Shkelet Protokolli i Shtetit, 3 liderët jashtë vendit |
- Shkelet Protokolli i Shtetit, 3 liderët jashtë vendit
- Lajm jo i mirë, edhe 3 ditë me shi
- Superluksoz, ky është aeroplani 500 milionë dollarësh i Putinit |Foto
- Llaushë e Epërme/ Plagoset në oborr të shtëpisë, ndërron jetë në spital
- Nuk u mbijetoi dot plagëve, vdes edhe vajza e dytë e familjes Memaj nga Deçani
- Pishina e kafshëve në Drenas (FOTO)
- I ndihmoi kur i vjedhi ilaqet për nënën e tij! Fëmiju ja ktheu të mirën pas 20 viteve
- Ky është ish i burgosuri nga policia serbe, i cili punon 18 orë në ditë(FOTO)
- Kjo është vajza bukuroshe e këngëtares drenicase (FOTO)
- Tjetër goditje tërmeti këtë mëngjes!
Shkelet Protokolli i Shtetit, 3 liderët jashtë vendit Posted: 18 Jul 2018 01:55 AM PDT Presidenti i Kosovës Hashim Thaçi, kryetari i Kuvendit Kadri Veseli, kryeministri Ramush Haradinaj dhe zëvendëskryeministrat Fatmir Limaj, Behgjet Pacolli e Dardan Gashi janë në Bruksel ku do të takohen me përfaqësuesen e lartë të Bashkimit Evropian, Federica Mogherini. Presidenti, kryeparlamentari dhe kryeministri në të njëjtën kohë janë jashtë shtetit që do të thotë se ata kanë shkelur protokollin e shtetit, shkruan lajmi.net. Protokolli i Shtetit kërkon të ketë bashkërendim të agjendës së Presidentit, të kryeministrit dhe të kryeparlamentarit, në mënyrë që këta tre të mos jenë në të njëjtën kohë jashtë vendit. Pra, Thaçi, Veseli e Haradinaj sot janë në Bruksel të cilët do të takohen me Mogherinin ku do të bisedojnë për dialogun me Serbinë. Më Ligjin për Protokollin e Shtetit shkruan saktësisht se tre liderët nuk guxojnë njëkohësisht të jenë jashtë shtetit. "Protokolli i Shtetit vihet në dijeni paraprakisht për çdo lëvizje të personaliteteve kryesore, presidentit, kryetarit të Kuvendit dhe kryeministrit jashtë shtetit. Vizitat bashkërendohen në mënyrë që të mos jenë të tre njëkohësisht jashtë vendit", thuhet në Nenin 19 të Ligjit për Protokollin e Shtetit e mosrespektimi i Protokollit po vlerësohet si papërgjegjësi e drejtuesve të shtetit. Kjo nuk është hera e parë që krerët e shteti kanë shkelur protokollin, ata edhe më parë kanë udhëtuar njëkohësisht. The post Shkelet Protokolli i Shtetit, 3 liderët jashtë vendit appeared first on DRENICA PRESS. |
Lajm jo i mirë, edhe 3 ditë me shi Posted: 18 Jul 2018 01:50 AM PDT Edhe 3 ditët në vijim do vazhdojnë me shi. Meteorologët parashikojnë se në vendin tonë paraditen e nesërme do mbretërojë mot kryesisht me diell. Pasdite do të shtohen vransirat, e vende – vende me reshje të dobëta shiu, me mundësi edhe për bubullimë, përcjelll Gazeta Metro. Ndërkohë, të enjten pritet kryesisht mot me vransira, kohëpaskohe me reshje lokale shiu. Dhe, ditën e premte mot kryesisht me vransira, në mesditë mundësi për reshje lokale shiu, e në mbrëmje priten kthjellime. Temperaturat e ajrit do të mbesin rreth vlerave mesatare, por që gradualisht do të pësojnë rënie. Minimalet do të luhaten nga 13C deri në 15C, e ato maksimale nga 26C do të zbresin deri në 24C, ditën e enjte. Do të fryejë erë e lehtë dhe mesatare kryesisht nga krahu verior 2-9m/s. Shtypja atmosferike, do të pësojë rënie nën vlera normale, e më pas gradualisht pritet të rritet rreth këtyre vlerave. The post Lajm jo i mirë, edhe 3 ditë me shi appeared first on DRENICA PRESS. |
Superluksoz, ky është aeroplani 500 milionë dollarësh i Putinit |Foto Posted: 18 Jul 2018 01:41 AM PDT Që nga tualeti prej ari e deri te shtrati gjigant, madje edhe palestra e ushtrimeve, këto fotografi shfaqin interierin fantastik të njërit aeroplan privat të Vladimir Putinit. Aeroplani 500 milionë dollarësh i presidentit rus ka aterruar dje në Helsinki të Finlandës, ku është takuar me presidentin Donald Trump, i cili erdhi po ashtu me aeroplanin e famshëm, Air Force One, i cili kushton 1 miliard dollarë, transmeton koha.net. Aeroplani presidencial i SHBA-së shumë shpesh ka qenë lajm dhe është parë nga brenda, por jo edhe ai i Rusisë. Në fotografitë e më poshtme është interieri i aeroplanit presidencial të Vladimir Putinit. The post Superluksoz, ky është aeroplani 500 milionë dollarësh i Putinit |Foto appeared first on DRENICA PRESS. |
Llaushë e Epërme/ Plagoset në oborr të shtëpisë, ndërron jetë në spital Posted: 18 Jul 2018 01:32 AM PDT Një vdekje e dyshimtë është regjistruar në fshatin Llaushë e Epërme të Podujevës, transmeton gazeta Drenica Press Lajmi është konfirmuar edhe nga organet e rendit përmes një raporti zyrtar ku thuhet se është gjetur i plagosur me armë zjarri në oborrin e shtëpisë së tij, me shenja jete viktima mashkull K/Shqiptar. Si pasojë e plagëve të marra gjersa ishte në trajtim mjekësor viktima ka ndërruar jetë. Në vendin e ngjarjes në cilësi të provave materiale është gjetur dhe konfiskuar një pushkë gjysmë automatike. Me urdhër të prokurorit trupi i pajetë i viktimës dërgohet në IML për autopsi. /Drenica Press/ The post Llaushë e Epërme/ Plagoset në oborr të shtëpisë, ndërron jetë në spital appeared first on DRENICA PRESS. |
Nuk u mbijetoi dot plagëve, vdes edhe vajza e dytë e familjes Memaj nga Deçani Posted: 18 Jul 2018 12:50 AM PDT Aksidenti tragjik, i cili ndodhi mëngjesin e së hënës në autostradën gjermane në Dunningen, mori jetën e dy personave nga Kosova.Valon Memaj 26 vjeç nga komuna e Deçanit dhe vajza e tij 5 vjeçe Luisë Memaj, kishin humbur jetën në vendin e aksidentit, ndërkaq vajza tjetër Albina 3 vjeçe kishte pësuar lëndime të rënda trupore. Ndonëse u tha se ajo kaloi me sukses një operacion, ajo nuk ka mundur t’u rezistojë plagëve të rënda dhe ka ndërruar jetë mbrëmë në spitalin universitar në Freiburg. Lajmi është bërë i ditur në rrjetet sociale. Njoftimi i plotë: Të nderuar qytetarë të Deçanit! Edhe Albina e vogël mbrëmë e humbi betejën, nuk iu rezistoi lëndimeve te renda. Tre engjëj do kthehen ne arkivole ne Kosovën nënë. Lutemi qe Zoti i plotfuqishëm ti dërgoj në Xhenet!
The post Nuk u mbijetoi dot plagëve, vdes edhe vajza e dytë e familjes Memaj nga Deçani appeared first on DRENICA PRESS. |
Pishina e kafshëve në Drenas (FOTO) Posted: 18 Jul 2018 12:42 AM PDT Pishina e kafshëve në Drenas. Kjo foto na është dërguar nga banoret e Lagjes së Feronikelit në Drenas, ku shihet se si lopa tek sa freskohet në një grop të mbushur me ujë në mes të rrugës. Fotografi e dërguar tek faqja "Shqetësimet e Qytetarëve të Drenasit". The post Pishina e kafshëve në Drenas (FOTO) appeared first on DRENICA PRESS. |
I ndihmoi kur i vjedhi ilaqet për nënën e tij! Fëmiju ja ktheu të mirën pas 20 viteve Posted: 18 Jul 2018 12:39 AM PDT Një video interesante është publikuar në rrjetet sociale, që do të na mëson shumë për të mirat e kësaj jete, transmeton KosovaRepublikë. Një fëmijë kishte vjedhur ilaqe për nënën e tij, teksa shitesja e kishte hetuar dhe duke ndjekur nga pas e zuri femijun duke ja marrë ilaqet, por një zoteri në dyqanin afër, duke parë femijën e mërzitur nxorri paratë nga xhepi i tij dhe ja dha shitëses, teksa edhe i dha buk për ti dërguar nënës së bashku me ilaqet. Pas disa viteve femiu i cili kishte vjedhur ilaqet, ishte bërë doktorr i zoti dhe papritams burri që e ndihmoi pësoi infrakt, dhe kështu u shtrua në spital, ndërsa shërimi i tij ishte shumë i shtrenjtë dhe vajza e pronarit të dyqanit mendonte se nuk do ti gjente gjithë atë shumë parash, pikërisht fëmiju i cili e kishte ndihmuar burri në të kaluaren, i doli në ndihme për t`ja paguar shërimin. Video që do t`ju bëj të qani me lot, dhe të kuptoni se të mirat që i bënë dikujt, një ditë do të rikthehen. The post I ndihmoi kur i vjedhi ilaqet për nënën e tij! Fëmiju ja ktheu të mirën pas 20 viteve appeared first on DRENICA PRESS. |
Ky është ish i burgosuri nga policia serbe, i cili punon 18 orë në ditë(FOTO) Posted: 18 Jul 2018 12:27 AM PDT Rrahim Aliu dikur i burgosur nga policia serbe ,tash një njeri i zoti dhe shumë punëtor, kjo për arsye sepse ai arrin të punoi 18 orë në ditë, krahas përjetimeve që pati gjatë luftës. Zakonisht ditën e fillon në ora 7:00 të mëngjesit, në serat e tij duke kultivuar kultura bujqësore nga të cilat arrin t'i siguroi disa të ardhurat familjare ,ndërsa pasdite punon në një qendër tregtare e cila është një punë e vështirë për një 56 vjeçar si ai . Ai thotë se bënë jetë normale por që çdo herë mbanë të freskëta kujtimet dhe tmerret e përjetuara gjatë 4 viteve të luftës në burgje të ndryshme . "Çdo përvjetor i masakrës se Dubraves me kthen prapë në kohën kur jeta jonë ishte bërë tmerr", janë fjalët e Rrahimit çdoherë kur vjen muaji i pestë i vitit . Ish- i burgosuri kujton kohën kur kishte vendosur të kthehej në Kosovë .Atëkohë, bashkë me 50 shqiptarë kishin lënë vendet e BE-së ,duke vendosur të kthehen dhe të japin kontribut për Kosovën .Madje ,ai planifikonte të bëhej pjesëtar i UCK-së ,por që plani i tij nuk u arrit asnjëherë ,kjo për arsyen së bashkë me shokët e tjerë përfunduan krejt diku tjetër . Ne kufi me Kosovën ,policia serbe ,i kishte ndaluar ,arrestuar e me pas dërguar në burg 15 nga 50 udhëtaret dhe i kishte dënuar secilin prej tyre me nga 3 deri 5 vjet burgim .Të burgosurit ,siç rrëfen Rrahimi ,ishin dërguar në katër burgje .Fillimishtë në Prokuple , në Nish , pastaj i kishin dërguar në Istog. Në burgun e Dubraves kishin përjetuar tmerrin, për shkak së policia serbe kishte përdorur të burgosurit si mburoje në kohën kur objektet ushtarake dhe policore të Serbisë borbandoheshin nga forcat e Aleancës Veri Atlantike . Borbandimet e Nato-së filluan me 24 mars 1999 dhe kishin zgjatur 78 ditë .Gjatë kësaj kohë ,ishin vrarë mijëra shqiptarë derisa disa prej tyre ishin ngujuar neper kazermat serbe ,te cilët me pas ishin goditur nga forcat e Aleancës .Ne këtë situatë keq kishin pësuar të burgosurit e Dubraves ,ku me datë 19 maj ishte borbanduar burgu duke lëne te vdekur shumë të burgosur shqiptarë. Pas shqiptimit të viteve burg ,të burgosurit i kishin dërguar në burgun e Prokuples .
Tmerret e burgut të Prokuples Në burgun e Prokuples të burgosurit qëndruan nga gushti 1998 deri disa ditë pas 24 marsit 1999. Në këtë burg të burgosurit kishin përjetuar tmerre të mëdha sepse asnjë ditë e vetme nuk kalonte që të burgosurit nuk po maltretoheshin në mënyra të ndryshme duke ushtruar dhunë të madhe mbi ta ,kujton Rrahimi. Derisa po rrëfente tmerret dhe maltretimet në burg ai , fillimisht kujton vizitën e parë që ia beri babai i tij ,një vizitë e papritur ,që si kujtim la fjalët ngushëlluese dhe shpresëdhënëse . Krahas fjalëve të babait kujton lajmin me të hidhur që mori brenda burgut, ku për gjendjen në Kosovë informoheshin përmes një transistori të fshehur , ishte lajmi për masakrën e Recakut dhe rrëfimi i një gruaje e cila mes lotëve po thoshte "ma vranë vllan e hasretit", rrëfimi i cili preku shumë prej të burgosurve dhe që beri të krijohej një bindje të të burgosurit se në Kosovë nuk kishte mbetur njeri i gjallë , tregon Aliu.
Transformimi në burgun e Nishit Gjatë transformimit nga burgu i Prokuples për në Nish maltretimet ishin të tmerrshme aq sa mendja e njeriut vështirë ta paramendoi .Është e vështire të harrohen vuajtët e sidomos fyerjet qe bënin serbet në drejtim të burgosurve ,qe nga tmerri vetëm sa ishin gjallë, thotë ai.Në Nish qëndruan nga 24 marsi deri 30 prill 1999 ,ku çdo gjë ishte e tmerrshme madje edhe ushqimi, ushqim nuk mund te quhet një rriskë buke vetëm sa për mbijetese ,ndërsa një gote ujë për shumë të burgosur ndahej sa për të larguar etjen e madhe, po rrëfente Aliu derisa mundohej t'i sistemoi ngjarjet qe i përjetoi në burgun e Nishit . Transformimin e të burgosurve në Nish ,familjaret e kishin kuptuar nga gazetat të cilat kishin njoftuar për fatin e tyre .Gjatë këtyre viteve në Kosovë ishte krijuar një bllokad e informimit sepse mediat po e krynin punën e tyre me shumë vështirësi, dhe kjo gjendje po veshtirsonte informin e familjarve për fatin e të burgosurve. Nga burgu i Nishit te burgosurit i dërguan në burgun e Dubraves .
Vuajtjet në burgun e Dubraves Vuajtjet me të tmerrshme i kujton në burgun e Dubraves ku i kishin mbledhur të burgosurit nga burgje të ndryshme , në mesin shumë njerëzve kujton Ukshin Hotin ,Bislim Zogaj e shumë të tjerë . "Masakra e Dubraves paraqet masakrën më të tmerrshme ku çka do qe shihje të jepte ndjenjën se ishte një kasaphane por qe mbi te gjitha ishin njerëzit ata qe vdisnin", thotë ai. Në mendje i kishte mbetur edhe rasti kur u borbandua kuzhina e burgut dhe kujton fatin e tmerrshëm të një te burgosuri, të cilin granata e kishte goditur në fytyrë dhe thuaj të gjithë të burgosurit ishin detyruar të përballeshin me atë pamje të tmerrshme ,rrëfen ai.
Fusha e sportit u kthye në fushë tmerri
Fusha e sportit në burgun e Dubraves lidhet me ngjarjen me të tmerrshme që përjetuan të burgosurit .Kjo për arsye se pas borbandimeve të Nato-së në burgun e Dubraves filloi keqtrajtimi nga serbet, që i morën të burgosurit dhe i nxorën në fushën e sportit më arsyetimin për ti numëruar ata ,me rreshtimin e tyre filluan pushkatimin ku shumë prej të burgosurve mbeten të vrarë . Të përballur me jetën apo vdekjen të mbijetuarit filluan të thyenin dyert e hekurta që kishte burgu ,por fati i keq i tyre ishte se hasen në gardianet e burgut, e si zgjidhje e panë futjen në puset e kanalizimit ,vend qe megjithatë nuk ishte i sigurt ,sepse për shumë kënd doli të jetë fatal , kjo për shkakun se gardianet serb po hidhnin granata dore brenda puseteve duke lën një numër te madh te vrarëve , po rrëfente Aliu , derisa ule kokën dhe fytyra e tij vazhdimisht po zbehej. Ai gjithashtu kujton fatin e keq të njërit nga shokët e tij ,i cili nuk kishte arritur qe t'i përballoi vuajtjet dhe tmerret e burgut i cili me pas filloi të ketë edhe probleme mendore .Si rast shumë të rënd kujton kur një i burgosur e kishte varë veten duke lënë kështu një kujtim të tmerrshëm për të gjithë të burgosurit . Të burgosurve ndihmë po iu ofronte Bislim Zogaj i cili kishte një punë të veshtirë sepse numri i të semureve dhe të plagosurve ishte i madh . Ai thotë se në përhapjen e sëmundjeve ndikonte edhe ushqimi i cili ishte i tmerrshëm ,kujton kur për disa ditë me radhë ushqimi i të burgosurve ishte brumë i pjekur në Diell . Gjatë kësaj kohe kujton edhe plakun Hajdin Rama i cili me fjalët e tij vazhdimisht po u jepte shpresë se do te bëhej mirë në të gjithë Kosovën. Kur policia serbe kuptoi që numër i madh i të burgosurve ishin vrarë ,të mbijetuarit i kishin mbledhur dhe pastaj ndarë në autobus të ndryshëm për t'i dërguar në burgun e Lipjanit, ku qëndruan deri me 10 qershor 1999. Gjatë rrugës vazhdimisht u ishte kërkuar qe të mos tregonin përjetimet e tyre në burgun e Dubraves,por këto kërkesa të burgosurit nuk po i përfillnin fare , sepse gjithmonë kërkonin rastin për t'i treguar vuajtjet dhe padrejtësi qe iu bënë atyre dhe shokëve qe mbeten të vrarë aty ,tregon Rrahimi Aliu.
Pas tmerreve në burgun e Dubraves dhe Lipjanit të burgosurit i dërguan prapë në Nish , ku qëndruan deri ne shtator të vitit 2000.Me 10 qershor të burgosurit përmes transitorit qe po e mbanin fshehurazi, kuptuan se ishte nënshkruar marrëveshja për lirinë e Kosovës, ai në mendje ende mban fjalët e një të burgosurit i cili po u kërkonte pak qetësi " djem nalnu pak e të dëgjojmë se në Kosovë lufta paska mbaru", ishin fjalët e të burgosurit dhe qe ky ishte lajmi me mirë që kishin përjetuar të burgosurit gjatë atyre viteve ,rrëfen Rrahim Aliu. Si veprim të guximshëm, ai kujton vizitën e avokatit Hysni Bytyqi i cili pavarësisht situatës se vështirë për të vizituar të burgosurit bënte përpjekje të merrte emrat e të mbijetuarve dhe t'i lajmëronte familjaret . Pas burgut të Nishit të burgosurit i dërguan në burgun Quprios , ku qëndruan deri me 9 mars 2001, kur u kishte ardhur ftesa për lirimin e tyre. Edhe gjatë rrëfimit për lirimin dhe mbërritjen e të burgosurve në Prishtine, Rrahimi po mundohej të fsheh emocionet qe e kishin perciellur gjatë gjithë këtij rrëfimi . Ai mban ende mend fytyrën e nënës e cila kishte dalë ta pres dhe kujton ndryshim qe kishte hasur menjëherë "situatë e rend ishte kur pash nënën e cila kishte humbur thuajse gjithë shikimin dhe tash kishte vendosur syzet për të me parë mua " , rrëfen ai derisa prapë ule kokën dhe pushon për disa sekonda. Gjatë rrugës për në shtëpi ishte bindur se gjendja në Kosovë nuk ishte ajo qe kishte menduar se do ta shihte , gjithmonë mendonte se Kosovën do të gjente shkrumb e hi dhe të zbrazur nga njerëzit ,mirëpo rrugës kishte parë njerëz qe në fytyrat e tyre shfaqej malli ,gëzimi dhe një lloj feste për kthimin e të burgosurve . Kthimin e babait ne shtëpi pas shumë viteve e kujton mirë djali tij , Behari, i cili thotë se nuk kishte përjetuar ndjenjë më të mirë se kur u kthye babai dhe gjithashtu shton se nuk ka përjetuar ende një gëzim që i ofrohet gëzimit të asaj dite .
Ish-i burgosuri Rrahim Aliu mbaron rrëfimin e tij me një mesazh per shoqerinë: "Sot si njeri në moshë , mundohem të qëndroi i fortë dhe të punoj shumë , gjithmonë duke kujtuar dhe nderuar shokët që nuk arritën t'i shpëtojnë tmerreve që i përjetuam bashkë, dhe kërkoj nga shoqëria jonë të jemi më kembngules në qëllimet qe i shtrojmë vetes",. The post Ky është ish i burgosuri nga policia serbe, i cili punon 18 orë në ditë(FOTO) appeared first on DRENICA PRESS. |
Kjo është vajza bukuroshe e këngëtares drenicase (FOTO) Posted: 18 Jul 2018 12:19 AM PDT Afërdita Demaku është një nga zërat më të pëlqyera për publikun shqiptar, shkruan GazetaBlic. Duke qenë majft e pëlqyer, ajo është e angazhuar me koncerte të shumta, si brenda por edhe jashtë vendit. E kohën më të madhe ajo e kalon me vajzën e saj, Donën, ku dhe publikon fotografi shpesh me të në Instagram. Në fotografitë e publikuar shihet një ngjashmëri e madhe mes tyre. Përveç Afërditës, edhe Dona merret me muzikë ku muaj më parë lansoi projektin me titull "Rram pam pam", e krahas kësaj ajo shpesh e shoqëron nënën e saj në koncerte./GazetaBlic The post Kjo është vajza bukuroshe e këngëtares drenicase (FOTO) appeared first on DRENICA PRESS. |
Tjetër goditje tërmeti këtë mëngjes! Posted: 18 Jul 2018 12:16 AM PDT Pas termetit te djeshem qe shkundi Tiranen, te tjeter termet eshte regjistruar ne oret e para te mengjesit te sotem.Sipas IGJEUM lekundja eshte regjistruar ne oren 01:54 ne Kuraten, Durres dhe ka pasur magnitude 1.4. Lekundja ka qene per fat e lehte dhe nuk eshte ndjere shume. Ja tabela Tërmeti shkundi Tiranën, ja ku ishte epiqendra dhe magnituda
The post Tjetër goditje tërmeti këtë mëngjes! appeared first on DRENICA PRESS. |
You are subscribed to email updates from DRENICA PRESS. To stop receiving these emails, you may unsubscribe now. | Email delivery powered by Google |
Google, 1600 Amphitheatre Parkway, Mountain View, CA 94043, United States |
Lexo edhe: