“Mou nuk i shpëtoi pyetjes për paraqitjen dëshpëruese të Pogbas ndaj West Hamit: Ai u përpoq” plus 9 more Telegrafi Futboll
“Mou nuk i shpëtoi pyetjes për paraqitjen dëshpëruese të Pogbas ndaj West Hamit: Ai u përpoq” plus 9 more Telegrafi Futboll |
- Mou nuk i shpëtoi pyetjes për paraqitjen dëshpëruese të Pogbas ndaj West Hamit: Ai u përpoq
- Klopp shpjegon zëvendësimin e Salahut: Nuk është i lënduar
- Pas Shaqirit, Klopp diskutim tensionues edhe me Van Dijkun
- Real 0-0 Atletico, notat e lojtarëve në derbin e javës në La Liga
- Inter 2-0 Cagliari, notat e lojtarëve
- Derbi i Madridit përfundon pa fitues
- Fitorja e tretë radhazi në Serie A, Interi mposht Cagliarin
- Zyrtare: Marotta largohet nga Juventusi
- Chelsea 1-1 Liverpool, nota e Shaqirit dhe të tjerëve
- Liverpooli vazhdon pa humbje, luan baras me Chelsean në derbin e javës në Ligën Premier
Mou nuk i shpëtoi pyetjes për paraqitjen dëshpëruese të Pogbas ndaj West Hamit: Ai u përpoq Posted: 29 Sep 2018 03:08 PM PDT Tema më e diskutueshme në botën e futbollit në javën e fundit është raportet jo të mira mes Jose Mourinhos dhe Paul Pogbas. Para stërvitjes ndaj West Hamit, kamerat kishin kapur një moment kur Special One po i fliste me ashpërsi yllit francez. Duket se kjo ndikoi në paraqitjen e Pogbas në fushë ndaj West Hamit, teksa Djajtë e Kuq humbën në fund me rezultat 3-1. Ish-mesfushori i Juventusit u zëvendësua nga Mourinho në minutën e 70-të dhe në vend të tij u fut Fred. Në momentin e zëvendësimit 25-vjeçari dhe Mou kishin një përshëndetje, por në fytyrën e lojtarit shikohej një dëshpërim i madh. Kjo për shkak të raporteve me trajnerin e tij dhe se nuk arriti të ndihmojë skuadrën e tij, e posaçërisht dyshen e mesfushës Nemanja Matic dhe Marouane Fellaini. I pyetur nga gazetarët për paraqitjen e Pogbas, Mourinho shkurtimisht tha: “Ai u përpoq”. Portugezi vazhdoi i pakënaqur me atë që përjeton te Unitedi aktualisht: “Kam ankesa për kualitetin dhe qasjen mendore. Duhet të përpiqesh gjithmonë, kjo është natyra im si një profesionist futbolli”. Ndeshja e ardhshme e Man Utd në Ligën Premier është kundër Newcastle Unitedit. /Telegrafi/ The post Mou nuk i shpëtoi pyetjes për paraqitjen dëshpëruese të Pogbas ndaj West Hamit: Ai u përpoq appeared first on Telegrafi. |
Klopp shpjegon zëvendësimin e Salahut: Nuk është i lënduar Posted: 29 Sep 2018 02:43 PM PDT Trajneri i Liverpoolitm, Jurgen Klopp, foli pas barazimit 1-1 ndaj Chelseat dhe normalisht nuk mungoi pyetja rreth zëvendësimit të Mohamed Salah në minutën e 66-të. Trajneri gjerman me pak fjalë tentoi të shpjegojë se largimi nga loja i egjiptianit nuk erdhi për shkak të ndonjë lëndimi, por thjesht nuk ishte i kënaqur me mënyrën e lojës. “Salah nuk është i lënduar. E di që njerëzit do të tentojnë të bëjnë bujë me këtë”. “Nuk ishte ndeshja më e mirë e Mo në karrierë. Ai vazhdimisht futet në situata dhe kjo e bën atë lojtar të klasit botëror”. “Ai dëshiron të jetë vendimtar”. ka thënë Klopp pas ndeshjes në Stamford Bridge . Në vend të Salah u fut Xherdan Shaqiri, i cili asistoi te goli i barazimit i shënuar nga Daniel Sturridge. Ndeshja e ardhshme e Reds është kundër Manchester Cityt dhe natyrisht që Klopp si dhe gjithë tifozët e Liverpoolit presin një paraqitje të madhe nga Salah. /Telegrafi/ The post Klopp shpjegon zëvendësimin e Salahut: Nuk është i lënduar appeared first on Telegrafi. |
Pas Shaqirit, Klopp diskutim tensionues edhe me Van Dijkun Posted: 29 Sep 2018 02:19 PM PDT Në javën e fundit një nga temat më të përfolura ishte diskutimi në fushë mes Jurgen Klopp dhe Xherdan Shaqirit pas humbjes ndaj Chelseat në Carabao Cup. Por, pasi kjo u bë temë në media dhe në rrjetet sociale, dyshja e Liverpoolit dolën dhe qartësuan çdo gjë. Trajneri gjerman tha se e gjitha ishte për arsye taktike dhe se ai nuk ka asnjë problem me lojtarin nga Kosova. Gjithsesi, pas barazimit 1-1 ndaj Bluve në Ligën Premier, një gjë të tillë e përsëriti prapë Klopp. Këtë herë ‘viktima’ e një diskutimi paksa të ashpër ishte mbrojtësi holandez, Virgil Van Dijk. Klopp njihet për karakterin e tij impulsiv dhe dëshiron maksimumin nga lojtarët e tij, posaçërisht nga 27-vjeçari që në fundin e ndeshjes ishte edhe kapiten. Nuk duhet harrojmë se holandezi është mbrojtësi më i shtrenjtë në histori të futbollit, por që nga ardhja e tij mbrojta e Liverpoolit ka pësuar një transformim për të mirë. /Telegrafi/ The post Pas Shaqirit, Klopp diskutim tensionues edhe me Van Dijkun appeared first on Telegrafi. |
Real 0-0 Atletico, notat e lojtarëve në derbin e javës në La Liga Posted: 29 Sep 2018 02:00 PM PDT Real Madrid dhe Atletico Madrid kanë luajtur baras 0-0 në ndeshjen e vlefshme për javën e shtatë në La Liga. Mbretërit nuk kanë arritur të fitojnë derbin e madh lokal ndaj Los Colchoneros, edhe pse ky u zhvillua në Santiago Bernabeu. Kështu, pas 90 minutave lojë të dy skuadrat u desh të kënaqen me nga një pikë për të qëndruar në hap me liderin, Barcelonën. Lojtari më i vlerësuar i kësaj ndeshje ishte portieri i vendasve, Thibaut Courtois, i cili u vlerësua me notë 7.8. në anën tjetër, nota më e ulët e kësaj ndeshje shkoi për sulmuesi mysafirë, Diego Costa që u notua me 6.0. /Telegrafi/ Real Madrid: Atletico Madrid:
The post Real 0-0 Atletico, notat e lojtarëve në derbin e javës në La Liga appeared first on Telegrafi. |
Inter 2-0 Cagliari, notat e lojtarëve Posted: 29 Sep 2018 01:46 PM PDT Interi ka arritur të fitojë ndaj Cagliarit me rezultat 2-0 në ndeshjen e vlefshme për javën e shtatë të Serie A. Skuadra e drejtuar nga Luciano Spalletti tani po hynë në formë të mirë pasi ka arritur të marr edhe fitoren e tretë radhazi në kampionat. Golat në këtë fitore të Nerazzurrëve u shënuan nga Lautaro Martinez (12′) dhe Matteo Politano (89′). Lojtari më i vlerësuar i ndeshjes ishte pikërisht italiani, Politano, i cili u vlerësua me notë 8.2. Në anën tjetër, nota më e ulët në këtë ndeshje shkoi për mesfushorin e Cagliarit, Artur Ionita që u notua me 6.1. /Telegrafi/ Inter: Cagliari:
The post Inter 2-0 Cagliari, notat e lojtarëve appeared first on Telegrafi. |
Derbi i Madridit përfundon pa fitues Posted: 29 Sep 2018 01:40 PM PDT Derbi numër 163 mes Real Madridit dhe Atletico Madridit në Santiago Bernabeu ka përfunduar pa gola. Los Blancos kontrolluan topin, por shanse për gol kishte nga të dy anët. Shansin e parë serioz për gol e kishte Atletico me anë të Antoine Griezmann në minutën e 18-të, por Thibaut Courtois nuk lejoi që të tundet rrjeta e portës së tij. Gareth Bale lëshoi një shans për gol në minutën e 21-të, ndërsa ishte edhe një herë Courtois që ia mohoi golin mysafirëve, këtë herë Diego Costas (37′) dhe me rezultatin 0-0 përfunduan 45 minutat e parë. Në pjesën e dytë rastin më të mirë për gol e kishte Marco Asensio, spanjolli nuk arriti të shënojë në portën e Jan Oblak në minutën e 66-të. Pas kësaj fitore Real Madridi ngjitet në vendin e dytë me 14 pikë (aq sa Barcelona), kurse Atletico në pozitën e katër me 12 pikë. Ndeshja e ardhshme e Los Blancos është kundër Alaves, kurse skuadra e Diego Simeones luan ndaj Real Betisit. /Telegrafi/ The post Derbi i Madridit përfundon pa fitues appeared first on Telegrafi. |
Fitorja e tretë radhazi në Serie A, Interi mposht Cagliarin Posted: 29 Sep 2018 01:24 PM PDT Interi ka arritur të fitojë ndaj Cagliarit me rezultat 2-0 në ndeshjen e vlefshme për javën e shtatë të Serie A dhe vulos formën e mirë tani me tri fitore radhazi. Pjesa e parë e ndeshjes i takoi në tërësi vendasve të Interit, të cilët përveç rasteve të krijuara arritën ta gjejnë edhe rrugën e rrjetës. Luhej minuta e 12-të e ndeshjes kur në skenë doli Lautaro Martinez, i cili shënoi një gol të bukur me kokë për 1-0 pas asistimit të Henrique Dalbert. Në vazhdim të kësaj pjesë, Interi menaxhoi mirë lojën dhe shkoi në pushim me epërsi minimale. Në pjesën e dytë, Interi përsëri ishte më e mirë, por edhe Caglari pati rastet e veta të rrezikshme teksa gjeti edhe golin, por që iu anulua nga VAR-i pasi pati lojë me dorë. Andrea Candreva (65′) pati rastin më të mirë për Interin, por goditja e tij u prit nga portieri, ndërsa golin e anuluar për Cagliarin e shënoi Daniele Dessena (73′).
Kur pritej që ndeshja të përfundonte në skenë doli Matteo Politano, i cili shënoi një supergol për 2-0 dhe me këtë vulosi rezultatin përfundimtar.
Pas kësaj fitore, Nerazzurrët tani kanë 13 pikë në vendin e katërt, ndërsa Cagliari në vendin e 16-të me gjashtë pikë. Në ndeshjen e radhës, zikaltrit udhëtojnë te SPAL-it, teksa klubi nga Sardenja e pret në shtëpi Bolognan. /Telegrafi/
The post Fitorja e tretë radhazi në Serie A, Interi mposht Cagliarin appeared first on Telegrafi. |
Zyrtare: Marotta largohet nga Juventusi Posted: 29 Sep 2018 12:38 PM PDT Drejtori i përgjithshëm, Beppe Marotta ka konfirmuar se do të largohet nga Juventusi më 25 tetor, por jo për tu bërë president i Federatës Italiane të futbollit [FIGC]. Marotta ka treguar tashmë se do të largohet nga Zonja e Vjetër, pas tetë viteve të kaluara me klubin nga Torino, ku nuk munguan sukseset dhe trofetë. “Ka qenë një sukses i jashtëzakonshëm tetëvjeçar, Juventusi do të jetë gjithmonë në zemrën time”, ka thënë fillimisht Marotta për Sky Sport Italia. “Dua të ju njoftoj për këtë, sepse një listë e drejtorëve do të dalë të hënën dhe emri im nuk do të jetë në të”. “Mendoj se ishte e drejtë të tregoja dhe të jepja lajmin para se dikush të përpiqet të krijojë një version tjetër të largimit tim”. “Fundi u kontratës sime është më 25 tetor dhe nuk do të rinovohet. Do të mbetem si drejtor i përgjithshëm i zonës sportive. Për sa kohë është një detaj, ne do të vendosim me Presidentin”. “Unë mund ta përjashtoj kategorikisht raportet që do të jem kandidat për presidencën e FIGC-së. Kjo nuk është një përvojë që më intereson”. “Ne do të shpjegojmë më në detaje më vonë, por kjo është ajo që ndjeva nevojën për të konfirmuar tani. Është një moment emocional”, përfundoi italiani. Në kohën e tij në Juventus, Marotta fitoi shtatë tituj të Serie A, katër trofe të Coppa Italia, tre Superkupa Italiane dhe ishte dy herë në Finalen e Ligës së Kampionëve. /Telegrafi/ The post Zyrtare: Marotta largohet nga Juventusi appeared first on Telegrafi. |
Chelsea 1-1 Liverpool, nota e Shaqirit dhe të tjerëve Posted: 29 Sep 2018 11:42 AM PDT Chelsea dhe Liverpooli kanë barazuar me rezultat 1-1 në ndeshjen derbi të javës së shtatë në Ligën Premier. Reds kanë vazhduar serinë pozitive edhe pas ndeshjes së shtatë duke mbetur të pamposhtur me gjashtë fitore e një barazim deri më tani. Golat në këtë ndeshje u shënuan nga Eden Hazard (25′) për vendasit, ndërsa për mysafirët shënoi Daniel Sturrdige (89′). Lojtari më i vlerësuar në këtë ndeshje ishte ylli belg Hazard, i cili u notua me 8.4, ndërsa nota më e ulët shkoi për Victor Moses që u notuan me 5.8. Në këtë ndeshje nga minuta e 66-të luajti edhe ylli me prejardhje shqiptare, Xherdan Shaqiri, i cili pati një paraqitje deri diku të mirë dhe u vlerësua me notë 6.4. /Telegrafi/ Chelsea: Liverpool:
The post Chelsea 1-1 Liverpool, nota e Shaqirit dhe të tjerëve appeared first on Telegrafi. |
Liverpooli vazhdon pa humbje, luan baras me Chelsean në derbin e javës në Ligën Premier Posted: 29 Sep 2018 11:20 AM PDT Chelsea dhe Liverpooli kanë barazuar me rezultat 1-1 në ndeshjen derbi të javës së shtatë në Ligën Premier. Pjesa e parë e ndeshjes ishte thuajse e barabartë nga të dyja skuadrat, të cilat patën raste të mira, por vendasit bënë diferencën duke gjetur edhe golin. Pas një rasti të humbur nga Willian (22′), në skenë doli Eden Hazard (25′), i cili shënoi për 1-0 pas një asistimi të mirë të Mateo Kovacic. Liverpooli pati rast të mirë të barazojë me anë të Mohamed Salah (32′), por egjiptiani gaboi edhe pse arriti të kalojë portierin kundërshtar. Në pjesën e dytë, përsëri u zhvillua lojë e hapur, e barabartë dhe me shumë raste nga të dyja skuadrat. Mysafirët provuan me anë të Sadio Mane (59′), ndërsa vendasit me Hazard (64′), por asnjëri nuk arriti të ndryshojë shifrat. Rastin më të mirë në këtë pjesë e pati ylli shqiptar, Xherdan Shaqiri (70′), por gjilanasi nuk goditi mirë dhe rezultati mbeti i pandryshuar. Në minutat e mbetur të ndeshjes, Reds u munduan shumë të gjejnë golin e barazimit dhe atë e gjetën në minutën e 89-të me anë të Daniel Sturridge, i cili shënoi një supergol për 1-1 pas asistimit të Shaqirit dhe vulosi rezultatin përfundimtar të ndeshjes.
Pas këtij barazimi, Chelsea ka 17 pikë në vendin e tretë, ndërsa Liverpooli gjendet në pozitën e dytë me 19 pikë. Në ndeshjen e radhës, Blutë e Londrës luajnë në udhëtim te Southamptoni, ndërsa Liverpooli e pret Manchester Cityn. /Telegrafi/
The post Liverpooli vazhdon pa humbje, luan baras me Chelsean në derbin e javës në Ligën Premier appeared first on Telegrafi. |
You are subscribed to email updates from Futboll – Telegrafi. To stop receiving these emails, you may unsubscribe now. | Email delivery powered by Google |
Google, 1600 Amphitheatre Parkway, Mountain View, CA 94043, United States |
Lexo edhe: