“Sokoli favorizon Francën për kampion bote, Munishi shpreson në Kroacinë” plus 9 more Telegrafi Futboll
“Sokoli favorizon Francën për kampion bote, Munishi shpreson në Kroacinë” plus 9 more Telegrafi Futboll |
- Sokoli favorizon Francën për kampion bote, Munishi shpreson në Kroacinë
- Rakitic: Modric meriton të zgjidhet lojtari më i mirë i Botërorit
- Sandro largohet, vjen Marcelo?
- Joao Mario afër Wolverhamptonit
- Pas Shaqirit, Klopp kërkon edhe dy transferime të reja
- Effenberg: Po të ishte më ri, sot Mandzukic do të kushtonte 200 milionë euro
- Laudrup: Kam folur me Hazardin, do t’i bashkohet Real Madridit
- Ish-presidenti Calderon: Real Madridi do të pendohet – Ronaldo është si Pele, Di Stefano e Cruyff
- Hazard: Jam gati të largohem nga Chelsea, Real Madridi klub ëndrrash
- Martinez: Kemi provuar ta fitojmë Botërorin, këta futbollistë bën histori me Belgjikën
Sokoli favorizon Francën për kampion bote, Munishi shpreson në Kroacinë Posted: 14 Jul 2018 03:50 PM PDT Trajnerët e njohur kosovar, Bylbyl Sokoli dhe Ismet Munishi kanë dhënë mendimet e tyre në lidhje me fituesin e Kupës së Botës "Rusia 2018". Kampionati Botëror ka ardhur në fazën finale dhe ka mbetur vetëm edhe ndeshja në mes të Francës dhe Kroacisë të zbuloj fituesin e ngjarjes më të madhe të futbollit në botë. E gjithë bota e futbollit është ndarë në dysh në lidhje me fituesin e Botërorit, pasi disa favorizojnë Francën dhe disa Kroacinë. Të ndarë në dysh janë edhe trajnerët kosovar, Sokoli e Munishi, të cilët kanë dhënë mendimet e tyre në lidhje me fituesin e Kupës së Botës. Në emisionin Dueli Botëror në RTV Dukagjini i udhëhequr nga Fisnik Zymi dhe Arta Nitaj, trajnerët kosovar kanë shprehur mendimet e tyre. "Nuk kam çfarë të shtoj. Mendoj se Franca është favorite për ta fituar Botërorin", ka thënë Bylbyl Sokoli. "Franca është favorit, por unë shpresoj shumë që kampion do të del Kroacia. Me penallti apo me vazhdime, ata e dinë qysh. Shpresoj që Kroacia ta qojë Kupën në shtëpi", ka deklaruar Ismet Munishi. Ndryshe, ndeshja finale do të zhvillohet të dielën me fillim nga ora 17:00. /Telegrafi/ The post Sokoli favorizon Francën për kampion bote, Munishi shpreson në Kroacinë appeared first on Telegrafi. |
Rakitic: Modric meriton të zgjidhet lojtari më i mirë i Botërorit Posted: 14 Jul 2018 02:42 PM PDT Ivan Rakitic i Barcelonës ndjen se bashkëlojtari i tij te Kroacia dhe rivali i Real Madridit, Luka Modric, meriton të fitojë çmimin e Topit të Artë për lojtarin më të mirë të Kupës së Botës. Modric ka luajtur një rol të rëndësishëm gjatë arritjes së parë të Kroacisë në finalen e Kupës së Botës, ku do të përballen me Francën të dielën. Kështu, Rakitic do të vendosë besnikërinë e klubit në njërën anë pasi ka thënë se Modric meriton të zgjidhet lojtari më i mirë i Botërorit në Rusi. “Duhet të jetë një kroat dhe kapiteni ynë Modric e meriton”, ka thënë fillimisht Rakitic në një konferencë për shtyp. “Unë jam i sigurt se FIFA do ta zgjedhin atë, ndërsa kroatët e tjerë do të jenë në 11-shen më të mirë”. “Megjithatë, ne nuk duam atë”. “Ne duam vetëm të fitojmë Kampionatin Botëror”, përfundoi mesfushori kroat. Ndryshe, Modric para disa ditësh ka deklaruar se do t’i jepte gjithë trofetë e Ligës së Kampionëve për të fituar Kupën e Botës. /Telegrafi/ The post Rakitic: Modric meriton të zgjidhet lojtari më i mirë i Botërorit appeared first on Telegrafi. |
Sandro largohet, vjen Marcelo? Posted: 14 Jul 2018 02:13 PM PDT Raportimet e mediave vazhdojnë të këmbëngulin se Alex Sandro është gati për një transferim në Paris Saint-Germain, i cili do të hapte derën e afrimit të Marcelos te Juventusi. Mbrojtësi brazilian i Juventusit është i preferuari i gjigantit francez për krahun e majtë të mbrojtjes. Sipas mediave në Francë, PSG tashmë ka rënë dakord me kushtet personale dhe të dy klubet mund të diskutojnë një transferim të mundshëm. Gjatë ditëve të fundit është përfolur se një ofertë 40 milionë euro është refuzuar nga Zonja e Vjetër dhe gjatë ditëve të ardhshme pritet të kemi një ofertë të re. Alex Sandro ka qenë gjithashtu i lidhur me Manchester United, Chelsea dhe Manchester City, kështu që transferimi i tij nuk do të jetë i lehtë. Megjithatë, nëse braziliani do të largohet nga Torino, zëvendësimi i tij ka gjasa të jetë pikërisht një bashkëkombës i tij. Është fjala për mbrojtësin e njohur të Real Madridit, Marcelo, i cili ka fituar gjithçka me Mbretërit. Nuk është sekret se Marcelo dhe Cristiano Ronaldo janë miq të fortë dhe ata mund të ribashkohen pas kohës së tyre së bashku në Real Madrid. /Telegrafi/ The post Sandro largohet, vjen Marcelo? appeared first on Telegrafi. |
Joao Mario afër Wolverhamptonit Posted: 14 Jul 2018 01:48 PM PDT Interi është i etur për të shitur Joao Mario dhe Wolverhampton Wanderers mund të bëjë një marrëveshje brenda disa ditëve pasi ai e refuzoi Bournemouthin. 25-vjeçari portugez u nënshkrua nga Sporting CP në verën e vitit 2016 për 40 milionë euro plus bonuse, por pati pak ndikim me fanellën e zikaltërve. Ai u huazua në Angli te West Ham Unitedi me një opsion për të blerë përfundimisht, por klubi nga Liga Premier zgjodhi të mos e aktivizonte atë klauzolë. Megjithatë, e ardhmja e yllit portugez mendohet të jetë përsëri në kampionatin anglez, edhe pse jo te Çekanët. Sipas mediumit Bein Sports, një marrëveshje me Wolves është vetëm disa ditë larg, pasi ky klub po bëhet si një parajsë portugeze. Joao Mario do të ishte lojtari i shtatë portugez në skuadër, për të mos përmendur edhe menaxherin e skuadrës, Nuno Espirito Santo. Sipas FCInterNews.it, Bournemouth kishte bërë një qasje për të blerë për 18 milionë euro, por lojtari e refuzoi atë. /Telegrafi/ The post Joao Mario afër Wolverhamptonit appeared first on Telegrafi. |
Pas Shaqirit, Klopp kërkon edhe dy transferime të reja Posted: 14 Jul 2018 01:22 PM PDT Trajneri i Liverpoolit, Jurgen Klopp, nuk do t’i japë fund blerjeve të verës me marrëveshjen e së premtes mbrëma për Xherdan Shaqirin, pasi synon edhe dy përforcime. 26-vjeçari me prejardhje shqiptare u bashkua me Liverpoolin nga Stoke për 13 milionë funte apo rreth 15 milionë euro pas zbritje së Potters në Championship. Transferimi i tij bëri bujë të madhe pasi Shaqiri ishte objektiv edhe i Manchester Unitedit dhe pas shkëlqimit në Kupën e Botës u ble për një çmim relativisht të ulët duke pasur parasysh tregun momental. Megjithatë, sipas mediumit britanik The Mirror, djaloshi nga Gjilani duke do të jetë transferimi i fundit për Reds pasi Klopp po kërkon të forcojë dy pozicione – portën dhe rolin e numrit 10. Liverpooli ka qenë në treg për një portier të ri që nga koha kur Loris Karius bëri dy fatale në finalen e Ligës së Kampionëve, që i kushtuan me humbje nga Real Madridi. Reds ishin të lidhur me Bernd Leno dhe Alisson, por gjermani nënshkroi me Arsenalin, ndërsa e ardhmja e brazilianit në Romë mbetet ende një mister. Për sa i përket një numri 10 të ri, mbetet ende shpresa për ringjalljen e marrëveshjes së tyre para Kupës Botërore për kapitenin e Lyonit, Nabil Fekir. Me këto dy transferime të mundshme, Liverpooli do të mbyllte afatin kalimtar dhe do të hynte në sezonin e ri me synim fitimin e trofeve. /Telegrafi/ The post Pas Shaqirit, Klopp kërkon edhe dy transferime të reja appeared first on Telegrafi. |
Effenberg: Po të ishte më ri, sot Mandzukic do të kushtonte 200 milionë euro Posted: 14 Jul 2018 12:51 PM PDT Ish-futbollisti gjerman, Stefan Effenberg, thotë se Mario Mandzukic është një prej tre sulmuesve më të mirë në botë dhe do të kushtonte 200 milionë euro po të ishte më i ri. 32-vjeçari ka qenë një prej lojtarëve vendimtarë në kualifikimin e Kroacisë në finale të Kampionatit Botëror, ku do të ndeshet me Francën. Krahas dy golave dhe një asistimi, ai ka vazhduar të jetë luftarak në Rusi, njësoj siç ka bërë edhe me klubin e tij, Juventus. “Asnjëherë nuk e kam kuptuar pse Bayern Munichu e shiti. Sipas meje, Mandzukic është njëri prej tre sulmuesve më të mirë në botë”. “Ai angazhohet shumë për skuadrën dhe goli i tij në vazhdime ndaj Anglisë, ishte vendimtar”. “Po të ishte më i ri, ai do të vlente 200 milionë euro dhe do ta preferoja dhjetë herë më shumë sesa Neymarin”, ka deklaruar ka shkruar Effenberg për T-Online. Mandzukic ka marrë lëvdata edhe nga ish-bashkëlojtari i tij te bavarezët, Arjen Robben. “Është luftarak, një lojtar që të gjithë do ta donin në skuadër dhe jo në ekipin kundërshtar. Ndoshta nuk ka shumë aftësi me top, mirëpo ai gjithmonë i shënon golat e rëndësishëm dhe është lojtari tek i cili mund të llogarisësh”, ka theksuar Robben. /Telegrafi/ The post Effenberg: Po të ishte më ri, sot Mandzukic do të kushtonte 200 milionë euro appeared first on Telegrafi. |
Laudrup: Kam folur me Hazardin, do t’i bashkohet Real Madridit Posted: 14 Jul 2018 12:50 PM PDT Ish-ylli i Chelsea, Brian Laudrup beson se Eden Hazard është gati të bashkohet me Real Madridin. Një numër lojtarësh kanë qenë të lidhur me mbushjen e zbrazëtirës së mbetur nga largimi i Cristiano Ronaldos, i cili u transferua te Juventusi. Njëri nga emrat më të përfolur ishte pikërisht ylli belg i Chelseat, Hazard, i cili pas fitores ndaj Anglisë deklaroi se Real Madridi është klub ëndrrash. Edhe Laudrup këmbëngul se do të jetë sulmuesi belg 27-vjeçar i cili do të shkojë në kryeqytetin spanjoll pas shfaqjeve të tij të jashtëzakonshme në Kupën e Botës. “Unë fola me Eden Hazard disa ditë më parë”, ka thënë fillimisht Laudrup për Sportske Novosti. “Ai është duke u përgatitur për një lëvizje në Real Madrid dhe kjo është një lëvizje e mirë për të dhe për Realin”. “Përsëri në Rusi, ai tregoi se sa i mirë është. Ai është lojtar i kalibrit botëror”, përfundoi ish-ylli i Bluve. Çmimi i transferimit të yllit belg mendohet të jetë rreth 200 milionë euro. /Telegrafi/ The post Laudrup: Kam folur me Hazardin, do t’i bashkohet Real Madridit appeared first on Telegrafi. |
Ish-presidenti Calderon: Real Madridi do të pendohet – Ronaldo është si Pele, Di Stefano e Cruyff Posted: 14 Jul 2018 12:27 PM PDT Ish-presidenti Ramon Calderon beson se Real Madrid do të pendohet për dërgimin e Cristiano Ronaldos në Juventus, pasi sipas tij ai është në të njëjtin nivel me legjendën Pele. Ronaldo u transferua tek Juventusi në një marrëveshje që u bë pas nëntë viteve në fanellën e Merengues për të paktën 112 milionë euro, por sipas Calderon, Real Madridi do të pendohet për largimin e portugezit. “Është një gabim i pafalshëm që Real Madridi do të paguajë një çmim të rëndë për”, ka thënë fillimisht Calderon për La Gazzetta dello Sport. “Njerëzit flasin për Kylian Mbappe ose Neymar, por ata janë larg nga niveli i Cristianos”. “Ishte një blerje historike nëntë vjet më parë dhe klauzola prej 1 miliard tregoi se ai nuk ishte në shitje”. “Perez do të paguajë për këtë gabim. Cristiano është numri 1, kështu që dëmi i bërë është i madh”. “Cristiano refuzoi kontratën e përmirësuar të dhënë nga Perez kohët e fundit. Arsyet për të ecur janë emocionale, blerja e tij është marrëveshje e madhe për Juventusin”. “Unë mund ta shoh atë me trofe të tjerë në kabinet në vitet e ardhshme dhe do të duhet t’i kushtojë rëndësi të madhe të Ligës së Kampionëve”. “Kostoja e operacionit është e shtrenjtë, por do të nxirret nga sponsorët dhe paratë reklamuese. Unë do ta vendosja Ronaldon në të njëjtin nivel si Alfredo Di Stefano, Pele dhe Johann Cruyff”, përfundoi ish-presidenti i Mbretërve. /Telegrafi/ The post Ish-presidenti Calderon: Real Madridi do të pendohet – Ronaldo është si Pele, Di Stefano e Cruyff appeared first on Telegrafi. |
Hazard: Jam gati të largohem nga Chelsea, Real Madridi klub ëndrrash Posted: 14 Jul 2018 11:43 AM PDT Kapiteni i Belgjikës, ylli i Cheseat, Eden Hazard ka folur për të ardhmen e tij duke u shprehur i gatshëm të largohet nga Stamford Bridge për të vazhduar karrierën tek klubi i ëndrrave, Real Madridi. Ylli belg tashmë ka thënë se Real Madridi është një klub “i veçantë” dhe shtoi se është i gatshëm të largohet nëse Chelsea është i gatshëm të shesë. “Pas gjashtë viteve të mrekullueshme në Chelsea mund të jetë koha për të provuar diçka ndryshe”, ka thënë fillimisht Hazard duke folur për ITV. “Sigurisht që pas kësaj Kupe të Botës unë mund të vendos nëse dëshiroj të qëndroj apo të largohem, por Chelsea do të marrë vendimin përfundimtar – nëse duan të më lejojnë të shkoj. Ju e dini destinacionin tim të preferuar”.
“Në të ardhmen, nuk e dini kurrë se çfarë ndodh. Unë do të shkoj në pushime dhe pastaj ne do të shohim”.
Chelsea fitoi Kupën FA në maj, por mbylli një sezon të dështuar duke përfunduar në vendin e pestë, për të humbur kualifikimin e Ligës së Kampionëve, një rezultat që për kosto kishte shkarkimin e menaxherit Antonio Conte. Futbollisti 27-vjeçar i cili ka bërë më shumë se 200 paraqitje që kur u bashkua me Chelsean nga Lille në vitin 2012, duke shënuar 69 gola e ka cilësuar Real Madridin klub ëndrrash. “Unë mendoj se Real Madridi është ëndrra e të gjithëve”. “Me apo pa Zidanen, fanella e bardhë është e veçantë, por bluza blu përshtatet mirë kështu që nuk më shqetëson nëse qëndroj”, përfundoi belgu. /Telegrafi/ The post Hazard: Jam gati të largohem nga Chelsea, Real Madridi klub ëndrrash appeared first on Telegrafi. |
Martinez: Kemi provuar ta fitojmë Botërorin, këta futbollistë bën histori me Belgjikën Posted: 14 Jul 2018 11:11 AM PDT Roberto Martinez ka folur pas fitores së Belgjikës ndaj Anglisë, e vlefshme për medaljen e bronztë në Kupën e Botës “Rusia 2018”. Belgjika ka arritur të fitojë medaljen e bronztë pas fitores ndaj Anglisë dhe sipas trajnerit Martinez kjo është një arritje historike për këtë grup futbollistësh. “Ne kemi kërkuar të fitojmë Kupën e Botës. Kur ju mposhtni Brazilin dhe futeni në gjysmëfinalen, fokusi duhet të jetë të përpiqeni të fitoni Kupën e Botës, por duhet të jeni realist kur të përfundoni turneun dhe shikoni prapa”, ka thënë fillimisht Martinez. “Këta lojtarë e kthyen historinë në Belgjikë dhe kjo është e gjitha që ka rëndësi. Këta lojtarë meritojnë të kenë këtë fitore”. “Brezi i ‘Meksikë 86’ krijoi një frymëzim të vërtetë dhe një vizion të vërtetë për të gjithë futbollistët në Belgjikë”. “Tani ky grup lojtarësh e mposhti atë dhe kjo është historike. U deshën 32 vjet të jenë në gjendje që të jenë në këtë pozitë, kështu që ka kënaqësi reale dhe sukses të vërtetë”. “Është tek mënyra si ne kemi arritur pasi futbolli që luajtëm është futbolli belg, është marka jonë. Dhe bashkimi dhe fleksibiliteti që kemi treguar taktikisht, tregon atë që duam të bëhemi një komb futbollist”. “Ka qenë një udhëtim shumë i mirë, një udhëtim me të vërtetë i suksesshëm, por në futboll ju duhet të shikoni përpara dhe të përpiqeni të përmirësoni në rastin e ardhshëm që kemi”, përfundoi trajneri i Belgjikës. /Telegrafi/ The post Martinez: Kemi provuar ta fitojmë Botërorin, këta futbollistë bën histori me Belgjikën appeared first on Telegrafi. |
You are subscribed to email updates from Futboll – Telegrafi. To stop receiving these emails, you may unsubscribe now. | Email delivery powered by Google |
Google, 1600 Amphitheatre Parkway, Mountain View, CA 94043, United States |
Lexo edhe: