Skip to main content

Iluzionet e Ballkanit Perëndimor për integrimin në bllok Telegrafi Opinione

Iluzionet e Ballkanit Perëndimor për integrimin në bllok Telegrafi Opinione


Iluzionet e Ballkanit Perëndimor për integrimin në bllok

Posted: 14 Jul 2018 08:51 AM PDT

Ervis Iljazaj

Duket sikur përpjekja e Bashkimit Evropian, por edhe shpresat e vendeve të Ballkanit Perëndimor janë që ky fundit të integrohet si një rajon i vetëm. Në fakt është i vetmi rajon që ka ngel jashtë Bashkimit Evropian, dhe në këtë kuptim, BE do ti duhet të gjejë një rrugë strategjike dhe politike në marrëdhëniet me të .

Mesa duket , Bashkimi Evropian ka gjetur rrugën e trajtimit të vendeve të Ballkanit si një pjesë e vetme, si një organizëm që kërkon ta integrojë njëherë e mirë të gjithin.

Me të drejtë ndoshta, pasi dihet që konfliktet që vazhdojnë të ekzistojnë ende midis tyre do ta bënin të vështirë trajtimin individual të çdo shteti të Ballkanit Perëndimor. Më pas kjo do të kthehej në një pengesë për këtë proces.

Në këtë drejtim, BE, nuk rresht së organizuari konferenca që kanë si temë integrimin e Ballkanit Perëndimor. Që nga Konferenca e Selanikut e deri te ajo e disa ditëve më parë të Londrës.

Çfarë kanë sjell në fakt këto konferenca? A e kanë ndihmuar Ballkanin Perëndimor drejt rrugës së integrimit.

Nga rezultatet e deritanishme duket sikur jo. Mirëpo, ato kanë luajtur një rol tjetër të rëndësishëm. Kanë ndihmuar të mbajnë bashkë një rajon tepër problematik. Në fakt kjo është strategjia e Bashkimit Evropian. Nga të gjitha të dhënat, nuk është ajo e integrimit si një rajon i vetëm, por, e krijimit të një zonë të përbashkët ekonomike më së tepërmi, por edhe shoqërore e politike, për të ruajtur një paqe gjeopolitike që është në interes të vet Bashkimit Evropian.

Prandaj, të gjitha konferencat e organizuara me këtë qëllim, më shumë janë orientuar drejt një zone ekonomike të përbashkët se sa një projekti për integrimin e Ballkanit Perëndimor në bllok.

Edhe për faktin se, kriteret për integrimin e Bashkimit Evropian, janë kritere individuale nuk janë kolektive. Në këtë kuptim, duket absurde që të mendosh një integrim si rajon të vetëm.

E megjithatë, përpjekjet e BE-së për të mbajtur gjallë perspektivën Evropiane, janë për tu vlerësuar. Është pikërisht kjo perspektivë, e cila ka ndihmuar që kohët e fundit të sheshohen problematikat midis vendeve, edhe pse mbetet ende një rajon problematik në shumë kuptime, për shkak të historisë.

Po të shtosh këtu, edhe momentin jo të favorshëm për zgjerimin e mëtejshëm të BE, atëherë, e gjithë strategjia e BE për të mbajtur Ballkanin Perëndimor të qetë, është e vetmja mënyrë për të siguruar një perspektivë, që me gjasa nuk është e afërt dhe jo njësoj për të gjitha vendet.

Deri më tani, duket qartë se procesi i integrimit të Ballkanit Perëndimor, është një proces i ngadaltë, i sforcuar, dhe ndonjëherë me kosto të larta politike për këto vende. Është një proces i cili është bërë rraskapitës për të gjithë këtë Rajon. Për këtë arsye, padyshim që, përgjegjësia kryesore e takon vet këtyre vendeve, mirëpo, pa lënë mënjanë dhe ato të Bashkimit Evropian me politikën e tij të jashtme, ndonjëherë jo bindëse aq sa duhet.

Është pikërisht dilema midis rëndësisë strategjike për Evropën e integrimit të Ballkanit perëndimor dhe pamundësisë ekonomike dhe kontekstit politik dhe shoqëror atje, që detyron në një farë mënyrë politikën evropiane të operojë nëpërmjet konferencave të përbashkëta për të mbajtur perspektivën gjallë për këtë rajon. Një strategji e cila po mundohet të mbajë bashkuar një rajon konfliktual dhe problematik nëpërmjet krijimit të kushteve të bashkëpunimit ekonomik, por që është larg të qenit një strategji për integrimin e plotë të tyre.

The post Iluzionet e Ballkanit Perëndimor për integrimin në bllok appeared first on Telegrafi.

loading...

Lexo edhe:

Postimet e fundit






Popular posts from this blog

Trajta e shquar dhe e pashquar e emrit

  Trajta e shquar dhe e pashquar e emrit Trajta themelore e emrit është rasa emërore e pashquar.  Nga trajta themelore ose parësore i fitojmë format e tjera gramatikore të emrit (trajtat). Emrat , si në njëjës ashtu edhe në shumës, përdoren në dy trajta: a) në trajtë të pashquar dhe b) në trajtë të shquar shquar. Emri në trajtën e pashquar tregon qenie, sende ose dukuri në përgjithësi, në mënyrë të papërcaktuar. P.sh.: një nxënës, një punëtor, një mendim , një mace, një laps etj. Emri në trajtën e shquar tregon qenie, sende ose dukuri të tjera, të veçuara nga gjërat e tjera të llojit të vet. P.sh.: nxënësi, punëtori, mendimi, macja, lapsi etj.   Formë përfaqësuese (bazë) e emrit është trajta e pashquar, numri njëjës, rasa emërore : djalë, vajzë, shkollë, lule, letër, njeri, kompjuter, lepur, qen, piano etj. Trajta e shquar e emrit formohet duke i pasvendosur formës përfaqësuese nyjën shquese, përkatësisht mbaresën: a) për emrat e gjin

Ese të ndryshme shqip

Ese dhe Hartime '' Ese dhe hartime të ndryshme shqip dhe anglisht '' Ndalohet rreptësisht kopjimi dhe postimi në një faqe tjetër.  Redaksia Rapitful ka lexuar disa ankesa në emailin e saj të bëra nga disa arsimtarë dhe profesorë ku janë ankuar se nxënësit po i kopjojnë esetë dhe hartimet nga faqja Rapitful dhe me ato ese apo shkrime po prezantohen gjatë shkrimit të eseve dhe hartimeve. Pra redaksia Rapitful kërkon nga nxënësit që të mos kopjojnë esetë dhe hartimet dhe me to të prezantohen para mësimdhënësve por le të jenë këto ese vetëm si një udhërrëfyes se si duhet të shkruhet një ese apo hartim dhe asesi të kopjohen. Ju faleminderit për mirëkuptim. Ese dhe hartime do te shtohen vazhdimisht keshtuqe na vizitoni prap. Nëse dëshironi Analiza letrare të veprave të ndryshme kliko mbi Analiza Letrare Kliko mbi titullin që ju intereson Ese për Diturinë   Për Mjekët! Fakultetet e sotme po kryhen me teste 6 arsye për të mos studiuar mjekësinë P

Tekste shqip: ““Ah Kjo Rruga E Gurbetit” - Shaqir Cërvadiku & Fatjon Dervishi” plus 21 more

Tekste shqip: ““Ah Kjo Rruga E Gurbetit” - Shaqir Cërvadiku & Fatjon Dervishi” plus 21 more “Ah Kjo Rruga E Gurbetit” - Shaqir Cërvadiku & Fatjon Dervishi “Du Me T'pa” - Gjyle Qollaku Nora Istrefi “Kercejna” - Sabiani Feat. Denis Taraj Getoar Selimi “Du Me T'pa” - Lori Bora Zemani “Million” - Melissa
Related Posts Plugin for WordPress, Blogger...

Labels

Show more