“Karatesitët ferizajas filluan sezonin e dytë të garave me sukses” plus 9 more Ferizaj Press |
- Karatesitët ferizajas filluan sezonin e dytë të garave me sukses
- Ferizaj zgjedhë mes utopisë, së kaluarës dhe të ardhmes
- Labi dorëzon rrogën e parë të deputetit – ndihmon një familje (FOTO)
- Njësoj sikur në Gjilan edhe në Gjermani s’e ndihmojnë të moshuarin që po vdiste në bankë
- Në shkollën Teknike “Pjetër Bogdani” bëhet përurimi i kabineteve, donacion i Komisionit Evropian (Foto)
- Dymbëdhjetë vjet burgim ndaj T.T. për veprën penale, vrasje
- Nera shkruan një mesazh të çuditshëm, çka ka ndodhur me nipat e saj?(Foto)
- Shtyhet seanca e Kuvendit të Komunës së Ferizajt për të enjten
- Nuk do ta besoni si duket Tapasia në jetën reale (Foto)
- E vërtetuar shkencërisht, fëmijët e marrin inteligjencën nga mamaja
Karatesitët ferizajas filluan sezonin e dytë të garave me sukses Posted: 18 Sep 2017 09:29 AM PDT Dje në turneun ndërkombëtar të karatesë Tetova Open 2017, karatesitët ferizajas të Kastriotit dhe Fituesit shkëlqyen në turnirin Tetova Open 2017. Karatesitët e Fituesit neë këtë Turne fituan 12 medalje prej të cilave katër të arta. 4 medalje të arta 1 medalje të argjndit 7 medalje të bronzit
Karatesitët e Kastriotit në këtë turnir fituan 13 medalje prej të cilave të arta 2 medalje Ari |
Ferizaj zgjedhë mes utopisë, së kaluarës dhe të ardhmes Posted: 18 Sep 2017 09:07 AM PDT Temperamentet e rrëmbyera si fryt i mendimit utopik apo të të bërit politikë me metodat e së kaluarës, nuk janë çelësi për kapërcimin kualitativ të gjendjes. Temperamentin e qetë e arrijnë politikanët me ndërgjegjie të mirë nga virtyte jo të blera por të fituara nga jeta reale e që e bëjnë politikën komunale për të hapur debatin për të ardhmen. Bahri Bivolaku Mendimtarët thonë se nëse në Qeveri a Kuvend të shtetit bëhet politikë, në komuna më shumë kemi të bëjmë me administrim. Gjykuar nga mendimi i tillë në pushtete lokale nuk ka perspektivë për kandidatë që veprimin politik e kanë të mbushur nga ideologjitë utopike apo mëtojnë të qeverisin me metodat e së kauarës. Konsideroj që në Komunën e Ferizajit është e tillë gjendje në garën për të parin e komunës. Beteja do të zhvillohet në mes të politikanit me ideologji utopike e që identifikohet me kandidatin e partisë Vetvendosje, F.Topallin, atij të LDK-së Sfarça, që vështirë e ka të del nga bërja e administrimit komunal jashtë metodave të së kaluarës dhe një politikani menaxher, i cili di si ta administrojë perspektivën e gjerë dhe hap debatin me të gjithë për të ardhmen e Ferizajit e që konsideroj të jetë kandidati i PDK-së, Agim Aliu. Agim Aliu do të arrijë që konsensusin me qytetarë për qeverisje ta bëjë mbi qëndrimin politik në raport me interesin qytetar Ferizaji ka kohë që ka dhënë dëshmi që e ka tejkaluar fazën e miturisë politike institucionale dhe tani duhet të vazhdojë që konsensusin e qeverisë lokale ta bëjë mbi qëndrimin politik në raport me interesin qytetar. Aliu do të arrijë që debatimin dhe mbështetjen në realizimin e projekteve kapitale të interesit qytetar t'i zhvillojë në atë masë për t'u shndërruar si vlerë politike e shtuar, pasiqë ky fakt bënë që politika të zbresë nga lartësia dhe abstraktja dhe të merret me jetën e qytetarëve në lagje, fshat e qytet, ndërsa mendimi politik të zbresë nga utopia dhe ta ketë koloritin për këto çështje. Me Agim Aliun si politikanin bartës të mendimit të ri mbi qeverisjen lokale gjithsesi se në Ferizaj do të vendoset qartësisht vija ndarëse mes politikës dhe adminstratës komunale, do të ketë fuqizim të Gruas dhe Rinisë, inkurajim të partneritetit qytetar në procesin vendimmarrës, qeverisje të mirë e të përgjegjshme, administratë më efikase, shërbime publike të avancuara dhe mbi të gjitha transparencë të plotë karshi qytetarëve. Politikani me vizionin e tillë do të dijë të arrijë krijimin e mekanizmave institucional lokal dhe shndërruar në urë lidhëse mes qytetarëve dhe pushtetit vendor, duke pasur parasysh se sot komunikimi i jashtëm shkon përtej detyrimit ligjor dhe i shërben dialogut mes komunës dhe qytetarëve, partnerëve, mediave e shoqërisë civile dhe donatorëve për prioritetet. |
Labi dorëzon rrogën e parë të deputetit – ndihmon një familje (FOTO) Posted: 18 Sep 2017 08:55 AM PDT Deputeti i ri i Kuvendit të Kosovës, Labinot Tahiri, ka bërë të ditur se ka dorëzuar tashmë rrogën e tij të parë prej deputeti të Parlamentit. Labi i cili njihet edhe për këngët e tij mjaft të dëgjuara ka dhuruar pagën e tij për familjen Berisha, duke apeluar për shërimin e vajzës së kësaj familjeje, Fatmires. |
Njësoj sikur në Gjilan edhe në Gjermani s’e ndihmojnë të moshuarin që po vdiste në bankë Posted: 18 Sep 2017 07:18 AM PDT Pensionisti 83-vjeçar vdiq një javë më vonë, pasi kishte goditur kokën në pllaka, transmeton Express. Edhe një person i katërt e kishte injoruar pensionistin, por raportohet se ai është sëmurë. Emergjenca ishte thirrur nga personi i pestë që kishte mbërritur në vendin e ngjarjes. Personat që nuk i ndihmuan pensionistit u verifikuan nga pamjet e kamerave të sigurisë në bankë, të cilat i kanë shfaqur ata duke kaluar pranë pensionistit të sëmurë rëndë. Sipas ligjit gjerman, dështimi për t'iu përgjigjur një emergjence mjekësore është i dënueshëm me një gjobë apo deri më një vjet burg. Ligji kërkon personi i caktuar të paktën ta thërrasë emergjencën nëse ka mungesë të aftësive për dhënien e ndihmës së parë. /Express/ |
Posted: 18 Sep 2017 07:12 AM PDT Ferizaj.18.09.2017. Shkolla e mesme profesionale "Pjetër Bogdani" në Ferizaj, ka fituar një donacion në vlerë prej 100 mijë eurove nga Komisioni Evropian dhe Qeveria e Austrisë. Projekti i quajtur ALLED ka të bëj me pajisjet e sistemet mekatronik, të cilat për herë të parë vijnë në Kosovë. Përfaqësues të Komisionit Evropian dhe të Qeverisë austriake, thanë se nëpërmjet këtyre donacioneve po tentojnë që të rinjtë kosovarë t'i aftësojnë për tregun e punës. "Ne duam që të përmirësojmë kualitetin dhe mësimin në terrene më praktike, duam të sigurojmë për vizionin dhe programet që kemi selektuar, në bujqësi, në teknologji dhe mekatronikë dhe shkolla e juaj "Pjetër Bogdani", e cila është zgjedhur në Kosovë me idenë e sigurimit me materiale më moderne mësimore që ju nxënës mund t'i përdorni dhe gjithashtu që të ngriten kapacitetet e të gjithë mësuesve që janë këtu që të aplikojnë metodologji të re, e kuptoj që është hera e parë që teknikat mekatronike do të jenë këtu në Kosovë dhe do të jenë në gjendje që të trasmetojnë aftësitë e tyre tek studentët, kështu që mendoj se është diçka mjaftë e mirëseardhur dhe jemi shumë të lumtur që e bëjmë këtë në shkollën e juaj", tha Riccardo Serri, përfaqësues i Komisionit Evropian. "Austria i ka dhënë përkrahje edukimit në Kosovë për shumë vite dhe ne po e bëjmë këtë sepse jemi të bindur se edukimi është një çelës për zhvillimin e mëtutjeshëm të Kosovës dhe të rinjtë janë burimet më të fuqishme që Kosova ka, njerëzit energjik këtu në Kosovë janë potenciali më i mirë për të ardhmen e Kosovës dhe ne dëshiruam që të asistojmë këta të rinj që të përmbushin potencialin e këtyre mundësive", tha ambasadori i Austrisë në Kosovë, Gernot Pfandler. Ministri i Arsimit Shyqiri Bytyqi, tha se përmes investimeve të tilla i jepet shtytje reformimit të arsimit, në veçanti atij profesional, për të cilin Kosova ka nevojë të domosdoshme, duke bërë thirrje që këto kabinete të shfrytëzohen maksimalisht nga nxënësit dhe mësimdhënësit. "Këto dy kabinete në dy shkolla të arsimit me aftësi profesionale "Pjetër Bogdani" në Ferizaj dhe "Jonuz Zjenullahu" në Viti, të cilat po i promovojmë sot si donacion nga projekti "Alled", janë mundësi të mira të cilat uroj që ju nxënës t'i shfrytëzoni maksimalisht, kabinetet do t'u mundësojnë një kombinim të mësimit teorik me atë praktik që na ka munguar në Kosovë e që është një komponent i rëndësishëm për përgatitjen tuaj, prandaj mos hezitoni, bëni pyetje mësimdhënësve, zhvilloni aftësitë e juaja, krijoni kreativitet në këto objekte dhe bëhuni të denjë për tegun e punës tonë, në këtë mënyrë ju të rinj do të bëheshit zot të vetës, kontribues për familjet e juaja dhe të dobishëm për shoqërinë tonë", tha Shyqiri Bytyqi. Edhe drejtori i Arsimit në Ferizaj Muhamet Halili, e vlerësoi shumë të rëndësishëm këtë donacion duke u shprehur i gëzuar që këto pajisje erdhën pikërisht në Ferizaj. "Tani nxënësit e kanë mundësinë që pjesën e teorisë ta bëjnë edhe në praktikë me pajisje më moderne që janë në hap me tregun e punës dhe të gjithë ata nxënës të cilët do ta kenë mundësinë që të jenë pjesë e këtij programi do të aftësohen dhe të jenë të gatshëm që nesër të bëhen inxhinierë të mirë dhe të jenë të gatshëm për tregun e punës", tha Halili. Ndërsa, drejtori i shkollës Pjetër Bogdani" Isuf Çalaj, tha se këto pajisje i aftësojnë nxënësit që në të ardhmen të bëhen programer të makinave kompjuterike. "Këto gjenerata nëse i përdorin këto pajisje dhe aftësohen mirë, atëherë do të jenë programer të makinave me dirigjim kompjuterik, këto janë makina ku bëhet përpunimi i metaleve të ndryshme, përpunimi i pjesëve të ndryshme makinerike dhe të gjitha bëhen vetëm me anë të programimit apo kompjuterimit",tha Çalaj. Ky projekt i cili ka filluar në shkurt të vitit 2015 u përkrah edhe nga Gjermania, Norvegjia e Luksemburgu, transmeton Televizioni Tema/
|
Dymbëdhjetë vjet burgim ndaj T.T. për veprën penale, vrasje Posted: 18 Sep 2017 06:15 AM PDT Ferizaj.18.09.2017. Gjykata Themelore në Ferizaj, trupi gjykues i Departamentit për Krime të Rënda, sot 18 shtator 2017, shpalli aktgjykim dënues ndaj të pandehurit T.T, i cila në bazë të aktakuzës së Prokurorisë Themelore në Ferizaj, akuzohet se ka kryer veprën penale "Vrasja" nga neni 178 të Kodit Penal të Republikës së Kosovës. Trupi Gjykues i kryesuar nga gjyqtari Ibrahim Idrizi, pas mbajtës së shqyrtimit gjyqësor, dëgjimit të palëve, administrimit të të gjitha provave, fjalëve përfundimtare, aktakuzës së prokurorisë për veprën penale "Vrasja" nga neni 178 të KPRK-së, e ka gjykuar me dënim burgimi në kohëzgjatje prej dymbëdhjetë (12) vjet, I pandehuri T.T, akuzohet se më 15 janar 2014, në Ferizaj, me dashje ka privuar nga jeta tani të ndjerin A.M, derisa i ndjeri i cili e drejtonte veturën i shoqëruar me disa persona të tjerë, me të parë të pandehurin T.T, ndal veturën për të biseduar me T.T, i cili shoqërohej nga disa persona të tjerë, dhe me të dal nga vetura menjëherë fillon fjalosja në mes të të ndjerit dhe B.K, ku i pandehuri T.T ja ofron revolen në kokë B.K, ndërsa tani i ndjeri A.M del nga vetura duke e lutur që të ulë armën dhe të merren vesh, ndërsa i pandehuri nxjerr një thikë me të cilën e godet të ndjerin A.M në anën e djathtë të gjoksit dhe i rrjedhojë e plagëve të marra dhe gjakderdhjes së brendshme dhe të jashtme nga dëmtimi i zemrës dhe mushkrës i ndjeri vdes, dhe i pandehuri ik nga vendi i ngjarjes. Kundër këtij aktgjykimi, palët kanë të drejtë ankese në afat prej (pesëmbëdhjetë) 15 dite nga dita e pranimit të aktgjykimit në formë të shkruar. Ankesa i drejtohet Gjykatës së Apelit në Prishtinë, përmes Gjykatës Themelore të Ferizajt. |
Nera shkruan një mesazh të çuditshëm, çka ka ndodhur me nipat e saj?(Foto) Posted: 18 Sep 2017 05:56 AM PDT Një raport si të tyre çdokush do ta kishte lakmi. Bëhet fjalë për nënën dhe bashkëshorten e këngëtarit të njohur Ermal Fejzullahu. Nera së bashku me rejën e saj Arianën kanë raporte shumë të mira. Këtë më së miri mund ta vëreni përmes fjalëve të bukura që ato ia bëjnë njëra-tjetrës. E së fundmi Nera është përmalluar shumë për rejën, nipin e mbesat e saj. Kjo për faktin pasi që nuk gjendet pranë tyre, transmeton Gazeta Express. E një fotografi që ka publikuar Ariana ka bërë që Nera të emocionohet. "Ah qysh me ju ni eren veq nje Je her . Pse o zot po na ndan zemren e ndjenjat keshtu pse???!!!! Ju du ju rujt zoti i madh", kishte shkruar ajo. |
Shtyhet seanca e Kuvendit të Komunës së Ferizajt për të enjten Posted: 18 Sep 2017 05:41 AM PDT Kuvendi i Komunës së Ferizajt është mbledhur sot në një mbledhje të rregullt ku si pikë kryesore të rendit të ditës kishte votimin e Planit Zhvillimor Komunal 2017-2025. Kryesuesi i Kuvendit Faruk Guri bëri hapjen e kësaj mbledhjeje ndërsa i pari fjalën e mori kryetari i komunës së Ferizajt Muharrem Svarqa. Kryetari i komunës së Ferizajt Muharrem Svarqa në hapje të kësaj mbledhjeje tha se gjithçka është përgatitur mirë sa i përket këtij plani dhe janë marrë pëlqimet nga Ministria e Mjedisit dhe Planifikimit Hapësinor paraprakisht , por si arsye për shtyrjen e kësaj mbledhjeje e përmendi verifikimin që duhet bërë rreth një lajmi të paraqitur në media vendim për pëlqim I lëshuara para disa ditësh nga MMPH mund të jetë pezulluar. Kryetari Svarqa pohoi se në mënyrë zyrtare komunës së Ferizajt deri më tani nuk i ka ardhur asnjë dokument i tillë prandaj tha ta ketë ka dërguar në Prishtinë drejtorin e Urbanizmit Faik Grainca, për të marrë një përgjigje rreth kësaj çështje. Ai paraprakisht lexoi pjesë të vendimit për pëlqimin e këtij procesi ku komuna e Ferizajt është lavdëruar për punën e mirë që ka bërë në hartimin e këtij plani. "Dokumenti që ne kemi dërguar në Ministri është vlerësuar si model për të gjitha komunat e tjera sepse jemi angazhuar me gjithë potencialin tonë që ai të jetë sa më i kompletuar. Megjithëkëtë kohëve të fundit po qarkullojnë nëpër disa medie e portale informacione se është pezulluar ky pëlqim. Në vazhdim të kësaj mbledhje kryesuesi Guri propozoi që kjo seancë të vazhdojë të enjten në ora 10 pasi që të merren të gjitha sqarimet e nevojshme. Ndërkaq pas disa diskutimeve në mes këshilltarëve komunalë të cilët komentuan në mënyra të ndryshme situatën e krijuar rreth miratimit të Planit Zhvillimor Komunal me shumicë votash Kuvendi vendosi që të enjten të mblidhet sërish për të diskutuar për këtë pikë dhe dy pika të tjera të rendit të ditës. |
Nuk do ta besoni si duket Tapasia në jetën reale (Foto) Posted: 18 Sep 2017 03:48 AM PDT Rashmi Desai tanimë është një aktore indiane që kapërceu kufinjtë e shtetit të saj dhe u bë e famshme edhe në vende të ndryshme të botës, përcjell ORAinfo. E kjo për shkakt të famës së serialit ku luan ajo. 'Uttaran' ishte ai që u dha famën ndërkombëtare aktorëve që luajnë aty. Jemi mësuar t'i shohim në veshjen e tyre tradicionale, Tapasia është krejtësisht ndryshe në jetën reale. Për më shumë shikoni fotografitë nga përditshmëria e saj./ORAinfo/ |
E vërtetuar shkencërisht, fëmijët e marrin inteligjencën nga mamaja Posted: 18 Sep 2017 03:43 AM PDT "Debati" i prindërve rreth karakterit të fëmijëve duket se është i pashmangshëm në të gjitha familjet e gjithnjë do të ekzistojë. Nëse ju keni patur një ves , nga prapa keni dëgjuar një lum fjalësh, thelbi i të cilave ishte "Si ke lënë gjë babait" , nëse ju do ishit shëmbullorë patjetër do të ishit nga ana e mamasë apo e anasjellta. Prindërit duan të marrin meritat vetëm për cilësitë e mira të fëmijës, por kur vjen puna tek inteligjeca nuk ka vend pë diskutim. Hulumtimi i ri i botuar në Psychology Spot thotë se njerëzit e marrin zgjuarsinë nga genet e mamasë. Edhe në qoftë se babai ju kalon disa nga gjenet e tij të inteligjencës, shanset janë të ulëta që ato të kenë ndikim në trurin tuaj. “Nëse ky gjen është trashëguar nga i ati, ai është i çaktivizuar,” raporton studimi në Psikologji Spot. |
You are subscribed to email updates from FerizajPress. To stop receiving these emails, you may unsubscribe now. | Email delivery powered by Google |
Google Inc., 1600 Amphitheatre Parkway, Mountain View, CA 94043, United States |
Lexo edhe: