Tirana Observer: “Kur do të martohen Xhensila dhe Besi? Më në fund u zbulua” plus 9 more |
- Kur do të martohen Xhensila dhe Besi? Më në fund u zbulua
- PAPARACI/ Zhvishen ministret e Ramës, shfaqen “sexy” duke pushuar në bregdet
- Eva Longoria pushime në Marbella me mikeshën e saj
- Aleati i Ramës: Shqipëria në prag të një ndryshimi të madh, nuk ka lidhje me zgjedhjet
- Aksident tragjik në autostradë. Një grua e vdekur, plagoset rëndë i mituri
- Këngëtarja e njohur e skenës shqiptare, gjyshe për herë të parë: Është lajmi më i bukur
- Vajza e Norës dhe Robertit, një vogëlushe e ëmbël …
- Komentuesi mallkon Ramen: ‘Paç fatin e atyre që u mbytën në Vlorë”, Kryeministri i përvishet …
- Harroni binjakët e Beyonce-s, Rihanna mesa duket është shtatzënë
- Shkencëtari shqiptar që tronditi mbretërinë. Pse Zogu e dënoi me 101 vite burg?
Kur do të martohen Xhensila dhe Besi? Më në fund u zbulua Posted: 16 Jul 2017 09:30 AM PDT Që kur u mësua se dasma do të ishte këtë vit, në të gjitha intevistat pyetja për Besin dhe Xhensilën ka qenë e njëjtë: "Kur do të martoheni?" Xhensila, si natyrë supersticioze, nuk ka dashur ta zbulojë, por edhe partneri i saj, aktori i njohur i humorit, me gjithë lojën e tij, ka ditur t'i bëjë bisht së njëjtës pyetje sa herë ka qenë i ftuar nëpër intervista. Tani, më në fund, e mësuam. Korriku ishte një prej muajve që mendohej se do të organizohej dasma, por çifti e mohuan këtë pa dhënë më shumë detaje. Gazetarët e lajmeve të showbiz-it, në një speciale për dasmat e këtij viti, kanë zbuluar për "Lart e poshtë" se Xhensila dhe Besi do të martohen në shtator. Datën, ende nuk e kemi mësuar, por të paktën zbuluam muajin. Edhe pse çifti vazhdon t'i mbajë detajet hermetike, është mësuar se dasma do të jetë shumë e madhe dhe me shumë të ftuar VIP, miq të të dy artistëve. Xhensila, ndërkohë, ka zgjedhur edhe fustanin e nusërisë. Përveç detajeve të pakta, edhe ceremonia e martesës pretendohet të jetë private dhe larg syrit kureshtar të mediave. Një dasmë vetëm për vete, kështu e duan. |
PAPARACI/ Zhvishen ministret e Ramës, shfaqen “sexy” duke pushuar në bregdet Posted: 16 Jul 2017 09:19 AM PDT
Pas një muaji intensiv fushate për zgjedhjet për Parlamentin e Shqipërisë, erdhi momenti për pak relaks. Politikanët shqiptarë, kryesisht ata të majtë, kanë zgjedhur plazhin e Dhërmiut për t'u freskuar në fundjavat e temperaturave super të larta. Kryesisht me familjet, por edhe me miq, ata janë fotografuar nga paparaci ynë në relaks të plotë. Të majtët kanë fituar betejën e 25 qershorit dhe pushimet i kanë mëse të merituara, ndërkohë që të djathtët nuk na i zuri sytë asgjëkundi. Mesa duket, humbja e thellë, si dhe kriza e brendshme, deri në zgjedhjen e kryetarit të ri të PD, ka bërë që t'i vonojnë edhe pak pushimet. Në foto duket ish-ministri i Shëndetësisë Ilir Beqaj, i cili kryesonte listën e kandidatëve për deputetë në zonën e Dibrës. Ai arriti ta fitojë mandatin. Një hyrje e re në Parlament do të jetë edhe drejtori i OSHEE-së, Ardian Çela. Ai është parë së bashku me Beqajn dhe familjet e tyre, duke bërë plazh në Dhërmi. Ish-ministret shfaqen në super formë në plazh Në fillim drejtoreshë e QSUT-së dhe për pak javë ministre e Shëndetësisë, Ogerta Manastirliu nuk është një portret shumë i njohur, pasi ndenji pak si ministre. Ajo u zëvendësua me një nga ministrat teknikë të vendosur në paktin Rama-Basha. Por, paparacit tonë nuk mund t'i shpëtonte. Ogerta ishte në Dhërmi fundjavën që lamë pas, së bashku me familjen e saj, fëmijët dhe bashkëshortin. Aty ajo është takuar dhe ka biseduar me shumë miq. Tashmë zonja Manastirliu do të jetë pjesë e Grupit Parlamentar të Partisë Socialiste si një nga deputetet e Tiranës. Nuk ka munguar edhe këtë verë, si gjithmonë, ish-ministrja e Integrimit Klajda Gjosha. Ajo nuk lë rast pa shkuar në Dhërmi, madje edhe kur ka qenë në muajt e fundit të shtatzënisë. Si gjithmonë elegante dhe në superformë, Klajda është parë në shoqërinë e nënës së saj dhe të mikeshave apo kushërirave. Nëse për Ogertën mund të ketë shumë shanse që të bëhet përsëri ministre, nuk mund ta themi të njëjtën gjë për Klajdën, e cila do të jetë deputete edhe këtë legjislaturë si pjesë e Grupit Parlamentar të LSI-së, por kjo forcë politike nuk do të jetë më pjesë e qeverisjes, kështu që nuk besojmë të kemi ministra nga LSI-ja në qeveri. Sadri Abazi shfaqet trendy në plazh Deputeti i Partisë Socialiste prej disa legjislaturash, i rikonfirmuar edhe në këto zgjedhje, Sadri Abazi, ka zgjedhur si shumë kolegë të tij që të pushojë në plazhet e Jugut. Edhe pse ka prejardhje nga Veriu, konkretisht Dibra, ai prej vitesh as nuk kandidon atje për deputet, por në Tiranë. Dhe, mesa duket, as plazhet e Veriut nuk i preferon më. Paparaci ynë e ka kapur teksa rrinte me miq dhe ajo që të bie në sy, është pamja e tij si e një djaloshi të ri. Bluzë moderne dhe kapele me strehë pas, bëjnë që Abazin ta shohim me sy tjetër. Në përgjithësi deputetët jemi mësuar t'i shohim me veshje shumë formale dhe kjo pamje është interesante dhe kurioze për ne./panorama
|
Eva Longoria pushime në Marbella me mikeshën e saj Posted: 16 Jul 2017 09:04 AM PDT Një kostum plazhi ngjyrë portokalli dhe një këmishë oversize të bardhë për të mbuluar format për Eva Longoria. Pas zërave për një shtatzëni në prill, (të cilat aktorja i mohoi), artistja është detyruar të fshehë format poshtë një kostumi banjoje trupor. E ulur në një shezlon me mikeshën e saj, ish 'Shtëpiakja e dëshpëruar' përpiqet të jetë shumë e kujdesshme, të mos tregojë më shumë seç duhet. |
Aleati i Ramës: Shqipëria në prag të një ndryshimi të madh, nuk ka lidhje me zgjedhjet Posted: 16 Jul 2017 08:45 AM PDT Spartak Ngjela, aleati i kryeministrit, Edi Rama në një status të publikuar në "Facebook" ka argumentuar se Shqipëria sipas tij ndodhet në prag të një ndryshimi të madh dhe që sipas tij nuk ka lidhje me zgjedhjet. Por cili do të jetë ndryshimi? Ja si e argumenton avokat Ngjela: Nga Spartak NGJELA
|
Aksident tragjik në autostradë. Një grua e vdekur, plagoset rëndë i mituri Posted: 16 Jul 2017 08:30 AM PDT Një aksident me pasojë një të vdekur dhe një fëmijë të plagosur ka ndodhur pasditen e sotme në autostradën Levan- Tepelenë. Ngjarja ka ndodhur në fshatin Cakran, ku shtetasi Th.Sh, 54 vjeç, banues në Patos, duke drejtuar mjetin tip "Skoda" me targë ZKY 1790, ka dalë nga rruga. Si pasojë e aksidentit ka gjetur vdekjen e menjëhershme nëna e tij, shtetasja A.Sh, 88 vjeçe dhe ka pësuar dëmtime djali i tij i mitur 8 vjeç, i cili u dërgua me ambulancë në Spitalin Rajonal Fier. Grupi hetimor po punon për zbardhjen e shkaqeve të ngjarjes.
|
Këngëtarja e njohur e skenës shqiptare, gjyshe për herë të parë: Është lajmi më i bukur Posted: 16 Jul 2017 08:23 AM PDT
"Sytë duhet t'i kthesh gjithmonë nga jeta…." Kështu tha dhe këtë bëri Irma Libohova vetëm pak ditë pas ndarjes nga jeta të bashkëshortit të saj. Të gjithëve u kujtohet momenti kur u ngjit në skenë e përlotur dhe tha se dhimbjen do ta mbajë për vete, ndërsa për publikun do të vazhdojë të këndojë ashtu siç ka bërë për gjithë jetën e vet. Sot, katër muaj më pas, përveç boshllëkut që ndien nga mungesa, Irma është gëzuar me një lajm shumë të bukur. Së shpejti, ajo do të bëhet gjyshe për herë të parë. Nusja e djalit të saj është në pritje të ëmbël dhe pas pak muajsh, familja e tyre do të gëzojnë një jetë të re. Me një ndjesi të përzier, me lot dhimbjeje e gëzimi në të njëjtën kohë, Irma tregon për "Lart e poshtë" se është lajmi më i bukur që i ka ardhur në këtë periudhë: "Unë besoj që ky është lajmi më i bukur dhe prandaj themi gjithmonë që duhet t'i kthejmë sytë nga jeta. S'ka gjë më të bukur kur vjen një jetë. Thonë që është një ndjesi shumë e bukur, s'e kam provuar. Shumë shpejt, besoj që do të kemi një intervistë tjetër për të dhënë edhe ndjesinë e të qenit gjyshe…"
|
Vajza e Norës dhe Robertit, një vogëlushe e ëmbël … Posted: 16 Jul 2017 08:01 AM PDT
Ata janë pa dyshim një ndër çiftet më të bukura të showbiz-it shqiptar. Po flasim për Nora Istrefin dhe Robert Berishën. Prej 10 vitesh së bashku, Nora dhe Robertin kanë edhe një vajzë të vogël po aq të bukur sa ata. Në fakt Renee, është një kopje në miniaturë e babait të saj. Ajo ka marrë çdo gjë nga ai, për sa i përket pamjes së jashtme. Në postimet e ndryshme Nora dhe Roberti na kanë njohur pak a shumë me tipin e saj, ku gjithmonë shfaqet mjaft e qeshur. Edhe këtë të diel në fakt Nora ka postuar një video në Instastory ku ngjan aq e ëmbël sa më s'ka. |
Komentuesi mallkon Ramen: ‘Paç fatin e atyre që u mbytën në Vlorë”, Kryeministri i përvishet … Posted: 16 Jul 2017 07:52 AM PDT
Pas ngjarjes tragjike dje në Vlorë, ku brenda një ditë u mbytën 4 persona, qytetarët janë shprehur të indinjuar për mungesën e rojeve bregdetare në plazhe. Kryeministri Edi Rama ka publikuar një status në 'Facebook' ku sqaron shkrimet e disa mediave greke se ai po kalon pushimet në Parga së bashku me bashkëshorten. Por ndjekësit e kanë shfrytëzuar si mundësi për të komentuar dhe shprehur pakënaqësitë e tyre. Një qytetar shprehet mjaft i indinjuar për mungesën e rojeve në plazhet e vendit, duke i shkruar Ramës të ketë edhe ai fatin e atyre që u mbytën dje në Vlorë. Komentuesi: A ka roje bregdetare aty ku i beni pushimet ju? ishalla jo, dhe paç fatin e atyre te pafateve te djeshem ne Vlore. Amin Replika e Ramës: Gafurr, ti s'ke faj se mendja jote xhiron vetem kur i ben thirrje barku per ushqim dhe ty eshte e kote te te mundosh duke te kerkuar te pertypesh edhe informacionet, pervec ushqimit, por meqe merr persiper kot te nxjerresh edhe fjale nga zorret, po jap informacionin si me poshte jo qe te bindesh ti se sa kot rron po qe me kete rast ta lexojne edhe te tjeret: Pjesa e bregut te Vlores ku ka ndodhur fatkeqesia me djalin e vogel, as nuk perdoret nga bashkia si plazh publik, as nuk i eshte dhene ne asnje centimeter per perdorim subjekteve private si plazh nga bashkia. Sepse aty eshte ende ligjerisht kantier ndertimi! Te tjerat jane brockulla te ziera ne kazanin mediatik e politik, per arsye e qellime qe vetem me humanizmin nuk kane asnje lidhje. |
Harroni binjakët e Beyonce-s, Rihanna mesa duket është shtatzënë Posted: 16 Jul 2017 07:35 AM PDT
Për një moment harroni binjakët e divës së muzikës pop Beyonce, dhe të përqëndrohemi tek një tjetër këngëtare po aq e suksesshme, si Rihanna. Disa kohë më parë u përfol se ajo mund të ishte shtatzënë, pasi kishte shtuar disa kile. Më pas këngëtarja nga Barbadosi, publikoi disa foto ku dukej mjaft në formë, dhe kjo zhurmë u shua disi. Por revista "People", shkruan se Rihanna mund të jetë shtatzënë me sheikun miliarder, Hassan Jameel. Çifti mesa duket nuk e kanë historinë e tyre thjesht një flirt veror, por gjërat janë bërë serioze mes tyre. Sipas "People", dyshimet për shtatzëninë e Rihanna-s kanë ardhur për disa arsye. 1.Rihanna shfaqet kohët e fundit gjithmonë e veshur me rroba të gjëra, çfarë hedh dydhimet se ajo po mundohet të fshehë barkun.(Më poshtë shikoni të gjitha fotot dyshuese të Rihanna-s) 2.Ajo në restorantet që frekuenton kujdeset shumë për ushqimin që përzgjedh, dhe nuk konsumon alkool(gjë e pazakontë kjo për Riri-n) 3.Fotot që Rihanna poston në Instagram, janë foto të vjetra të saj, çfarë tregon se ato aktualet do e nxirrnin zbuluar divën e muzikës pop. |
Shkencëtari shqiptar që tronditi mbretërinë. Pse Zogu e dënoi me 101 vite burg? Posted: 16 Jul 2017 07:31 AM PDT Doktor Sait Bilal Golemi ishte një mjek veterinar, shkencëtar dhe atdhetar i shquar. Do të lindte në Golem të Kurveleshit. Babai i tij ishte fukara,ndaj në vitin 1906 do detyrohen të mërgojnë me gjithë familjen nëTurqi dhe të vendosen në qytetin e Stambollit. Bilali kishte ruajtur në zemër bukuritë e Golemit, pa harruar gjuhën e nënës, vazhdoi shkollën fillore dhe të mesme. Më 1923 kreu dhe shkollën e Veterinarisë Ushtarake dhe u diplomua mjek toger. Me shpenzimet e tij shkoi në Gjermani për specializim të lartë. Atje pati mundësi të qëndronte vetëm 4 muaj se shpenzimet e shkollimit ishin tepër të shtrenjta. Kaloi në Paris ku vazhdoi Institutin Pastuer, por nuk neglizhoi edhe profesionin e parë, veterinarinë. Në Paris u njoh me shkencëtarë të famshëm. Atje u martua me një franceze fisnike. Por zemra i rrihte për atdheun e lindjes. Më 1928 u vendos në Shqipëri, bashkë me nusen franceze të shqiptarizuar. Zonja Nilyfer edhe shqipen dhe turqishten i fliste fare bukur. Kur erdhi Dr. Bilal Golemi për shërbim në Shqipëri. Ahmet Zogu ishte vetëshpallur "Mbret i shqiptarëve". Doktor Bilali nisi të shërbejë në lëmin e zooteknikës duke bërë hulumtime në këtë degë. Dr. Bilal Golemi, i brymosur në Turqinë qemaliste dhe i kalitur në Francë, si republikan, demokrat e laik, nuk pajtohej me qëndrimin feudal monarkist. Po dhe Ahmet Zogu kërkonte gjithmonë rastin për t'a futur në grackë doktor Golemin. Doktori themeloi laboratorin bakterologjik-veterinar. Mirëpo reaksionarët atë do ta përziejnë me lëvizjen e Vlorës më 1930. Gjykata zogiste do e dënojë doktorin me 101 vjet burgim. Golemi protestoi me grevë urie dhe nuk hoqi dorë nga pikëpamjet e tij demokratike. Regjimi i Zogut për shkak të presioneve të brendshme popullore e të jashtme, Dr. B. Golemin bashkë me disa shokë të tjerë si Dr. Tare Libohova etj, e fali më 13 shkurt 1935. Shkencëtari, i sakatosur në mushkëri, shkoi prapë në Turqinë qemaliste, ku u prit me kënaqësi. Punën e nisi në "Hara" të Karaxhabejit afër Bursës, më pas shokët e tij e thirrën në Ankara. Në kryeqytet punoi si bakteriolog, mori pjesë në shumë kongrese kombëtare e ndërkombëtare dhe u dallua si shkencëtar i rrallë. Më 1952 u emërua drejtor i qendrës shëndetësore "Refik Saydam" e cila ishte një spital pilot. Doktor Golemi që vuante nga enfizema e trashëguar nga burgjet e Shqipërisë zogiste, do të vdiste më 15 mars 1955 në Stamboll, duke u varrosur në Istinye, në brigjet e Bosforit, pranë babait të tij, Ali Golemi. Dr. Sait Bilal Golemi më 1952-in kishte marrë nga qeveria franceze medaljen "Legjion d'Honneur". Gjithashtu Shqipëria do ta nderojë me Urdhërin e Punës të Klasit të I-rë dhënë nga Kuvendi Popullor më 1969. Doktor Bilal Golemi ka kryer më tepër se 50 studime shkencore origjinale në lidhje me profesionin e tij. Një dhomë në "Refik Saydam Saglik Merkezi" është pagëzuar me emrin "Dr. Sait Bilal Golemi Salonu". Në këtë sallon zhvillon aktivitetin e tij laboratory B.C. G./Konica.al |
You are subscribed to email updates from Tirana Observer. To stop receiving these emails, you may unsubscribe now. | Email delivery powered by Google |
Google Inc., 1600 Amphitheatre Parkway, Mountain View, CA 94043, United States |
Lexo edhe: