Ora News: “SHBA përfshin zyrtarisht një terapi të re ndaj kancerit” plus 9 more

---

• SHBA përfshin zyrtarisht një terapi të re ndaj kancerit
• Nicole Scherzinger po gënjen për moshën?!
• Ndodh në Serbi!
• Videoklipi i ri, Taylor Swift hakmerret nga Kim dhe Kanye West
• Thaçi dhe Vuçiç takohen sot në Bruksel
• Zetori përplaset me Benzin, një i vdekur e dy të plagosur
• Shembet ndërtesa e zë 40 persona brenda
• Solana: Vuçiç përdor lidhjet me Rusinë e Kinën kundër Kosovës
• Rusia konfirmon kontaktin me këshilltarin e zotit Trump
• Mjeti shpërthen në flakë në autosradë, drejtuesi shpëton pa lëndime

SHBA përfshin zyrtarisht një terapi të re ndaj kancerit Posted: 31 Aug 2017 12:06 AM PDT Administrata amerikane e ushtrimit dhe barnave ka miratuar terapinë e parë gjenetike për trajtimin e kancerit në SHBA. Trajtimi ofron një qasje krejtësisht të re për të luftuar sëmundjen dhe mund të çojë në trajtime të reja të sëmundjeve të tjera serioze dhe kërcënuese për jetën. Të mërkurën, FDA miratoi një trajtim të ri të leukemisë nga kompania farmaceutike zvicerane Novartis, për të cilën, agjencia tha se është “terapia e parë gjenetike e disponueshme në Shtetet e Bashkuara”. Trajtimi, i quajtur Kymriah, është një “imunoterapë autologe me qeliza T të modifikuara gjenetikisht”, ku çdo dozë krijohet duke përdorur qelizat T të pacientit, një lloj qelize të bardhë të njohur si limfocitet. T-qelizat e secilit pacient dërgohen në një qendër prodhimi ku ata janë të modifikuara gjenetikisht për të përfshirë një gjen të ri që përmban një proteinë specifike, të quajtur një receptor antigjenerik (CAR). Qelizat CAR-T të njohura si “një drogë e gjallë”, futen përsëri tek pacienti, ku ata synojnë dhe vrasin qelizat e leukemisë. /Ora News.tv/   Të parët për lajmin e fundit. Ndiqni Oranews.tv në Facebook dhe në Twitter

Nicole Scherzinger po gënjen për moshën?! Posted: 31 Aug 2017 12:02 AM PDT Këngëtarja me famë botërore Nicole Shcerzinger sapo ka mbushur 39 vjeç dhe duket më seksi se kurrë, me një fizik përfekt dhe të tonifikuar. Por Louis Walsh, bashkë-gjyqtari në jurinë e X Factor, tha në një intervistë se ylli i popit po gënjen për moshën e saj. Në mënyrën e tij shumë kontroverse, irlandezi vazhdoi intervistën duke lavdëruar punën e jashtëzakonshme të Nicole, përpara se të jepte goditjen… 65-vjeçari tha për Heat Magazine: "Është i mrekullueshëm fakti që ajo vazhdon të bëjë gjithçka në moshën e saj. Askush nuk e di se çfarë moshe ka ajo, por është më e madhe sesa thotë se është." Megjithsëse nuk kishte vetëm lajme të këqija për ish-anëtaren e Pussycat Dolls pasi Luis e quajti vajzë të qeshur, të talentuar dhe të mrekullueshme. /Oranews.tv/ Të parët për lajmin e fundit. Ndiqni Oranews.tv në Facebook dhe në Twitter

Ndodh në Serbi! Posted: 30 Aug 2017 11:57 PM PDT Ndërsa tensionet ngrihen në mbarë botën për shkak të testeve të raketave nga Koreja e Veriut, një berber në Serbi ka vendosur të përkujtojë këtë periudhë të vështirë në gjeopolitikën globale me formën e tij unike të shprehjes artistike. Mario Hvala, berber në Novi Sad, qyteti i dytë më i madh i Serbisë, ka një dëshirë për portrete të famshme, duke përdorur pjesën e kokës së klientëve të tij si një kanavacë të preferuar. Dhe rasti më i fundit, është krijimi i portretit të diktatorit të Koresë së Veriut. Videoja virale ka mbledhur tashmë 120,000 shikime që kur u publikua në internet më 24 gusht. Tatuazh i flokëve duket se po fiton tërheqje mes të rinjve në Evropën Lindore, duke gjykuar nga profili i Facebook në Hvala, i cili përfshin të tjera portrete. Të parët për lajmin e fundit. Ndiqni Oranews.tv në Facebook dhe në Twitter

Videoklipi i ri, Taylor Swift hakmerret nga Kim dhe Kanye West Posted: 30 Aug 2017 11:35 PM PDT Thonë që hakmarrja është e ëmbël, sidomos kur bëhet fjalë për Taylor Swift. Këngëtarja me famë botërore sapo ka publikuar këngën e saj më të fundit që po thyen rekorde klikueshmërie. Vetëm për 3 ditë ka arritur 90 milionë klikime në YouTube. Ajo çfarë u ka tërhequr vëmendjen më shumë fansave është videoklipi i këngëtares, që ka ngritur shumë spekulime në rrjetet sociale. Taylor qëndron në një vaskë të mbushur më diamante , të cilat kanë një vlerë prej 10 milionë dollarësh. Dhe fansat mendojnë që kjo skenë është thumbim i yllit të popit ndaj rivales së saj Kim Kardashian duke i kujtuar asaj një ngjarje të frikshme që ka përjetuar. Kim, disa vite më pare, u lidh në një vaskë nga disa hajdutë të cilët i vodhën bizhuteritë. Gjithçka midis tyre filloi kur Kanye West përmendi emrin e Taylor në këngën e tij "Famous". Tayor akuzoi Kanye se nuk i kishte dhënë autorizimin, por gjithçka ndryshoi kur një bisedë e regjistruar midis tyre u publikua. Fansat e Kanye postuan "emoji gjarpër" në të gjitha rrjetet sociale të Taylor. Ndërsa në videoklipin e saj shihen shumë gjarpërinj dhe bizuteri me gjarpërinj. /Oranews.tv/ Të parët për lajmin e fundit. Ndiqni Oranews.tv në Facebook dhe në Twitter

Thaçi dhe Vuçiç takohen sot në Bruksel Posted: 30 Aug 2017 10:54 PM PDT Përfaqësuesja e lartë e Bashkimit Evropian për Siguri dhe Politikë të Jashtme, Federica Mogherini, sot në mëngjes do t'i takojë në Bruksel presidentët e Kosovës dhe Serbisë, Hashim Thaçi e Aleksandar Vuçiç.  Maja Kociançiç, zëdhënëse e Përfaqësueses së lartë, Mogherini, ka deklaruar se në takimin në Bruksel do bisedohet për vazhdimin e dialogut për normalizimin e marrëdhënieve ndërmjet Beogradit dhe Prishtinës. Sipas saj, sot do të bisedohet edhe për zbatimin e marrëveshjeve të cilat tashmë janë arritur në dialog dhe zbatimi i të cilave është në vazhdim e sipër. Kosova dhe Serbia marrëveshjen e parë për normalizimin e marrëdhënieve e kanë arritur në prill të vitit 2013.   Të parët për lajmin e fundit. Ndiqni Oranews.tv në Facebook dhe në Twitter

Zetori përplaset me Benzin, një i vdekur e dy të plagosur Posted: 30 Aug 2017 10:49 PM PDT Përplasja e një zetori me një mjet tip Benz ka qenë fatale për një person në Lushnjë, ndërsa dy të tjerë kanë përfunduar në spital. Aksidenti është regjistruar mëngjesin e sotëm në vendin e quajtur "Vajkan" në aksin rrugor Fier-Lushnjë. Nga përplasja e mjeteve ka gjetur vdekjen e menjëhershme drejtuesi i zetorit shtetasi Erion Balla, 26 vjeç, banues në Imshtë, Lushnjë si edhe ka pësuar dëmtime pasagjeri në mjetin zetor, shtetasi G.H, 40 vjeç, banues në Imshtë, i cili ndodhet në gjendje të rëndë në Spitalin Rajonal Fier. Grupi hetimor po punon për zbardhjen e plotë të shkaqeve të aksidentit. /Ora News.tv/     Të parët për lajmin e fundit. Ndiqni Oranews.tv në Facebook dhe në Twitter

Shembet ndërtesa e zë 40 persona brenda Posted: 30 Aug 2017 10:47 PM PDT Më shumë se 30 persona po kërkohen nga ekipet e shpëtimit, të cilët kanë frikë se mund të zihet brenda një ndërtese të shembur në Mumbai të Indisë. Raportet lokale të cituara nga BBC, thonë se një ndërtesë tre-katëshe në kryeqytetin financiar të Indisë u trondit herët të enjten. “Dyzet persona besohet të jenë të mbërthyer brenda dhe një ekip 43-anëtarësh po kryen operacione shpëtimi”, tha një zyrtar nga Forca Kombëtare e Reagimit të Katastrofave të Indisë (NDRF) për AFP-në. Mumbai është ka regjistruar reshje të shumta shiu këtë javë dhe përmbytje. Ndërtesa në zonën me banim të dendur Bhendi Pazari besohet të jetë rreth 100 vjeçare. Incidentet e ndërtimit nuk janë të rralla në Indi, sidomos gjatë sezonit të musoneve për shkak të standardeve të dobëta të ndërtimit. Në korrik, 17 vetë u vranë kur një ndërtesë me katër kate u rrëzua në rrethinat e Mumbai të Ghatkopar. /Ora News.tv/   Të parët për lajmin e fundit. Ndiqni Oranews.tv në Facebook dhe në Twitter

Solana: Vuçiç përdor lidhjet me Rusinë e Kinën kundër Kosovës Posted: 30 Aug 2017 10:32 PM PDT Ish-përfaqësuesi i lartë për Politikë të Jashtme dhe Siguri i Bashkimit Evropian, Javier Solana, ka thënë se presidenti i Serbisë, Aleksandar Vuçiq, po i përdor lidhjet me Rusinë dhe me Kinën kundër Republikës së Kosovës. Ai ka theksuar se Vuçiq, përkundër afrimit me Bashkimin Evropian, nuk ka shfaqur kurrfarë gatishmërie për t'u distancuar nga Rusia, teksa vendi i tij po ashtu po vazhdon të tërheqë investime të majme nga Kina. Që të dy vendet, edhe Rusia, edhe Kina, refuzojnë të njohin pavarësinë e Kosovës. Solana, ish-sekretar i përgjithshëm i Organizatës së Traktatit të Atlantikut Verior (NATO), ka kujtuar, në një shkrim autorial të botuar nga Project Syndicate, se si "gjatë një vizite në Beograd më 2014, presidenti i Rusisë, Vladimir Putin, deklaronte se 'Rusia, ashtu si në të kaluarën, do të vazhdojë ta shohë Serbinë si aleatin më të ngushtë'", njofton Gazeta Express. Përveç lidhjeve të moçme kulturore me Rusinë, ka theksuar Solana, Serbia varet nga Rusia për furnizim me energji, si dhe llogarit në fuqinë e saj për veto si anëtare e përhershme e Këshillit të Sigurimit të Organizatës së Kombeve të Bashkuara. "Për aq kohë sa Serbia shihet me sy të mirë nga Rusia, ajo mund ta bllokojë anëtarësimin e Kosovës në OKB", shkruan Solana, aktualisht shef i Qendrës ESADE për Ekonomi Globale dhe Gjeopolitika. Sikurse Jugosllavia e Josip Broz Titos dikur, edhe Serbia e sotme zyrtarisht deklarohet si shtet neutral, thekson Solana. "Ajo bashkëpunon ngushtë me NATO'n, nëpërmjet Partneritetit për Paqe, përderisa në të njëjtën kohë organizon manovra ushtarake me ushtrinë ruse. E, presidenti serb, Aleksandar Vuçiq, përderisa pohon të jetë qartas në favor të integrimit evropian, nuk ka shfaqur kurrfarë gatishmërie për t'u distancuar nga Rusia", ka shkruar Solana, dikur ministër i Jashtëm i Spanjës.     Të parët për lajmin e fundit. Ndiqni Oranews.tv në Facebook dhe në Twitter

Rusia konfirmon kontaktin me këshilltarin e zotit Trump Posted: 30 Aug 2017 01:49 PM PDT Qeveria ruse ka konfirmuar se është kontaktuar nga një këshilltar i Donald Trumpit rreth një projekti të pasurive të patundshme në Moskë gjatë fushatës presidenciale të vitit 2016. Zëdhënësi i presidentit rus Vladimir Putin, Dmitri Peskov, tha të mërkurën se ai ka marrë një email nga avokati personal i zotit Trump, Michael Cohen, lidhur me ringjalljen e një projekti për ndërtimin e një Kulle Trump në Moskë. “Unë mund të konfirmoj se kam marrë një email nga z. Michael Cohen. Kjo vërtetë ka ndodhur” tha Peskov në përgjigje të pyetjeve të gazetarëve në Moskë. Peskov tha se nuk i është përgjigjur emailit sepse nuk ishte i lidhur me punën e tij si zëdhënës dhe as nuk e ka diskutuar këtë çështje me Putinin. Michael Cohen tha në një deklaratë në Komisionin e Inteligjencës të Dhomës së Përfaqësuesve, i cili po heton ndërhyrjen ruse në zgjedhjet presidenciale të vitit të kaluar, se kompania e zoti Trump kërkoi të ringjallte projektin e ndërtimit në Moskë. Sipas dokumenteve të dorëzuara në Kongres të hënën, kërkesa për ndihmë u bë përmes një emaili që zoti Cohen i dërgoi zotit Peskov në janar të vitit 2016. “Meqë ky projekt është shumë i rëndësishëm, unë po kërkoj ndihmën tuaj. Kërkoj që dikush me respekt, mundësisht ju, të më kontaktoj në mënyrë që të mund të diskutoj rreth hollësive, si dhe të organizoj takime me individët e duhur”, shkruante zoti Cohen. Michael Cohen thoshte se projekti ishte braktisur për arsye të ndryshme. Emaili i zotit Cohen përfaqëson shembullin më të drejtpërdrejtë të komunikimit të një ndihmësi të nivelit të lartë të zotit Trump me një zyrtar të lartë të qeverisë ruse. Kontakti midis bashkëpunëtorëve të zotit Trump dhe zyrtarëve rusë ka qenë në qendër të disa hetimeve mbi ndërhyrjen e Rusisë në zgjedhjet presidenciale të 2016-ës. Organzata Trump, një kompani me shtrirje globale pronar i së cilës është zoti Trump, lëshoi një deklaratë të hënën në lidhje me këtë çështje. “Të jemi të qartë se Organizata Trump kurrë nuk ka patur asnjë pronë të patundshme ose interes në Rusi”, thuhet në deklaratë. Trump, megjithatë, dy vjet më parë ka nënshkruar një “letër pa fuqi ligjore mbi synimet” e kompanisë për projektin e propozuar./VOA/ Të parët për lajmin e fundit. Ndiqni Oranews.tv në Facebook dhe në Twitter

Mjeti shpërthen në flakë në autosradë, drejtuesi shpëton pa lëndime Posted: 30 Aug 2017 01:46 PM PDT Një automjet ka shpërthyer në flakë ndërsa lëvizte në  autostradën Vlorë- Fier. Ngjarja është regjistruar  rreth orës 20:20, tek mbikalimi i Panajasë,  ku është djegur plotësisht një mjet   tip "Mercedes Benz", i cili ka qenë në lëvizje. Policia ka shkuar në vendngjarje dhe nga verifikimi paraprak  ka rezultuar se mjeti i përket shtetasit N.R., 33 vjeç, banues në Tiranë. Nga përfshirja e automjetit në flakë nuk ka persona të lënduar. Paraprakisht, dyshohet se automjeti  ka marrë flakë si pasojë e një shkëndije elektrike.    Grupi hetimor po punon për zbardhjen e plotë të rrethanave të ngjarjes.   /Oranews.tv/   Të parët për lajmin e fundit. Ndiqni Oranews.tv në Facebook dhe në Twitter

You are subscribed to email updates from Ora News. To stop receiving these emails, you may unsubscribe now.	Email delivery powered by Google
Google Inc., 1600 Amphitheatre Parkway, Mountain View, CA 94043, United States

loading...

Lexo edhe: