“LIVE: Dita e fundit e afatit kalimtar veror në Ligën Premier” plus 9 more Telegrafi Futboll |
- LIVE: Dita e fundit e afatit kalimtar veror në Ligën Premier
- Zyrtare: Kepa nënshkruan me Chelsean për një shumë rekorde
- Firmino dhuroi 66 mijë euro për të shpëtuar jetën dy tifozëve me sëmundje të rrallë gjenetike
- Costa: Ronaldo do ta dërgojë Juven në një nivel tjetër
- Osmani: Shkëndija e nisi ndeshjen keq dhe nuk i shfrytëzoi rastet
- Agjenti: Juve i ka refuzuar të gjitha ofertat për Ruganin
- Balotelli i hapur për kalimin te Napoli, por jo rikthim te Interi
- Zyrtare: Courtois te Reali, Kovacic te Chelsea
- Salzburgu ia shënon tre gola Shkëndijës
- Nainggolan mund të mungojë në ndeshjen e parë të Interit në Serie A
| LIVE: Dita e fundit e afatit kalimtar veror në Ligën Premier Posted: 08 Aug 2018 03:15 PM PDT Klubet e Ligës Premier po i bëjnë zyrtarizimet e fundit për afatin kalimtar veror të vitit 2018. Për dallim nga vitet e kaluara, këtë vit është vendosur që afati kalimtar të mbyllet para fillimit të sezonit të ri në futbollin anglez, i cili nis të premten. Pas mbylljes së afatit kalimtar veror të këtij viti (e enjte, 9 gusht, ora 18:00), klubet nga elita e futbollit anglez nuk mund të blejnë më lojtarë, por do të mund të shesin futbollistë në ligat tjera, derisa afatet kalimtare të jenë të hapura. Tashmë klubet e Ligës Premier e kanë kaluar shifrën prej një miliard funtesh (1.11 miliard euro), por vështirë se mund ta thyejnë rekordin e vitit të kaluar prej 1.4 miliard funtesh (1.55 miliard euro). Klubet nga ligat tjera angleze (Championship, League One dhe League Two) mund të huazojnë futbollistë apo mund të nënshkruajnë me lojtarë të lirë deri më 31 gusht. Si gjithmonë, Telegrafi do t’ju mbajë të informuar për secilin detaj në kohë reale në lidhje me zyrtarizimet deri në mbyllje të afatit të sivjetmë kalimtar veror në Ligën Premier. Lajme Live3 orë më parë Arsyeja e mbylljes së hershme të afatit kalimtar në Ligën Premier Në shtatorin e vitit 2017, klubet votuan që afati kalimtar të mbyllej para se të fillonte sezoni. Trajnerët janë ankuar se blerja e lojtarëve pasi të ketë filluar sezoni, shkakton çrregullime në skuadrat e tyre, si edhe në përgatitjet e ndeshjeve. Dhe meqenëse të premten fillon sezoni 2018/2019 në Ligën Premier, u vendos që e enjtja (9 gusht) të ishte dita e fundit për blerjen e lojtarëve nga klubet elitare angleze për këtë afat kalimtar veror.
Megjithatë, u vendos që klubet të kenë të drejtë të shesin lojtarë deri më 31 gusht (kur edhe është afati përfundimtar i vendosur nga FIFA). Edhe Italia ka një përfundim të ri të afatit kalimtar, i cili përfundon të premten më 17 gusht, një ditë para fillimit të sezonit të ri në Serie A. Spanja, Gjermania dhe Franca i kanë lënë hapur afatet e transferimeve deri më 31 gusht. 3 orë më parë Ky afat kalimtar ka shënuar rënie në numrin e transferimeve Nga viti 2014, çdo vit ka pasur rënie në numrin e lojtarëve të transferuar. Në qershor të këtij viti ka pasur 27 lojtarë të transferuar (një më shumë se në vitin 2015), mirëpo në korrik ka shënuar rënie – vetëm 37, në krahasim me 52, 57, 46 dhe 55, në krahasim me katër vitet e mëparshme. Gjatë gushtit (para ditës së fundit) janë transferuar vetëm 14 lojtarë.
3 orë më parë Klubet që kanë shpenzuar më së shumti deri më tani (në funte) Liverpooli është klubi që ka shpenzuar më së shumti në këtë afat kalimtar, 158 milionë funte (175 milionë euro).
3 orë më parë Opsionet e Manchester Unitedit Jose Mourinho dëshiron së paku edhe një transferim te Manchester Unitedi para mbylljes së afatit kalimtar. Shënjestrat e Djajve të Kuq për mbrojtjen  Jose Mourinho (Foto: Getty Images) Jerome Boateng (Bayern Munich) Harry Maguire (Leicester City) Toby Alderweireld (Tottenham Hotspur) Yerry Mina (Barcelona) Boateng duket si opsioni më i mundshëm. 3 orë më parë Transferimi më i shtrenjtë i kësaj vere në Ligën Premier Transferimi më i madh i kësaj vere në Ligën Premier ndodhi të mërkurën, kur Chelsea e transferoi portierin Kepa Arrizabalaga nga Athletic Bilbao për 71 milionë funte (78.76 milionë euro).
Ky ishte një rekord transferimi për Blutë, por edhe një rekord botëror për një portier duke tejkaluar Liverpoolin që shpenzoi 66.8 milionë funte (74 milionë euro) për transferimin e Alissonit nga Roma. 3 orë më parë Spekulime: Tetë lojtarët që mund të ndërrojnë ambient A do të bëjë Tottenhami më në fund ndonjë transferim, a do të mbetet Anthony Martial te Manchester Unitedi? Më poshtë jua sjellim disa emra të tjerë që mund të ndërrojnë klube.  Toby Alderweireld (Foto: Getty Images) Toby Alderweireld (Tottenham Hotspur) – është lidhur me Manchester Unitedin Danny Ings (Liverpool) – është lidhur me Crystal Palace, Southampton, Leicester City, Newcastle United Harry Maguire (Leicester City) – është lidhur me Manchester Unitedin Anthony Martial (Manchester United) – është lidhur me Tottenham Hotspur, Chelsea, Paris Saint-Germain  Anthony Martial (Foto: Getty Images) Aaron Ramsey (Arsenal) – është lidhur me Chelsea, Liverpool Willian (Chelsea) – është lidhur me Barcelonën, Real Madridin, Manchester Unitedin Wilfried Zaha (Crystal Palace) – është lidhur me Borussia Dortmund, Chelsea, Tottenham Simon Mignolet (Liverpool) – është lidhur me Barcelonën, Besiktasin 3 orë më parë Është koha e afatit kalimtar, jeni lojtar i lirë: Te cili klub do të transferoheshit? 3 orë më parë Disa prej transferimeve që mund të ndodhin në ditën e fundit të afatit kalimtar Jerome Boateng – Nga Bayern Munichu te Manchester Unitedi Ousmane Dembele – Nga Barcelona te Manchester Unitedi ose Arsenali Marcos Rojo – Nga Manchester Unitedi te Evertoni Nabil Fekir – Nga Lyoni te Liverpooli ose Chelsea Yerry Mina – Nga Barcelona te Manchester Unitedi ose Evertoni Jack Grealish – Nga Aston Villa te Tottenham Hotspur Alvaro Negredo – Nga Besiktasi te Cardiffi 4 orë më parë La Liga një opsion për Batshuayin? Sipas Gianluca Di Marzio, Valencia ka kontaktuar Chelseat për një transferim të mundshëm të sulmuesit belg, Michy Batshuayi.  Michy Batshuay gjate ndeshjes mes Chelseat dhe Newcastle ne FA Cup (Foto: Getty Images) 4 orë më parë Barcelona ka pak orë në dispozicion që t'ua shesë lojtarët e padëshiruar klubeve të Ligës Premier Afati kalimtar në Spanjës zgjat deri në fund të muajit gusht, por ai i Ligës Premier mbyllet të enjten. Barcelona ka oferta për disa lojtarë të saj pikërisht nga klubet angleze. Janë disa lojtarë të padëshiruar që Blaugranët do të shpresojnë t'ua shesin klubeve nga Liga Premier në çastet e fundit të afatit kalimtar veror. 4 orë më parë Unitedi vazhdon kërkimin për një mbrojtës Djajtë e Kuq pritet të bëjnë një ofertë që do të bind Tottenhamin për Toby Alderweireld. 4 orë më parë Ende ka shpresë për Klopp Liverpooli ende mund të nënshkruajë me Christian Pulisic, Borussia Dortmundi nuk ia ka mbyllur plotësisht dyert skuadrës së Jurgen Klopp 4 orë më parë Disa prej transferimeve të mëdha te klubet e Ligës Premier Xherdan Shaqiri – Nga Stoke City te Liverpooli Kepa Arrizabalaga – Nga Athletic Bilbao te Chelsea Alisson Becker – Nga Roma te Liverpooli Riyad Mahrez – Nga Leicester City te Manchester City Fred – Nga Shakhtar te Manchester United i Naby Keita – Nga RB Leipzig te Liverpooli Fabinho – Nga Monaco te Liverpooli Mateo Kovacic – Nga Real Madridi te Chelsea Richarlison – Nga Watford te Evertoni Felipe Anderson – Nga Lazio te West Hami Jean Michael Seri – Nga Nice te Fulhami Jefferson Lerma – Nga Levante te Bournemouthi 4 orë më parë Chelsea – Fekir Lyoni i ka bërë të ditur Chelseat se nëse dëshirojnë të nënshkruajnë me Nabil Fekir duhet të paguajnë 70 milionë euro.  Nabil Fekir duke i shënuar gol Evertonit në Ligën e Evropës (Foto: Getty Images) 4 orë më parë Besiktasi i vendos çmim Vidas Interesimi i Arsenalit për Domagoj Vidan vazhdon, por Besiktasi tashmë ka lajmuar Topçinjtë se nëse dëshirojnë kroatin duhet të paguajnë 30 milionë euro.  Domagoj Vida duke festuar golin e Ivan Perisic ndaj Anglisë (Foto: Getty Images) 4 orë më parë Evertoni pas dyshesh së Barçës Everton i ka bërë ofertë Barcelonës për Andre Gomes, ndërsa Yerry Mina vazhdon të jetë caku kryesor. 4 orë më parë Zouma drejt Unitedit Sipas L’Equipe, Manchester United ka biseduar me Chelseat për një transferim të mundshëm të mbrojtësit francez, Kurt Zouma.  Kurt Zouma (Foto: Getty Images) 4 orë më parë Rose afër kalimit te Schalke Schalke ka filluar bisedimet me Tottenhamin për huazimin e Danny Rose 5 orë më parë Mesfusha e skuadrave në Ligën Premier për sezonin e ri
5 orë më parë Pesë transferimet më të mëdha të portierëve në histori Tri nga këto transferime kanë ndodhur gjatë verës së 2018
5 orë më parë Zyrtare: Kepa nënshkruan me Chelsean për një shumë rekorde Chelsea ka kompletuar transferim e Kepa Arrizabalaga nga Athletic Bilbao. Lojtari i është bashkuar klubit nga Stamford Bridge për një shumë rekorde për një portier, 71 milionë funte (78.8 milionë euro). 5 orë më parë Zyrtare: Courtois te Reali, Kovacic te Chelsea Real Madrid ka njoftuar blerjen e Thibaut Courtois nga Chelsea. Belgu ka në nënshkruar kontratë gjashtë vjeçare, ndërsa blerja e tij besohet si i ka kushtuar Los Blancos rreth 35 milionë euro. Si pjesë e marrëveshjes është edhe Mateo Kovacic, i cili është huazuar te Chelsea me të drejt blerje. 5 orë më parë Thibaut Courtois kontratë gjashtëvjeçare me Real Madridin Thibaut Courtois është në pritje që Chelsea dhe Real Madridi ta mbyllin marrëveshjen. Sipas HLN, portieri belg nuk është kthyer në stërvitje me klubin londinez. The post LIVE: Dita e fundit e afatit kalimtar veror në Ligën Premier appeared first on Telegrafi. |
| Zyrtare: Kepa nënshkruan me Chelsean për një shumë rekorde Posted: 08 Aug 2018 03:12 PM PDT Chelsea ka kompletuar transferim e Kepa Arrizabalaga nga Athletic Bilbao. Lojtari i është bashkuar klubit nga Stamford Bridge për një shumë rekorde për një portier, 71 milionë funte (78.8 milionë euro). 23-vjeçari kështu kaloi transferimin e Alisson te Liverpooli për 66.8 milionë funte (74.13 milionë euro). Spanjolli ka nënshkruar kontratë shtatë vjeçare me Blutë. Ai erdhi si zëvendësim i Thibaut Courtois, i cili iu bashkua Real Madritit në La Liga. Kepa është numri dy në Përfaqësuesen e Spanjës, pra pas David de Geas të Manchester Unitedit.
Për Bilbanon ka bërë 53 paraqitje në La Liga, kurse për kombëtaren vetëm një. Kepa është lojtari i dytë i madh që largohet nga skuadra spanjolle, gjatë këtij viti në janar ishte larguar edhe mbrojtësi Aymeric Laporte për 63.25 milionë euro. /Telegrafi/
The post Zyrtare: Kepa nënshkruan me Chelsean për një shumë rekorde appeared first on Telegrafi. |
| Firmino dhuroi 66 mijë euro për të shpëtuar jetën dy tifozëve me sëmundje të rrallë gjenetike Posted: 08 Aug 2018 02:36 PM PDT Sulmuesi i Liverpoolit, Roberto Firmino, ka treguar se nuk është vetëm lojtar, por edhe njeri i madh. Braziliani dhe gruaja e tij, Larissa Pereira, kanë dhuruar shumën e nevojshme të parave për të shpëtuar jetën dy tifozëve të vegjël që vuanin nga një sëmundje e rrallë gjenetike. Shuma që çifti dhuruar ishte 60 mijë funte (66.6 mijë euro) dhe për këtë gjest publiku u njoftua nga një postim falënderues i familjarëve në rrjete sociale. Joao de Amorim gjashtë vjeçar dhe Miguel de Amorim vetëm 11 muajsh, janë vëllezërit që do t’i jenë gjithmonë falënderues çiftit Firmino. Familjes braziliani i duheshin 59.132 funte, për të arritur shumë e nevojshme 825,000 funte (915.762 euro). Normalisht që ky gjest i bukur u komentua shumë në rrjete sociale nga tifozët të cilët e shpërndan lajmin me fjalët më të mira të mundshme. Firmono në sezonin e kaluar shënoi 27 gola në 54 paraqitje, duke u bërë kështu një nga lojtarët më të pëlqyer te klubi nga Anfieldi. /Telegrafi/ The post Firmino dhuroi 66 mijë euro për të shpëtuar jetën dy tifozëve me sëmundje të rrallë gjenetike appeared first on Telegrafi. |
| Costa: Ronaldo do ta dërgojë Juven në një nivel tjetër Posted: 08 Aug 2018 02:16 PM PDT Douglas Costa beson se Cristiano Ronaldo mund ta dërgojë Juventusin në një tjetër nivel. Ai e ka lëvduar trajnerin Massimiliano Allegri duke thënë se e ka bërë lojtar të kompletuar. Juventusi e ka bërë transferimin më të madh të kësaj vere duke e transferuar superyllin portugez nga Real Madridi.
“Mendoj se Juventusi e di si t’ia marrë zemrën një lojtari. Kur një lojtar e merr vendimin dhe arrihet marrëveshja, klubi e trajton atë si pjesë të familjes”. Mendoj se familja e Juventusit është më e rëndësishmja. Është një botë ku kam mësuar të jetoj. Allegri është një trajner me shumë pasion për anën mbrojtëse të lojës dhe për mua ka qenë shumë e rëndësishme, sepse jam lojtar që shkoj shumë përpara dhe duke punuar në anën defensive, më ka bërë futbollist më të kompletuar. Ai ka luajtur një rol të rëndësishëm në karrierën time”. "Ronaldo te Juve? Mendoj se Ronaldo ka qenë në nivel shumë të lartë, por ka dashur të bëjë një hap tjetër për ta përforcuar statusin e tij”. “Mendoj se CR7 ka gjithçka që na duhet për të na dërguar në nivelin e radhës duke bërë gjëra të rëndësishme këtë sezon”.  Neymar dhe Douglas Costa (Foto: Getty Images) “Ronaldo është një lojtar shumë i rëndësishëm, por ne e kemi edhe Dybalan dhe lojtarë tjerë të rëndësishëm. Kam luajtur me Neymarin, prandaj nuk është diçka e re për mua që të luaj me dikë në këtë nivel (si Ronaldo)”. “Të gjithë e kanë mirëpritur dhe e dimë sa shumë mund të na përmirësojë. Nuk mund ta fshehim këtë, është e dukshme”, ka deklaruar Costa për ItalianFootballTV. /Telegrafi/ The post Costa: Ronaldo do ta dërgojë Juven në një nivel tjetër appeared first on Telegrafi. |
| Osmani: Shkëndija e nisi ndeshjen keq dhe nuk i shfrytëzoi rastet Posted: 08 Aug 2018 01:56 PM PDT Shkëndija pësoi humbje prej 3-0 në ndeshjen e parë e raundit të tretë kualifikues të Ligës së Kampionëve kundër Red Bull Salzburgut. Kampioni i Maqedonisë do ta zhvillojë ndeshjen kthyese pas një jave në stadiumin Filipi II në Shkup, ku do të përpiqet ta përmbysë këtë rezultat të lartë.
Në konferencën për shtyp pas ndeshjes Red Bull Arena, trajneri Qatip Osmani pranoi se ekipi nuk e nisi sfidën në mënyrën më të mirë të mundshme. Ai shprehu keqardhje që skuadra nuk mundi të shënonte të paktën një gol nga disa mundësi të mira që krijoi para portës kundërshtare. "Është fakt se ndeshjen nuk e nisëm ashtu si që u morëm vesh. Me kalimin e minutave e gjetëm veten, konsoliduam lojën dhe krijuam disa mundësi që për fat të keq nuk i shfrytëzuam”.
“Kemi rezultat të keq, por sigurisht se do të përgatitemi dhe do të japim më të mirën nga vetja në ndeshjen e kthimit në Shkup”. “Mendoj se është shumë e natyrshme të besosh në deri sa ka gjasa minimale, edhe pse e përsëris se kemi rezultat shumë jo të favorshëm", është shprehur Osmani. /Telegrafi/ The post Osmani: Shkëndija e nisi ndeshjen keq dhe nuk i shfrytëzoi rastet appeared first on Telegrafi. |
| Agjenti: Juve i ka refuzuar të gjitha ofertat për Ruganin Posted: 08 Aug 2018 01:43 PM PDT Agjenti i Daniele Ruganit ka thënë se Juventusi e konsideron të pashitshëm mbrojtësin dhe deri më tani i ka refuzuar të gjitha ofertat. Futbollisti italian është lidhur me një kalim te Chelsea, ku do t’i bashkohej ish-trajnerit të tij nga Empoli, Maurizio Sarri.  Daniele Rugani (Foto: Getty Images) Mirëpo, Bianconerët vendosën ta shisnin Mattia Caldaran te Milani (si pjesë e marrëveshjes për blerjen e Leonardo Bonuccit). Dhe derisa po vazhdojnë thashethemet për të ardhmen e Ruganit, agjenti Davide Torchia ka thënë për RMC Sport, se Zonja e Vjetër nuk e ka në plan ta shesë klientin e tij. “Juventusi nuk dëshiron ta shesë, as edhe për një çmim të lartë, për më shumë, askush në Itali nuk mund ta blejë atë”.  Daniele Rugani (Foto: Getty Images) “Sidoqoftë, lojtari nuk ka kërkuar asnjëherë të largohet. Mirëpo, atëherë kur vjen ndonjë ofertë shumë e rëndësishme, duhet dëgjuar. Por, Juventusi i ka i ka refuzuar të gjitha llojet e ofertave për ta mbajtur atë në Torino”. “Chelsea bëri një ofertë shumë të madhe që për mua ishte e paimagjinueshme, por Juventusi nuk pranoi”. “Në sezonin e kaluar, (Sami) Khedira ka luajtur vetëm 10 ndeshje më shumë se Daniele. Mendoj se Rugani mund të luajë edhe më shumë këtë sezon”, ka thënë agjenti i mbrojtësit. /Telegrafi/ The post Agjenti: Juve i ka refuzuar të gjitha ofertat për Ruganin appeared first on Telegrafi. |
| Balotelli i hapur për kalimin te Napoli, por jo rikthim te Interi Posted: 08 Aug 2018 01:42 PM PDT Tash e disa kohë ishte folur për një kalim të mundshëm të Mario Balotellit te Napoli. Por, tani ka ardhur edhe reagimi i parë publik nga lojtari rreth kësaj teme. 27-vjeçari në Instagram i ka kërkuar tifozëve që ta pyesin dhe ai do t’ua kthente përgjigjet disave. Një nga pyetjet ishte “pse nuk vjen te Napoli”, ndërsa italiani i është përgjigjur “mendoj se kjo pyetje është më e përshtatshme për presidentin tënd”.
Aktualisht Balotelli është pjesë e Nice në Ligue 1. Në sezonin e fundit ish-sulmuesi i shumë skuadrave të njohura shënoi 26 gola në 38 paraqitje në të gjitha garat. ‘Super Mario’ është pyetur edhe për një rikthim të mundshëm te Interi, por ka thënë se kjo nuk është e mundur. /Telegrafi/
The post Balotelli i hapur për kalimin te Napoli, por jo rikthim te Interi appeared first on Telegrafi. |
| Zyrtare: Courtois te Reali, Kovacic te Chelsea Posted: 08 Aug 2018 12:45 PM PDT Real Madrid ka njoftuar blerjen e Thibaut Courtois nga Chelsea. Belgu ka në nënshkruar kontratë gjashtë vjeçare, ndërsa blerja e tij besohet si i ka kushtuar Los Blancos rreth 35 milionë euro. Nëse vlerësojmë ecurinë aktuale të tregut të transferimeve kjo vlerë është shumë e vogël, por ka ndodhur pasi kontrata e lojtarit përfundonte në qershorin e 2019.
Si pjesë e marrëveshjes është edhe Mateo Kovacic, i cili është huazuar te Chelsea me të drejt blerje. Courtois testet mjekësore do të bëjë nesër (e enjte) dhe pastaj do të prezantohet në Santiago Bernabeu.
Në të kaluarën 26-vjeçari ishte pjesë e Atletico Madridit, ndërsa karrierën e filloi në Genk. Chelsea pritet të zëvendësojnë Courtois me Kepa Arrizabalagan e Athletic Bilbaos. /Telegrafi/ The post Zyrtare: Courtois te Reali, Kovacic te Chelsea appeared first on Telegrafi. |
| Salzburgu ia shënon tre gola Shkëndijës Posted: 08 Aug 2018 11:55 AM PDT Me rezultat 3-0, Shkëndija e ka humbur ndeshjen e parë ndaj Red Bull Salzburgut në kuadër të rrethit të tretë kualifikues të Ligës së Kampionëve. Kampioni i Maqedonisë i pati disa raste në pjesën e parë, të cilat nuk i konkretizoi, ndërkohë që nikoqirët i shënuan dy gola.
Rezultati u zhbllokua në minutën e 16-të kur Munas Dabbur e konvertoi në gol një penallti të akorduar në favor të vendasve. Nikoqirët e shënuan edhe një gol në fund të fraksionit të parë, ndërsa realizues ishte sërish Munas Dabbur (45′).
Në gjysmën e dytë, Salzburgu e realizoi edhe golin e tretë nga një tjetër penallti të ekzekutuar nga Diadie Samassekou (81′). Rezultati prej 3-0 është shumë i vështirë për t’u përmbysur, mirëpo në futboll gjithçka është e mundshme. Ndeshja kthyese do të zhvillohet pas një jave në stadiumin Filipi II në Shkup. /Telegrafi/ The post Salzburgu ia shënon tre gola Shkëndijës appeared first on Telegrafi. |
| Nainggolan mund të mungojë në ndeshjen e parë të Interit në Serie A Posted: 08 Aug 2018 10:25 AM PDT Tifozët e Interit mezi po presin fillimin e sezonit 2018/19. Kjo pasi skuadra zikaltër ka arritur të bëjë disa transferime të mirë dhe shpresat për rezultate të mira janë të mëdha. Por, në ndeshjen e parë sezonale në Serie A pritet të mungojë Radja Nainggolan.  Nainggolan gjatë një aksioni në ndeshjen kundër Sionit Belgu ka pësuar një lëndim në miqësoren ndaj Sionit dhe stafi mjekësor i klubit zikaltër nuk dëshiron të rrezikojë. Sipas Sky Sport, ish-ylli i Romës do të luajë vetëm kur është 100 për qind gati. 30-vjeçari iu bashkua Interit këtë verë për 24 milionë euro, plus Davide Santon dhe Nicole Zaniolo që u vlerësuan 14 milionë kaluan te Roma. Në xhiron e dytë në Serie A skuadra e Luciano Spallettit luan ndaj Torinos. /Telegrafi/ The post Nainggolan mund të mungojë në ndeshjen e parë të Interit në Serie A appeared first on Telegrafi. |
Zyrtare: Courtois te Reali, Kovacic te Chelsea 
Kepa 
. João até já cortou o cabelo para estar bem bonito quando o remédio chegar. Seremos eternamente gratos a vocês por tudo. Sem vocês nada disso seria possível. Chega logoooo SPINRAZA!!! GRATIDÃO 
Nga jetesa me ndihmë sociale në sportistin më të paguar në botë: Historia se si futbolli ia ndryshoi jetën Ronaldos (Foto) 
Lajmet për Juventusin 
Skuadrat evropiane do të dridheshin nga frika, formacioni i mundshëm i Interit nëse vjen Modric | You are subscribed to email updates from Futboll – Telegrafi. To stop receiving these emails, you may unsubscribe now. | Email delivery powered by Google |
| Google, 1600 Amphitheatre Parkway, Mountain View, CA 94043, United States | |
Lexo edhe:
