“Conte çon Çelsin në gjykatë, Abramovich në telashe” plus 9 more Gazeta SHQIP |
- Conte çon Çelsin në gjykatë, Abramovich në telashe
- Ish-bashkëshortja e Briatores, një ‘mami’ seksi (Foto)
- Diabeti, ja yndyrat që na bëjnë keq dhe ato të dobishmet
- Projekti “100 fshatrat”, Rama kritika bashkive: Jo vetëm rrugë
- Trump fton Putinin në Uashington, demokratët e kritikojnë
- Presidenti gjerman kërkon vetëbesim: Trump, një rrezik për Europën
- Vettingu, KPK: Pasuritë e Rovena Gashit pa burime të ligjshme
- Tentoi të vrasë Lul Berishën në 2005, ekstradohet kosovari
- Shpërndanin kanabis në Tiranë, arrestohen tre persona
- Mungesa e seksit i bën keq shëndetit
| Conte çon Çelsin në gjykatë, Abramovich në telashe Posted: 20 Jul 2018 02:28 AM PDT
Përveç pagës prej 9 milionë sterlinash të këtij sezoni që italiani ishte nën kontratë me Blutë e Londrës, Conte synon t'i zhvasë të tjera para rusit Abramovich. Motivi është i thjeshtë? Conte në gjykatë do të kapet me faktin se koha për t'i kominikuar shkarkimin ishte shumë e gjatë plot 55 ditë pas përfundimit të finales së FA Cup, ku Chelsea mposhti Manchester United duke fituar trofeun e dytë më të rëndësishëm në ishull. Madje italiani e drejtoi skuadrën edhe në seancat e para të sezonit të ri dhe nëse Abramovich do t'ia kishte komunikuar shkarkimin që në fund të sezonit të kaluar atëherë Conte mund të zgjidhte kontratën me Chelsea-in me konsensus dhe mund të gjente një klub të ri, ndërsa tashmë duhet ta ndjekë fillimin e sezonit si i papunë, edhe pse emri i tij po përflitet gjithnjë e më shumë për të zëvendësuar Genaro Gattuson në stolin e Milanit. 20 korrik 2018 (gazeta-Shqip.com) |
| Ish-bashkëshortja e Briatores, një ‘mami’ seksi (Foto) Posted: 20 Jul 2018 02:18 AM PDT Verë me familjen në Sardenjë për Elisabetta Gregoracin. Ish-bashkëshortja e bosit të Formula 1, Flavio Briatores, është shfaqur sërish me bikini në plazh, duke iu përkushtuar djalit Nathan Falco Briatore dhe fëmijëve të motrës së saj, Marzia, me pushime së bashku. Mes zhytjeve në pishinë, shëtitjeve në varkë dhe foto-kujtim, prezantuesja italiane po shijon verën e nxehtë me buzëqeshje dhe një fizik "on top".         20 korrik 2018 (gazeta-Shqip.com) |
| Diabeti, ja yndyrat që na bëjnë keq dhe ato të dobishmet Posted: 20 Jul 2018 02:15 AM PDT
Pse yndyrat shkaktojnë diabet? Ekspozimi kronik në nivele të larta të acideve yndyrore të ngopura çon në ndryshime në funksionin apo edhe vdekjen e qelizave beta pankreatike, ato që prodhojnë insulinë, dhe kjo mund të nxisë fillimin e diabetit të tipit 2. "Nëse yndyrat e ngopura janë shumë, ata kthehen në acide yndyrore të lira në gjak dhe arrijnë në organet e ndryshme të përfshira në metabolizmin e glukozës, duke ndryshuar funksionet", shpjegon një nga autorët e dokumentit, Annalisa Natalicchio nga Departamenti i Emergjencave dhe Transplantimit të Organeve, Seksioni i Mjekësisë së Brendshme, Endokrinologjisë, Andrologjisë dhe Sëmundjeve Metabolike të Universitetit të Barit. Efektet në mëlçi – Nuk mjafton: yndyrat e tepërta, sidomos yndyrat e ngopura, gjithashtu mund të grumbullohen në mëlçi që çon në të ashtuquajturën "mëlçi e yndyrshme", sëmundje të mëlçisë yndyrore ose NAFLD. Qelizat e mëlçisë dëmtohen; lajmi i mirë është se një dietë që të çon në një rënie prej më shumë se 5 për qind të peshës trupore mund të përmirësojë shumë situatën ose të "shërojë" dëmin e mëlçisë. Lipotoksiciteti në organe të tjera – Yndyrat nuk janë toksike vetëm për pankreasin dhe mëlçinë: një nivel kronik i lartë i acideve yndyrore në gjak mund të vrasë qelizat e muskujve të zemrës, të shkaktojë rezistencë ndaj insulinës në indet periferike, duke përfshirë ndryshime funksionale në qelizat e muskujve të lëmuar që mbulojnë enët e gjakut. Vaji i palmës – Acidet yndyrore të ngopura, në veçanti palmitati i vajit të palmës i cili, pavarësisht se është një yndyrë bimore, është në fakt një yndyrë e ngopur, ata mund të kalojnë nëpër membranën e qelizave beta pankreatike ose të lidhen me një receptor të veçantë në membranë. Rezultati është për fat të keq një ndryshim i funksioneve qelizore ose vdekjes së qelizës: mekanizmat e dëmtimit të palmitatit janë të shumta dhe përfshijnë për shembull akumulimin dhe aktivizimin e lajmëtarëve qelizorë toksikë, rritjen e oksidimit të mitokondriteve dhe si rrjedhim një lloj "rusting" i këtyre organeleve, "termocentralin" e qelizave, një rritje në stres oksidativ, bllokimin e sinjalit të insulinës dhe GLP-1. Yndyrat e "këqija" – Për këtë arsye, cilësia është edhe më shumë sesa sasia e yndyrave që të kushtëzojnë rrezikun e zhvillimit të diabetit të tipit 2. Në veçanti, është mbi të gjitha konsumimi i ushqimeve të pasura me acide yndyrore të ngopura dhe yndyra 'trans' (ose "hidrogjenizuara") që rrit rrezikun e diabetit të tipit 2. Ushqimet që duhen eliminuar ose reduktohen në minimum janë gjalpi, mishi i kuq, mishrat e përpunuara (sallam, hot dog, proshutë, salsiçe, mish të konservuar), ushqime industriale që përmbajnë yndyra vegjetale si vaj palme ose vaj kokosi. Yndyrat 'trans', duhet të shmangen gjithmonë Yndyrat e "hidrogjenuara" janë shumë të dëmshme dhe jo vetëm sepse ato favorizojnë diabetin e tipit 2: ato gjithashtu shoqërohen me një rritje të rrezikut të sëmundjes kardiovaskulare. Ato mund të gjenden në vajrat e përdorura për të skuqur disa produkte industriale, te produktet e pjekura (biskota, snacks, sanduiçe) te margarina vegjetale, akujt industrialë, kremrat e qumështit që përdoren për kafe, në hamburger dhe mish të përpunuar. Këto po, por me rezervë/ Qumështi dhe produktet e qumështit janë të lejuara, por me moderim: ato përmbajnë yndyra të ngopura, por gjithashtu ushqyes të rëndësishëm për shëndetin si kalciumi dhe shumë vitamina, prandaj ata mund të konsumohen në sasi të moderuar, duke preferuar për shembull qumështin e skremuar dhe djathërat me pak yndyrë. Yndyrat e mira – Veza, çokollata dhe gjalpë kakao gjithashtu përmbajnë yndyra të ngopura, por nëse nuk e ekzagjeroni ato nuk krijojnë probleme të mëdha; po edhe për arra, bajame, fara, bishtajore dhe peshq të tillë si skumbri, salmoni, ton, sardelet dhe açugat, të cilat përmbajnë omega-6 dhe omega-3 acide yndyrore polyunsaturated. Në fakt, omegat-6 lidhen me një reduktim të rrezikut të diabetit të tipit 2. Shkoni përpara me këto/ Disa yndyra rekomandohen fuqishëm në dietën e atyre që janë diabetikë: acidet yndyrore të pangopur, sidomos acidi oleik që gjendet me bollëk në vaj ulliri, janë të lidhur me një reduktim në rrezikun e diabetit, përmirësojnë profilin e lipideve, presionin e gjakut dhe kontrollin glicemik. Pastaj vazhdoni me vaj ulliri ekstra të virgjër dhe yndyra shumë të pangopura që gjenden në misër, luledielli, soja, vaj pambuku. 20 korrik 2018 (gazeta-Shqip.com) |
| Projekti “100 fshatrat”, Rama kritika bashkive: Jo vetëm rrugë Posted: 20 Jul 2018 02:09 AM PDT
“Nga ana e qeverisë janë akorduar mln lekë për investimin , është për të ardhur keq që diskutimi i kryetarëve të bashkisë, kur vjen puna tek fshati është rruga. Pavarësisht se rrugët munde të mos jenë në fazën e duhur në zonën turistike, por sjellin sukses. Banorët e fshatit nuk kanë pse të lëvizin nga vendi, shkojnë të tjerët tek ata. Përsa i përket qendrave shëndetësore, është bërë një inventar dhe është e mundur që të kompletohen në këtë akses. Ideja është që të krijojmë modele funksionale që të tregojmë rrugën sesi ky zhvillim do të hapet nëpër fshatra”. Rama kritikoi bashkitë për më shumë vëmendje ndaj fshatit, jo vetëm në infrastrukturë. Duke iu referuar projekteve për agroturizmin, ai tha se aplikimet nuk ishin as sa numri i bashkive të vendit, dhe për këtë qeveria u detyrua të rihapë thirrjen. "Rihapëm thirrjen për agroturizmin si rezultat i mungesës së projekteve. Kemi vënë në dispozicion një shumë të konsiderueshme nga buxheti i shtetit që do të jetë mbështetje e drejt për drejtë për ata që investojnë në agroturizëm. Këtu nuk bëhet fjalë për kredi, po për grant, para që jepen për projektin pa asnjë interes nga ana e qeverisë. Numri i projekteve që kemi marrë ka qenë 10 herë më i vogël se numri i bashkive që kemi. Kjo është e pakuptueshme dhe e pajustifikuar, tregon sa larg akoma janë bashkitë e reja nga vëmendja që duhet të kemi ndaj pjesës së fshatit. Për të ardhur keq që gjithë diskutimi i krerëve të bashkive, kur vjen puna të fshati është rrugë, rrugë, rrugë. Pa diskutim që rrugët janë të domosdoshme, por edhe mundësia për të investuar në rrugët rurale është e kufizuar. Ndërkohë që ka shumë element të tjerë që duhet të shkojnë paralelisht dhe ka shumë raste konkrete që pavarësisht se rrugët mund të mos jenë në nivelin e duhur investime në agroturizëm sjellin sukses", tha Rama. 20 korrik 2018 (gazeta-Shqip.com) |
| Trump fton Putinin në Uashington, demokratët e kritikojnë Posted: 20 Jul 2018 01:47 AM PDT
Në një postim në Twitter, Sanders tha se Trump ka urdhëruar këshilltarin e sigurisë kombëtare, John Bolton, ta bëjë ftesën për në vjeshtë. Lajmi vjen pak ditë pas samitit të parë Trump-Putin që u zhvillua më 16 korrik, në Helsinki të Finlandës, e që shkaktoi zemërim në SHBA për shkak të dështimit të Trumpit për t'iu kundërvënë publikisht Putinit, për ndërhyrjen e Moskës në zgjedhjet presidenciale në SHBA, më 2016. Ligjvënësit amerikanë dhe zyrtarët e tjerë po ashtu nuk janë informuar ende se për çfarë kanë diskutuar Trump dhe Putin në takimin privat, me vetëm praninë e përkthyesve. Madje, edhe drejtori i inteligjencës kombëtare i Trumpit, Dan Coats, tha se nuk e di se çfarë ka ndodhur në Helsinki. Ftesa e planifikuar për në Uashington pritet të shihet si fitore nga Putini, i cili vizitën e fundit zyrtare në SHBA e ka realizuar në korrik të vitit 2007. Të enjten, edhe Trump, edhe Putin e cilësuan takimin e parë të tyre si sukses, ndërsa fajësuan forcat në SHBA për përpjekje për të minuar arritjet e tyre. Pavarësisht kritikave, Trump tha se e mirëpret edhe një takim të dytë me liderin rus. Udhëheqësi i demokratëve në Senatin amerikan, Chuck Schumer, e kritikoi menjëherë ftesën e planifikuar. "Derisa nuk dimë se çfarë ka ndodhur në atë takim dyorësh në Helsinki, presidenti nuk duhet të ketë më ndërveprime sy më sy me Putinin, as në Shtetet e Bashkuara, as në Rusi, as gjetkë", tha Schumer. Vizita e fundit zyrtare e një presidenti rus në Shtetet e Bashkuara është bërë në qershor të vitit 2010 nga Dmitry Medvedev, tani kryeministër i Rusisë. 20 korrik 2018 (gazeta-Shqip.com) |
| Presidenti gjerman kërkon vetëbesim: Trump, një rrezik për Europën Posted: 20 Jul 2018 01:42 AM PDT
“Nëse gjërat janë ashtu siç janë dhe ne nuk mund ta ndryshojmë presidentin Trump, atëherë është koha për një vetëbesim të ri europian”, tha Steinmeier në intervistë. Europianët duhet të ndalin me fiksimin e tyre të vazhdueshëm ndaj Trumpit. “Ajo që është rritur në shtatë dekada të marrëdhënieve transatlantike është shumë e vlefshme për t’u dorëzuar, sepse nuk na pëlqen politika e presidentit aktual amerikan.” Europianët duhet të mendojnë, jo vetëm si ta zgjidhin krizën e vazhdueshme, por edhe të kuptojnë, se edhe shtetet e mëdha europiane nuk do të luajnë dot ndonjë rol në botë, nëse Europa nuk është e bashkuar. Steinmeier u shpreh optimist për shanset e një afrimi brenda BE. “Ne thjesht nuk mund ta përballojmë dot përçarjen.” 20 korrik 2018 (gazeta-Shqip.com) |
| Vettingu, KPK: Pasuritë e Rovena Gashit pa burime të ligjshme Posted: 20 Jul 2018 01:28 AM PDT
Relatori Lulzim Hamitaj tha se Rovena Gashi ka nisur punë në vitin 2001. Në lidhje me vlerësimin e pasurisë, raporti i ILDKPKI thotë se deklarimi i pasurive të Rovena Gashit nuk është i saktë, ka mungesë për të justifikuar pasuritë. Rovena Gashi zotëron një apartament te Shkëmbi i Kavajës me sipërfaqe 105 metra katrorë, i blerë në bashkëpronësi nga bashkëshortët Rovena Gashi e Dritan Gina, për 80 mijë euro. Në deklaratën e kontratës thuhet se do të paguhej në dy këste. Kësti i parë prej 30 mijë euro është paguar paraprakisht. Ndërsa kësti prej 50 mijë eurosh do të paguhej brenda vitit 2011 përmes një transferte bankare. Përsa i përket burimit finnanciar, shuma prej 45 mijë eurosh është marrë me kredi. Ndërsa shuma prej 35 mijë eurosh është dhënë me çmim preferencial nga Oliver Fucina, përfaqësues e ortak i kompanisë ndërtuese dhe kunat i prokurores. Ai e ka ulur çmimin duke falur 35 mijë eurot. Rezulton se ka mospërputhje mes çmimit për blerje të apartamentit, nuk ka deklaruar burime të ligjshme për këtë blerje, që nga pagesa e parë prej 30 mijë eurosh e më pas edhe për burimin prej 50 mijë eurosh. Sipas KPK-së, janë bërë deklarime të pasakta, janë kryer akte fiktive noteriale dhe janë dhënë përgjigje të pasakta për pyetjet e KPK-së. Gjithashtu ka një apartament 121 metra katrorë në rrugën "Qemal Stafa" në Tiranë. Prokurorja deklaron se banesën ia ka dhuruar i ati, Nuredin Gashi. Apartamenti është regjistruar më 20 nëntor 2013. Në 2 janar 2018 është konfirmuar për KPK-në se kjo pasuri është në emër të bashkëshortëve. Në kontratë është caktuar shuma prej 38 mijë e 800 dollarë, por rezulton se deklarata e dhurimit e bërë nga babai i prokurores nuk përmban elementët formalë. Përveç kësaj, apartamenti në fjalë nuk është deklaruar asnjëherë si pasuri nga Rovena Gashi, ndërsa babai i saj, në vitin 2004 nuk ka patur burime finnaciare për blerjen e apartamentit prej 38 mijë dollarësh që më pas ia ka dhuruar së bijës prokurore. 20 korrik 2018 (gazeta-Shqip.com) |
| Tentoi të vrasë Lul Berishën në 2005, ekstradohet kosovari Posted: 20 Jul 2018 01:23 AM PDT  Interpol Tirana ka ekstraduar nga Kosova, një shtetas kosovar i dënuar me 20 vjet burg për “Vrasje me paramendim”. Bëhet fjalë për Ahmet Ajetin, 35 vjeç, lindur në Lipjan/ Kosovë. Mësohet se në gusht 2005, Ajeti së bashku me një tjetër person udhëtuan drejt Tiranës për të ekzekutuar në një atentat, Lul Berishën. “Më datë 30.08.2005, shtetasit Ahmet Ajeti dhe O. K. të porositur nga shtetasit E. D. dhe A.C., kanë shkuar nga Tirana në Durrës për të vrarë shtetasin L. B.. Para se të kryhej atentati në afërsi të lokalit ku ndodhej L. B., shtetasi Ahmet Ajeti është konfliktuar me disa persona të panjohur dhe në grindje e sipër ka nxjerrë pistoletën dhe është vetplagosur”, informoi policia e shtetit “Shtetasi Ahmet Ajeti ishte shpallur në kërkim ndërkombëtar nga Interpol Tirana më datë, 07.03.2016, pasi Gjykata e Shkallës së Parë për Krimet e Rënda, Tiranë, me vendimin nr. 01 datë 16.01.2012, e ka dënuar me 20 vjet burg për veprën penale “Vrasje me paramendim”, dhe "Armëmbajtje pa leje". 20 korrik 2018 (gazeta-Shqip.com) |
| Shpërndanin kanabis në Tiranë, arrestohen tre persona Posted: 20 Jul 2018 01:17 AM PDT
Këta persona janë arrestuar në dy operacione të ndryshme të Tiranës në zona të ndryshme. Shtetasit Përparim Sula, 50 vjeç, banues në Tiranë dhe M. H., 17 vjeç, banues në Tiranë, u kapën në rrugën "Riza Cuka", në sheshpushimin e një pallati pasi gjatë kontrollit të ushtruar u kapën në flagrancë me 56.8 gramë lëndë narkotike e llojit Cannabis Sativa. Ndërkohë, shtetasi Hanson Merkohasanaj, 27 vjeç, banues në Tiranë, u prangos pasi tek rrethrrotullimi i Saukut, gjatë kontrollit të ushtruar në mjetin e tij tip "Benz Mercedes", iu gjet e bllokua 6.4 gramë lëndë narkotike e llojit Cannabis Sativa. Ata do të përballen tashmë me akuzën "Prodhim dhe shitje të lëndëve narkotike". 20 korrik 2018 (gazeta-Shqip.com) |
| Mungesa e seksit i bën keq shëndetit Posted: 20 Jul 2018 01:15 AM PDT
Në të kundërt, mungesa e seksit do të rriste rrezikun e një sërë problemesh shëndetësore, nga sëmundjet e zemrës në stres, deri te vështirësitë në ereksion. Për të listuar efektet anësore të mungesës së seksit është sajti "HackSpirit", që citon rezultatet e studimeve të fundit shkencore. Duke bërë seks të paktën dy herë në javë, përgjysmohet rreziku i arterieve të penguara te njerëzit, në krahasim me ata që bëjnë seks më pak se një herë në muaj. Përveç kësaj, sipas një studimi të botuar në ‘Gazetën e Mjekësisë Seksuale’, seksi redukton nivelet e homocisteinës, një substancë që mund të shkaktojë probleme në zemër. Në fakt, besohet se marrëdhëniet e rregullta sjellin përfitime për njerëzit për qarkullimin dhe shëndetin vaskular. Me përfitime më pak të theksuara për gratë. Për më tepër, për të dy seksi do të ishte një armik i stresit, falë rritjes së endorfineve dhe oksitocinës. Jo vetëm kjo, qelizat gri të të moshuarve gjithashtu përfitojnë nga një jetë e rregullt seksuale: studimet në universitetet e Oxford dhe Coventry kanë zbuluar se ata që janë seksualisht aktivë kanë një rezultat më të lartë në testet e gatishmërisë gjuhësore dhe perceptimit vizual. Gjithashtu edhe sistemi imunitar përfiton nga seksi. Në veçanti, prodhimi i imunoglobulinës A, një antitrup që lufton sëmundjet si gripi, theksojnë ekspertët në "Daily Mirror", duke cituar një studim nga Universiteti Wilkes në Pensilvani. Dhe përsëri, për burrat që kanë marrëdhënie seksuale më pak se një herë në javë dyfishohet rreziku i zhvillimit të mosfunksionimit erektil në krahasim me ato që kanë marrëdhënie më të rregullta. Ndërsa, sipas një studimi të Shteteve të Bashkuara, për ata që kalojnë çatinë e 21 takimeve erotike në vit, rreziku i zhvillimit të tumorit të prostatës është ulur me 33%. Një pauzë e zgjatur nga aktiviteti seksual ndikon gjithashtu në kënaqësinë e femrës, uljen e lubrifikimit dhe rritjen e rrezikut të problemeve të emocioneve ose arritjes së orgazmës. Së fundi, pornografia nuk është një aleat: shikimi shumë shpesh mund të 'de-sensibilizojë' njerëzit dhe ta bëjë më të vështirë për ta që të ngazëllehen në dhomën e gjumit. 20 korrik 2018 (gazeta-Shqip.com) |
Rreth 1 vit më parë ngjasonin me një çift të dashuruar por historia më mes Antonio Contes dhe Chelsea-it ka përfunduar në mënyrën më të keqe të mundshme dhe me shumë gjasa do të përfundojë në gjykatë. Duke iu referuar lajmeve që shkruajnë mediat angleze, trajneri italian është gati ta çojë çështjen në gjykatë duke i kërkuar dëmet Chelsea-it.
A mendoni se duke ngrënë ëmbëlsira shkaktohet diabeti? E keni gabim, sepse konsumi i tepruar i yndyrës është një faktor rreziku shumë më i keq. Kjo shpjegohet nga ekspertë të Shoqërisë Italiane të Diabetologjisë (SID) në një dokument konsensusi mbi yndyrat dhe diabetin, duke vënë në dukje se të pandehurit kryesorë të "katastrofës metabolike", ku numri i të prekurve dhe diabetikëve po rritet në mënyrë eksponenciale në të gjithë botën janë vetëm yndyrat "e gabuara": në fakt, cilësia është edhe më e rëndësishme se sasia, në këtë rast.
Gjatë prezantimit të projektit “100 fshatrat”, kryeministri Rama tha se përmirësimi i infrastrukturës përbën një element kyç në zhvillimin e fshatrave. Ndërsa nga ana e qeverisë, sipas tij janë akorduar disa miiona lekë për investimin në fshatra, kryesisht të zonave turistike.
Zëdhënësja e Shtëpisë së Bardhë, Sarah Sanders, tha se presidenti i Shteteve të Bashkuara, Donald Trump, ka urdhëruar zyrtarët të ftojnë presidentin rus, Vladimir Putin, në Uashington.
Presidenti gjerman, Frank-Walter Steinmeier i ka bërë thirrje Bashkimit Europian për të qenë i vendosur përballë SHBA-së. Presidenti aktual Donald Trump krijon “padyshim rreziqe për ne” me mënyrën e të bërit politikë, tha Steinmeier për “Passaue Neuen Presse”. Europianët duhet të nxjerrin konkluzionet e tyre nga kjo.
Rovena Gashi nuk u paraqit në seancën dëgjimore përballë Komisionit të Pavarur të Kualifikimit (KPK), madje nuk u përfaqësua as nga avokati.
Tre persona kanë përfunduar në prangat e policisë pasi janë kapur duke shpërndarë lëndë narkotike.
Kjo është ajo që del nga një hulumtim britanik në studimet më të fundit mbi këtë temë, e cila duket se e hedh poshtë moton e filmit të famshëm "No sex please, we're British". Sipas statistikave, në fakt, çdo subjekt i Madhërisë së Tij do të kishte mesatarisht 5,800 marrëdhënie në jetë.| You are subscribed to email updates from Gazeta SHQIP Online. To stop receiving these emails, you may unsubscribe now. | Email delivery powered by Google |
| Google, 1600 Amphitheatre Parkway, Mountain View, CA 94043, United States | |
Lexo edhe:
