“Këta janë kandidatët e LDK-së që do të garojnë për Asamblenë Komunale në Ferizaj” plus 9 more Ferizaj Press
“Këta janë kandidatët e LDK-së që do të garojnë për Asamblenë Komunale në Ferizaj” plus 9 more Ferizaj Press |
- Këta janë kandidatët e LDK-së që do të garojnë për Asamblenë Komunale në Ferizaj
- Trenat e Kosovës jofunksional deri në rishikimin e buxhetit
- Aksident komunikacioni në magjistralen Prishtinë-Ferizaj, ka të lënduar (Foto)
- Gjykata merr vendim për aktivistët e Vetëvendosjes
- Mjekët: Celularët po përhapin një sëmundje të re
- Mishi në Zvicër, deri 4 herë më i shtrenjtë se në Gjermani!
- Vendos edhe AAK në Ferizaj. Xhavit Zariqi kandidat për kryetar .Këta janë kandidatët për asamble komunale
- Shpronësimet dhe uzurpimet edhe më tutje sfida të Drejtorisë për Pronë, Gjeodezi e Kadastër
- Vlerësohet lartë figura e Bajram Rexhepit: Burrështetas, atdhetar dhe humanist i madh
- A është i mundshëm transferimi i Coutinhos në Barcelonë.? Ky është lajmi i fundit (Foto)
Këta janë kandidatët e LDK-së që do të garojnë për Asamblenë Komunale në Ferizaj Posted: 22 Aug 2017 09:52 AM PDT Ferizaj.22.08.2017. LDK, dega në Ferizaj kabërë publike listën e kandidatëve që do të garojnë për Asamblenë Komunalë në Ferizaj në zgjedhjet lokale të 22 Tetorit. Për kadidat për të parin e Ferizajt ky subjekt ka bërë të ditur ditë më parë se garës do ti hyjë sërish kryetari degës dhe kryetar aktual i Ferizajt, Muharrem Svarqa. Ndërsa në listën e kandidatëve që do të garojnë për Asamblenë Komunale përveç kandidatëve të cilët kanë qenë asamblistë në legjislaturën e fundit janë përfshirë edhe emra të rinjë të cilët garojnë për herë të parë. Kjo është lista e plotë e kandidatëve për Asamblist në Ferizaj nga dega e LDK-së.
1. Muharrem Svarqa 2. Faruk Guri 3. Eleonora Isufi 4. Muhamet Çerkini 5. Heset Shatrolli 6. Hysnije Mustafa-Shamolli 7. Ramadan Baliu 8. Imri Hashani 9. Elfete Mehmeti 10. Shkëlzen Selamni 11. Nezir Mani 12. Qëndresa Salihaj 13. Burim Karameta 14. FadilHalili 15. Fitore Sadiku 16. Ekrem Mustafa 17. Flamur Istrefi 18. Jehona Mustafa 19. Gëzim Kokollari 20. Ridvan Nebihu 21. Yllkë Neziri 22. Xhafer Ramusholli 23. Vehbi Emini 24. Besa Goga 25. Hajriz Shabani 26. Balton Dërguti 27. Bahrije Hyseni 28. Haxhi Spahiu 29. Përparim Guta 30. Blerina Bajraktari 31. Selamn Shabani 32. Agon Zhinipotoku 33. Saranda Musliu 34. Burim Selmani 35. Nazim Haliti 36. Eglantina Ramadani 37. Kemajl Mustafa 38. Bedri Zeqiri 39. Fatime Xhafaj 40.Sabit Avdija 41. Florim Krasniqi 42. Avdurrahim Sallahu 43. Burim Ugzmajli 44 Gani Mahalla 45 Gani Xhemajli |
Trenat e Kosovës jofunksional deri në rishikimin e buxhetit Posted: 22 Aug 2017 08:47 AM PDT Hekurudhat e Kosovës nuk do të mund të vënë në qarkullim linjat e ndërprera të trenave pa u bërë rishikimi i buxhetit për vitin 2017, bëjnë të ditur për Radion Evropa e Lirë përfaqësues të Qeverisë së Kosovës. Por, rishikimi i buxhetit, sipas rregulloreve dhe ligjeve në fuqi nuk mund të bëhet pa konstituimin e institucioneve të reja, Kuvendit dhe Qeverisë, të dala nga zgjedhjet e 11 qershorit. Qarkullimi i trenave në linjën e Pejës dhe atë të Hanit të Elezit është ndërprerë në fillim të muajit gusht për shkak të, siç thuhet, mungesës së mjeteve financiare. E vetmja linjë hekurudhore që është në operim, në transportin e udhëtarëve, mbetet ajo Prishtinë – Shkup dhe anasjelltas. Ministri në largim i Infrastrukturës, Hanefi Muharremi tha për Radion Evropa e Lirë se Qeveria e Kosovës nga subvencionet kishte ndarë mjete për hekurudhat e Kosovës, respektivisht ndërmarrjen "Trainkos", në vlerë prej 1.34 milion euro. "Qeveria i ka subvencionuar hekurudhat e Kosovë. Gjatë qershorit është menduar të bëhet rishikimi i buxhetit dhe në rishikim të shihen se sa mjete duhet të jepen për hekurudhat në mënyrë që të funksionojnë si duhet, por duke pasur parasysh gjendjen politike dhe mungesën e formimit të Qeverisë, edhe rishikimi i buxhetit nuk është bërë, andaj këto mjete nuk mund t'i mbulojë askush", thekson Muharremi. Për shkak të pamundësisë së rishikimit të buxhetit të shtetit, autoritetet e Kosovës patën bërë të ditur se janë përballur me vështirësi në kryerjen e shumë obligimeve. Sidoqoftë, bordi i drejtorëve dhe menaxhmentit i "Infrakos"-it (që merret me menaxhimin e hekurudhave), kanë kërkuar nga institucionet kompetente shtetërore pagesën e diferencës. Pagesa e kësaj diference, siç thonë përfaqësuesit e '"Infrakos"-it, është e përcaktuar me Ligjin mbi hekurudhat e Kosovës, ku në vit kap vlerën rreth 1.8 milion euro. Por, sipas zyrtarëve të "Infrakos"-it edhe përkundër kërkesave, nuk kanë marrë asnjëherë pagesën e duhur të paraparë me ligj. Vlora Jahaj, zyrtare për informim në "Infrakos", thotë se në mënyrë që të mundësohet funksionimi i ndërmarrjes dhe të mos krijohen probleme sociale me punonjësit, institucionet kompetente duhet të ndërmarrin veprime urgjente në mbulimin e obligimeve ligjore. "Bordi i drejtorëve dhe menaxhmenti konstatojnë se "Infrakos" ka shtjerrë të gjitha mundësit financiare që varen nga kjo kompani dhe nuk mund të bëjë asgjë në tejkalimin e situatës ekzistuese pa kryerjen e obligimeve ligjore nga Qeveria, siç parashihet me Ligjin mbi hekurudhat", thekson Jahaj. Sidoqoftë, ministri në largim i Infrastrukturës, Hanefi Muharremi konsideron se hekurudhat kanë mjete të funksionojnë deri në fund të muajit shtator. "Hekurudhat e Kosovës deri në fund të gushtit edhe në shtator i kanë mjetet që të jenë në funksion për arsye se i kanë edhe mbi 245 mijë euro në Ministrinë e Zhvillimit Ekonomik që ata i bëjnë pagesat për derivate dhe mund të punojnë, dhe shpresojë që deri në atë kohë të bëhet ndonjë zgjidhje dhe t'i dalim përballë kërkesave dhe ata të vazhdojnë punën", thekson ai. Infrastruktura hekurudhore në Kosovë vazhdon të përballet me një gjendje jo të mirë. Binarët, ndërtesat e stacioneve, stabilimentet sinjalizuese, pastaj operimet hekurudhore, lokomotivat, vagonët e udhëtarëve, që nga ekspertë të fushës janë konsideruar të vjetruara. Kosova tani më është përfshirë në projektet për modernizimin e hekurudhës, investime këto që hyjnë në pakon për investime të aprovuara në samitin e Ballkanit Perëndimor në gusht të vitit 2015 në Vjenë, në kuadër të agjendës më të gjerë të Bashkimit Evropian për promovimin e lidhjes në rajon dhe të lidhjes me BE-në. |
Aksident komunikacioni në magjistralen Prishtinë-Ferizaj, ka të lënduar (Foto) Posted: 22 Aug 2017 08:37 AM PDT Para pak çastesh në magjistralen Ferizaj-Prishtinë ka ndodhur një aksident komunikacioni. Në vendin e ngjarjes kan dalë edhe policia e trafikut ecila po merret me rastin. Bëhet e ditur se në këtë aksident ka pasur edhe të lenduar të lënduar të cilët janë dërguar për trajtim në QKUK neë Prishtinë.
|
Gjykata merr vendim për aktivistët e Vetëvendosjes Posted: 22 Aug 2017 08:27 AM PDT Aktivistët e Vetëvendosjes të cilët po akuzohen për sulm ndaj Kuvendit të Kosovës, janë liruar nga arresti shtëpiak. Lajmin e ka konfirmuar avokati Tomë Gashi, transmeton 'Indeksonline'. Ky vendim është marrë në seancën e sotme maratonike. Masa e arrestit shtëpiak është zëvendësuar me paraqitje në polici./Indeksonline/ |
Mjekët: Celularët po përhapin një sëmundje të re Posted: 22 Aug 2017 08:21 AM PDT Shkencëtarët nga Hong Kongu i kanë habitur të gjithë me zbulimin e fundit. Ata thonë se kanë zbuluar një sëmundje të re. "Ankthi i ndarjes nga celulari" quhet simptoma që, sipas shkencëtarëve aziatikë, ka prekur shumicën e njerëzve tashmë. Ata thonë se njeriu e shikon celularin si një zgjatim të vetes dhe se nuk mund të jetojë dot më pa postuar në Facebook, Instagram dhe Twitter. Simptomat përfshijnë paaftësinë për të fikur telefonin, kontrollimi i përhershëm i tij, karikimi i shpeshtë i tij dhe e fundit, por jo më pak e rëndësishmja, marrja e celularit me vete kur shkojmë në tualet. Kjo gjendje ankthi që shkencëtarët nga Hong Kongu e kanë quajtur nomofobi po përkeqësohet gjithmonë e më shumë |
Mishi në Zvicër, deri 4 herë më i shtrenjtë se në Gjermani! Posted: 22 Aug 2017 08:16 AM PDT Konkretisht: Një kilogram kofshë pulash në Zvicër kushton afër 12 franga ndërsa në Gjermani, vetëm 3 franga! Çmimet e mishit dhe sidomos të disa llojeve të tij, në Zvicër janë deri në 4 fish më të larta se në vendet fqinje. Në këtë përfundim ka ardhur indeksi i çmimeve të mishit për vitin 2017, i përpiluar ngafirma gjermane Caterwings. Sipas tij, zviceranët për një kotletë derri ose për gjoks pule apo për file lope paguajnë më shumë se 140 për qind mbi mesataren botërore. E kjo mesatare është nxjerrë pas krahasimit të çmimeve të mishit në 50 vende. Ndërsa blick.ch duke vërtetuar në terren këtë raport çmimesh, ka ardhur në përfundimin se disa lloje mishi, në veçanti kofshët e pulave ("kaqikat") në Zvicër kushtojnë plot 4 fish më shtrenjt se në Gjermani. Konkretisht: Një kilogram kofshë pulash në Zvicër kushton afër 12 franga ndërsa në Gjermani, vetëm 3 franga! Ngjashëm qëndron puna edhe me mishin e derrit. Ndërkohë që në Zvicër kilogrami i kotletës së derrit kushton 20 franga, në Itali, Francë e në Gjermani ai mund të blihet me vetëm 8 franga. Dallimet janë më të vogla te mishi i shtrenjtë, file gjedhi, transmeton albinfo.ch. Kështu, te shtetet fqinje një kilogram mishi të tillë kushton mes 44 dhe 47 franga ndërsa në Zvicër, 62 franga. Dallimet e përmendura, sipas njohësve të problematikës, shpjegohen jo me çmimet që mishit ua caktojnë pridhuesit (blegëtorët) por me koston e transportit, therrtoreve dhe shitjes me pakicë. Me fjalë tjera, edhe sikur blegtorët ta ofronin mishin pa pagesë, ai në shitore do të kushtonte më shtrenjtë se në vednet fqinje, ka thënë një njohës i industrisë së mishit. Marzha e lartë (pjesa e fitimit) te distributorët e mëdhenj në Zvicër është më e lartë se në vendet matanë kufijve, ankohen prodhuesit dhe ekspertët, përcjell albinfo.ch. Ndërsa nga Migros-i, si një shpërndarës i tillë thonë se çmimet e larta të mishit në Zvicër arsyetohen thjesht, me nivelin elartë të çmimeve të të gjitha produkteve këtu dhe me nivelin e të ardhurave. |
Posted: 22 Aug 2017 06:19 AM PDT
Ferizaj. 22.08.2017. AAK, dega në Ferizaj në takimin e fundit ka kompletuar listën e kandidatëve që do të konkurrojnë për Asamblenë Komunale të Ferizajt në zgjedhjet e 22 Tetorit. Me këtë rast është konfirmuar edhe njëherë se Xhavit Zariqi do të jetë ai i cili do të garojë për të parin e Ferizaj. Në këtë takim është konfirmuar edhe lista për kandidat të cilët do të garojnë për Asamblenë Komunale të Ferizajt. Kjo është lista e plotë e kandidatëve për Asamlenë Komunale nga AAK dega në Ferizaj. 1.Xhavit Zariqi 2.Naim Ferati 3.Xhemile murati 4.Izet Rushiti 5.Faruk Hyseni 6.Hatixhe Bungu 7.Dugagjin Hetemi 8.Arsim Sahiti 9.Aurora Ramadani 10.Kemer Kemeri 11.Shemsedin Sojeva 12.Zymrije Haxhimusa 13.Fatmir Azizi 14.Zymer Berisha 15.Remzije Elezi 16.Muhamet Murati 17.Jehona Nuhaj 18.Edona Krosa 19.Perparim Qalaj 20.Ferat Neziri 21.Fatushe Azemi 22.Nexhmedin Bajrami 23.Halim Salihu 24.Mirjete Beqiri 25.Shemsi Shaqiri 26.Kenan Berisha 27.Fahrije Hoxha Beqiri 28.Arber Lohaj 29.Sabit Musliu 30.Agnesa Bobi Syla 31.Fejzulla Behluli 32.Ridvan Sallahu 33.Edita Potera 34.Rinor Rexhepi 35.Albion Murseli 36.Antigona Sadiku 37.Arber Ibrahimi 38.Haki Mehmeti 39.Dinore Sylejmani 40.Arben Behluli 41.Besim Nuhiu 42.Nadie Burrniku 43.Bujar Arifi 44.Hamide Mehmeti 45.Muhamet Halili |
Shpronësimet dhe uzurpimet edhe më tutje sfida të Drejtorisë për Pronë, Gjeodezi e Kadastër Posted: 22 Aug 2017 05:33 AM PDT
Ferizaj.22.08.2017. Në raportimin e punës gjashtëmujore drejtori që udhëheq me sektorin e Pronës, Gjeodezisë dhe Kadastrit, Fatmir Azizi ka treguar se edhe për këta 6 muaj është kryer një punë voluminoze. Drejtori Azizi sqaroi se ka pasur edhe sfida, por që me përkushtimin e stafit janë tejkaluar pa ndonjë telashe të theksuar. Në të trija fushat ku qytetarët kanë nevojë për dokumente të ndryshme u tha se janë lëshuar me mijëra dokumente. Ndër pengesat që janë paraqitur edhe në këtë periudhë 6 mujore tek drejtoria e Pronës, Gjeodezisë dhe Kadastrit ka qenë buxheti i ulët për shpronësime i cili është në vlerë rreth 300 mijë euro. "Gjatë katër viteve të fundit nga kjo qeveri komunale , janë realizuar disa projekte infrastrukturore si asfaltime e kanalizime. Për këto punë është dashur të bëhen shpesh edhe shpronësime, ndërsa buxheti ka qenë mjaft i ulët, por ia kemi dalë disi. Shpresojmë që për vitet e ardhshme do të ndahet më shumë buxhet. |
Vlerësohet lartë figura e Bajram Rexhepit: Burrështetas, atdhetar dhe humanist i madh Posted: 22 Aug 2017 04:12 AM PDT Në ceremoninë komemorative të mbajtur për ish- kryeministrin e Kosovës, Bajram Rexhepi, liderët e vendit e kanë vlerësuar lartë figurën e ish-kryeministrit, duke u cilësuar si burrështetas dhe humanist. Presidenti i Kosovës, Hashim Thaçi, tha se ish– kryeministri i Kosovës, Bajram Rexhepi, ka qenë profil i burrështetasit, atdhetarit dhe humanistit. Ai në mbledhjen komemorative të organizuar për Rexhepin, ka thënë se në karrierën e tij politike, shefi i parë i qeverisë së Kosovës, ka qenë njëra ndër personalitetet më emblematike dhe me virtyte të rralla. "Doktor Bajram Rexhepi, ishte mjeku i parë i Ushtrisë Çlirimtarë të Kosovës (UÇK). Në vitet 1998 – 1999, ai gjendej kudo ku ishte beteja: në Shalë, në Llap, Drenicë, Mitrovicë. Përherë ishte pranë ushtarëve dhe qytetarëve të plagosur. Ai i besonte drejtësisë, luftës për liri. Kudo që ishte mbillte shpresë, optimizëm dhe besim. Ai u dedikua më tërë forcën par bashkimin e qytetit të Mitrovicës, derisa u angazhua me tërë kredibilitetin njerëzor në strukturat e PDK-së, që nga themelimi i saj. Për rreth dy dekada ishte ndër liderët kryesor të partisë. Me Bajramin kam vizituar dhe takuar shumë qytetar, nëpër fshatra dhe lagje, ku nga të gjithë respektohej dhe çmohej shumë", ka shtuar Thaçi. Ndërsa,kryeministri i Republikës së Kosovës, Isa Mustafa, në një fjalë rasti në tha se Rexhepi ishte personalitet shumëdimensional, për shkak të shërbimit që e ka bërë ai sipas tij, ndaj shtetit të Kosovës. Ai tha se Rexhepi ishte njeriu më adekuat për tu zgjedhur kryeministër i vendit, në periudhën e pasluftës. "Ai u ballafaqua me sfida: siç ishin protestat e vitit 2004. Rexhepi ishte bartës i shumë pozitave shtetërore, por mbi të gjitha ishte personalitet i rëndësishëm politik. Do të mbetet personalitet i Kosovës, duke lënë gjurmë të mëdha në Kosovë. Do të mbetet mend si politikan që mbajti fjalën, njeri i dijshëm dhe komunikativ. La gjurmë të rëndësishme në shtetndërtimin e vendit tonë. La gjurmë po ashtu si mjek humanist në luftë dhe paqe. Njeri që e donte jetën familjen dhe vendin e tij. Është humbje e madhe për familjen, miqtë dhe shoqërinë e Kosovës", ka theksuar Mustafa. |
A është i mundshëm transferimi i Coutinhos në Barcelonë.? Ky është lajmi i fundit (Foto) Posted: 22 Aug 2017 04:05 AM PDT Skuadra e Philippe Coutinho beson se tani është praktikisht e pamundur që futbollisti i tyre të bashkohet me Barcelonën nga Liverpool këtë verë, raporton, RAC1 nëpërmjet Mundo Deportivo. Barcelona ka paraqitur tri oferta për brazilianin, të cilat janë refuzuar nga Liverpooli, të cilët kanë insistuar se Coutinho nuk do të shitet, transmeton, ORAinfo. Dhe, sipas Guillem Balague i Sky Sports, Barcelona do të tërheqë ofertën e tyre pas vendosjes së Liverpoolit./ORAinfo/ |
You are subscribed to email updates from FerizajPress. To stop receiving these emails, you may unsubscribe now. | Email delivery powered by Google |
Google Inc., 1600 Amphitheatre Parkway, Mountain View, CA 94043, United States |
Lexo edhe: