“Simbolet e Xhakës dhe Shaqirit dhe mundësia e dënimit” plus 9 more Telegrafi Futboll |
- Simbolet e Xhakës dhe Shaqirit dhe mundësia e dënimit
- Festa e Xhakës dhe Shaqirit, Xherdani: Në futboll gjithmonë ka emocione – Petkovic: Nuk duhet të ngatërrohet politika dhe futbolli
- FIFA hap hetim disiplinor kundër Xhakës dhe Shaqirit
- Reus: Ekipet e ashtuquajtura të vogla po na vështirësojnë jetën, por me pasion dhe angazhim mund të arrini shumë
- Low: Ishte një triler i mbushur me emocione, nuk humbëm shpresën dhe në fund fituam
- RB Leipzig me ofertë të majme për Calhanoglun
- Gjermani 2-1 Suedi, notat e lojtarëve
- Gjermania fiton në frymën e fundit ndaj Suedisë, Kroos ia siguron fitoren në shtesë
- Gjermania barazon ndaj Suedisë me golin e Reusit
- Çmendet Liverpooli, ofron 180 milionë euro për Asension
Simbolet e Xhakës dhe Shaqirit dhe mundësia e dënimit Posted: 23 Jun 2018 04:50 PM PDT Ndeshja ndërmjet Zvicrës dhe Serbisë në kuadër të Kampionatit Botëror ka nxitur kundërthënie të ndryshme lidhur me simbolet e futbollistëve shqiptarë që përfaqësojnë Helvetikët. Në fitoren prej 2-1, golashënues ishin pikërisht Granit Xhaka dhe Xherdan Shaqiri, që të dy shqiptarë nga Kosova, të cilët në festën e tyre bënë simbolin e shqiponjës me duar. Për më shumë, në këpucët e Xherdanit, në njërën ndodhet flamuri i Zvicrës, kurse në tjetrën flamuri i Kosovës. Federata serbe e futbollit ka kërkuar nga FIFA që dy lojtarët shqiptarë të dënohen për përdorimin e “flamujve të ndryshëm kundërthënës” në ndeshjen e të premtes mbrëma në Kaliningrad. Në ndërkohë është raportuar se organizata më e madhe e futbollit në botë ka nisur një hetim në lidhje procedurat eventuale disiplinore kundrejt Xhakës dhe Shaqirit. Sipas Telegraph, duke qenë se edhe Shqipëria edhe Kosova janë anëtare të FIFA-s dhe flamujt e tyre shpalosen në ndeshje ndërkombëtare, vështirë mund të ndodhë që dy futbollistët të dënohen për thyerje të rregullave duke shfaqur simbole politike. Megjithatë, Neni 54 i Kodit Disiplinor e konsideron të paligjshme atë që definohet si “provokim i publikut të përgjithshëm”, një vepër që dënohet me dy ndeshje moslojë. Në ditët në vijim pritet të shihet se cili do të jetë vendimi i FIFA-s për dy mesfushorët shqiptarë. Në lidhje me të njëjtën ndeshje, janë hapur procedurat disiplinore edhe kundër Federatës serbe “për turbullim të turmave dhe shfaqjen e mesazheve politike dhe fyese nga tifozët serbë". Për më tepër, është hapur një hetim paraprak kundër trajnerit Mladen Krstajic, për deklaratat e dyshuara të bëra pas ndeshjes së përmendur. /Telegrafi/ The post Simbolet e Xhakës dhe Shaqirit dhe mundësia e dënimit appeared first on Telegrafi. |
Posted: 23 Jun 2018 03:11 PM PDT Pas kërkesës së Serbisë për dënimin e Granit Xhakës dhe Xherdan Shaqirit për festimin me simbolin e shqiponjës, FIFA ka nisur një hetim disiplinor në lidhje me dy futbollistët që e përfaqësojnë Zvicrën. Dy mesfushorët shqiptarë shënuan gola në fitoren e Helvetikëve kundër Serbisë në Kampionatin Botëror dhe festa e tyre ishte formimi i shqiponjës me duar – një simbol kombëtar shqiptar. Diçka e tillë është konsideruar si provokim nga serbët që kanë bërë ankesë në FIFA. “Mendoj se në futboll gjithmonë ka emocione. Mund të shihni se ajo që kam bërë ka pasur të bëjë me emocionet. Jam shumë i lumtur që e kam shënuar atë gol. Mendoj se nuk ka nevojë të flasim për këtë çështje tash”, është shprehur Shaqiri. Përzgjedhësi i Zvicrës, Vladimir Petkovic, ka thënë se lojtarët e tij janë përfshirë nga atmosfera dhe shpreson që festa e tyre nuk do të lidhet me politikën. “Asnjëherë nuk duhet të ngatërrohet politika dhe futbolli. është e kuptueshme se emocionet shfaqen dhe kështu ndodhin gjërat”. “Mendoj se të gjithë duhet të qëndrojmë larg politikës në futboll dhe të përqendrohemi te sporti si një lojë e bukur dhe diçka që i bashkon njerëzit”, është shprehur Petkovic. /Telegrafi/ The post Festa e Xhakës dhe Shaqirit, Xherdani: Në futboll gjithmonë ka emocione – Petkovic: Nuk duhet të ngatërrohet politika dhe futbolli appeared first on Telegrafi. |
FIFA hap hetim disiplinor kundër Xhakës dhe Shaqirit Posted: 23 Jun 2018 02:56 PM PDT FIFA ka hapur një hetim për festimet e golave të Granit Xhakës dhe Xherdan Shaqirit gjatë fitores së Zvicrës në Kupës e Botës ndaj Serbinë. Zvicra fitoi ndeshjen ndaj Serbisë me rezultat 2-1, ku golat për helvetikët erdhën nga dyshja shqiptare, Xhaka dhe Shaqiri. Të dy lojtarët janë me prejardhje shqiptare, apo më saktë nga Kosova, ku një goditje serbe ndaj popullatës shqiptare përfundoi vetëm me ndërhyrjen ushtarake të NATO-s në 1999, raporton BBC. Këta dy futbollistë shënuan pikërisht ndaj ‘armiqve’ të tyre dhe festuan duke bërë shqiponjën, simbolin e vendosur në flamurin shqiptar. Të dy lojtarët pas festave të tyre u fishkëllyen dhe u shanë në kor nga tifozët e Serbisë. Në një deklaratë, FIFA ka thënë se komiteti i tyre disiplinor ka hapur tashmë procedime kundër Xhakës dhe Shaqirit. “Në lidhje me të njëjtën ndeshje, janë hapur procedurat disiplinore kundër Federatës Serbe për turbullim të turmave dhe shfaqjen e mesazheve politike dhe fyese nga tifozët serbë”. “Për më tepër, është hapur një hetim paraprak kundër trajnerit të ekipit kombëtar serb, Mladen Krstajic, për deklaratat e dyshuara të bëra pas ndeshjes së përmendur”, thuhet në njoftimin e FIFA-s. /Telegrafi/
The post FIFA hap hetim disiplinor kundër Xhakës dhe Shaqirit appeared first on Telegrafi. |
Posted: 23 Jun 2018 02:37 PM PDT Marco Reus ka folur pas fitores së Gjermanisë ndaj Suedisë në kuadër të Grupit F. Kombëtarja e Gjermanisë ka fituar në fund me rezultat 2-1 në ndeshjen e vuajtur ndaj Suedisë, të cilët kaluan të parët në epërsi. Goli i barazimit erdhi nga Reus, ndërsa në minutat shtesë ishte Toni Kroos, i cili ia siguroi fitoren. Është pikërisht Reus që ka folur pas ndeshjes, duke theksuar se kundërshtarët e vogël që po luajnë në mbrojtje po ua vështirësojnë jetën ekipeve të mëdha. “Në këtë Kampionat Botëror është bërë e qartë se me shumë pasion dhe angazhim ekipet mund të arrijnë shumë”, ka thënë fillimisht Reus pas ndeshjes. “Të ashtuquajturat ekipe të vogla e bëjnë shumë të vështirë jetën për të ashtuquajturat ekipe më të mëdha”. “Ato me të vërtetë luajnë me mjeshtëri dhe mendoj se kjo është ajo që me të vërtetë karakterizon këtë Kupë të Botës – është plot me surpriza”. “Shumë shpesh kundërshtari ka një mbrojtje shumë të shtrënguar, një mbrojtje me katër shumë kohezive, mbrojtje me pesë, kështu që ju duhet të punoni në rrugën tuaj rreth kësaj dhe keni nevojë të përshpejtoni dhe më në fund të gjeni pjesën e pasme të rrjetës”, përfundoi sulmuesi gjerman. /Telegrafi/ The post Reus: Ekipet e ashtuquajtura të vogla po na vështirësojnë jetën, por me pasion dhe angazhim mund të arrini shumë appeared first on Telegrafi. |
Low: Ishte një triler i mbushur me emocione, nuk humbëm shpresën dhe në fund fituam Posted: 23 Jun 2018 02:19 PM PDT Trajneri i Gjermanisë, Joachim Low ka folur pas ndeshjes së fituar ndaj Suedisë. Gjermania ka fituar në fund ndaj Suedisë me rezultat 2-1 duke mos humbur mundësitë për të kaluar tutje nga grupi F. Low e ka vlerësuar lojën dhe frymën e ekipit të tij, pasi sipas tij asnjëherë nuk e humbën shpresën për fitore. “Ky ishte një triler, i mbushur me emocione dhe një udhëtim me ‘rollercoaster’ deri në fishkëllimën e fundit”, ka thënë fillimisht Low pas ndeshjes. “Pas pranimit të golit, ne kemi mbajtur nivelin, kemi thënë që na duhej të kalonim më shpejtë, të mbulonim terrenin për të lodhur Suedinë dhe pastaj të hapnim hapësira, të cilat ne ishim në gjendje të bënim”. “Në pjesën e dytë presioni që ne ndërtuam ishte gjithnjë e më i fortë”. “Ne natyrisht nuk kemi shënuar në disa mundësi të pastra, por ajo që vlerësova ishte fryma e ekipit”. “Kurrë nuk kemi humbur shpresën që ne të mund ta kthejmë rezultatin dhe të fitojmë këtë ndeshje”, përfundoi trajneri gjerman. /Telegrafi/ The post Low: Ishte një triler i mbushur me emocione, nuk humbëm shpresën dhe në fund fituam appeared first on Telegrafi. |
RB Leipzig me ofertë të majme për Calhanoglun Posted: 23 Jun 2018 02:09 PM PDT RB Leipzig është i gatshëm të ofrojnë 30 milionë euro duke përfshirë edhe bonuset për të sjellë mesfushorin kreativ të Milanit, Hakan Calhanoglu, përsëri në Bundesliga. 24-vjeçari u transferuar nga Bayer Leverkusen një vit më parë për 24 milionë euro. Në sezonin e tij të parë në San Siro, mesfushori turk impresionoi duke treguar shumë kualitet. Ai kontribuoi me tetë gola dhe 13 asistime në 45 ndeshje konkuruse, por Fair Play Financiar mund të detyrojnë një shitje. Sipas gazetës Corriere dello Sport, Red Bull Leipzig po kërcejnë në veprim me një propozim me vlerë 30 milion euro duke përfshirë bonuse për të siguruar shërbimet e tij. Bonuset për lojtarin janë ndryshme dhe lidhen me performancën e lojtarit. Mesfushori turk në rast transferimi do të përfitonte një kontratë me pagë prej tre milionë euro në vit. RB Leipzig tashmë ishte përpjekur të afroj Calanoglun edhe në afatin kalimtarm të janarit. /Telegrafi/ The post RB Leipzig me ofertë të majme për Calhanoglun appeared first on Telegrafi. |
Gjermani 2-1 Suedi, notat e lojtarëve Posted: 23 Jun 2018 01:22 PM PDT Kombëtarja e Gjermanisë ka fituar në fund me rezultat 2-1 ndaj asaj të Suedisë në ndeshjen e dytë të Grupit F në kuadër të Kupës së Botës “Rusia 2018”. Panzerët kanë arritur ta marrin në fund një fitore shumë të vuajtur ndaj Suedisë, fitore e cila i la në garë për kalimin tutje nga grupi. Golat në këtë ndeshje për Gjermaninë u shënuan nga Marco Reus (48′) dhe Toni Kroos (90+), ndërsa për Suedinë shënoi Ola Toivonen (32′). Lojtari më i vlerësuar i ndeshjes ishte pikërisht shënuesi i golit të fitore, Kroos, i cili u notua me 8.7. Në anën tjetër, nota më e ulët e ndeshjes shkoi për mbrojtësi Jerome Boateng që u vlerësua me notë 5.5. /Telegrafi/ Gjermani: Suedi: The post Gjermani 2-1 Suedi, notat e lojtarëve appeared first on Telegrafi. |
Gjermania fiton në frymën e fundit ndaj Suedisë, Kroos ia siguron fitoren në shtesë Posted: 23 Jun 2018 12:56 PM PDT Kombëtarja e Gjermanisë ka fituar në fund me rezultat 2-1 ndaj asaj të Suedisë në ndeshjen e dytë të Grupit F në kuadër të Kupës së Botës “Rusia 2018”. Pjesa e parë e takimit ishte thuajse e barabartë me të dyja kombëtaret që krijuan nga disa raste për gol. Megjithatë, ishin vetëm suedezët atë të cilët gjetën golin në minutën e 32-të të ndeshjes. Ishte sulmuesi Ola Toivonen, i cili shënoi gol të bukur me parabolë për 1-0 pasi më parë u shërbye nga Viktor Claesson. Në pjesën e dytë, gjermanët hyn furishëm duke barazuar pas vetëm tre minutave lojë me anë të Marco Reus, i cili barazoi për 1-1. Vazhdimi i ndeshjes u bë edhe më interesant pas golit të barazimit, pasi Gjermania u hodh e gjithë në sulm pasi nuk kishte çfarë të humbte dhe krijoi shumë raste për gol. Në minutën e 82-të gjithçka u bë e vështirë për ta pasi ishte Jerome Boateng që u ndëshkua me të kuq pas dy të verdhëve, por kjo nuk i dorëzoi gjermanët. Panzerët ishin gati disa herë ta gjejnë golin me anë të Gomez dhe Julian Brand, por ishte Toni Kroos, i cili në minutën e fundit shtesë me një supergol ia siguroi fitoren 2-1. Në Grupin F lider është Meksika me gjashtë pikë, ndërsa Gjermania dhe Suedia me nga tri. Në ndeshjen e fundit të Grupit, Gjermania luan ndaj Koresë së Jugut, ndërsa Suedia ka përball Meksikën. /Telegrafi/
The post Gjermania fiton në frymën e fundit ndaj Suedisë, Kroos ia siguron fitoren në shtesë appeared first on Telegrafi. |
Gjermania barazon ndaj Suedisë me golin e Reusit Posted: 23 Jun 2018 12:11 PM PDT Kombëtarja e Gjermanisë ka gjetur golin e barazimit ndaj Suedisë. Gjermanët kanë barazuar ndaj suedezëve në ndeshjen e vlefshme për Grupin F në Kupën e Botës “Rusia 2018”. Është sulmuesi Marco Reus, i cili ka shënuar nga afërsia për barazimin 1-1.
Goli i Reusit erdhi pas një asistimit të saktë nga Timo Werner. Ky gol erdhi në minutën e 48-të të ndeshjes. /Telegrafi/
The post Gjermania barazon ndaj Suedisë me golin e Reusit appeared first on Telegrafi. |
Çmendet Liverpooli, ofron 180 milionë euro për Asension Posted: 23 Jun 2018 12:02 PM PDT Liverpooli e ka bërë yllin e Real Madridit, Marco Asension, objektivin kryesor në afatin kalimtar të janarit. Skuadra e madhe angleze arriti në finale të Ligës së Kampionëve, por u mposht nga Real Madridi me rezultat 3-1. Kjo humbje e hidhur ka bërë që drejtuesit e Liverpoolit të mendojnë për përforcimin edhe më të madh të skuadrës për sezonin e ri. Pas transferimit të Naby Keitas nga Red Bull Leipzig dhe Fabinhos nga Monaco, klubi anglez ka kthyer vëmendjen në La Liga te Reali. Është mesfushori me tipare sulmuese, spanjoll Asensio, i cili pëlqehet shumë nga skuadra nga Anfield, të cilët kanë bërë një ofertë për shërbimet e tij. Sipas mediumit spanjoll Mundo Deportivo, Reds kanë ofruar plot 180 milionë euro për mesfushorin e Mbretërve, Asensio. Mesfushori ka një klauzolë prej 700 milionë eurosh në kontratën e tij, ndërsa menaxher i ri Julen Lopetegui është i prirur për të mbajtur 22-vjeçarin. Megjithatë, ata do të shqyrtojnë ofertën e Liverpoolit, me Jurgen Klopp që po kërkon më shumë eksplozivitet dhe përforcime në mesfushë. /Telegrafi/ The post Çmendet Liverpooli, ofron 180 milionë euro për Asension appeared first on Telegrafi. |
You are subscribed to email updates from Futboll – Telegrafi. To stop receiving these emails, you may unsubscribe now. | Email delivery powered by Google |
Google, 1600 Amphitheatre Parkway, Mountain View, CA 94043, United States |
Lexo edhe: