Kualifikimit, organit më të rëndësishëm të Vetingut, është zyrtarisht 395,376 lekë, ndërsa paga neto është 305.400 lekë në muaj. Paga bruto e anëtarëve të Komisionit të Pavarur të Kualifikimit është 372,661 lekë në muaj, ndërsa paga neto është 288.296 lekë në muaj. Gjyqtarët dhe prokurorët që përfitojnë rritje paga nga 1 janari Arta Marku, Prokurore e Përgjithshme e përkohshme Vitore Tusha, anëtare e Gjykatës Kushtetuese Medi Bici, gjyqtar pranë Gjykatës së Lartë Tiranë Ardian Dvorani, gjyqtar pranë Gjykatës së Lartë Marçela Shehu, gjyqtare në Gjykatën e Rrethit Gjyqësor Kurbin Anila Leka, prokurore në Prokurorinë e Përgjithshme Manjola Xhaxho, gjyqtare në Gjykatën e Rrethit Gjyqësor Tiranë Fatjona Memçaj, prokurore pranë Prokurorisë së Apelit Tiranë Dritan Prençi, Prokuror në Prokurorinë pranë Gjykatës së Shkallës së Parë për Krimet Vate Staka, prokuror në Prokurorinë e Shkodrës Brikena Ukperaj, gjyqtare në Gjykatën e Apelit Vlorë Dritan Hallunaj, gjyqtar në Gjykatën e Shkallës së Parë për Krimet e Rënda Besnik Muçi, prokuror pranë Prokurorisë për Krimet e Rënda Kostaq Beluri, Prokuroria e Përgjithshme Ilir Toska, Gjykata e Apelit Tiranë Arben Dollapaj, prokuror në Prokurorinë pranë Gjykatës së Apelit Artur Malaj, Gjykata Administrative të Apelit Gentian Osmani, Prokuroria e Krimeve të Rënda Xhezair Zaganjori, kryetar i Gjykatës së Lartë, konfirmuar nga KPK, ankimuar në Kolegj Bashkim Dedja, kryetar i Gjykatës Kushtetuese, konfirmuar nga KPK, ankimuar në Kolegj Edmond Islamaj, gjyqtar i Gjykatës së Lartë, konfirmuar nga KPK, ankimuar në Kolegj Nertina Kosova, gjyqtare pranë Gjykatës së Apelit për Krimet e Rënda, konfirmuar nga KPK, ankimuar në Kolegj Gentjan Medja, Gjykata Administrative Shkalla e Parë, konfirmuar nga KPK, ankimur në Kolegj Astrit Faqolli, gjyqtar pranë Gjykatës së Rrethit Gjyqësor Tiranë, konfirmuar nga KPK, ankimuar në Kolegj Antoneta Sevdari, Prokuroria e Tiranë, konfirmuar nga KPK, ankimuar në Kolegj Alma Brati, gjyqtare pranë Gjykatës së Rrethit Gjyqësor Tiranë, konfirmuar nga KPK, ankimuar në Kolegj Pagat e anëtarët të Komisionit të Pavarur të Kualifikimit Genta Tafa (Bungo), kryetare, 395,376 lekë Alma Faskaj, komisionere, 372,661 lekë Brunilda Bekteshi, komisionere, 372,661 lekë Etleda Çiftja, komisionere, 372,661 lekë Firdes Shuli, komisionere, 372,661 lekë Lulzim Hamitaj, komisioner, 372,661 lekë Olsi Komici, komisioner, 372,661 lekë Pamela Qirko, komisionere, 372,661 lekë Roland Ilia, komisioner, 372,661 lekë Suela Zhegu, komisionere, 372,661 lekë Valbona Sanxhaktari, komisionere, 372,661 lekë Xhensila Pine, komisionere, 372,661 lekë Pagat e anëtarëve të Kolegjit të Posaçëm të Kualifikimit Natasha Mulaj, 436.851 lekë Albana Shtylla, 436.851 lekë Ardian Hajdari, 436.851 lekë Ina Rama, 436.851 lekë Luan Daci, 436.851 lekë Rezarta Schuetz, 436.851 lekë Sokol Çomo, 436.851 lekë Kategoritë që përfitojnë rritje page Të gjithë gjyqtarët dhe prokurorët që kanë kaluar dhe që do të kalojnë Vetingun. Anëtarët e Këshillit të Lartë të Drejtësisë Anëtarët e Këshillit të Lartë të Prokurorisë Hetuesit e Byrosë Kombëtare të Hetimit Prokurorët e Prokurorisë së Posaçme Gjyqtarët e Gjykatave Speciale Anëtarët e Komisionit të Pavarur të Kualifikimit (vijon zbatimi) Anëtarët e Kolegjit të Posaçëm të Apelimit (vijojë zbatimi)
o.j/dita |
| Familjet në nevojë, Rama, Linda dhe Zaho, bashkë drejt Stambollit me “Air Albania” Posted: 30 Sep 2018 12:38 AM PDT Kompania 'Air Albania' ka bërë fluturimin e radhës, por kësaj here në bordin e avionit ka qënë edhe kryeministri Rama, bashkëshortja e tij Linda dhe djali i tyre i vogël, Zahon. Me anë të një postimi në Facebook, Rama ka publikuar vidoen e udhëtimit me fëmijë dhe njerëz të cilët trajtohen me ndihmë ekonomike. Gjatë udhëtimit të tyre për në Stamboll, Rama ndau për ta edhe tortën. Postimi i Ramës në Facebook: "MIRËMËNGJES dhe me këtë udhëtim krejt të pazakonshëm në krahët e AIR ALBANIA që me siguri do t’ju pëlqejë edhe juve për kaq sa do shihni, ju uroj një të dielë super", shkruan Rama. Për më tepër ndiqni videon |
| Indonezi, shkon në 832 numri i viktimave nga tërmeti e cunami Posted: 30 Sep 2018 12:28 AM PDT Numri i viktimave nga tërmeti dhe cunami i shkaktuar prej tij në ishullin indonezian të Sulawesit është rritur në mënyrë drastike në 832 jetë të humbura. Lajmi është konfirmuar këtë të dielë nga Agjencia Kombëtare për Zbutjen e Katastrofave, që shtoi gjithashtu se edhe zonat e prekura janë më të gjera nga sa mendohej fillimisht. Shumë persona raportohen të kenë mbetur të bllokuar nën rrënojat e ndërtesave të rrëzuara prej tërmetit me magnitudë 7.5 që goditi vendin të premten, e vetëm pak më vonë shkaktoi edhe një cunam me dallgë 6 metra të larta. Në konferencën për shtyp, zëdhënësi i agjencisë në fjalë, Sutopo Purwo Nugroho tha gjithashtu se ekipet e kërkim-shpëtimit po gërmojnë me duar në përpjekjet e ethshme dhe të pandalshme për të mbijetuar në qytetin indonezian të Palusë. Shqetësim të madh përbën në fakt fati i qytezës Donggala, ku ende mbetet i paqartë impakti nga tërmeti dhe cunami i së premtes. o.j/dita |
| Referendumi në Maqedoni, nis votimi Posted: 30 Sep 2018 12:19 AM PDT Prej orës 07:00 të mëngjesit të sotëm janë hapur qendrat e votimit në Maqedoni për referendumin që ka të bëjë me ndryshimin e emrit të shtetit. Autoritetet maqedonase kanë bërë me dije se të drejtë vote kanë 1.806.336 qytetarë. Qendrat e votimit do të jenë të hapura deri në orën 19:00. Vota e sotme në referendum konsiderohet historike sa i përket aspiratave të Maqedonisë në rrugën drejt Bashkimit Europian dhe NATO. Në fletën e votimit, qytetarët do të zgjedhin pro apo kundër ndryshimit të emrit në "Maqedonia Veriore" në kuadër të marrëveshjes me Greqinë. Një numër i lartë vëzhguesish ndërkombëtarë dhe vendas po monitorojnë të gjithë këtë proces. Autoritetet më të larta të Bashkimit Europian dhe të Shteteve të Bashkuara të Amerikës u kanë bërë thirrje qytetarëve të Maqedonisë që të votojnë pro ndryshimit të emrit, në mënyrë që vendi të vazhdojë në rrugën euroatlantike. o.j/dita |
| “Ata që qeshën me Trump në OKB, kanë për t’u penduar rëndë” Posted: 30 Sep 2018 12:01 AM PDT Ishte një e qeshur që u dëgjua në të gjithë botën. o.j/dita |
| You are subscribed to email updates from Gazeta Dita. To stop receiving these emails, you may unsubscribe now. | Email delivery powered by Google |
| Google, 1600 Amphitheatre Parkway, Mountain View, CA 94043, United States | |
Lexo edhe:
