“Southgate: Zhveshtorja e Anglisë është një vend i vështirë për të qëndruar” plus 9 more Telegrafi Futboll
“Southgate: Zhveshtorja e Anglisë është një vend i vështirë për të qëndruar” plus 9 more Telegrafi Futboll |
- Southgate: Zhveshtorja e Anglisë është një vend i vështirë për të qëndruar
- Dalic: Desha të bëj zëvendësime, por askush nuk donte ta lëshojë fushën
- Rëndësia e futbollit: Liderët mblidhen për ta shikuar momentin final të ndeshjes Kroaci-Angli
- Notat e lojtarëve: Kroacia 2-1 Anglia, Perisic me vlerësimin më të lartë
- Kroacia shkruan historinë, eliminon Anglinë dhe kualifikohet në finale
- Kroaci-Angli, ndeshja shkon në vazhdime
- Barazon Kroacia, realizon Perisic
- Hakimi huazohet për dy vjet te Dortmundi
- Anglia në epërsi ndaj Kroacisë, Trippier shënon nga gjuajtja e lirë
- Kukësi luan pa gola ndaj Vallettas në Shkodër
Southgate: Zhveshtorja e Anglisë është një vend i vështirë për të qëndruar Posted: 11 Jul 2018 03:32 PM PDT Përzgjedhësi i Anglisë, Gareth Southgate, ka shprehur zhgënjimin e tij për eliminimin e Tre Luanëve nga Kampionati Botëror. Ai ka thënë se është dashur të shfrytëzohen rastet, porse ka kërkuar nga të gjithë që të jenë krenarë me atë që kanë treguar lojtarët anglezë në këtë turne futbolli. “Tash për tash, të gjithë po e ndiejmë dhimbjen e humbjes. A kemi pritur të jemi në këtë pozitë? Nuk besoj se dikush nga ne e ka pritur këtë”. “Mirëpo, kur arrin deri në këtë pikë dhe ke luajtur ashtu si kemi luajtur ne, dhe ashtu si luajtëm mirë në pjesën e parë, është dashur që t’i shfrytëzojmë këto raste që të vijnë në jetë”. “Aktualisht, zhveshtorja është një vend i vështirë për të qëndruar”, ka thënë Southgate. “Mirëpo, ajo që do të them është se jam jashtëzakonisht krenar me këtë grup lojtarësh, të cilët kanë përparuar shumë. “Mendoj se reagimi i tifozëve ndaj tyre, krahasuar me dy vite më parë, ua tregon këtë, se për herë të parë përvojat me Anglinë mund të jenë pozitive, vendi është shumë krenar me ta dhe me mënyrën si kanë luajtur, dhe me kalimin e kohës do t’i vlerësojmë shumë momente pozitive”, është shprehur trajneri i Anglisë. /Telegrafi/ The post Southgate: Zhveshtorja e Anglisë është një vend i vështirë për të qëndruar appeared first on Telegrafi. |
Dalic: Desha të bëj zëvendësime, por askush nuk donte ta lëshojë fushën Posted: 11 Jul 2018 03:21 PM PDT Përzgjedhësi i Kroacisë, Zlatko Dalic, ka treguar për momentet e lojës në ndeshjen kundër Kroacisë. Ai e ka kujtuar Gjeneratën e Artë të vitit 1998 që u eliminua në gjysmëfinale duke lënë të kuptohet se tash është koha e kësaj gjenerate. Dalic ka theksuar se disa lojtarë kanë luajtur të lënduar dhe kishin refuzuar ta lëshonin fushën. “Në vitin 1998 isha në Francë për tri ndeshjet e para si tifoz. Të gjithë në Kroaci e kujtojnë atë ndeshje kur Thuram shënoi dhe ne humbëm 2-1. Kjo ka qenë temë diskutimi në 20 vitet e fundit. Më kujtohet kur e festuam golin e Sukerit, por porsa u ulëm, rezultati u barazua”. “Të dyja skuadrat kanë treguar cilësitë e tyre, ne nuk po kërkojmë hakmarrje, ky është futboll, ky është sport, por ne duhet të përqendrohemi në përgatitjen e lojës sonë më të mirë të turneut në finale”. “Ajo që bënë lojtarët tanë sot treguan forcë dhe nivel energjie. Desha të bëja zëvendësime, por askush nuk donte të dilte. Të gjithë vazhdonin të thoshin: ‘Mund të luaj, mund të vrapoj'”. “Disa lojtarë luajtën me lëndime të vogla, me të cilat nuk do të luanin në ndeshjet tjera. Dy lojtarë luajtën me gjysmë këmbe, por kjo nuk u vërejt!”, ka deklaruar trajneri kroat. /Telegrafi/ The post Dalic: Desha të bëj zëvendësime, por askush nuk donte ta lëshojë fushën appeared first on Telegrafi. |
Rëndësia e futbollit: Liderët mblidhen për ta shikuar momentin final të ndeshjes Kroaci-Angli Posted: 11 Jul 2018 02:54 PM PDT Se Kampionati Botëror është shumë i rëndësishëm, ka dëshmuar edhe një video nga momentet finale të ndeshjes ndërmjet Kroacisë dhe Anglisë. Liderët botërorë në kuadër të Samitit të Londrës për shtetet e Ballkanit Perëndimor, për një moment janë ndaluar për ta shikuar ndeshjen. Një xhirim, në të cilin shfaqet edhe kryeministri i Shqipërisë, Edi Rama, i ka paraqitur politikanët të grumbulluar duke shikuar se kush do të fitojë. Në video shihen mes tjerëve, edhe kancelarja gjermane, Angela Merkel, kryeministrja e Britanisë së Madhe, Theresa May dhe presidenti i Turqisë, Recep Tayyip Erdogan. Dhe në fund triumfoi Kroacia, ndërsa Rama menjëherë ka pozuar bashkë me presidenten e atij vendi, Kolinda Grabar-Kitarovic, fotografi që është bërë hit në rrjetet sociale. Kujtojmë që Kroacia triumfoi kundër Anglisë pas vazhdimeve (2-1) dhe siguroi pjesëmarrjen në finale. Kroatët luajnë për herë të parë në një finale të Kampionatit Botëror dhe më 15 korrik do të luajnë kundër Francës. Nga ana tjetër, Anglia do ta kërkojë vendin e tretë në ndeshjen kundër Belgjikës. /Telegrafi/ The post Rëndësia e futbollit: Liderët mblidhen për ta shikuar momentin final të ndeshjes Kroaci-Angli appeared first on Telegrafi. |
Notat e lojtarëve: Kroacia 2-1 Anglia, Perisic me vlerësimin më të lartë Posted: 11 Jul 2018 02:29 PM PDT Kroacia e ka shkruar historinë duke u kualifikuar në finale të Kampionatit Botëror, ‘Rusia 2018’. Anglezët bënë paraqitje më të mirë në gjysmën e parë, ndërsa kroatët luajtën më mirë pas pjesës së dytë dhe në vazhdime. Ivan Perisic ka marrë vlerësimin më të lartë (8.7), falë lojës së tij, golit dhe asistimit. Pas tij te Kroacia ndodhet Mario Mandzukic, futbollisti që e shënoi edhe golin e fitores. Tek Anglia, golashënuesi Kieran Trippier ka marrë notën më të lartë (8.4), ndërsa mesfushorët tjerë janë vlerësuar me notat më të ulëta. Vlerësimi i plotë i lojtarëve të të dyja skuadrave:
/Telegrafi/ The post Notat e lojtarëve: Kroacia 2-1 Anglia, Perisic me vlerësimin më të lartë appeared first on Telegrafi. |
Kroacia shkruan historinë, eliminon Anglinë dhe kualifikohet në finale Posted: 11 Jul 2018 01:37 PM PDT Kroacia është finalisti i dytë i Kampionatit Botëror. Skuadra nga Ballkani është treguar më e fortë se Anglia duke e mposhtur me rezultat 2-1 pas vazhdimeve dhe në këtë mënyrë, ekipi aktual e ka shkruar emrin në librat e historisë. Rezultati i kësaj sfide u zhbllokua shumë herët. Që në minutat e para u bë një ndërhyrje në afërsi të zonës së kroatëve dhe u akordua gjuajtje e lirë për anglezët. Përgjegjësinë e mori Kieran Trippier, i cili u tregua fantastik për ta mposhtur Danijel Subasicin (5′). Minutat e para të ndeshjes u takuan Tre Luanëve, të cilët ishin shumë të rrezikshëm. Me lojën e tyre të shpejtë dhe dinamike, anglezët arrinin shumë shpejtë në zonën kundërshtare. Ndërkohë që kroatët e kishin të vështirë ta zhvillonin lojën e tyre në gjysmën e parë të kësaj gjysmëfinaleje. Tjetër lojë zhvilloi skuadra ballkanike në gjysmën e dytë. Ata luanin me posedim të topit dhe krijim të aksioneve duke rrezikuar vazhdimisht portën kundërshtare. Dhe pas një aksioni të organizuar mirë, Sime Vrsaljko harkoi në zonë, ndërsa Ivan Perisic shënoi me kokë (68′). Menjëherë pas, Kroacia e pati një tjetër rast fantastik për të kaluar në epërsi, mirëpo nuk u shfrytëzua. Ishte pikërisht një lëvizje e mrekullueshme nga Perisic, mirëpo topi e goditi vetëm shtyllën. Të dyja skuadrat ishin të rrezikshme në minutat në vazhdim të lojës, por më afër golit ishin kroatët. Sidoqoftë, koha e rregullt përfundoi me rezultat të barabartë dhe ndeshja shkoi në vazhdime. Rastet nuk munguan në pjesën e parë të vazhdimeve nga të dyja palët, sidomos nga kroatët, mirëpo nuk pati ndryshim rezultati. Në gjysmën e dytë të vazhdimeve, Kroacia e përmbysi rezultatin. Ivan Perisic e dërgoi një top me kokë në zonë, ndërsa Mario Mandzukic, edhe pse i lënduar, reagoi për ta mposhtur portierin anglez (109′). Kroacia në finalen e 15 korrikut do të luajë kundër Francës, ndërsa Anglia do ta zhvillojë ndeshjen për vendin e tretë kundër Belgjikës (më 14 korrik). /Telegrafi/ https://www.dailymotion.com/video/x6oc77a The post Kroacia shkruan historinë, eliminon Anglinë dhe kualifikohet në finale appeared first on Telegrafi. |
Kroaci-Angli, ndeshja shkon në vazhdime Posted: 11 Jul 2018 12:51 PM PDT Me rezultat 1-1 ka përfunduar koha e rregullt e ndeshjes gjysmëfinale ndërmjet Kroacisë dhe Anglisë, ashtu që sfida ka shkuar në vazhdime. Rezultati i kësaj sfide u zhbllokua shumë herët. Që në minutat e para u bë një ndërhyrje në afërsi të zonës së kroatëve dhe u akordua gjuajtje e lirë për anglezët. Përgjegjësinë e mori Kieran Trippier, i cili u tregua fantastik për ta mposhtur Danijel Subasicin (5′). Minutat e para të ndeshjes u takuan Tre Luanëve, të cilët ishin shumë të rrezikshëm. Me lojën e tyre të shpejtë dhe dinamike, anglezët arrinin shumë shpejtë në zonën kundërshtare. Ndërkohë që kroatët e kishin të vështirë ta zhvillonin lojën e tyre në gjysmën e parë të kësaj gjysmëfinaleje. Tjetër lojë zhvilloi skuadra ballkanike në gjysmën e dytë. Ata luanin me posedim të topit dhe krijim të aksioneve duke rrezikuar vazhdimisht portën kundërshtare. Dhe pas një aksioni të organizuar mirë, Sime Vrsaljko harkoi në zonë, ndërsa Ivan Perisic shënoi me kokë (68′). Menjëherë pas, Kroacia e pati një tjetër rast fantastik për të kaluar në epërsi, mirëpo nuk u shfrytëzua. Ishte pikërisht një lëvizje e mrekullueshme nga Perisic, mirëpo topi e goditi vetëm shtyllën. Të dyja skuadrat ishin të rrezikshme në minutat në vazhdim të lojës, por më afër golit ishin kroatët. Sidoqoftë, koha e rregullt përfundoi me rezultat të barabartë dhe ndeshja shkoi në vazhdime. /Telegrafi/ The post Kroaci-Angli, ndeshja shkon në vazhdime appeared first on Telegrafi. |
Barazon Kroacia, realizon Perisic Posted: 11 Jul 2018 12:29 PM PDT Kroacia ka arritur të kthehet në lojë në pjesën e dytë duke e barazuar rezultatin kundër Anglisë. Kroatët dominuan me posedimin e topit, ndërkohë që anglezët mbroheshin. Dhe pas një aksioni, Sime Vrsaljko harkoi në zonë, ndërsa Ivan Perisic shënoi me kokë (68′). Menjëherë pas, Kroacia e pati një tjetër rast fantastik për të kaluar në epërsi, mirëpo nuk u shfrytëzua. Ishte pikërisht një lëvizje e mrekullueshme nga Perisic, mirëpo topi e goditi vetëm shtyllën. Theksojmë se Franca është në pritje të fituesit të këtij dueli për finalen e 15 korrikut. /Telegrafi/ The post Barazon Kroacia, realizon Perisic appeared first on Telegrafi. |
Hakimi huazohet për dy vjet te Dortmundi Posted: 11 Jul 2018 11:58 AM PDT Borussia Dortmundi e ka kompletuar transferimin e Achraf Hakimit nga Real Madridi në formë huazimi dyvjeçar. Mbrojtësi i krahut ishte pjesë e Marokut në Kampionatin Botëror dhe ishte startues në të gjitha ndeshjet grupore, aq sa edhe luajti kombëtarja e tij. 19-vjeçari rrjedh nga Akademia e të rinjve të Realit, ndërsa në edicionin e kaluar regjistroi nëntë paraqitje në La Liga nën drejtimin e Zinedine Zidane. “Achraf Hakimi është një mbrojtës krahu i ri, shumë dinamik që ka luajtur në nivel shumë të lartë te Real Madridi dhe ekipi kombëtar i Marokut”, ka thënë drejtori sportiv i BVB, Michael Zorc. Krahas ndeshjeve në kampionatin spanjoll, në edicionin e kaluar, futbollisti i ri zhvilloi pesë ndeshje në Kupën e Mbretit dhe dy në Ligën e Kampionëve. Ai do t’i bashkohet skuadrës së Dortmundit gjatë stërvitjeve parasezonale në SHBA që do të zhvillohen ndërmjet 18 dhe 26 korrikut. Pritet të shihet se si do ta zhvillojë lojën e tij Hakimi në kampionatin gjerman. /Telegrafi/ The post Hakimi huazohet për dy vjet te Dortmundi appeared first on Telegrafi. |
Anglia në epërsi ndaj Kroacisë, Trippier shënon nga gjuajtja e lirë Posted: 11 Jul 2018 11:09 AM PDT Është zhbllokuar shumë herët rezultati në ndeshjen ndërmjet Kroacisë dhe Anglisë, e vlefshme për gjysmëfinalen e Kampionatit Botëror. Që në minutat e para u bë një ndërhyrje në afërsi të zonës së kroatëve dhe u akordua gjuajtje e lirë për anglezët. Përgjegjësinë e mori Kieran Trippier, i cili u tregua fantastik për ta mposhtur Danijel Subasicin (5′). Minutat e para të ndeshjes u takuan Tre Luanëve, të cilët ishin shumë të rrezikshëm. Me lojën e tyre të shpejtë dhe dinamike, anglezët arrinin shumë shpejtë në zonën kundërshtare. Ndërkohë që kroatët e kishin të vështirë ta zhvillonin lojën e tyre. Theksojmë se fituesi i këtij dueli në finalen e 15 korrikut do të luajë kundër Francës. /Telegrafi/
The post Anglia në epërsi ndaj Kroacisë, Trippier shënon nga gjuajtja e lirë appeared first on Telegrafi. |
Kukësi luan pa gola ndaj Vallettas në Shkodër Posted: 11 Jul 2018 10:59 AM PDT Kukësi ka barazuar pa gola në ndeshjen e parë ndaj skuadrës së Vallettas në rrethin e parë kualifikues të Ligës së Kampionëve. Skuadra e vetme shqiptare në elitën e futbollit kontinental nuk arriti të shfrytëzojë faktorin fushë për të marrë epërsinë ndaj rivalëve maltezë, e tani kualifikimi do të vendoset pas një jave. Me ndryshime të mëdha në formacion dhe me pesë debutues, trajneri Pacult shpresoi për të marrë avantazhin që në pjesën e parë, por Musolli dhe Zguro nuk arritën të shënojnë – transmeton TCH. Nga ana e tyre, maltezët rrezikuan me Pikioli dhe Fontanela, por dështuan përballë portës së mbrojtur nga Frashëri. Sebino Plaku kishte më shumë mundësi në pjesën e dytë, por sulmuesi i afruar këtë verë nuk arriti të shënojë një gol, që do të kishte shumë peshë për Kukësin. Ndeshja e kthimit në Ligën e Kampionëve, ndaj Vallettës në Maltë, do të luhet më 18 korrik. Natyrisht se ky rezultat nuk është favorshëm për ekipin shqiptar, mirëpo një plus është edhe mospranimi i golit në terren vendas. The post Kukësi luan pa gola ndaj Vallettas në Shkodër appeared first on Telegrafi. |
You are subscribed to email updates from Futboll – Telegrafi. To stop receiving these emails, you may unsubscribe now. | Email delivery powered by Google |
Google, 1600 Amphitheatre Parkway, Mountain View, CA 94043, United States |
Lexo edhe: