“Marseille 0-3 Atletico, notat e lojtarëve të finales së EL” plus 9 more Telegrafi Futboll |
- Marseille 0-3 Atletico, notat e lojtarëve të finales së EL
- Griezmann: Kam fituar dy trofe, shpresoj të fitoj më shumë
- Fiorentina shfaq interesim me Santonin
- Trajneri i Kroacisë, Dalic: Është e pamundur të ndalet Messi
- Atletico Madridi nënshtron Marseillen dhe fiton Ligën e Evropës
- Interi dhe PSG shfaqin interesim për Bardhin
- Interi së shpejti do t’i ofrojë Icardit rritje rroge, por edhe klauzolë
- Formacionet zyrtare: Marseille dhe Atletico zhvillojnë finalen e Europa League
- Prishtina, Drita dhe Liria dënohen me gjoba nga Komisioni Disiplinor
- Çfarë ka ndodhur më pas? Formacioni i Marseille në finalen e 2004 ndaj Valencias
Marseille 0-3 Atletico, notat e lojtarëve të finales së EL Posted: 16 May 2018 02:57 PM PDT Atletico Madridi fitoi në finalen e Ligës së Evropës ndaj Marseilles me rezultat 0-3. Golat për skuadrën spanjolle i shënuan Antoine Griezmann (21′, 49′) dhe Gabi (89′). Lojtari i ndeshjes normalisht që ishte Griezmann, ndërsa vlen të theksohet edhe Koke me dy asistime. Por, gjithashtu dhe Gabi, Lucas Hernandez e Saul Niguez. Për skuadrën franceze më i miri ishte Bouna Sarr, Andre-Frank Zambo Anguissa dhe Lucas Ocampos. Ndërsa më poshtë keni notat e lojtarëve: Maseille: Atletico: The post Marseille 0-3 Atletico, notat e lojtarëve të finales së EL appeared first on Telegrafi. |
Griezmann: Kam fituar dy trofe, shpresoj të fitoj më shumë Posted: 16 May 2018 02:50 PM PDT Atletico Madridi ka arritur të fitojë trofeun e Europa League pas një paraqitje të shkëlqyer në Lyon. Dominoi Antoine Griezmann i cili realizoi dy gola në këtë përballje ku Los Colchoneros triumfuan me lehtësi. “Unë u largova nga shtëpia kur isha 14 vjeç sepse kam dashur të fitoj trofe, ky është trofeu im i dytë pas Superkupës dhe shpresoj se do të vijnë më shumë”, u shpreh Griezz për BeIN Sports pas vërshëllimës finale. Marseille gaboi në golin eaprë të francezit, teksa Griezmann thotë se shfrytëzimi i këtyre gabimeve ishte pjesë e planit. “Me besim dhe gjakftohtësi”, e përshkroi Griezmann performancën e ekipit të tij. Antoine Griezmann po lidhet shumë me një kalim te Barcelona. Atletico Madridi deri tash ka hedhur poshtë se ka një marrëveshje, por lojtari besohet se ka marrëveshje personale me klubin katalanas. /Telegrafi/ The post Griezmann: Kam fituar dy trofe, shpresoj të fitoj më shumë appeared first on Telegrafi. |
Fiorentina shfaq interesim me Santonin Posted: 16 May 2018 02:22 PM PDT Davide Santon ka zgjuar interesimin e Fiorentinas. 27-vjeçari është nën kontratë me Interin deri në qershorin e 2019, por pritet të largohet gjatë verës për shkak të minutave të pakët në fushë. Ai ka 15 paraqitje këtë sezon në Serie A, shumica nga banka rezervë. Sipas La Repubblica, Fiorentina është e interesuar në Santonin dhe tashmë kanë filluar kontaktet edhe me lojtarin nëpërmjet agjentit të tij, i cili është shok me drejtorin gjeneral të Violas, Pantaleo Corvino. Interi pagoi 3.7 milionë euro të nënshkruajnë me atë nga Newcaslte Unitedin në vitin 2015. Vlen të theksohet se Santon është produkt i akademisë zikaltër. Në vitin 2011 italiani kaloi te Cesena si shkëmbim me Yuto Nagatomos. /Telegrafi/
The post Fiorentina shfaq interesim me Santonin appeared first on Telegrafi. |
Trajneri i Kroacisë, Dalic: Është e pamundur të ndalet Messi Posted: 16 May 2018 01:56 PM PDT Përzgjedhësi i Kroacisë, Zlatko Dalic, ka thënë se është e pamundur për të gjetur një taktikë të lojës që mund ta ndalë Lionel Messin. Në muajin e ardhshëm do të nisë Kampionati Botëror, ‘Rusia 2018’, ndërsa Kroacia është në Grupin D, së bashku me Nigerinë, Argjentinën dhe Islandën. Përfaqësuesja ballkanike do të luajë kundër ekipit nga Amerika Jugore në ndeshjen e dytë grupore, më 21 qershor. Para ndeshjes që zhvillohet në Nizhny Novgorod, Dalic ka thënë se skuadra e tij do ta ketë një përballje jashtëzakonisht të vështirë. “Messi është lojtari më i mirë në botë, nuk është e mundur që ta ndalësh atë”, ka thënë Dalic për Goal. “Duhet ta pengojmë topin që të mos arrijë te ai, sepse kur ai e pranon topin, është shumë e vështirë që ta ndalësh”, ka shtuar trajneri kroat. Që nga viti 1998 kur e zuri vendin e tretë në Francë, Kroacia ka dështuar ta kalojë fazën grupore në Kampionatet Botërore (2002, 2006 dhe 2014), ndërsa këtë edicion ka një qëllim të qartë. “Objektivi ynë është ta kalojmë fazën grupore. Më e rëndësishme për mua është që të arrijmë në të tetën e finales. Pastaj do të jetë më lehtë për ne”, ka deklaruar 51-vjeçari. /Telegrafi/
The post Trajneri i Kroacisë, Dalic: Është e pamundur të ndalet Messi appeared first on Telegrafi. |
Atletico Madridi nënshtron Marseillen dhe fiton Ligën e Evropës Posted: 16 May 2018 01:37 PM PDT Atletico Madridi është kampion i Europa League, pasi në finalen e garës sekondare të UEFA-s e ka mposhtur Olympique de Marseille. Ndeshja e zhvilluar në Parc Olympique Lyonnais në Decines-Charpieu të Lyonit e që ishte finalja e 47-të me radhë e kësaj gare, përfundoi me rezultat 3-0 për skuadrën spanjolle. Zhvillohej minuta e 21-të e takimit kur Antoine Griezmann e zhbllokoi rezultatin dhe me epërsi minimale u mbyll pjesa e parë. Sulmuesi francez realizoi sërish në fillim të pjesës së dytë (49′) falë asistimit nga Koke. Pa përfunduar takimi, Atletico e gjeti edhe një herë rrjetën përmes Gabit (89′), i cili po ashtu u asistua nga Koke. Ishte kjo një fitore bindëse e klubit të dytë nga Madridi që arriti të ngrejë një trofe në sezonin 2017/2018. Ky është trofeu u tretë me radhë për Atletico Madridin në Europa League, pasi e ka fituar edhe në dy raste të mëparshme (në sezonet 2009/2010 dhe 2011/2012). /Telegrafi/ The post Atletico Madridi nënshtron Marseillen dhe fiton Ligën e Evropës appeared first on Telegrafi. |
Interi dhe PSG shfaqin interesim për Bardhin Posted: 16 May 2018 01:29 PM PDT Enis Bardhi është cak i Interit dhe Paris Saint Germainit, kështu raporton ESPN. Mesfushori i cili mbush 23 vjet në korrik është nën kontratë me Levanten deri në vitin 2020, me opsion edhe për dy tjerë. Ai është blerë nga Ujpest FC (Hungari) në verën e 2017 për 1.5 milion euro. Vlera e kartonit të Bardhit është shumëfishuar pas nëntë golave dhe një asistimi në 25 ndeshje për ‘Lakuriqët’ këtë sezon. Së fundmi herë Bardhi shënoi dy gola në fitoren 5-4 ndaj Barcelonës. Me siguri numri i skuadrave të interesuara për shqiptarin që përfaqëson Maqedoninë do të rritet gjatë verës. Specialiteti i tij janë golat nga gjuajtjet e lira, ai ka shënuar pesë herë nga 16 tentime. /Telegrafi/ The post Interi dhe PSG shfaqin interesim për Bardhin appeared first on Telegrafi. |
Interi së shpejti do t’i ofrojë Icardit rritje rroge, por edhe klauzolë Posted: 16 May 2018 12:43 PM PDT Interi është i gatshëm t’i ofrojë Mauro Icardit kontratë të re. Argjentinasi pritet të ketë rrogë vjetore tetë milionë euro dhe një klauzolë 180 milionëshe. Zikaltrit dëshirojnë të blindojnë yllin e tyre nga ofertat joshëse të Real Madridit, Bayern Munichut, Chelseat dhe Manchester Unitedit. Sipas FCInterNews, propozimi i klubit është deri në vitin 2023 dhe rritja e rrogës. Klauzola e lojtarit aktualisht është 120 milionë euro dhe vlen vetëm për klubet jashtë Italisë. Nëse Interi nuk arrin të kualifikohet në Ligën e Kampionëve për sezonin e ri, atëherë ai mund të mendojë seriozisht largimin. Por, edhe klubi mund ta shesë për shkak të detyrimeve të mundshme në Fair Playn Financiar. Deri më tani Icardi ka shënuar 28 gola në Serie A. /Telegrafi/ The post Interi së shpejti do t’i ofrojë Icardit rritje rroge, por edhe klauzolë appeared first on Telegrafi. |
Formacionet zyrtare: Marseille dhe Atletico zhvillojnë finalen e Europa League Posted: 16 May 2018 10:39 AM PDT Në Lyon të Francës, Olympique de Marseille dhe Atletico Madridi zhvillojnë finalen e Ligës së Evropës. Përballja e sivjetme zhvillohet në Parc Olympique Lyonnais në Decines-Charpieu të Lyonit dhe është finalja e 47-të me radhë e turneut sekondar të klubeve që organizohet nga UEFA.
Ndërsa ky është edicioni i nëntë me radhë prej se është riemëruar nga Kupa UEFA në Europa League. Për të arritur në finale, skuadra franceze e eliminoi Salzburgun, kurse ekipi spanjoll u tregua më i fortë se Arsenali.
Trajnerët Rudi Garcia dhe German Burgos (pasi Diego Simeone është i pezulluar) i kanë përgatitur formacionet dhe taktikat për këtë ndeshje të rëndësishme. Formacioni zyrtar i Marseille: Mandanda, Sarr, Rami, Luiz Gustavo, Amavi; Sanson, Anguissa; Thauvin, Payet, Ocampos; Germain. Formacioni zyrtar i Atletico Madridit: Oblak, Vrsaljko, Gimenez, Godin, Lucas, Saul, Gabi, Thomas, Koke, Griezmann, Costa. Fituesi i kësaj finaleje do të luajë në Superkupën e UEFA-s kundër fituesit të Ligës së Kampionëve dhe po ashtu siguron pjesëmarrjen në edicionin e ardhshëm të (2018/2019) në garën më të madhe evropiane për klube. /Telegrafi/ The post Formacionet zyrtare: Marseille dhe Atletico zhvillojnë finalen e Europa League appeared first on Telegrafi. |
Prishtina, Drita dhe Liria dënohen me gjoba nga Komisioni Disiplinor Posted: 16 May 2018 10:33 AM PDT Komisioni disiplinor i shkallës së parë në mbledhjen e mbajtur të mërkurën (16 maj) i ka shqyrtuar procedurat e hapura disiplinore nga mbledhja e kaluar si dhe inicimet e filluara nga ana e komisioneve të garave pas përfundimit të ndeshjeve nga jave e fundit (të zhvilluara me datë 12 dhe 13 maj) dhe për të njëjtat duke iu referuar raporteve zyrtare konform Dispozitave të Rregullores Disiplinore ka sjellë disa vendime. Në bazë të këtyre vendimeve, KF Prishtina është dënuar me gjobë prej 2.000 eurosh “për manifestim të sjelljeve josportive nga ana e simpatizuesve të saj (fyerjet në kor drejtuar organeve të Federatës së Futbollit të Kosovës dhe vet Federatës – minutat; 38 dhe 90+4)” në ndeshjen kundër Lirisë. Me gjobë prej 2.000 eurosh është dënuar edhe Drita “për lëshime në organizimin e ndeshjes” kundër Trepçës ’89 (“raportet e zyrtarëve; pas përfundimit të pjesëlojës së parë disa persona konfrontohen me lojtarët dhe shtabin teknik të ekipit mysafir njëherit edhe tentojnë ta sulmojnë përfaqësuesin zyrtar të klubit të futbollit Trepça 89 nga Mitrovica, z. Arsim Islami, por falë reagimit të shpejtë të policisë sulmi mbetet si tentativë”). Ndërsa Liria është dënuar me 1.500 euro “për lëshime në organizimin e ndeshjes (hedhje e gjësendeve në fushë, shisheve plastike PVC pas shënimit të golit nga ana e mysafirëve – rasti recidiv)” në ndeshjen ndaj Prishtinës. Më poshtë janë vendimet e plota të Komisionit DisiplinorKomisioni disiplinor i shkallës së parë në mbledhjen e mbajtur me datë 16.05.2018 – ditë e mërkurë ora 12:00, shqyrtoi procedurat e hapura disiplinore nga mbledhja e kaluar si dhe inicimet e filluara nga ana e komisioneve të garave pas përfundimit të ndeshjeve nga jave e fundit të zhvilluara me datë 12-13.05.2018 dhe për të njëjtat duke iu referuar raporteve zyrtare, konform Dispozitave të Rregullores Disiplinore sjelli këto; V E N D I M EKF " BEHARI " nga Vitomirica, në procedurë të hapur nga ana e komisionit disiplinor për shkelje të akteve normative të Federatës së Futbollit të Kosovës – Rregullores së garave dhe të disiplinës (për aktivizim të lojtarit të paidentifikuar në vend të lojtarit të paqenë) në ndeshjen e javës së; XXX-të të Ligës së Dytë të Kosovës në futboll për kategorinë e seniorëve, grupi A; BEHARI – GRYKA, e zhvilluar në Vitomiricë të Pejës (raportet e zyrtare dhe deklaratat plotësuese nga ana e klubit të futbollit "Behari" nga Vitomirica); DËNOHET Me të holla në shumë prej; 1000 euro (njëmijë) në bazë të rregullores disiplinore neni 63 paragrafi 1 pika 9. Afati i pagimit të dënimit të shqiptuar në të holla është 15 ditë nga data e sjelljes së këtij vendimi – publikimit të tij në faqen zyrtare të Federatës së Futbollit të Kosovës datë 16.05.2018, respektivisht nga data e pranimit të tij. MIFTAR RAMA; kryetrajner në klubin e futbollit " BEHARI " nga Vitomirica e Pejës në procedurë të hapur nga mbledhja e kaluar për mashtrim dhe sjellje në lajthitje të komisionit dhe personit zyrtar në rastin e aktivizimit të lojtarit të pa identifikuar në emër të lojtarit të paqenë në ndeshjen e javës së XXX-të të Ligës së Dytë të Kosovës në futboll për kategorinë e seniorëve grupi; A; BEHARI – GRYKA, e zhvilluar në Vitomiricë të Pejës (raportet e zyrtarëve dhe deklarata plotësuese e trajnerit në procedurë); DËNOHET Me të holla në shumë prej; 200 euro (dyqind) në bazë të rregullores disiplinore, neni 63 paragrafi 1 pika 8. Afati i pagimit të dënimit të shqiptuar në të holla është 15 ditë nga data e sjelljes së këtij vendimi – publikimit të tij në faqen zyrtare të Federatës së Futbollit të Kosovës, respektivisht nga data e pranimit të tij. ASMIR ZEKIQ; përfaqësues zyrtar i klubit të futbollit "BEHARI" nga Vitomirica e Pejës në procedurë të hapur disiplinore nga ana e komisionit të garave për lëshim si përfaqësues zyrtar në aktivizimin dhe paraqitjen e lojtarëve me të drejtë loje në ndeshjen e javës së; XXX-të të Ligës së Dytë të Kosovës në futboll për kategorinë e seniorëve grupi; A BEHARI – GRYKA, e zhvilluar në Vitomiricë të Pejës (raportet e zyrtarëve dhe deklaratat plotësuese) DËNOHET Me ndalesë të kryerjes së funksioneve zyrtare në klub në kohëzgjatje për; 1 (një) vit për të gjitha ndeshjet zyrtare të organizuara nga ana e Federatës së Futbollit të Kosovës si dhe funksioneve tjera, në bazë të Rregullores Disiplinore neni 63 paragrafi 1 pika 8. KF " PRISHTINA" nga Prishtina në procedurë të inicuar disiplinore nga ana e Komisionit të Garave, për manifestim të sjelljeve josportive nga ana e simpatizuesve të saj (fyerjet në kor drejtuar organeve të Federatës së Futbollit të Kosovës dhe vet Federatës – minutat; 38 dhe 90+4) në ndeshjen e javës së; XXXII-të të Vala Superligës së Kosovës në futboll për kategorinë e seniorëve; LIRIA – PRISHTINA 0:1 e zhvilluar me 11.08.2018 në stadiumin " Përparim Thaqi " në Prizren (raportet e zyrtarëve) DËNOHET Me të holla në shumë prej; 2000 euro (dymijë) në bazë të rregullores disiplinore neni 40 paragrafi 1 pika 3. Afati i pagimit të dënimit të shqiptuar është 15 ditë nga data e sjelljes së këtij vendimi – publikimit të tij në faqen zyrtare të Federatës së Futbollit të Kosovës datë 16.05.2018, respektivisht nga data e pranimit të tij. KF "LIRIA" nga Prizreni në procedurë të inicuar disiplinore nga ana e Komisionit të Garave, për lëshime në organizimin e ndeshjes (hedhje e gjësendeve në fushë, shisheve plastike PVC pas shënimit të golit nga ana e mysafirëve – rasti recidiv) në ndeshjen e javës së; XXXII-të të Valasuperligës së Kosovës në futboll për kategorinë e seniorëve; LIRIA – PRISHTINA 0:1 e zhvilluar me datë 11.05.2018 në stadiumin " Përparim Thaqi " në Prizren (raportet zyrtare) DËNOHET Me të holla në shumë prej; 1500 euro ( njëmijë e pesëqind) në bazë të Rregullores disiplinore neni 40 paragrafi 1 pika 3 . Afati i pagimit të dënimit të shqiptuar në të holla është 15 ditë nga data e sjelljes së këtij vendimi – publikimit të tij në faqen zyrtare të Federatës së Futbollit të Kosovës datë 16.05.2018 – respektivisht nga data e pranimit të tij. KF "DRITA" nga Gjilani në procedurë të inicuar disiplinore nga ana e Komisionit të Garave, për lëshime në organizimin e ndeshjes së javës së XXXII-të të Vala Superligës së Kosovës në futboll për kategorimnë e seniorëve; DRITA – TREPÇA '89 e zhvilluar me 11.05.2018 në stadiumin e qytetit në Gjilan (raportet e zyrtarëve; pas përfundimit të pjesëlojës së parë disa persona konfrontohen me lojtarët dhe shtabin teknik të ekipit mysafir njëherit edhe tentojnë ta sulmojnë përfaqësuesin zyrtar të klubit të futbollit " Trepça 89 " nga Mitrovica, z. Arsim Islami, por falë reagimit të shpejtë të policisë sulmi mbetet si tentativë) DËNOHET Me të holla në shumë prej; 2000 euro (dymijë) në bazë të Rregullores disioplinore neni 40 paragrafi 1 pika 3. Afati i pagimit të dënimit të shqiptuar në të holla është 15 ditë nga data e sjelljes së këtij vendimi – publikimit në faqen zyrtare të Federatës së Futbollit të Kosovës datë 16.05.2018 , rrespektivisht nga data e pranimit të tij. FAIK VUÇITERNA; trajner në klubin e futbollit "RAHOVECI" nga Rahoveci , në procedurë të inicuar disiplinore nga ana e komisionit të garave, për manifestim të sjelljeve josportive (ofendime drejtuar treshes së gjyqtarëve, organeve të FFK-së dhe i njëjti pas përfundimit të takimit fyen rënd delegatin e zyrtar) në ndeshjen e javës së ; XXIX-të të Ligës së Parë të Kosovës në futboll për kategorinë e seniorëve; DUKAGJINI – RAHOVECI 3:3 e zhvilluar me datë 13.05.2018 në stadiumin e qytetit në Klinë (raportet zyrtare) DËNOHET Me të holla në shumë prej; 100 euro (njëqind) në bazë të Rregullores disiplinore neni 40 paragrafi 1 pika 3. Afati i pagimit të dënimit të shqiptuar në të holla është 15 ditë nga data e sjelljes së këtij vendimi – publikimit në faqen zyrtare të Federatës së Futbollit të Kosovës datë 16.05.2018, respektivisht nga data e pranimit të tij. EURON HYSENI; lojtar i klubit të futbollit "HAJVALIA" nga Hajvalia me numër të ID kartelës 010718M98 dhe licencuar në Federatën e Futbollit të Kosovës me numër të fanellës 1, në procedurë të inicuar disiplinore nga ana e komisionit të garave , për sjellje josportive (ofendime drejtuar gjyqtarit kryesor dhe organeve të FFK-së ) në ndeshjen e javës së ; XXIX-të të Ligës së Parë të Kosovës në futboll për kategorinë e seniorëve ; TREPÇA – HAJVALIA 4:0 e zhvilluar me datë 13.05.2018 në stadiumin olimpik " Adem Jashari " në Mitrovicë ( raportet zyrtare nga ndeshja e zhvilluar ) DËNOHET Me ndalesë loje për ; 2 ( dy ndeshje zyrtare sipas radhës të organizuara nga ana e Federatës së Futbollit të Kosovës në bazë të Rregullores disiplinore neni 38 paragrafi 3. FITIM HOTI; lojtar i klubit të futbollit "LUGU I BARANIT" nga Lugi i Baranit me numër të ID kartelës 005890M90 dhe licencuar në Federatën e Futbollit të Kosovës me numër të fanelës sportive; 14, në procedurë të inicuar disiplinore nga ana e komisionit të garave, për ndëshkim me karton të kuq ( kundërshtim në vendimin e gjyqtarit) në ndeshjen e javës së; XXXI-të të Ligës së dytë të Kosovës në futboll për kategorinë e seniorëve ; RATKOCI – LUGU I BARANIT e zhvilluar në Ratkocme datë 05.05.2018 ( raportet e zyrtarëve) DËNOHET Me ndalesë loje për; 2 (dy) ndeshje zyrtare sipas radhës të organizuara nga ana e Federatës së Futbollit të Kosovës në bazë të rregullores disiplinore neni 39 paragrafi 3. JASIN VEHBIU; lojtar i klubit të futbollit "OPOJA" nga Opoja me numër të ID kartelës 001588M90 dhe licencuar në Federatën e Futbollit të Kosovës me numër të fanelës sportive; 14 në procedurë të inicuar disiplinore nga ana e komisionit të garave, për ndëshkim me karton të kuq (start i plaejuar në lojtarin kundërshtar) në ndeshjen e javës së; XXXI-të Ligës së Dytë të Kosovës në futboll për kategorinë e seniorëve grupi; A; DARDANËT – OPOJA, e zhvilluar me datë 09.05.2018 në Gjakovë (raportet e zyrtare) DËNOHET Me ndalesë loje për; 2 (dy) ndeshje zyrtare sipas radhës të organizuara nga ana e Federatës së Futbollit të Kosovës në bazë të Rregullores disiplinore neni 39 paragrafi 3. SHKËLZEN BYTYQI; lojtar i klubit të futbollit "DEJNI" nga Dejni me numër të ID kartelës; 003444M98 dhe licencuar në Federatën e Futbollit të Kosovës me numër të fanellës 1, në procedurë të inicuar disiplinore nga ana e komisionit të garave , për ndëshkim me karton të kuq (sjellje josportive) në ndeshjen e javës së ; XXXI-të të Ligës së dytë të Kosovës në futboll për kategorinë e seniorëve grupi; A; DEJNI – DEQANI, e zhvilluar me datë 09.05.2018 në Ratkoc (raportet zyrtare) DËNOHET Me ndalesë loje për 2 (dy) ndeshje zyrtare sipas radhës të organizuara nga ana e Federatës së Futbollit të Kosovës, në bazë të rregullores disiplinore neni 39 paragrafi 3. KF "RINIA" nga Miradia e Fushë Kosovës në procedurë të inicuar disiplinore nga ana e komisionit të garave, për tërheqje të ekipit nga loja në ndeshjen e rregullt të javës së ; XXVII-të të Ligës së dytë të Kosovës në futboll për kategorinë e seniorve; LEPENCI – RINIA e zhvilluar me datë 10.05.2018 në Kaçanik ( raportet zyrtare ) i HAPET PROCEDURA DISIPLINORE Deri në kompletimin e lëndës ( grumbullimin e provave dhe vendimin përfundimtar të komisionit). Kërkohet deklarata plotësuese nga zyrtaret e klubit të futbollit " RINIA " për tërheqje të ekipit nga ndeshje. Afati datë 18.05.2018 (Rregullorja disiplinore neni 32 paragrafi 1). ISMET REÇICA; zyrtar i klubit të futbollit "RINIA" nga Miradia e Fushë Kosovës në procedurë të inicuar disiplinore nga ana e komisionit të garave, për tërheqje të ekipit – lojtarëve nga loja gjatë zhvillimit të ndeshjes së javës së; XXVII-të të Ligës së dytë të Kosovës në futboll për kategorinë seniorëve; LEPENCI – RINIA e zhvilluar më datë 10.05.2018 në Kaçanik ( raportet zyrtare ) DËNOHET Me ndalesë të kryerjes së funkcioneve në klub në kohëzgjatje për; 1 (një) vit për të gjitha ndeshjet zyrtare të organizuara nga ana e Federatës së Futbollit të Kosovës, në bazë të Rregullores disiplinore neni 53 paragfai 1 pika 1. ISA BREZNICA; kryetrajner në klubin e futbollit "RINIA" në procedurë të inicuar disiplinore nga ana e komisionit të garave, si pjesëmarrës në tërheqjen e lojtarëve nga fusha e lojës gjatë zhvillimit të ndeshjes së javës së; XXVII-të të Ligës së dytë të Kosovës në futboll për kategorimnë e seniorëve; LEPENCI – RINIA e zhvilluar me datë 10.05.2018 në Kaçanik (raportet zyrtare) i DËNOHET Me të holla në shumë prej; 200 euro (dyqind) në bazë të Rregullores disiplinore neni 40 paragrafi 1 pika 3. Afati i pagimit të dënimit të shqiptuar në të holla është 15 ditë nga data e sjelljes së këtij vendimi – publikimit të tij në faqen zyrtare të Federatës së Futbollit të Kosovës datë 16.05.2018, rrespektivisht nga data e pranimit të tij. KF " LUFTETARI " nga Brekoci, në procedurë të inicuar disiplinore nga ana e komisionit të garave, për mosparaqitje në fushë për të zhvilluar ndeshjet ne javën e; XXIX-të të Ligës së dytë të Kosovës në futboll për kategorinë e seniorëve LUFTETARI – DEJNI dhe ndeshjen e javës së ; XXX-të ISTOGU – LUFTETARI (pa arsye nuk është paraqitur në dy ndeshje të garave të përhershme kampionale në vitin e njejtë garues 2017-2018 dhe me këtë ka shkelur nenin 54 të Rregullores disiplinore ; DËNOHET Me të holla në shumë prej; 1000 euro (njëmijë) në bazë të Rregullores disiplinore neni 54 paragrafi 1 pika .1. Afati i pagimit të dënimit të shqiptuarnë të holla është 15 ditë nga data e sjelljes së këtij vendimi – publikimit të tij në faqen zyrtare të Federatës së Futbollit të Kosovës , rrespektivisht nga data e pranimit të tij. SABRI DERMAKU; delegat i Federatës së Futbollit të Kosovës për vëzhgimin e ndeshjeve të Ligës së dytë dhe kategorive të reja, në procedurë të inicuar disiplinore nga ana e komisionit të garave, për lëshime në kryerjen e detyrës së delegatit në ndeshjën e javës së ; së XXVIII-të të Ligës së dytë të Kosovës në futboll për kategorinë e seniorëve; ULPIANA – TEFIK ÇANGA e zhvilluar me datë 13.05.2018 në Kaqanik raportet zyrtare) DËNOHET Me ndalesë në kryerjen e detyrës së delegatit në kohëzgjatje për; 3 (tre) muaj për të gjitha ndeshjet zyrtare të organizuara nga ana e Federatës së Futbollit të Kosovës në bazë të Rregullores disiplinore neni 78 paragrafi 1 pika 1. BEDRI BRAHIMI ; lojtar i klubit të futbollit "TEFIK ÇANGA" nga Tërni me numër të ID kartelës 005877M87 dhe licencuar në Federatën e Futbollit të Kosovës me numër të fanelës sportive 87 në procedurë të inicuar disiplinore nga ana e komisionit të garave , për ndëshkim me karton të kuq ( fyerje e gjyqtarit kryesor ) në ndeshjën e javës së XXVIII-të të Ligës së dytë të Kosovës në futboll për kategorinë e seniorëve; ULPIANA – TEFIK ÇANGA e zhvilluar me datë 13.05.2018 në Lipjan ( raportet zyrtare ) DËNOHET Me ndalesë loje për; 2 ( dy ) ndeshje zyrtare sipas radhës të organizura nga ana e Federatës së Futbollit të Kosovës , në bazë të Rregullores disiplinore neni 39 paragrafi 3. SADAT BUNJKAU; trajner në klubin e futbollit të femrave "BAZELI 2015" nga Kaqaniku, në procedurë të inicuar disiplinore nga ana e komisionit të garave, për manifestim të sjelljeve josportive (ofendime dhe tentim për sulm fizik ndaj gjyqtarit kryesor DRITON PRENIQI) në ndeshjen e javës së ; XI-të të Ligës së futbollit të femrave për grupmoshat e reja U-16; KFF "BAZELI" – KFF "MITROVICA" e zhvilluar me datë 13.05.2018 në Kaçanik (raportet zyrtare) DËNOHET; Me të holla në shumë prej; 100 euro (njëqind) në bazë të rregullores disiplinore nenin 40 paragrafi 1 pika 3. Afati i pagimit të dënimit të shqiptuar në të holla është 15 ditë nga data e sjelljes së këtij vendimi – publikimit të tij në faqen zyrtare të Federatës së Futbollit të Kosovës datë 16.05.2018, respektivisht nga data e pranimit të tij ( Rregullorja disiplinore neni 11 paragrafi 3) KËSHILLA JURIDIKE Pala e pakënaqur në këto vendime ka të drejtë ankese drejtuar Komisionit për ankesa të shkallës së dytë në afatin kohor prej 8 ( tetë ) ditëve nga data e sjelljes së këtij vendimi – publikimit në faqen zyrtare të Federatës së Futbollit të Kosovës datë 16.05.2018, respektivisht nga data e pranimit të tij. Ankesa e ushtruar nga ana e palës së ankimuar nuk e ndalon ekzekutimin e vendimit. Prishtinë, datë 16.05.2018 Kryetari, Dukagjin Zefi The post Prishtina, Drita dhe Liria dënohen me gjoba nga Komisioni Disiplinor appeared first on Telegrafi. |
Çfarë ka ndodhur më pas? Formacioni i Marseille në finalen e 2004 ndaj Valencias Posted: 16 May 2018 10:28 AM PDT Në 2003/04 Olympique Marseille pothuajse fitoi Kupën e UEFA-s, që tani quhet Liga e Evropës. Por, skuadra e Ligue 1 nuk arriti pasi u mund në finale nga Valencia me rezultat 2-0. 14 vjet më vonë, Marseille gjendet në një tjetër finale ndaj një tjetër kundërshtari spanjoll, por nuk do ta ketë aspak lehtë. Bëhet fjalë për Atletico Madridin e Diego Simeones. Kthehemi te finalja e vitit 2004, ajo ishte një pikë e rëndësishme për lojtarët e klubit francez. Më poshtë keni ecurinë e karrierës së tyre pas kësaj ndeshje: Portier: Fabien Barthez Paraqitjet për Marseille: 106 (1992/93 – 94/95) dhe (2003/04 – 2005/06) Karriera pas Marseilles: Nantes Mbrojtës i djathtë: Habib Beye Paraqitjet për Marseillen: 174 Karriera pas Marseilles: Newcastle, Aston Villa dhe Doncaster Rovers Qendërmbrojtës: Abdoulaye Meite Paraqitjet për Marseillen: 152 Karriera pas Marseilles: Bolton, West Brom, Dijon, FC Honka, Doncaster Rovers, OFI Crete, Ross County, Seinäjoen Jalkapallokerho, Newport County, FC Lusitanos Qendërmbrojtës: Demetrius Ferreira Paraqitjet për Marseillen: 59 Karriera pas Marseilles: Troyes, Al-Rayyan Club Mbrojtës i majtë: Manuel Dos Santos Paraqitjet për Marseillen: 121 Karriera pas Marseilles: Benfica, Monaco, Strasbourg Mesfushor qendror: Mathieu Flamini Paraqitjet për Marseillen: 24 Karriera pas Marseilles: Arsenal, AC Milan, Crystal Palace dhe Getafe Mesfushor qendror: Brahim Hemdani Paraqitjet për Marseillen: 122 Karriera pas Marseilles: Rangers Mesfushor: Sylvain N'Diaye Paraqitjet për Marseillen: 62 Karriera pas Marseilles: Levante, CD Tenerife (loan), Stade Reims and AS Cannes Mesfushor: Camel Meriem Paraqitjet për Marseillen: 49 Karriera pas Marseilles: Monaco, Aris, Arles-Avignon, Nice, Apollon Limassol dhe AS Monaco III Sulmues: Didier Drogba Paraqitjet për Marseillen: 55 Karriera pas Marseilles: Chelsea, Shanghai Shenhua, Galatasaray, Chelsea, Montreal Impact dhe Phoenix Rising Sulmues: Steve Marlet Paraqitjet për Marseillen: 54 Karriera pas Marseilles: Wolfsburg, Lorient, Aubervilliers dhe Crvena Zvezda. /Telegrafi/ The post Çfarë ka ndodhur më pas? Formacioni i Marseille në finalen e 2004 ndaj Valencias appeared first on Telegrafi. |
You are subscribed to email updates from Futboll – Telegrafi. To stop receiving these emails, you may unsubscribe now. | Email delivery powered by Google |
Google, 1600 Amphitheatre Parkway, Mountain View, CA 94043, United States |
Lexo edhe: