“Malaga 1-2 Real: Notat e lojtarëve, Isco më i miri” plus 9 more Telegrafi Futboll |
- Malaga 1-2 Real: Notat e lojtarëve, Isco më i miri
- Notat e lojtarëve: Lazio 0-0 Roma, Immobile merr notën më të ulët
- PSG shkatërron Monacon dhe i hakmerret duke fituar titullin e Ligue 1
- Reali fiton ndaj Malagas pa lojtarët kryesorë
- Lazio dhe Roma luajnë pa gola në derbi
- Neymar kthehet të flas ‘incidentin’ me Cavanin: Kishte tensione, por tani çdo gjë është zgjidhur
- Gjashtë transferimet që Guardiola i dëshiron në sezonin e ardhshëm te Man City
- Notat e lojtarëve: Juventus 3-0 Sampdoria, fantastik Douglas Costa
- Man Utd 0-1 WBA, notat e lojtarëve
- Malaga – Real: Formacionet zyrtare, Zidane pushon disa nga yjet
Malaga 1-2 Real: Notat e lojtarëve, Isco më i miri Posted: 15 Apr 2018 02:38 PM PDT Real Madridi fitoi ndaj Malagas me rezultat 1-2 në La Liga. Golat për Los Blancos i shënuan Isco dhe Casemiro, ndërsa lojtari i ndeshjes ishte spanjolli. Isco përveç paraqitjes së mirë dhe golit, ai arriti të asistoi te goli tjetër në këtë takim. Përveç Casemiros, me notë të lartë te Reali i vlerësuan edhe Sergio Ramos e Theo Hernandez. Më i miri te Malaga ishte golashënuesi Diego Rolan. Më i dobëti ishte mbrojtësi i Los Blancos, Jesus Vallejo, i cili edhe gaboi te goli i Malagas, ndërsa më poshtë keni notat e lojtarëve nga të dy skuadrat: Malaga: Real Madrid: /Telegrafi/ The post Malaga 1-2 Real: Notat e lojtarëve, Isco më i miri appeared first on Telegrafi. |
Notat e lojtarëve: Lazio 0-0 Roma, Immobile merr notën më të ulët Posted: 15 Apr 2018 02:20 PM PDT ‘Derby della Capitale’ ndërmjet Lazios dhe Romës nuk ka prodhuar fitues, pasi ndeshja përfundoi pa gola. Ishte një ndeshje e baraspeshuar, prandaj edhe vlerësimi mesatar i Biancocelestëve (6.60) ishte i përafërt me atë të Giallorossëve (6.75). Vlerësimin më të ulët te Lazio e ka marrë sulmuesi Ciro Immobile (5.9), i cili nuk arriti të tregohej i rrezikshëm, ndërsa Luis Felipe ka marrë notën më të lartë (7.2). Portieri shqiptar Thomas Strakosha, i cili e mbajti portën të paprekur është vlerësuar me notën 6.6, duke qenë se nuk pati edhe shumë punë për të bërë. Federico Fazio (7.9) ka marrë notën më të lartë te Roma që njëherësh është edhe vlerësimi më i lartë në ndeshje. Notën më të ulët te skuadra verdhekuqe e ka marrë Patrik Schick (6.2). Vlerësimi i plotë i lojtarëve të të dyja skuadrave:
/Telegrafi/ The post Notat e lojtarëve: Lazio 0-0 Roma, Immobile merr notën më të ulët appeared first on Telegrafi. |
PSG shkatërron Monacon dhe i hakmerret duke fituar titullin e Ligue 1 Posted: 15 Apr 2018 02:06 PM PDT Paris Saint Germain fitoi ndaj Monacos me rezultat 7-1 në Ligue 1. Me këtë rast klubi nga Parisi fitoi kampioantin, duke iu hakmarrë kuqebardhëve për titullin e fituar në sezonin e kaluar.
Festivalin e golave për vendasit e filloi Giovani Lo Celso (15), dy minuta më vonë shënoi Edinson Cavani (17′) dhe pastaj Angel Di Maria (20′). Lo Celso shënoi edhe një herë në minutën e 27-të, ndërsa golin e nderit për mysafirët e shënoi Rony Lopes në minutën e 38-të. Golat nuk munguan edhe në pjesën e dytë, Di Maria në minutën e 58-të, Radamel Falcao autogol në minutën e 76-të dhe në fund Jualian Draxler (86′). PSG bëhet kampione e Ligue 1 me 87 pikë, 17 më shumë se Monaco në vendin e dytë. Ndeshja e ardhshme e klubit nga Parisi është ndaj Bordeaux, kurse Monaco kundër Guingamp. Ky ishte titulli i shtatë në histori të klubit, i pesti në gjashtë vitet e fundit. /Telegrafi/ The post PSG shkatërron Monacon dhe i hakmerret duke fituar titullin e Ligue 1 appeared first on Telegrafi. |
Reali fiton ndaj Malagas pa lojtarët kryesorë Posted: 15 Apr 2018 01:39 PM PDT Ashtu edhe siç pritje, Real Madridi arriti fitore si mysafir i Malagas në La Liga me rezultat 1-2. Edhe pse trajneri Zinedine Zidane kishte pushuar lojtarët kryesorë, Los Blancos fituan pa ndonjë problem. Pas disa shanseve, Reali arriti të shënojë me anë të Iscos në minutën e 29-të, ku spanjolli shënoi nga gjuajta e lirë. Pjesa e dytë ishte më e qetë dhe goli i vetëm u shënua nga Casemiro në minutën e 63-të pas asistimit nga Isco. Në minutat shtesë sa për statistika për vendasit shënoi edhe Diego Rolan. Pas kësaj fitore Reali ngjitet në vendin e tretë me 67 pikë, katër më pak se Atletioco dhe 15-të se Barcelona. Malaga vazhdon e fundit në La Liga me 17, duke u pajtuar kështu me rënien nga liga elitare spanjolle. Ndeshja e ardhshme e klubit nga Madridi është ndaj Athletic Bilbaos, kurse Malaga udhëton te Levante. Por, vlen të theksohet se gjithë fokusi i Real Madridit është Liga e Kampionëve dhe ndeshja në gjysmëfinale ndaj Bayern Munichut. /Telegrafi/
The post Reali fiton ndaj Malagas pa lojtarët kryesorë appeared first on Telegrafi. |
Lazio dhe Roma luajnë pa gola në derbi Posted: 15 Apr 2018 01:38 PM PDT Ka përfunduar pa gola derbi i kryeqyteti italian, ndërmjet Lazios dhe Romës, i vlefshëm për javën e 32-të në Serie A. Bruno Peres pati një prej rasteve më të mira në gjysmën e parë të takimit në Stadio Olimpico duke arritur ta godasë shtyllën. Skuadrat u treguan të vëmendshme edhe në pjesën e dytë, me ç’rast munguan golat, ndërsa ky është një lajm i mirë edhe për portierin shqiptar, Thomas Strakosha, i cili e mbajti portën të paprekur. Në minutat shtesë, Edin Dzeko e goditi shtyllën transversale, ndërsa menjëherë pas, një tjetër goditje e tij shkoi shumë pranë portës. Duhet theksuar se në minutën e 80-të, Lazio mbeti me një futbollist më pak, pasi Stefan Radu u përjashtua me kartonin e dytë të verdhë. Pas këtij barazimi, Roma dhe Lazio mbajnë pozitat tre dhe katër, respektivisht, me pikë të barabarta (nga 61). Interi që synon një vend në Ligën e Kampionëve është në pozitën e pestë në tabelë me një pikë më pak. Roma është nikoqir i Genoas në xhiron e ardhshme, kurse Lazio është mysafir i Fiorentinas. /Telegrafi/ The post Lazio dhe Roma luajnë pa gola në derbi appeared first on Telegrafi. |
Neymar kthehet të flas ‘incidentin’ me Cavanin: Kishte tensione, por tani çdo gjë është zgjidhur Posted: 15 Apr 2018 01:05 PM PDT Pesë muaj pas zënkës së famshme mes Neymarit dhe Edinson Cavanit në fushë, braziliani është kthyer të flas rreth kësaj teme. E gjitha kjo ishte bërë për penalltitë, Neymar dëshironte që përveç gjuajtjeve të lira të gjuante edhe njëmbëdhjetëmetërshat dhe kjo nuk i kishte pëlqyer yllit uruguaian. Dyshja kishin debatuar në fushë, por pastaj pas ndërhyrjes së klubit, ata janë ulur dhe kanë gjetur një gjuhë të përbashkët. “Njerëzit folën rreth kësaj teme më shumë se që realisht ishte ajo, edhe pse është e vërtetë se mes meje dhe Cavanit kishte tensione dhe frustrim”, ka thënë Neymar për TV Globo. “Por, ne e kemi zgjedhur këtë shpejt”. “Tre ditë pas ndodhisë ne jemi ulur dhe kemi folur. Duhet ta zgjidhnim si çështje personale dhe pa përfshirë të tjerët”. “Mediat e ekzagjeruan për shkak të shitjeve, por ata flasin gjëra që nuk duhet dhe kjo ndikon në përqendrimin tuaj”, shtoi ylli i PSG-së. Aktualisht Neymar është duke u shënuar nga lëndimi në nyje dhe shputë, sezoni për atë ka përfunduar, por shpesa është që të jetë gati për Kampionatin Botëror me Brazilin. /Telegrafi/ The post Neymar kthehet të flas ‘incidentin’ me Cavanin: Kishte tensione, por tani çdo gjë është zgjidhur appeared first on Telegrafi. |
Gjashtë transferimet që Guardiola i dëshiron në sezonin e ardhshëm te Man City Posted: 15 Apr 2018 12:38 PM PDT Pas eliminimit nga Liga e Kampionëve ndaj Liverpoolit, pavarësisht se kanë fituar titullin në Ligën Premier, Pep Guardiola, tashmë ka filluar të mendojë për tregun e transferimeve. Spanjolli dëshiron ende përforcime pasi qëllimi i tij është triumfi në garën më të madhe për klube. Pep është fokusuar kryesisht në qendër mesfushorët dhe lojtarët me tipare sulmuese, ai tashmë ka përpiluar një listë prej gjashtë lojtarësh sipas The Sun. I pari është mesfushori mbrojtës i Napolit, Jorginho, pastaj Julian Weigl i Borussia Dortmundit dhe Eder Militao i Sao Paulos. Në sulm, Thomas Lemar i Monacos dhe Riyad Mahrez i Leicesterit janë dy kërkesat për krahët e sulmit. Ndërsa i riu i Bayern Leverkusenit, Leon Bailey, është gjithashtu në listë, për të zëvendësuar kohë pas kohe dyshen Sergio Aguero – Gabriel Jesus. Man City ishte thjesht i pakonkurrencë në sezonin 2017/18 në Ligën Premier dhe në rast se përforcohet ende, me siguri kështu do të jetë edhe në sezonin e ri. /Telegrafi/ The post Gjashtë transferimet që Guardiola i dëshiron në sezonin e ardhshëm te Man City appeared first on Telegrafi. |
Notat e lojtarëve: Juventus 3-0 Sampdoria, fantastik Douglas Costa Posted: 15 Apr 2018 12:10 PM PDT Juventusi ka regjistruar fitore bindëse përballë Sampdorias në ndeshjen e javës së 32-të në Serie A që u zhvillua në Allianz Stadium. Nikoqirët ishin shumë më të mirë (7.32) se mysafirët (6.22), prandaj kanë marrë edhe notë mesatare më të lartë. Futbollisti më i mirë në fushë ishte Douglas Costa (9.0), i cili u inkuadrua nga banka rezervë për të qenë arkitekti i të tre golave. Golashënuesit Sami Khedira (7.9), Mario Mandzukic (7.7) dhe Benedikt Hoewedes (7.7), janë vlerësuar po ashtu me nota të larta. Notat e lojtarëve mysafirë ishin kryesisht të ulëta, ndërsa portieri Emiliano Viviano (5.3), i cili pranoi tre gola, ka marrë notën më të ulët. Notat e lojtarëve të të dyja skuadrave:
/Telegrafi/ The post Notat e lojtarëve: Juventus 3-0 Sampdoria, fantastik Douglas Costa appeared first on Telegrafi. |
Man Utd 0-1 WBA, notat e lojtarëve Posted: 15 Apr 2018 11:53 AM PDT Manchester Unitedi është mundur nga West Bromwich Albion me rezultat 0-1 në Old Trafford. Golin e vetëm në takim e shënoi Jay Rodriguez në minutën e 73-të dhe anglezi ishte lojtari i ndeshjes. Por, për mysafirët paraqitje të mirë bëri edhe Ben Foster. Te Man Utd më të mirë ishin Paul Pobga dhe Chis Smalling e David de Gea. Antonio Valencia dhe Nemanja Matic ishin më të dobëtit nga Djajtë e Kuq, ndërsa më poshtë keni notat e lojtarëve. /Telegrafi/ Man Utd: WBA: The post Man Utd 0-1 WBA, notat e lojtarëve appeared first on Telegrafi. |
Malaga – Real: Formacionet zyrtare, Zidane pushon disa nga yjet Posted: 15 Apr 2018 10:54 AM PDT Se fokusimi i vetëm i Real Madridit është Liga e Kampionëve e tregon edhe ndeshja ndaj Malagas. Trajneri Zinedine Zidane nuk ka ftuar fare Cristiano Ronaldon, Luka Modric dhe Gareth Bale. Ndërsa në bankën rezervë ka lënë Toni Kroos dhe Marcelon, ndërsa më poshtë keni formacionet zyrtare: Malaga: Roberto; Rosales, Ricca, Miquel, Torres; Adrian, Iturra, Lacen, Castro; Ideye, Rolan. Real Madrid: Keylor Navas; Carvajal, Vallejo, Ramos, Theo; Kovacic, Casemiro, Isco; Lucas Vázquez, Asensio, Benzema. /Telegrafi/ The post Malaga – Real: Formacionet zyrtare, Zidane pushon disa nga yjet appeared first on Telegrafi. |
You are subscribed to email updates from Futboll – Telegrafi. To stop receiving these emails, you may unsubscribe now. | Email delivery powered by Google |
Google, 1600 Amphitheatre Parkway, Mountain View, CA 94043, United States |
Lexo edhe: