“Burrin e lë në shtëpi, pushon me shokun (Foto)” plus 9 more Ekonomia Online |
- Burrin e lë në shtëpi, pushon me shokun (Foto)
- Rrjedh plani i Beogradit, si “të viktimizohen” serbët në Veri (Dokument)
- 7 rregullat që duhet t’i zbatoni në një takim pune
- Mos i shtyni punët e vështira për më vonë
- Ushqimi të cilin nuk duhet t’ua jepni fëmijëve
- Dallimi mes xhinseve 10 euro nga ato që kushtojnë 300 euro
- Ja pse duhet të konsumojmë jogurt
- Erdogan: Do të krijojmë më shumë zona të sigurta në Siri
- Xhafer Gashi uron të rinjtë e Obiliqit, ju jeni potenciali kryesor i shoqërisë
- Nga truri, tek lëkura dhe zemra: Çfarë ndodh kur hamë sheqer
| Burrin e lë në shtëpi, pushon me shokun (Foto) Posted: 12 Aug 2018 09:24 AM PDT Ajo është duke shijuar një nga verat më të bukura në jetën e saj. Këtë, bukuroshja Emily Ratajkowski e ka vërtetuar edhe njëherë teksa është fotografuar duke festuar me disa miq në një jaht luksoz në Sardenjë. Modelja 27 vjeçare, duket se e ka harruar për pak momente Sebastian Bear-McClard, me të cilin lidhi kurorë në shkurt të këtij viti, pasi është parë tepër e lumtur në shoqërinë e kolegut dhe mikut të saj Jordan Barrett. Emily u sigurua që gjithashtu të "ngrinte" temperaturat ndërkohë që ka ekspozuar trupin mahnitës e veshur me bikini me pika.
The post Burrin e lë në shtëpi, pushon me shokun (Foto) appeared first on Ekonomia Online. |
| Rrjedh plani i Beogradit, si “të viktimizohen” serbët në Veri (Dokument) Posted: 12 Aug 2018 09:02 AM PDT Një plan i detajuar për prishje të rendit dhe sigurisë në Veri të Mitrovicës, i cili besohet të ketë rrjedhur në formë të dokumentit nga Qeveria e Serbisë, përkatësisht Ministria e Mbrojtës kishte alarmuar institucionet e vendit në fillim të këtij muaji, për çka shtuan masat e sigurisë për të ruajtur qetësinë në të gjithë vendin. "Gazeta Blic" ka arritur të sigurojë dokumentin në fjalë, i cili bartë stemën e Republikës së Serbisë. Përmes këtij dokumenti i cili është shkruar në cilirik, është kërkuar shtim i numrit të aktiviteteve ilegale, si vjedhje, grabitje dhe sulme ndaj qytetarëve serbë që jetojnë në Veri të Kosovës në mënyrë që të krijohet përshtypja tek Organizatat Ndërkombëtare se serbët janë viktimat e dhunës nga shqiptarët e Kosovës. "Duhet të shtoni numer të aktiviteteve të cilat do të kryejnë detyrat, duhet të bini në kontakt me personat e shpërngulur të cilët do të kryejn detyrat dhe do të tërhiqin në Serbinë Qendrore sikurse edhe tash duhet të organizoni grabtije, vjedhje dhe shulme ndaj serbëve në mënyrë që të Organizatat Ndërkombëtare të fitohet përshtypja se serbët janë viktimave të dhunës nga shqiptarët në territorin e krahinës Autonome të Kosovës dhe Metohisë. Në këtë çështje duhet të aktivizoni bashkëshorten tuaj si dhe drejtoreshën e Shtëpisë znj. Dragana Partiç dhe bashkëshortin e saj, si dhe personelin medicinal të Shtëpisë së Shëndetit, por vetëm ata në të cilët ka besim Dragana Pantiç gjithnjë do të t'ju dal në ndihmë dhe do t'ju sigurojë automjete medicinale për transportimin e aktivistëve pas kryerjes së aksioneve në Serbinë Qendrore", thuhet në dokumentin e Komandës Qendrore, i cili i është përcjellur Kordinatorit të Ushtria Çlirimtare e Popullit të Kosovës dhe Metohisë, Radomir Repanoviç. Po ashtu, është planifikuar edhe furnizimi me armatim të rëndë përmes Manastirit në Deçan. Në fund të këtij dokumenti është theksuar së qëllimi i këtij plani është për çlirimin e popullit serb dhe Kosovës, i cili është nënshkruar nga Momir Radenkoviç në Zubin Potok. Qeveria e Republikës së Serbisë Ministria e Mbrojtes Komanda Qendrore -Ushtria Çlirimtare e Popullit të Kosovës dhe Metohisë. – Kordinatorit të UÇPKM, zotriut Radomir Repanoviç. – I nderuar zotëri Repanoviç, në marrëveshjen e mëparshme me urdhëresë të Komandës Qendrore të UÇPKM ua dorëzojmë një pistoletë me pak monicion për arsye të peshës dhe narotikeve (ilaçe) të cilat duhet të distribuohen (shpërndahen). Porosi të njëjtë do të dërgojë edhe z. Portiç Bogoluba si zëvendës I juaji I territorit të enklavës së Gorazhdecit dhe duhet të na informoni për pranimin e saj dhe shpërndarjen. Sa i përket aramatimit të rëndë dhe atyre të gjata ato do t'i marrim kur ju me kamion do të kryeni shërbimet në Manastirin e Deçanit, ndërsa ju në Gorazhdecë do t'i pranoni kur Portiç Bogalub do të qarkulliojnë me autobus në autostradë, në realcion për Beograd kurse monicionin do ta marrin në depon kryesore në Mitrovicë. Duhet të shtoni numer të aktiviteteve të cilat do të kryejnë detyrat, duhet të bini në kontakt me personat e shpërngulur të cilët do të kryejn detyrat dhe do të tërhiqin në Serbinë Qendrore sikurse edhe tash duhet të organizoni grabtije, vjedhje dhe shulme ndaj serbëve në mënyrë që të Organizatat Ndërkombëtare të fitohet përshtypja e përfitimit të situatës të viktimave të dhunës nga shqiptarët në territorin e krahinës Autonome të Kosovës dhe Metohisë. Në këtë çështje duhet të aktivizoni bashkëshorten tuaj si dhe drejtoreshën e Shtëpisë znj. Dragana Partiç dhe bashkëshortin e saj, si dhe personelin medicinal të Shtëpisë së Shëndetit, por vetëm ata në të cilët ka besim Dragana Pantiç gjithnjë do të t'ju dal në ndihmë dhe do t'ju sigurojë automjete medicinale për transportimin e aktivistëve pas kryerjes së aksioneve në Serbinë Qendrore. Për Çlirimin e popullit serb dhe Kosovës Zv. Komandati Momir Radenkoviç. Zubin Potok.
Kryeministri i vendit Ramush Haradinaj në fillim të këtij muaji kërkoi rritjen e gatishmërisë së institucioneve të rendit dhe ligjit në ditët që vijnë. "Gjendja e sigurisë në rend dhe ligj është e qetë dhe stabile, por megjithatë kemi kërkuar rritjen e gatishmërisë për veprim në rast të çfarëdo prishjeje të rendit dhe ligjit", tha Haradinaj, pas takimit të Këshillit të Sigurisë së Kosovës. Sipas tij, është konstatuar se disa persona të dyshimtë qarkullojnë në pjesën veriore të Kosovës dhe ata mund të jenë nga Republika Sërpska ose pjesë të tjera. "Kushdo që hyn në territorin e Kosovës, me qëllim të shkaktimit të ndonjë incidenti apo prishjes së rendit dhe ligjit, do ta marrë reagimin e institucioneve të rendit dhe të ligjit", tha Haradinaj, duke mos saktësuar se për çfarë konkretisht bëhet fjalë. "Rritja e shkallës së gatishmërisë nuk është urdhër për veprim, por jemi në gjendje gatishmërie. Në rast se ka prishje të rendit dhe të ligjit, do të veprojmë", kishte theksuar kryeministri. Përveç Policisë së Kosovës, për gjendjen e sigurisë në Veri të Mitrovicës ishte përkujdesur edhe KFOR-i. Komandanti i Forcave të Përbashkëta Aleate në Napoli (JFCN), admirali James Foggo, kishte deklaruar të shtunën e kaluar në Leposaviq se nuk parasheh ndonjë problem dhe ndryshim të situatës në Kosovë ndonëse sipas tij, ka potencial për trazira. The post Rrjedh plani i Beogradit, si “të viktimizohen” serbët në Veri (Dokument) appeared first on Ekonomia Online. |
| 7 rregullat që duhet t’i zbatoni në një takim pune Posted: 12 Aug 2018 09:00 AM PDT Përshtypjet e para janë të rëndësishme. Megjithatë kjo nuk është e vetmja gjë që krijon një reputacion të mirë në vendin e punës. Ka disa rregulla që duhet të ndiqen. Zbatojini ato drejtë, dhe ju do të krijoni marrëdhënie shumë më të lehtë me shokët, klientët dhe eprorët. Bëjini ato gabim, dhe ju do jeni gjithmonë lojëtari rezervë.
Kur përshëndesni njerëzit, ngrihuni në këmbë. Është një mënyrë e mirë për të treguar respekt. Kjo do të thotë që ju i konsideroni ata të rëndësishëm mjaftueshëm për të ndyrshuar pozicionin tuaj fizik. Gjithashtu ju ndihmon të krijoni kontaktin sy më sy.
Kontakti në sy tregon vëmendje dhe angazhim. Gjithashtu tregon se ju jeni të interesuar për personin tjetër. Duke parë këpucët, orën apo telefonin tuaj ju tregoni të kundërtën dhe nuk krijoni besueshmëri. Përdorni një gjuhë trupi pozitive.
Edhe nëse keni "hallet e botës mbi supe", provoni të dukeni të lumtur. Një mimikë negative e vendos dhe personin tjetër në një pozicion jo shumë të favorshëm, ndërsa një buzëqeshje është gjithmonë e mirëpritur.
Afrohuni personit që po përshëndesni dhe zgjatini dorën. Ju do të krijoni imazhin e një njeriu me vetëbesim.
Majde akoma më mirë, thoni kush jeni dhe më çfarë merreni. "Përshëndetje, unë jam Neada. Unë jam një menaxhere projektesh pranë kompanisë X. Si mund t'ju ndihmojë?" Kjo vërtet që do t'ju ndihmojë.
Nëse duhet të bëni prezantimet, mos harroni etikën e biznesit. Fillojeni nga njerëzit në pozicione më të larta tek ato më të ulëta. Prezantimit shtojini dhe pak përmbajtje. "Enea të prezantoj me Fatjonin. Fatjoni është dizajneri jonë i ri. Fatjon, Enea është menaxheri i marketingut."
Sigurohuni që të mbani mend emrin e çdo personi me të cilin prezantoheni, dhe përdoreni atë siç duhet. Është më mirë t'i kërkoni personit të përsëris emrin e tij sesa të vazhdoni ta përdorni atë gabim. Kërkoni leje përpara se ta përdorni emrin e dikujt. Disa njerëz nuk e pëlqejnë informalitetin, dhe kjo formë është më etike. The post 7 rregullat që duhet t’i zbatoni në një takim pune appeared first on Ekonomia Online. |
| Mos i shtyni punët e vështira për më vonë Posted: 12 Aug 2018 09:00 AM PDT Sipas hulumtimeve psikologjike, ajo që na duhet të gjithëve është një sistem për të mbaruar sa më shumë punë. Shumë njerëz i shmangen sistemeve dhe rregullave sepse ata janë të frikësuar nga jeta monotone dhe duan të kenë liri. Por kjo nuk është aq e frikshme sa mund të duket, këto janë disa nga mënyrat më të mira për të përmirësuar efektivitetin tuaj personal. Procesi efektiv i punës: 1 Motivimi i brendshëm 2. Afate të vetë-imponuara. 3. Sistemi i llogaridhënies (angazhim me miqtë ose një trajner) 4. Duke punuar/ studiuar me intervale 5. Fokusi (Eliminimi i çështjeve që ju tërheqin vëmendjen nga puna në të cilën jeni fokusuar) 6. Një dietë e shëndetshme 7. Aktivitet fizik të paktën 30 minuta në ditë Gjëja më e rëndësishme këtu është motivimi. Detyrat e bezdisshme janë shpesh ato që ju ndihmojnë të zhvilloni forcën tuaj të brendshme. Kështu që çdo herë që të filloni të bëni një detyrë të re, ju duhet t’i bëni vetes një pyetje të thjeshtë: "Pse po e bëj këtë". Kjo strategji do t’ju ndihmojë për të mbajtur veten të motivuar. The post Mos i shtyni punët e vështira për më vonë appeared first on Ekonomia Online. |
| Ushqimi të cilin nuk duhet t’ua jepni fëmijëve Posted: 12 Aug 2018 08:51 AM PDT Disa ushqime nuk janë për barkun e fëmijëve të vegjël për disa arsye. Dhe e dimë se është më e thjeshtë t'u japim fëmijëve diçka që u pëlqen dhe të hanë “të paktën diçka”, por në këtë mënyrë edhe para se të mund ta imagjinoni, tek fëmijët do të krijohen shprehi negative. Shmangni t'u jepni ushqime të pashëndetshme fëmijëve dhe zgjidhni ushqime të shëndetshme. Nëse nuk kanë zgjedhje, do ta hanë atë që u ofrohet, transmeton koha.net. Këto janë ushqimet të cilat nuk do të duhej t'u jepen fëmijëve Mjalti Është një nga ushqimet më të shëndetshme, megjithatë, fëmijëve nën moshën dyvjeçare nuk duhet t'ua jepni, rekomandojnë mjekët për shkak se ai mund të përmbajë baktere që shkaktojnë botulizëm, një sëmundje potencialisht fatale. “Kjo baktere nuk do të ketë ndikim negativ tek të rriturit, por sistemi imunitar i fëmijëve nuk është i zhvilluar sa duhet për t'i luftuar bakteret”, thekson nutrologu dhe eksperti për të ushqyerit e fëmijëve, Wesly Delbridge. Pijet e gazuara Dihet mirë që pijet e gazuara kanë shumë sheqer. Konsumi i tepruar lehtë mund ta shkaktojë zhvillimin e diabetit të tipit 2 dhe të shkaktojë sjellje agresive. “Fëmijët thjesht nuk kanë shumë hapësirë në dietën e tyre për pije të cilat organizmit i sjellin shumë kalori të zbrazëta pa ushqyes”, thotë Joan Salge Blake, profesoreshë e shkencave shëndetësore në Universitetin e Bostonit. Toni i konservuar Peshku mund të jetë një burim i shkëlqyer i proteinave, yndyrave të shëndetshme, vitaminave, mineraleve dhe është shumë mirë që fëmijët sa më herët t'i “adaptojmë” me peshk. Megjithatë, disa peshq duhet të shmangen t'u jepen fëmijëve për shkak të sasisë së madhe të merkurit që e përmbajnë: toni i konservuar, peshk-shpata, skumbri… “Peshku i cili përmban merkur mund të ndikojë në sistemin nervor të fëmijëve”, thotë Salge Blake. Pijet izotonike Nuk ka asnjë arsye që fëmijëve t'ua jepni këtë lloj të pijes, thotë Blake. Ato janë të destinuara për njerëzit pas ushtrimeve të lodhshme fizike për t'i rikthyer elektrolitet e humbura dhe për ta përshpejtuar shërimin e shpejtë të muskujve. Edhe nëse fëmija është kthyer nga trajningu i futbollit ose diçka të ngjashme, uji do të jetë i mjaftueshëm. Qumështi i freskët i lopës Ekziston një qëndrim i përgjithshëm që qumështi i freskët i lopës është më i shëndetshëm dhe më i pasur se qumështi i pasterizuar, por megjithatë është shumë i rrezikshëm për sistemin e tretjes së fëmijëve, thotë Blake. “Qumështi i cili nuk është i pasterizuar është më i rrezikshëm për zhvillimin e sëmundjeve tek fëmijët sepse sistemi i tyre imunitar nuk është aq i zhvilluar sa ai tek të rriturit”, pohon Salge Blake. The post Ushqimi të cilin nuk duhet t’ua jepni fëmijëve appeared first on Ekonomia Online. |
| Dallimi mes xhinseve 10 euro nga ato që kushtojnë 300 euro Posted: 12 Aug 2018 08:30 AM PDT Disa prej tyre kushtojnë me qindra euro, kurse të tjera mund të blihen me vetëm dhjetë euro. Por, cili është dallimi mes këtyre dy llojeve? Sipas një hulumtimi të bërë, me një varg xhinsesh, del se nuk ka aspak dallim, ose është shumë i vogël. Në një pjesë të dokumentarit të bërë në Turqi, del se i njëjti material përdoret për dy llojet e xhinseve. Në botë prodhohen dhe shiten miliarda xhinse në vit. Mirëpo, shtëpitë e ndryshme të modës, janë ato që kërkojnë çmime të larta nga klientët. The post Dallimi mes xhinseve 10 euro nga ato që kushtojnë 300 euro appeared first on Ekonomia Online. |
| Ja pse duhet të konsumojmë jogurt Posted: 12 Aug 2018 08:23 AM PDT Futja e jogurtit në dietën tuaj ditore ka një sërë përfitimesh shëndetësore. Ja cilat janë disa prej tyre: 1. Ul rrezikun e kancerit të gjirit 2. Eliminon erën e keqe të gojës 3. Ndihmon tretjen 4.Çelësi për një zemër të shëndetshme 5. Nuk ju lejon të shtoni peshë
The post Ja pse duhet të konsumojmë jogurt appeared first on Ekonomia Online. |
| Erdogan: Do të krijojmë më shumë zona të sigurta në Siri Posted: 12 Aug 2018 08:19 AM PDT Turqia ka përfunduar përgatitjet për të krijuar më shumë zona të sigurta brenda Sirisë, ashtu siç ka bërë në të kaluarën me dy sulme ushtarake në pjesën veriore të vendit, në kufi me Sirinë, tha presidenti turk, Recep Tayyip Erdogan. Duke folur në selinë e partisë së tij, në qytetin Trabzon, Erdogan tha se çerek milion njerëz tashmë janë kthyer në zonat e çliruara në Siri, raporton Reuters. Presidenti turk, Erdogan tha se përpjekjet diplomatike dhe ushtarake në provincën siriane Idlib, kanë përshpejtuar shmangien e një "katastrofe", si ato që kanë ndodhur në pjesë të tjera të Sirisë. Lufta civile në Siri ka nisur në mars të vitit 2011, fillimisht me shtypjen e protestave të opozitës. Që atëherë, në Siri kanë vdekur mbi 350 mijë persona. Si pasojë e konfliktit, miliona sirianë janë detyruar të zhvendosen nga shtëpitë e tyre. The post Erdogan: Do të krijojmë më shumë zona të sigurta në Siri appeared first on Ekonomia Online. |
| Xhafer Gashi uron të rinjtë e Obiliqit, ju jeni potenciali kryesor i shoqërisë Posted: 12 Aug 2018 08:15 AM PDT Kryetari i Komunës së Obiliqit, Xhafer Gashi, me rastin e Ditës Ndërkombëtare të Rinisë, ka uruar të rinjtë e Obiliqit dhe të Kosovës, duke theksuar se ata janë pjesa më unike dhe potenciali kryesor i shoqërisë. “Përkushtimi ynë po vazhdon të fokusohet në fuqizimin dhe në përmirësimin e mirëqenies së tyre. Postimi i plotë: Të nderuar të rinj të vendit tonë! E nderuar rini e Obiliqit! Sot,12 Gushti, shënohet si ditë ndërkombëtare e Rinisë. Të rinjtë janë pjesa më unike dhe potenciali kryesor i shoqërisë tonë, andaj puna dhe përkushtimi ynë po vazhdon të fokusohet në fuqizimin dhe në përmirësimin e mirëqenies së tyre. Reformat e reja, e nevojshmja dhe ideja vinë vetëm nga të rinjtë. Urime ditën e rinisë, rinia e Obiliqit! Xhafer Gashi, kryetar i komunës! The post Xhafer Gashi uron të rinjtë e Obiliqit, ju jeni potenciali kryesor i shoqërisë appeared first on Ekonomia Online. |
| Nga truri, tek lëkura dhe zemra: Çfarë ndodh kur hamë sheqer Posted: 12 Aug 2018 08:15 AM PDT Sheqeri është burimi parësor i energjisë për qelizat tuaja. Karbohidratet komplekse si niseshteja shpërbëhen në sheqerna të thjeshta gjatë tretjes dhe më pas metabolizohen prej qelizave, për të prodhuar energji. Gjaku juaj normalisht përmban 5 gramë sheqer të tretur në të (afërsisht një lugë çaji). Janë vetëm 20 kalori, që mjafton sa për një shëtitje pesëminutëshe.
TRURI Sheqeri e bën trurin që të lëshojë dopaminë dhe opioide – kemikatet e kënaqësisë natyrore. Minjtë që janë në dietë me sasi të mëdha sheqeri sillen sikur të jenë të droguar.
DHEMBET Bakteret, si Streptococcus mutans hanë sheqerin e mbetur në gojën tuaj dhe e fermentojnë në acid laktik. Ky shpërbën mineralet që ndodhen në smaltin e dhëmbëve tuaj.
LEKURA Glukoza dhe fruktoza formojnë lidhje midis aminoacideve, që konvertojnë kolagjenin dhe elastinën në substanca që shkaktojnë rrudha.
MELÇIA Mëlçia përdor fruktozën për të krijuar yndyrna, nëpërmjet një procesi të quajtur lipogjeneza. Sheqeri me tepri shkakton një ngritje të globulave të dhjamit, e quajtur sëmundje jo-alkolike e mëlçisë.
PANKREASI Rritja e niveleve të sheqerit në gjak stimulon qelizat beta për të sekretuar insulinën. Kjo sinjalizon mëlçinë dhe muskujt për të filluar konvertimin e glukozës në glikogjen për ruajtje.
ZEMRA Nivelet e larta të insulinës në gjak bëjnë që qelizat e lëmuara të muskujve rreth mureve të arteries, të rriten më shpejt. Kjo ngre tensionin e gjakut, që përfundimisht çon në sëmundje të zemrës. The post Nga truri, tek lëkura dhe zemra: Çfarë ndodh kur hamë sheqer appeared first on Ekonomia Online. |
| You are subscribed to email updates from Ekonomia Online. To stop receiving these emails, you may unsubscribe now. | Email delivery powered by Google |
| Google, 1600 Amphitheatre Parkway, Mountain View, CA 94043, United States | |
Lexo edhe:
