“Neymar lëndohet ndaj Marseilles, lë fushën duke qarë” plus 9 more Telegrafi Futboll |
- Neymar lëndohet ndaj Marseilles, lë fushën duke qarë
- Notat e lojtarëve: PSG 3-0 Marseille, Mbappe dhe Areola më të mirët në fushë
- Roma 0-2 Milan, notat e lojtarëve
- PSG bindës ndaj Marseille në klasiken franceze
- Milani i Gattusos mposht Romën në Olimpico, Rossonerët të frikshëm para derbit ndaj Interit
- Cutrone kalon Milanin në epërsi ndaj Romës
- Neville e quajti të turpshme paraqitjen e Arsenalit, Wenger i thotë ta kujtojë kohën kur ka luajtur vet
- Mourinho: Fitorja ndaj Chelseat është e veçantë
- Conte kërkon VAR-in pasi Moratas ju anulua goli: Duhet t’i menaxhojmë situatat më mirë
- Skriniar e sheh veten te Interi edhe për shumë vite
Neymar lëndohet ndaj Marseilles, lë fushën duke qarë Posted: 25 Feb 2018 02:45 PM PST Paris Saint Germaini fitoi derbin ndaj Marseilles mer rezultat 3-0, por humbi Neymarin. Braziliani u largua nga fusha me barrelë në minutën e 77-të pas lëndimit në nyje. Neyamr lëshoi fushën mes lotëve, duke i frikësuar të gjithë tifozët e klubit francez me mungesën e tij të mundshme në ndeshjen e dytë ndaj Real Madridit. Ish-ylli i Barcelonës ka qenë një nga lojtarët më të mirë të PSG-së këtë sezon dhe mungesa e tij në ndeshjen e 6 marsit do të thoshte shumë. Ndeshja parë mes Realit dhe klubit parisien kishte përfunduar 3-1 për Los Blancos. Pas 27 xhirove PSG-ja në Ligue 1 renditet në vendin e parë me 71 pikë, ndërsa në vendin e dytë është Monaco me 57. Neymar në kampionatin elitar francez ka 19 gola dhe 13 asistime. /Telegrafi/ The post Neymar lëndohet ndaj Marseilles, lë fushën duke qarë appeared first on Telegrafi. |
Notat e lojtarëve: PSG 3-0 Marseille, Mbappe dhe Areola më të mirët në fushë Posted: 25 Feb 2018 02:33 PM PST Derbi klasik i ligës franceze, ndërmjet Paris Saint-Germainit dhe Olimpique de Marseille, ka përfunduar me triumfin e ekipit kryeqytetas. Vendasit luajtën më mirë dhe janë vlerësuar me notë mesatare prej 7.15, ndërsa skuadra mysafire ka marrë notën e përgjithshme 6.30. Golashënuesi Kylian Mbappe (8.1) dhe portieri Areola (8.1) janë vlerësuar me notat më të larta te vendasit, por edhe Neymar (7.9) e Edinson Cavani (7.4) kanë bërë lojë të mirë. Portieri Pele (5.5) ka marrë notën më të ulët te Marseille, ndërsa lojë të dobët kanë bërë edhe Rolando (5.7), i cili shënoi autogol dhe sulmuesi Valere Germain (5.7). Mesfushori kamerunas, Andre-Frank Zambo Anguissa, është vlerësuar shumë për lojën e tij kundër PSG-së (8.0). Vlerësimi i plotë i lojtarëve të të dyja skuadrave:
/Telegrafi/ The post Notat e lojtarëve: PSG 3-0 Marseille, Mbappe dhe Areola më të mirët në fushë appeared first on Telegrafi. |
Roma 0-2 Milan, notat e lojtarëve Posted: 25 Feb 2018 02:25 PM PST Milani ka vazhduar me formën e mirë në Serie A, këtë herë fitoi në derbi ndaj Romës me rezultat 0-2. Golat u shënuan nga Patrick Cutrone (48′) dhe David Calabria (74′) Më i miri në këtë takim ishte Calabria, por paraqitje të mirë arritën të bëjnë edhe Suso, Alessio Romagnoli dhe Ricardo Rodriguez. Për lojtari me notën më të lartë ishte Diego Perotti, pastaj Bruno Peres dhe Kostas Manolas. Në javën e ardhshme Milani luan ndaj Interi, kurse Roma kundër Napolit, më poshtë keni notat e lojtarëve: Roma: Milan: The post Roma 0-2 Milan, notat e lojtarëve appeared first on Telegrafi. |
PSG bindës ndaj Marseille në klasiken franceze Posted: 25 Feb 2018 02:18 PM PST Paris Saint-Germaini është treguar bindës në triumfin prej 3-0 përballë Olimpique de Marseille në derbin klasik të kampionatit francez. Rezultati u zhbllokua në minutën e dhjetë të takimit. Një gabim nga mbrojtja mysafire i mundësoi Kylian Mbappes që të dilte në rast, ai e kontrolloi me qetësi topin dhe e ndëshkoi kundërshtarin. Në vazhdim një rast të mirë e pati Neymar, ndërsa disa minuta më pas, vizitorët gabuan sërish. Në tentim që ta largonte topin, Rolando e futi në portën e tij (27′). Neymar përsëri u tregua i rrezikshëm, ndërsa në fund të pjesës së parë Dimitri Payet pati mundësinë ta ngushtonte rezultatin. Sidoqoftë, me dy gola epërsi të nikoqirëve, skuadrat shkuan në pushim. Në gjysmën e dytë, Parisi realizoi sërish. Neymar shkoi në aksion nga ana e majtë dhe e gjeti Edinson Cavanin në zonë, i cili e pranoi topin, u rrotullua dhe shënoi (55′). Mysafirët u treguan të rrezikshëm përmes Rolandos, Clinton N’Jie dhe Florian Thauvin, ndërsa PSG rrezikoi me anë të Angel Di Marias. Sidoqoftë, ndeshja u mbyll me rezultat 3-0 për vendasit. Paris Saint-Germaini është lider i pakontestueshëm në Ligue 1 me 71 pikë. Rivali më i afërt është Monaco që numëron 57 pikë. Troyes është kundërshtari i ardhshëm i liderit. Marseille mbetet në kuotën e 55 pikëve, ndërsa në ndeshjen e ardhshme do të luajë kundër Nantes. /Telegrafi/ The post PSG bindës ndaj Marseille në klasiken franceze appeared first on Telegrafi. |
Milani i Gattusos mposht Romën në Olimpico, Rossonerët të frikshëm para derbit ndaj Interit Posted: 25 Feb 2018 01:41 PM PST Gennaro Gattuso ka arritur që karakterin e tij të fortë dhe shpirtin luftarak ta transmetojë edhe te lojtarët. Milani arrit të fitojnë në shtëpi të Romës me rezultat 0-2, duke vazhduar kështu ecurinë e mirë. Rossonerët në 12 ndeshjet e fundit në të gjitha garat kanë tetë fitore dhe katër barazime. Pjesa e parë ishte pa gola, por Roma ishte dukshëm më e mirë në 45 minutat e parë. Të motivuar nga Gattuso, lojtarët e Milanit e filluan pjesën e dytë me një gol në 48-të, autor ishte Patrick Cutrone. Goli i qetësisë u shënua mjeshtërisht nga Davide Calabria në minutën e 74, i cili u asistua nga Nikola Kalinic. Pas kësaj fitore Milani vazhdon në pozitën e shtatë me 44 pikë, gjashtë më pak se Roma në vendin e pestë dhe shtatë se Interi në pozitën e katër. Në xhiron e ardhshme skuadra e Gattusos do të luajë derbin ndaj asaj të Luciano Spallettit, kurse ajo e Eusebio Di Francesco kundër Napolit. /Telegrafi/ The post Milani i Gattusos mposht Romën në Olimpico, Rossonerët të frikshëm para derbit ndaj Interit appeared first on Telegrafi. |
Cutrone kalon Milanin në epërsi ndaj Romës Posted: 25 Feb 2018 12:58 PM PST Milani ka kaluar në epërsi ndaj Romës me rezultat 0-1 në Serie A. Goli erdhi nga Patrick Cutrone në minutën e 48-të pas një harkimi në zonë nga Suso. Pjesa e parë i takoi klubi romak të cilët ishin dukshëm më të mirë, por nuk u treguan konkretë para portës kundërshtare. Sulmuesi italian shpesh herë është treguar vendimtar për Milanin këtë sezon, por sa do të vlejë goli i tij në fund, kjo mbetet të shihet. /Telegrafi/ The post Cutrone kalon Milanin në epërsi ndaj Romës appeared first on Telegrafi. |
Posted: 25 Feb 2018 12:52 PM PST Arsene Wenger ka reaguar ndaj kritikëve të Arsenalit pas humbjes nga Manchester City duke thënë se as ish-futbollistët e dikurshëm nuk kanë luajtur gjithmonë me 200 për qind të potencialit të tyre. Topçinjtë pësuan me rezultat 3-0 në finalen e EFL Cup nga të zgjedhurit e Pep Guardiolas, kurse golat i shënuan Sergio Aguero, David Silva dhe Vincent Kompany. Derisa ishte duke e komentuar ndeshjen për SkySports, ish-futbollisti i Manchester Unitedit, Gary Neville, i kritikoi futbollistët Aaron Ramsey, Granit Xhaka dhe Mesut Ozil, ndërsa paraqitjen e ekipin të Wenger e quajti si të turpshme. Megjithatë, trajneri i Arsenalit ka refuzuar t’i kritikojë lojtarët e tij, ndërsa ka thënë se ekspertët e futbollit duket se kanë harruar se çfarë kanë bërë gjatë karrierave të tyre kur akoma luanin. “Kur humb një ndeshje në atë mënyrë, atëherë gjithçka vihet në pikëpyetje. Personazhet televizive, kur nuk fiton një ndeshje, të kritikojnë”. “Luajtëm ndaj një ekipi të mirë, nuk mund të thuash se ishte një ekip mesatar. Ata po e dominojnë Ligën Premier”. “Disa prej tyre (ekspertët) kanë qenë lojtarë dhe i njoh. As ata për vete nuk kanë dhënë gjithmonë 200 për qind kur kanë luajtur”, ka thënë Wenger në deklaratën e tij. Arsenali do të luajë sërish kundër Manchester Cityt në kuadër të Ligës Premier dhe Topçinjtë duhet të fitojnë për t’i mbajtur gjallë shpresat për pozitën e katërt në tabelë. Më pas, Wenger dhe lojtarët e tij do të mendojnë për ndeshjet kundër Milanit në Europa League, pasi luajnë ndaj Rossonerëve në të tetën e finales. /Telegrafi/ The post Neville e quajti të turpshme paraqitjen e Arsenalit, Wenger i thotë ta kujtojë kohën kur ka luajtur vet appeared first on Telegrafi. |
Mourinho: Fitorja ndaj Chelseat është e veçantë Posted: 25 Feb 2018 12:40 PM PST Trajneri i Manchester United, Jose Mourinho, ka thënë se fitorja ndaj Chelseat është e veçantë. Për teknikun portugez i cili ishte përfshirë në një luftë mediatike me Antonio Conten, fitorja ndaj Chelseat është e veçantë jo sepse është ekipi i tij në pyetje, por se ekipi i tij mposhti kampionin aktual. “Është një fitore shumë e veçantë. Jo sepse është ndaj ish ekipit tim, jos sepse është Chelsea, por sepse mposhtëm kampionin dhe një ekip fantastik”. “Kjo fitore natyrisht se do të na ndihmojë për synimet tona, për vendin e dytë që është edhe synimi jonë real”. “Të gjithë kanë dhënë më të mirën e tyre, e bënë atë që është e nevojshme për ta fituar këtë ndeshje”, potencoi Mourinho për BBC pas ndeshjes. United arriti që të rikthejë rezultatin ndaj Chelseat, pasi Willian shënoi golin hapës. United pas kësaj fitore ka siguruar stabilitet në pozitën e dytë të tabelës së Ligës Premier. /Telegrafi/ The post Mourinho: Fitorja ndaj Chelseat është e veçantë appeared first on Telegrafi. |
Conte kërkon VAR-in pasi Moratas ju anulua goli: Duhet t’i menaxhojmë situatat më mirë Posted: 25 Feb 2018 12:33 PM PST Menaxheri i Chelseat, Antonio Conte, u shpreh i kënaqur me paraqitjen e lojtarëve, por ka kërkuar më shumë përqëndrim në menaxhimin e rezultatit. Antonio Conte pas takimit u shfaq në konferencën për shtyp mjaft i zhgënjyer. Ai tha se ekipi i tij duhet që të menaxhojë më mirë rezultatin në raste tjera, kurse kërkoi implementimin e VAR-it. “Duhet të jemi të zhgënjyer për rezultatin final. Ekipi duhet t’i menaxhojë situatat më mirë, me pjekuri t’i marrë tri pikët”. “Anglia është i vetmi vend ku kaq shumë ekipe luftojnë për vendet e para dhe ne duhet të kuptojmë rrezikun e të përqëndrohemi drejt synimeve tona”. “Anulimi i golit të Moratas ësthë arsyeja pse jam pro implementimit të VAR-it në Ligën Premier”, potencoi Antonio Conte. Ai shtoi se Hazardin e largoi nga loja në mënyrë që ai të ruajë energjinë e tij. /Telegrafi/ The post Conte kërkon VAR-in pasi Moratas ju anulua goli: Duhet t’i menaxhojmë situatat më mirë appeared first on Telegrafi. |
Skriniar e sheh veten te Interi edhe për shumë vite Posted: 25 Feb 2018 12:22 PM PST Mbrojtësi i Interit, Milan Skriniar, ka hedhur poshtë sugjerimet se ai mund të largohet nga klubi itailan. Qendërmbrojtësi i cili shënoi në fitorne 2-0 ndaj Beneventos ka shkëlqyer në sezonin e parë te Nerazzurët. Edhe pse kërkohet nga një numër skuadrash të mëdha, përfshirë edhe Barcelonën, Skriniar ka vendosur të tregohet besnik ndaj klubit të tij. “Unë e shoh veten te Interi edhe për shumë vite tjera”. “Unë kurrë nuk kam thënë se dua të largohem, por gjithçka mund të ndodhë në jetë”. “Përkthimi ishte i gabuar. Dy-tri fjalë ndryshe dhe ndryshohet i gjithë kuptimi”. “Unë dua që të ndihmoj ekipin tim që të fitojë dhe të shënoj nëse kam mundësi. Në mbrojtje ne shpesh kemi pranuar gola nga kundërshtarët në goditjen e parë, që nuk ndihmon në vetëbesim, por ne ja kemi dalë që të shmangim pranimin e golave”, potencoi sllovaku. /Telegrafi/ The post Skriniar e sheh veten te Interi edhe për shumë vite appeared first on Telegrafi. |
You are subscribed to email updates from Futboll – Telegrafi. To stop receiving these emails, you may unsubscribe now. | Email delivery powered by Google |
Google, 1600 Amphitheatre Parkway, Mountain View, CA 94043, United States |
Lexo edhe: