“Pazari i Ri merr çmimin si projekti më i mirë për 2018-n në Londër” plus 9 more Gazeta SHQIP

---

• Pazari i Ri merr çmimin si projekti më i mirë për 2018-n në Londër
• Pushimet, si të parandaloni stresin para nisjes
• Derisa kontrata të na ndajë…si po rriten marrëveshjet paramartesore në Shqipëri
• Mallakastër, kamioni përplaset me makinën, 3 të plagosur
• Kapiteni i Zvicrës mbron shqiptarët: Mirë bënë që festuan ashtu!
• Rama: Nis restaurimi i kishës së Shën Mërisë në Dropull (Video)
• “Selfie”, 7 truke që duhet të ndiqni për një shkrepje perfekte
• Rita Ora gëzon për suksesin e Xhakës dhe Shaqirit: Krenare!
• Gjermania për “jetë e vdekje” me Suedinë, Belgjika për të kompletuar kualifikimin
• Basketbollistët e Kosovës përfshihen në aksident, vdes një nga lojtarët

Pazari i Ri merr çmimin si projekti më i mirë për 2018-n në Londër Posted: 23 Jun 2018 02:18 AM PDT Pazari i Ri i Tiranës fitoi dje çmimin si projekti i Rinovimit 2018 nga "Emerging Europe Awards" (EEA) në Londër, një nismë unike që shpërblen praktikat më të mira në Europën Lindore. Ky çmim vjen dy ditë pas vlerësimit që iu bë në Barcelonë sheshit "Skënderbej", si hapësira më e mirë publike në Europë për 2018. Nënkryetari i Bashkisë së Tiranës, Arbjan Mazniku, falenderoi jurinë për vlerësimin e projektit të rehabilitimit të Pazarit të ri, i cili nga një ngrehinë e rrënuar, në një kohë të shkurtër, u transformua në një nga pikat më tërheqëse turistike të kryeqytetit, duke ofruar një shumëllojshmëri aktivitetesh ekonomike e kulturore. Mazniku u shpreh i kënaqur për këtë çmim prestigjoz, një shembull fantastik se si Pazari i Ri është kthyer në një pikë të re dhe kumbuese për Tiranën. "Për ne Shqiptarët është inkurajuese që patëm në listën e shkurtër dy projekte, përfshirë edhe 'Pazarin e Korçës', një tregues i qartë se programi i Rilindjes Urbane ka dhënë efekte madhore në rivitalizimin e qyteteve tona", u shpreh Mazniku, pas tërheqjes së çmimit. Pazari i Ri u përzgjodh fitues pas konkurrencës së fortë me nëntë kandidatë të tjerë, si qendra historike e Timishoarës, salla e tregut 100-vjeçar të Varshavës “Koszyki”, sheshi Mynta në Lviv (Ukrainë) etj. Juria profesioniste ndërkombëtare veçoi se Pazari i Ri ka pësuar ndryshime pozitive, duke bërë që, nga një zonë e lënë pasdore për vite me radhë, u shndërrua në një simbol i jetës urbane dhe destinacion me vlerë tregtare, kulturore si dhe një treg "hip". Gjithashtu, juria vlerësoi ndërthurjen e trashëgimisë kulturore me arkitekturën moderne të Pazarit të Ri, ku shumë nga elementët tradicionalë të qytetit të vjetër janë ruajtur, ndërsa sheshi është rifreskuar me një çati mbresëlënëse prej çeliku dhe qelqi. Pazari i Ri u konsiderua edhe si një model inovativ i biznesit, pasi është një qendër tregtare që përfshin 308 biznese dhe siguron 1,007 vende pune. 23 qershor 2018 (gazeta-Shqip.com)

Pushimet, si të parandaloni stresin para nisjes Posted: 23 Jun 2018 02:15 AM PDT Duket një paradoks, por edhe periudhat që largohemi nga puna fshehin disa faktorë që mund të rrezikojnë mirëqenien tonë Duket një kontradiktë termash, por gjërat janë me të vërtetë të tilla: stresi i pushimeve ekziston dhe mund të rrezikojë performancën e mirë të periudhës sonë të pushimeve. Kur jeni larg nga shtëpia, ju e dini, gjërat nuk shkojnë gjithmonë siç i presim: struktura e zgjedhur nuk mund të korrespondojë me pritjet tona, mund të ketë aksidente në lëvizje, ushqimi lokal ndonjëherë nuk është i pëlqyer. Për më tepër, udhëtimi gjithmonë përfshin njëfarë aventurie dhe kërkon një minimum fleksibiliteti dhe përshtatshmërie: ekzistojnë disa burime stresi tipike të kohës së sotme, të lidhura me simbolet e statusit dhe qëndrimet e gabuara, të cilat mund dhe (duhet) t'i mësojmë t'i menaxhojmë sepse varen … nga koka jonë. Ankthi i nisjes – Përgatitja e bagazheve dhe mbyllja e shtëpisë para se të nisemi me pushime janë çmimi i pashmangshëm që paguajmë në ditët para fillimit: këto aktivitete shkaktojnë stres dhe ankth në shumë njerëz. Gjithashtu organizimi i udhëtimit, rezervimet dhe kostot e pashmangshme, mund të krijojnë ngutje dhe humor të keq, si për shembull rritjen e punës në zyrë për të kompensuar periudhën e mungesës. Zgjidhja është të lëvizësh në kohë, në mënyrë që të përhapësh angazhimet gjatë disa ditëve dhe të shmangësh ngutjen e madhe në minutën e fundit. Nëse ndodh që të marrim disa ditë më shumë se kolegët tanë ose të largohemi jashtë sezonit, kur të tjerët po punojnë ende, mund të ndodhë që kolegët në zyrë të na shikojnë shtrembër. Duke qenë se situata është kështu vlen të mos vërehet. Ndjenja e fajit, duke përfshirë edhe atë që të tjerët na bëjnë të ndihemi, është e gabuar: në qoftë se ne kemi më shumë pushime, kjo do të thotë se ne nuk kemi gëzuar në të kaluarën, ose që nisemi para të tjerëve, do të thotë se nga ajo do të parashikohet edhe kthimi. Sidoqoftë, është e padobishme të ndihemi në faj: bëjmë detyrën tonë dhe nisemi të qetë. Mos i idealizoni pushimet – Periudha e pushimeve është një fazë jete, dhe jo momenti kur duhet të jemi absolutisht perfekt. Mos prisni shumë nga pushimet dhe mbi të gjitha mos e imagjinoni atë si kohën për të rimarrë gjithçka që nuk mund të bëjmë gjatë muajve të vitit. Për shembull: është e kotë të largohemi në një udhëtim super sfidues nëse për njëmbëdhjetë muajt e mëparshëm nuk jeni ngritur kurrë nga tavolina dhe nuk keni bërë asnjë trajnim, ose të marrim me vete një bibliotekë të tërë të klasikëve të letërsisë sepse gjatë vitit nuk kemi pasur kohë për të lexuar. Një gabim tjetër për të shmangur: t'i konsiderosh pushimet si një lloj kompensimi për punët gjatë një viti. Le të kufizohemi të marrim nga ato pushime një moment pauze dhe relaksi, duke i shfrytëzuar në mënyrën më të mirë të mundshme dhe në shoqëri të mirë. Le të mos bëhemi superheronj – Është e padobishme të planifikosh çdo moment të vetëm të pushimeve midis udhëtimeve, sporteve, vizitave kulturore ose argëtimeve të pafundme të natës. Le t'i japim vetes kohë të mësohemi me klimën dhe situatën e re, të pushojmë me të vërtetë dhe ndoshta edhe të shqetësohemi pak. Sporti është mirë, por në përpjesëtim me mundësitë tona dhe kushtet tona fizike. Objektivi: jo të lidhur – Technostress është një tjetër armik i pushimit të Mijëvjeçarit të Tretë. Nëse jemi me pushime, por ne vazhdojmë të qëndrojmë të lidhur, të kontrollojmë vazhdimisht e-mailet dhe të përgjigjemi në telefon sikur të ishim në zyrë, pushimi ynë pa dyshim do të jetë një pushim i vogël. Zgjidhjet? Ka vetëm një: shkëputuni nga pajisjet e ndryshme dhe më në fund e lironi mendjen. Nëse me të vërtetë nuk mund të bëjmë pa qenë të disponueshëm, të paktën përpiqemi të kufizojmë aktivitetin tonë në një vend të caktuar kohor, ndoshta duke mbledhur mesazhe me një sekretari telefonike dhe një përgjigjësi. Pushimet e fqinjit janë gjithnjë… – Siç thotë proverba, pushimet e miqve dhe të njohurve, na duken gjithnjë e më interesante, më rrëzëllitëse, më emocionuese sesa tonat. Tani që nuk mund të rrimë pa postuar selfie dhe fotografi që dokumentojnë lëvizjet tona me të gjitha detajet, është e papashmangshme që të mos i bëjmë miqtë dhe të njohurit të bëjnë krahasime. Dhe duke qenë se të gjithë tentojnë të tregojnë gjërat më të bukura, ne gjejmë veten duke zbuluar një koleksion të kartolinave idilike të bëra nga deti i pacenuar, qielli blu dhe buzëqeshjet e fëmijëve. Kjo mund të na bëjë të ndjehemi të zhgënjyer dhe edhe më të pakënaqur nëse gjejmë veten në një plazh të mbushur me njerëz ose në një hotel jo me pesë yje. Edhe këtu zgjidhja është shkëputja. Forcat e Policisë, ndër të tjera, këshillojnë që të mos postoni kronika në kohë reale dhe fotot e pushimeve në rrjetet sociale: duke u shfaqur të qeshur në Tropikë është ekuivalente me raportimin e minjve të banesës dhe njerëzve të këqinj që na kanë hyrë në shtëpinë e pabanuar. Është më mirë të publikoni retrospektivisht revistat e udhëtimit, në kthimin tonë dhe pushimet e përfunduara. 23 qershor 2018 (gazeta-Shqip.com)

Derisa kontrata të na ndajë…si po rriten marrëveshjet paramartesore në Shqipëri Posted: 23 Jun 2018 02:13 AM PDT Shqiptarët po orientohen gjithmonë e më shumë drejt kontratave, duke mos ia lënë në dorë të nesërmen spontanitetit. Avokatët dhe noterët konfirmojnë se sot ka çifte në Shqipëri që po rregullojnë marrëdhëniet e tyre me kontrata paramartesore, kryesisht biznesmenë. Edhe testamentet po njohin përdorim të shpeshtë, por numri i tyre mbetet modest po të kemi parasysh që janë pak më shumë se 80 mijë nga viti 1920 e deri më sot "Derisa vdekja të na ndajë". Ky është betimi tradicional para lidhjes së një martese, ku çifti i premton njëri-tjetrit të ndajnë të mirat dhe të këqijat bashkë deri në fund të jetës. Jo të pakta janë rastet kur këto fjalë përfundojnë në praktikën "derisa Gjykata të na ndajë" dhe kjo në shumicën e rasteve lë njërën palë të lënduar. Situata bëhet më problematike bëhet kur duhet të vendosen pikat mbi "i" se kush do të marrë çfarë nga ajo që ka mbetur nga marrëdhënia. Disa mendojnë që këtë pjesë, nëse ndodh, të mos ia lënë spontanitetit, por ta paracaktojnë me një kontratë paramartesore. Por, a ka në Shqipëri çifte që bëjnë kontrata të kësaj natyre? Ekspertë të fushës thonë se po, madje janë kontrata me kusht. "Zakonisht, në kontratat paramartesore, mund të përfshish një gamë të gjerë elementesh mbi të cilën ti apo partneri bini dakord. Në ato pak kontrata që kemi bërë ne, çiftet kanë përfshirë pasuritë, por kanë vendosur edhe kushte. Për shembull, në katër kontrata që kemi bërë, palët kanë vendosur si kusht që: nëse ti më tradhton mua, ose martesa prishet për shkak të një tradhtie, të provuar, atëherë ti nuk ke pjesë në asnjë nga pronat që unë do të vendos gjatë martesës, por edhe pronat që unë i kam pasur para martesës. Të njëjtën gjë bën dhe pala tjetër. Kam parë kontrata të shteteve të ndryshme që janë shumë më të gjera në përfshirje. Në Suedi, për shembull, përfshihet edhe ndarja e fëmijëve apo modele në Shtetet e Bashkuara të Amerikës ku detajohet roli që luan secili në familje", thotë për "Monitor", Margerita Kola, avokate pranë Kalo and Associates. Sipas saj, në Shqipëri, edhe ato pak kontrata që janë nënshkruar, janë shumë të kufizuara në diapazonin që mbulojnë sa i përket marrëdhënies së një çifti. Numri i kontratave ende i vogël, kufizohet nga mentaliteti Është e vështirë të gjesh një numër të saktë të kontratave paramartesore sepse, përveçse është një praktikë relativisht e re në vend, ajo shihet edhe si tabu në shoqërinë shqiptare. Madje, në listën e kontratave disi të "veçanta" që po evoluojnë në tregun shqiptar, duke nisur nga testamentet, tek ndërmjetësimi e deri tek kontratat paramartesore, këto të fundit janë më pak të avancuara. Kjo lidhet më së shumti me pjesën e mentalitetit. "Shumë pak njerëz bëjnë kontrata paramartesore. Pjesa e kontratës paramartesore lidhet me kulturën e përgjithshme, por ka të bëjë edhe me elemente të tjera që e pengojnë vendosjen e një kontrate të kësaj natyre. E para, ne vijmë nga një sistem kulture ku martesa ka qenë diçka shumë private. Njerëzit nuk duan të thonë asgjë për familjen e tyre, çfarë zotërojnë, si duan t'i ndajnë. Në këtë sistem ka mbizotëruar mblesëria dhe kalimi tek martesa që e shohim si kontratë është diçka krejt e kundërt me atë që është vendosur tradicionalisht. Kur ne vendosëm në studion tonë ligjore edhe kontratat paramartesore pati një lloj rezerve, pasi ishte një shteg i pashkelur fare, por gradualisht vendosëm modelin e kontratës, sipas formës së kërkuar nga ligji, duke shtuar elementet që kërkon çdo çift, në mënyrë specifike për marrëdhënien e tij. Kërkesa për të marrë informacion mbi kontratat është e madhe, por numri i atyre që realisht përfundojnë me një të tillë është shumë i vogël", – shprehet avokatja Margerita Kola. Kontratat do të shmangnin një pjesë të dramave familjare post-divorc Që të pretendosh se çdo martesë do të rregullohet me një kontratë paramartesore, kjo është diçka e pamundur dhe në Shqipëri, edhe më shumë. Megjithatë, avokatët dhe noterët në këtë pikë bëhen bashkë, pasi përcaktimi paraprak përmes një kontrate i disa detajeve të martesës shmang dramën që vjen më pas me divorcet, edhe pse asnjë nga çiftet nuk i hyn martesës me idenë e ndarjes. "Ua rekomandoj kontratën paramartesore çifteve sepse, në shumë raste, do të shmangej dhuna në një divorc dhe, mbi të gjitha, do të shmangej përdorimi i fëmijëve si shantazh. Divorcet janë një dramë e madhe kudo në botë, por në Shqipëri përdoren për t'i bërë shantazh njëri-tjetrin. Kontrata paramartesore ka diçka të pastër ligjore. Kodi ynë i Familjes e ka të ndarë divorcin nga ndarja e pasurisë, çka do të thotë dy gjyqe, pra bëhet ndarja e çiftit dhe më pas, ajo e pasurisë dhe në shumë raste palët shfrytëzojnë mundësinë për të tjetërsuar pasurinë, duke dëmtuar palën tjetër", – nënvizon avokatja Kola. Rekomandimi Ua rekomandoj kontratën paramartesore çifteve sepse, në shumë raste, do të shmangej dhuna në një divorc dhe, mbi të gjitha, do të shmangej përdorimi i fëmijëve si shantazh. Divorcet janë një dramë e madhe kudo në botë, por në Shqipëri përdoren për t'i bërë shantazh njëri-tjetrin. Kontrata paramartesore ka diçka të pastër ligjore. Kodi ynë i Familjes e ka të ndarë divorcin nga ndarja e pasurisë, çka do të thotë dy gjyqe, pra bëhet ndarja e çiftit dhe më pas, ajo e pasurisë dhe në shumë raste palët shfrytëzojnë mundësinë për të tjetërsuar pasurinë, duke dëmtuar palën tjetër Evolucioni i kontratave, nga ndëshkuesja te mirëkuptimi Shqipëria ka përqafuar së fundmi edhe një lloj jurisprudence të re që nuk është ajo ndëshkuese. Për avokaten Margerita Kola, kjo është ajo lloj jurisprudence që cilësohet si e mirëkuptimit. Preferenca për të zgjidhur gjërat në mirëkuptim vjen në kushtet kur vendosja e së drejtës përmes ndëshkimit ka kosto relativisht të lartë, njëra nga palët del gjithmonë e pakënaqur dhe në finale, dënimi për njërin apo tjetrin ngarkon me barrë taksapaguesit e thjeshtë, sepse do të shkohet në burg. "Sot po lëvizet në jurisprudencën restauruese, që në praktikë e gjejmë me mirëkuptimin që arrijnë palët. Është mirë që palët të lidhin shpesh marrëveshje ndërmjetësimi, sepse ligji për ndërmjetësimin e njeh si një titull ekzekutiv këtë proces dhe, në rast se nuk përmbushet vullneti i rënë dakord, gjykata në momentin që ti e çon, nxjerr urdhrin dhe duhet të ekzekutohet. Procedura e një urdhri ekzekutimi që ka ardhur nga një marrëveshje ndërmjetësimi është jashtëzakonisht e thjeshtë. Numri i atyre që duan të hyjnë në një marrëdhënie ndërmjetësimi rritet dita-ditës, kurse i atyre që interesohen për të, shumë herë më i madh. Kjo duhet përshëndetur, pasi si një kulturë e re edhe në botë e jo më në Shqipëri, po gjen përthithje", – shprehet Kola. Shqiptarët po i largohen "fjalës", për t'i lënë vend kontratës Kultura juridike nuk është diçka që mund të përthithet menjëherë nga një popull, madje për Shqipërinë gjithçka dikur ka qenë e lidhur me "besën" apo "fjalën e burrit". Më pas, gjatë periudhës së komunizmit, dinamika e zhvillimit nuk ishte dhe aq nxitëse, sepse marrëdhënia ishte vetëm një shtet-individ. Ekonomia e tregut bëri që shqiptarët edhe një herë të testonin disi me fjalën dhe më pas, përvojat e hidhura vit pas viti t'i shtynin ata drejt kontratave normale para noterit. "Ka rritje të lidhjes së kontratave dhe po vendoset një kulturë e tillë, sepse kanë parë nga përvoja se kanë humbur shumë të drejta për shkak se marrëdhënia e tyre nuk është lidhur sipas ligjit, apo nuk është lidhur fare. Legjislacioni ynë, për hir të së vërtetës, pranon që provon detyrime edhe një kontratë që nuk është e thënë të lidhet para noterit, pra një deklaratë dore, që lidhet mes dy personave, por më pas kjo ka barrë prove më të madhe dhe mund të pretendohet se është lidhur nën presion apo arsye të tjera. Testamentet, Shqipëria ndër të paktat vende që njeh rezervën ligjore Testamentet shihen në shumë raste si një lloj kontrate që lehtëson zgjidhjen e çështjes së pasurisë në momentin që dikush ndërron jetë. Por Shqipëria bën pjesë tek ato pak vende që njeh rezervën ligjore, që do të thotë se, edhe pse mund të lihet testament, dikush që është përjashtuar në rrethana të përcaktuara nga ligji mund të ngrejë pretendime dhe madje të fitojë. "Padyshim që ua rekomandoj testamentin, sepse është vullnet i testatorit për të lënë diçka që e ka të vetën. Ka dy lloje trashëgimish që njeh Kodi ynë, trashëgimi testamentare, që lihet përmes testamentit ku testatori ka shprehur vullnetin e vet dhe trashëgimia ligjore, që vjen vetëm sepse unë jam e regjistruar në trungun familjar. Në të parën, është më e thjeshtë, sepse testamenti hapet nga noteri dhe gjithçka është më e thjeshtë, por ka diçka që mund të ndryshojë situatën. Ligji ynë njeh të drejtën e rezervës ligjore. Jo shumë vende e kanë të drejtën e rezervës ligjore. Është një lloj kufizimi për të drejtën testamentare, që do të thotë se, megjithëse testatori shpreh vullnetin për t'i lënë një pronë të caktuar dikujt, përsëri ligji njeh kufizime. Në çdo moment, ky testament mund të kundërshtohet nëse në momentin e bërjes së tij, testatori ka përjashtuar bashkëshortin/en e vet, i cili apo e cila ka qenë e paaftë për punë në atë moment ose ka qenë nën moshën 60 vjeç, pra nën moshën që ai mund të punonte. Nëse bashkëshorti apo bashkëshortja ka kundërshtime për këtë testament, menjëherë ai i drejtohet gjykatës dhe mund të përfitojë nga rezerva ligjore. Me rezervë ligjore, gjykata ia njeh për aq kohë sa ky bashkëshort nuk është bërë i padenjë nga ky testament", – shpjegon avokatja. Ka gjithmonë e më shumë interes për testament, por sot në fakt po haset edhe në situatat që përfshijnë më shumë këto lloj kontratash. Një çështje që ka hapur debat sot, e cila ka kaluar nga gjykata në gjykatë, pritet që të vendosë edhe një praktikë të re, nëse rezervën ligjore e gëzojnë vetëm bashkëshortët apo edhe trashëgimtarët. "Ka diskutime, unë e kam ndeshur në një situatë gjyqësore në Korçë, kur të drejtën e rezervës ligjore duhet ta trashëgojnë edhe trashëgimtarët, apo jo? Pra ishte përjashtuar bashkëshorti nga bashkëshortja në testamentin e saj. Gjyqin e hapi bashkëshorti. Normalisht, përfitonte nga rezerva ligjore, sepse nuk ishte bërë i padenjë dhe kishte qenë i paaftë për punë. Por vdes gjatë kohës kur çështja ishte në shqyrtim dhe njëra nga vajzat vazhdon betejën ligjore që të fitojë të drejtën e rezervës ligjore të babait, sepse babai në një testament tjetër i kishte lënë vajzës, vetëm kësaj vajze, të drejtën që të trashëgojë çdo gjë tjetër të tij. Çështja nuk është fituar as në Gjykatën e Shkallës së Parë, as në atë të Apelit dhe ka shkuar për gjykim në Gjykatën e Lartë, por mendoj që do ta marrin në shqyrtim Kolegjet e Bashkuara, sepse s'ka praktikë në këtë rast dhe besoj do të vendosin një praktikë" 23 qershor 2018 (gazeta-Shqip.com) Monitor

Mallakastër, kamioni përplaset me makinën, 3 të plagosur Posted: 23 Jun 2018 01:43 AM PDT Një aksident ka ndodhur mëngjesin e sotëm në Mallakastër. Një kamion është përplasur me një makinë, duke lënë të plagosur 3 persona. Nga aksidenti kanë mbetur të plagosur pasagjerët e mjetit tip “Volksëagen”, F.D, 55 vjeçe, E.D, 54 vjeçe dhe shtetasi A.D, 60 vjeç, banues në Mallakastër. Të plagosurit ndodhen në spital jashtë rrezikut për jetën. Aksidenti ka ndodhur në aksin rrugor Ballsh-Fratar, në vendin e quajtur “Greshicë”. Urim Koliqi, 45 vjeç, banues në Durrës, duke drejtuar me kamionin u përplas me Volksëagen me drejtues shtetasin Sh.P, 49 vjeç. Policia ka ndaluar drejtuesin e kamionit Urim Koliqi. Materialet i kaluan Prokurorisë pranë Gjykatës së Shkallës së Parë Fier për veprën penale “Shkelje e rregullave të qarkullimit rrugor”. 23 qershor 2018 (gazeta-Shqip.com)

Kapiteni i Zvicrës mbron shqiptarët: Mirë bënë që festuan ashtu! Posted: 23 Jun 2018 01:37 AM PDT Kapiteni i Zvicrës, Stefan Lichsteiner u jep të drejtë Xhakës dhe Shaqirit për mënyrën e festimit të gola duke bërë me duar shqiponjën dykrenare. Në fakt, vetë Lichsteiner është fotografuar duke formuar simbolin e shqiptarëve. "Xhaka dhe Shaqiri e bënë shumë mirë që festuan në atë mënyrë. Serbët shkruajnë dhe provokojnë prej disa ditësh, pastaj edhe ata nuk janë engjëj. Për mendimin tim, gjithçka është 'ok'. Prindërit e disa lojtarëve të Zvicrën janë përfshirë në një luftë të ashpër. Ka provokime, kështu që për mua janë në rregull", u shpreh ai. Ndërsa trajneri Petkovic, mundohet ta shmangë përzierjen e politikës me sportiv, duke mbajtur një qëndrim shumë më të ekuilibruar. "Është e qartë që një futbollist kur shënon ndien emocione të veçanta. Të gjithë ne duhet ta lëmë jashtë politikën nga futbolli. Duhet të përqendrohem në futboll, është një pasion që i bashkon njerëzit. Është e rëndësishme të tregojmë respekt", tha trajneri. 1 of 4 23 qershor 2018 (gazeta-Shqip.com)

Rama: Nis restaurimi i kishës së Shën Mërisë në Dropull (Video) Posted: 23 Jun 2018 01:16 AM PDT Kryeministri Edi Rama, me anë të një postimi në Facebook bëri me dije se ka nisur puna për restaurimin e Kishës së Shën Mërisë në Peshkëpinë e Sipërme të Dropullit. Sipas Ramës, ajo është lënë prej vitesh në harresë. "Mirëmëngjesi dhe me punën e nisur për restaurimin e Kishës së Shën Mërisë në Peshkëpinë e Sipërme të Dropullit, e cila pas dekadash lënie në harresë, do t'i nënshtrohet ndërhyrjeve restauruese, ju uroj një fundjavë të qetë", shkruan Rama në Facebook. MIRËMËNGJES dhe me punën e nisur për restaurimin e Kishës së Shën Mërisë në Peshkëpinë e Sipërme të Dropullit, e cila pas dekadash lënie në harresë, do t'i nënshtrohet ndërhyrjeve restauruese, ju uroj një fundjavë të qetë Gepostet von Edi Rama am Freitag, 22. Juni 2018 23 qershor 2018 (gazeta-Shqip.com)

“Selfie”, 7 truke që duhet të ndiqni për një shkrepje perfekte Posted: 23 Jun 2018 01:15 AM PDT Më 21 qershor u festua dita e vetëshkrepjes, konceptuar nga BBC në vitin 2014. Drita, vetullat, goja dhe inkuadrimi: rregullat për fotografitë që kapen nga kamera e përparme Sot, është Dita Botërore e Selfieve. Një festë me të vërtetë e veçantë – sigurisht moderne – që buron nga një ide e stacionit televiziv britanik. Në vitin 2014, BBC hap dyert e festës së vetëshkrepjes. Ishte periudha e krenarisë maksimale për kamerat e përparme, të shfrytëzuara në çdo mënyrë për të nxjerrë fytyrën prapa lentes. Por, sapo arti i selfieve u bë "zyrtar", – nga BBC por edhe nga Oxford English Dictionary, i cili prezantoi termin e ri në fjalorin e tij – është përkeqësuar papritmas, duke pësuar një rënie të ngadaltë. Natyrisht, sot ne të gjithë bëjmë fotografi, vetëm ose në shoqërinë e miqve. Por, le të themi se të paktën moda e “fytyrës duck” ose të tjera të ngjashme ka kaluar ngadalë plan në dytë. Sot, selfie është një foto si të tjerët, për të kapur një kujtesë, një udhëtim ose një moment. Thjesht, është një mjet i përshtatshëm për të qenë një pjesë – të gjithë, madje edhe ata që mbajnë smartphone – të kornizës. Edhe nëse është mirë, nuk është kaq e thjeshtë. Ka nga ata që i urrejnë dhe ka të tjerë që i duan. Ka nga ata që shpenzojnë orë të tëra, duke shkprepur dhe nuk arrijnë të marrin një foto perfekte. Ka nga ata që stërviten çdo ditë në divan, duke komentuar postimet e shokëve në "Instagram". Por, edhe ata duhet të dorëzohen: nga 95 milionë fotografitë e postuara çdo ditë në rrjetin social, një pjesë e mirë merret nga kamera e përparme e smartphone. Selfie është një mjet i domosdoshëm, gjithashtu për shkak të investimit të prodhuesve të telefonave, të cilat pasurojnë kamerën e përparme me më shumë dhe më shumë pixels. Dhe nëse na pëlqen ose jo, duhet të mësojmë ta bëjmë mirë. Le të përpiqemi të përmbledhim disa këshilla në shtatë rregulla për t’u ndjekur. Drita Para së gjithash, burimi i dritës. Rregulli i përgjithshëm i fotografisë dëshiron që ajo të vijë nga prapa lentes, por në rastin e selfies – për të mos u verbuar – më mirë të poziciononi veten në mënyrë që të vijë anash. Pra, për të nxjerrë në pah një pjesë të fytyrës. Gjëja e rëndësishme është që drita, – më mirë nëse është e natyrshme – arrin në fytyrën tonë dhe ndriçon sytë. Ndoshta pranë një dritareje. Përkundrazi, nëse doni një selfie më "sugjestive", sigurohuni që burimi i dritës të jetë një dhe të kontrollohet nga ju. Ashtu si një qiri apo një llambë e lehtë. Dhe kjo ju merr anash. Rregullojmë kornizën (ne do të shohim se si) dhe përdorim funksionin e dobishëm të smartphone që ju lejon të vendosni se ku të fokusoni zjarrin, duke shtypur me gishtin në pika të ndryshme në ekran. Mundësisht në fytyrën tonë, subjektin e vërtetë të fotos. Shmangni blicin: krijoni një dritë të panatyrshme dhe ngjyrosni ngjyrat. Sytë Sytë, thamë, janë qendra e selfieve dhe kështu që duhet të kontrollohet më shumë nga fytyra jonë. Është thelbësore që të fokusohemi në sensorin e kamerës: Sa shkrepje keni parë, ku protagonistët e portretizuar duket të shohin diçka interesante vetëm pas lenteve? Ose, në qoftë se nuk doni të rregulloni se kush do të shikojë foton, kthejeni shikimin tuaj diku tjetër dhe kthehuni në profil. Pastaj përqendrohuni te vetullat, për t'i rritur pak në mënyrë që sytë të duken më të mëdha (pa granatim). Dhe përpiquni të "buzëqeshni me sytë tuaj" siç mësonte modelja Tyra Banks në programin e saj "American Next Top Model". Goja dhe qafa Për të arritur një efekt natyral, por pa shikuar si një model aspirues të mbuluar (me pak sukses), duhet të kontrolloni gojën. Via Face Duck – tani ata janë abuzuar dhe kështu kapërcyer, ata ju bëjnë të dukeni pak të butë në sytë e atyre që shikojnë figurën, – mendoni në vend që të hapni pak buzët. Dhe ndërsa po shkrepni, hidhni pak ajër. Pastaj përpiquni të shtrëngoni qafën tuaj pak dhe të sillni shpatullat tuaja: fytyra juaj do të duket më e efektshme dhe do të jeni më të relaksuar. Ku ta vendosni smartphonin Le të kalojmë te pozicioni i smartphone. Ndërkohë, mbani mend se sensorët janë kënd të gjerë, kështu që sa më afër që jemi, aq më shumë imazhi do të shtrembërohet. Më mirë ta mbani telefonin në një distancë "krah". Pastaj është mirë të sillni lenten pak më të lartë se perspektiva e syrit në mënyrë që të shmangni mendjet e dyfishta ose hundrat në shfaqje. Ka shumë pak njerëz që rrinë mirë nga një perspektivë nga poshtë-lart dhe, në dyshim, më mirë të qëndrojnë te klasikja. Gjithashtu është më mirë të mos e vendosni smartphonin para nesh, por të rikuperojmë nga një kënd pak i zhdrejtë. Ku ta poziciononi veten brenda kornizës Sa i përket inkuadrimit, rregulli i palëve të treta është në fuqi. Ashtu si në të gjitha fotografitë, subjekti nuk duhet të vendoset në qendër të saktë. Ne duhet të ndajmë "drejtkëndëshin" me dy linja vertikale dhe dy horizontale dhe të marrim kryqëzimet midis linjave si zjarri. Ja ku duhet të përmbushim shikimin tonë. Në rastin e selfies, natyrisht që fytyra jonë do të duhet të mbulojë pjesën më të madhe të shkrepjes (jo si në rastin më poshtë), por shtrihet në të djathtë ose në të majtë. Përveç nëse jeni duke bërë një ID foto për dokumentet. Pra, i kushtoni vëmendje sfondit – ndaluar rreptësisht banjo, pavarësisht nga ato pasqyra që gjithmonë tërheqin egon tonë – ose sigurohuni që, falë lojës së dritave, mbeteni të hutuar. Si ta mbani smartphonin Shumë e komplikuar, kur ju merrni një selfie, t'ia dalësh të shtypësh butonin dhe ta mbani smartphonin në pozicionin e duhur në të njëjtën kohë. Ja një truk: vendoseni telefonin horizontalisht dhe kapeni në anën e lartë me gishtin tregues dhe në anën e ulët me gishtin e vogël. Ju do të shihni se gishti i madh do të mbetet i lirë për të lëvizur për të shtypur, ndërsa ju do të mendoni se 'kurthi' në pajisje është provë e rënies. Rregulli "sekret" Selfiet më të njohura janë ato në grup. Me pushime ose në një pasdite me miqtë, për të festuar një mbrëmje ose gjatë një festë, gjithmonë vjen koha për të marrë pamjen në të cilën të gjithë duhet të jenë të pranishëm. Kështu që edhe ata që bëjnë shkrepjen, duhet të hyjnë në kornizë. Por mos harroni: ata që mbajnë smartphone në dorë do të jenë gjithashtu më afër lentes dhe do të vuajnë shtrembërimet e këndit të gjerë, shumë më të theksuar në anët. Pikërisht aty ku zakonisht vendoset fytyra e tij, për të bërë vend për ata të të gjithë të tjerëve. Shkurtimisht, rregulli "sekret" gjithmonë hiq dorë nga telefoni. Sepse në qoftë se ne jemi të zgjedhur për të bërë selfien, ne gjithashtu do të jemi ata që vijnë pothuajse me siguri në mënyrën më të keqe. 23 qershor 2018 (gazeta-Shqip.com)

Rita Ora gëzon për suksesin e Xhakës dhe Shaqirit: Krenare! Posted: 23 Jun 2018 01:07 AM PDT Gëzimit të fitores së djemve shqiptarë iu bashkua edhe Rita Ora. Me anë të një postimi në Instastory, Rita shpreh krenarinë për suksesin e Granit Xhakës dhe Xherdan Shaqirit. Xhaka dhe Shaqiri dhuruan spektakël duke shënuar ndaj Serbisë. Por sikur të mos mbaronte me kaq futbollistët shqiptarë, që përfaqësojnë kombëtaren zvicerane bënë simbolin e shqiponjës me duar. 1 of 2 23 qershor 2018 (gazeta-Shqip.com)

Gjermania për “jetë e vdekje” me Suedinë, Belgjika për të kompletuar kualifikimin Posted: 23 Jun 2018 12:57 AM PDT Të gjithë me sy e veshë nga Gjermania, që luan ndeshjen vendimtare për kualifikimin në Grupin F. "Pancerat", pas disfatës së papritur me Meksikën në takimin e parë, do të përballen sonte në orën 20:00, në stadiumin "Fisht Olympic" të Sochit, me Suedinë, që futet në fushë në këtë sfidë me qëllimin për të mos humbur. Joachim Low nuk do të ketë në dispozicion në mbrojtje Mats Hummels, i cili ka probleme në qafë, ndërsa priten ndryshime taktike në formacionin, me Marco Reus që pritet të luajë që nga minuta e parë. Në të gjitha sfidat e këtij Botërori, Gjermani – Suedi është përballja me më shumë histori. Të dyja skuadrat janë ndeshur plot 36 ndeshje me njëra-tjetrën, me gjermanët që kanë triumfuar 15 herë, suedezët 12 herë dhe 9 takime të tjera janë mbyllur në barazim. Në përballjet e Kupës së Botës "Die Mannschaft" ka korrur sukses në 3 raste dhe vetëm në një takim kanë triumfuar kundërshtarët nordikë. Formacionet e mundshme: Gjermani: Manuel Neuer; Joshua Kimmich, Jerome Boateng, Nicklas Sule, Jonas Hector; Ilkay Gundogan, Toni Kroos; Thomas Muller, Mesut Ozil, Marco Reus; Mario Gomez. Suedia: Robin Olsen; Mikael Lustig, Viktor Lindelof, Andreas Granqvist, Ludwig Augustinsson; Viktor Claesson, Sebastian Larsson, Albin Ekdal, Emil Forsberg; Marcus Berg, Ola Toivonen. Po në grupin F, Koreja e Jugut përballet me Meksikën në orën 17 në "Rostov Arena", sfidë që do të mund të përcaktojë përfundimisht fatin e të dyja skuadrave. Nëse Meksika arrin të triumfojë, do të hidhte një hap shumë të rëndësishëm drejt kualifikimit në fazën e 1/16-ave (nëse Gjermania nuk fiton me Suedinë kualifikohet automatikisht), ndërsa barazimi e mban matematikisht në lojë përfaqësuesen aziatike, që në sfidën e fundit në grup do të përballet me Gjermaninë. Historia në fakt nuk e favorizon aspak Korenë e Jugut, që në 9 përballje me latino-amerikanët në finalet e Kupës së Botës nuk ka mundur të marrë qoftë një fitore brenda 90 minutave, duke humbur 6 e barazuar 3 takime. Formacionet e mundshme: Koreja e Jugut: Jo Hyeonwoo; Lee Yong, Kim Younggwon, Jang Hyunsoo, Kim Minwoo; Ki Sungyueng, Jung Wooyoung, Lee Jaesung; Hëang Heechan, Son Heungmin, Lee Seungwoo. Meksikë: Guillermo Ochoa; Carlos Salcedo, Hugo Ayala, Hector Moreno, Jesus Gallardo; Miguel Layun, Hector Herrera, Andres Guardado; Carlos Vela, Javier Hernandez, Hirving Lozano. Takimi i parë i ditës së 10-të të "Rusi 2018" është ai i orës 14:00, në "Otkrytiye Arena" të Moskës, mes Belgjikës dhe Tunizisë. Pas suksesit të arritur 3-0 ndaj Panamasë, "Djajtë e Kuq" synojnë të sigurojnë sa më parë kualifikimin, që në sfidën e fundit me Anglinë të luajnë pa presion, për t'u renditur të parët në grup. Nga ana tjetër, afrikano-veriorët shpresojnë të bëjnë surprizën, për të qëndruar ende në lojë për kualifikimin, duke shpresuar që Anglia të mos arrijë të fitojë me Panamasë në sfidën tjetër të Grupit G, që do të luhet nesër. Kjo do të jetë përplasja e dytë në histori mes dy ekipeve në Botëror, teksa në Kore e Jugut dhe Japoni në vitin 2002, barazuan 1-1 Formacionet e mundshme: Belgjika: Thibaut Courtois; Jan Vertonghen, Dedryck Boyata, Toby Alderweireld; Axel Witsel, Kevin De Bruyne, Yannick Carrasco, Thomas Meunier; Dries Mertens, Eden Hazard; Romelu Lukaku. Tunizia: Farouk Ben Mustapha; Yassine Meriah, Syam Ben Yousef, Dylan Bronn, Oussama Haddadi; Ellyes Skhiri, Anice Badri, Ferjani Sassi; Fakhreddine Ben Youssef, Wahbi Khazri, Naim Sliti. 23 qershor 2018 (gazeta-Shqip.com)

Basketbollistët e Kosovës përfshihen në aksident, vdes një nga lojtarët Posted: 23 Jun 2018 12:51 AM PDT Një aksident i rëndë ka ndodhur në orët e para të mëngjesit të së shtunës. Basketbollisti i Përfaqësueses së Kosovës, Gazmend Sinani ka humbur jetën pas aksidentit rrugor. Lajmin për vdekjen e Sinanit e ka bërë publik Federata e Basketbollit të Kosovës nëpërmjet një postimi në faqen e tyre. Sinani u nda nga jeta në një moshë të re 27 vite dhe ishte pjesë e Përfaqësueses së Kosovës. Në po të njëjtin aksident kanë qenë edhe pjesa tjetër e lojtarëve të Përfaqësueses së Kosovës. Granit e Fisnik Rugova, Altin Morina si dhe fizioterapeuti Kujtim Shala kanë pësuar lëndime trupore. Federata e Basketbollit e Kosovës shpreh ngushëllimet e përzemërta familjes Sinani dhe miqve të Gazmendit për këtë humbje të pakompensueshme. Përveç Prishtinës, Sinani ka qenë edhe pjesë e akademisë së Fenerbahçes në Turqi. 23 qershor 2018 (gazeta-Shqip.com)

You are subscribed to email updates from Gazeta SHQIP Online. To stop receiving these emails, you may unsubscribe now.	Email delivery powered by Google
Google, 1600 Amphitheatre Parkway, Mountain View, CA 94043, United States

loading...

Lexo edhe: