RTSH: “Kosovë, ambasadorët: Do të punojmë me çdo qeveri të formuar ligjërisht” plus 9 more |
- Kosovë, ambasadorët: Do të punojmë me çdo qeveri të formuar ligjërisht
- Castro kritikon Trump, i bën thirrje për dialog
- OKB: Përfundojnë bisedimet për paqe në Siri pa rezultate
- Qafështama, mjekësi natyrore pa investime
- Rreshen, mbetjet urbane derdhen në lumin Zmeja
- Atentat në qendër të Shkodres, plagosen tre persona
- Mijëra pushues kosovarë drejt bregdetit shqiptar
- Blair: “Vullneti i britanikëve” mund të ndryshojë kur vështirësitë e Brexit-it të duken më qartë
- Francë: Përkujtohen viktimat e Nisës
- Turqi, një vit nga grushti i shtetit
| Kosovë, ambasadorët: Do të punojmë me çdo qeveri të formuar ligjërisht Posted: 15 Jul 2017 07:29 AM PDT Ambasadat e pesë vendeve kryesore perëndimore, Shteteve të Bashkuara, Francës, Gjermanisë, Italisë dhe Mbretërisë së Bashkuar, thanë se do të punojnë me çdo qeveri të formuar ligjërisht dhe që respekton përkushtimet e Kosoves në agjendën evropiane për reformë dhe perspektivën më të gjerë evropiane të Kosoves. Në një deklaratë të përbashkët të këtyre ambasadave thuhet se ” ashtu siç e kemi bërë të qartë vazhdimisht – qytetarët e Kosovës janë ata që zgjedhin përfaqësuesit e tyre. Vetëm këta përfaqësues janë përgjegjës për krijimin e një qeverie të re në bazë të ligjeve dhe Kushtetutes së Kosoves. Ne do të punojmë me çdo qeveri të formuar ligjërisht dhe që respekton përkushtimet e Kosoves, agjenden evropiane për reformë dhe perspektivën më të gjerë evropiane të Kosoves". Ata u bëjnë gjithashtu thirrje partive politike që e formojnë qeverinë e ardhshme që të kenë përparësi të punës sundimin e ligjit, luftën kundër korrupsionit dhe krimit të organizuar në mënyrë që të tërheqin investimet për krijimin e vendeve të punës dhe për rritje të qëndrueshme ekonomike. Që nga çertifikimi i rezultateve të zgjedhjeve një javë më parë, partitë politike po bëjnë përpjekje për të siguruar votat e nevojshme për të formuar qeverinë. Kandidati për postin e kryeministrit të Kosoves nga radhët e koalicionit të Partisë Demokratike, Aleances për Ardhmërinë e Kosoves dhe Nismes për Kosoven, Ramush Haradinaj, u ka bërë thirrje partive politike që të fillojnë këshillimet për ngritjen e institucioneve të reja, posaçërisht lëvizjes Vetëvendosje dhe koalicionit të prirë nga Lidhja Demokratike e Kosoves. |
| Castro kritikon Trump, i bën thirrje për dialog Posted: 15 Jul 2017 07:19 AM PDT Presidenti kuban, Raul Castro kritikoi politikën e Trumpit për Kubën duke e përshkruar atë si një "dështim" i presidentit amerikan ndaj kombit të Karaibeve, ndërsa bëri thirrje edhe për dialog mes palëve. "Çdo strategji që kërkon të shkatërrojë revolucionin, nëpërmjet shtrëngimit, presionit ose metodave të fshehta do të dështojë", tha Castro gjatë mbylljes së një seance të Asamblesë Kombëtare. Në qershor, Trump tha se ai kishte anuluar marrëveshjen "krejtësisht të njëanshme me Kubën" të administratës së mëparshme, nën drejtimin e paraardhësit të tij ish-presidenti, Barack Obama, i cili kishte rivendosur lidhjet diplomatike me Havanën pas 50 vjetësh. Një muaj më parë, duke iu drejtuar amerikanëve me origjinë kubaneze gjatë një konference për shtyp në Majemi, Trump tha se ai do të vendoste disa kufizime ndaj udhëtimeve dhe tregtisë me Kubën edhe pse do të linte të paprekura shumë nga reformat e Obamës. Trump njoftoi kufizime mbi kompanitë amerikane që bëjnë biznes me kompanitë ushtarake kubane dhe vendosjen e kufizimeve ndaj udhëtimeve nga qytetarët amerikanë në Kubë. |
| OKB: Përfundojnë bisedimet për paqe në Siri pa rezultate Posted: 15 Jul 2017 07:16 AM PDT Raundi i shtatë i bisedimeve për paqe në Siri, i cili organizohet nga OKB, ka përfunduar në Gjenevë pa ndonjë shenjë të arritjes së marrëveshjes. "Ne kemi përparuar në disa aspekte, ashtu siç kemi shpresuar", ka thënë i dërguari special i OKB-së për Siri, Staffan de Mistura. Ai i ka dhënë këto deklarata pas një prezantimi të shkurtër para Këshillit të Sigurimit të OKB-së për bisedimet e zhvilluara. Mistura ka pasur takime të ndara gjatë javës me përfaqësuesit e qeverisë siriane dhe grupeve opoziatare, pasi dy palët nuk kanë pranuar që të bisedojnë me njëra-tjetrën. I dërguari special i OKB-së, e ka konsideruar si sukses ngushtimin e dallimeve ne mes të tri grupeve opozitare, dhe sipas tij ato tani kanë një pozicion më të bashkuar. Mosmarëveshjet në mes të grupeve opozitare janë arsyeja kryesore pse përfaqësuesit e presidentit sirian Bashar al-Assad, nuk pranojnë të negociojnë me këto grupe. Mistura ka thënë se dëshiron të bashkojë grupet opozitare përpara se të nisin bisedimet e perbashkëta edhe me qeverinë, duke shtuar se shpreson që ky hap do të arrihet deri në raundin e ri të bisedimeve që pritet të nisin në shtator. Ai ka paralajmëruar se përpjekjet jashtë negociatave për të luftuar grupet terroriste në Siri, janë të prira drejt dështimit. |
| Qafështama, mjekësi natyrore pa investime Posted: 15 Jul 2017 07:10 AM PDT Parku kombëtar i Qafshtames i ka shpëtuar masakrës së shkatërrimit në sajë të banorëve të fshatit Qafshtamë. Ato u vetorganizuan dhe nuk lejuan prerjen e këtyre pyjeve madhështore të këtij kampi, i cili sot është kthyer në një qendër turistike mjaft të preferuar, por mbi të gjitha në një qendër kurative të pazëvëndësueshme për njerëzit që vuajnë nga astma bronkale dhe të tjerë të prekur nga sëmundjet e mushkërive. Pas disa viteve heshtje për arsye të ndryshme, pika ka filluar aktivitetin e saj prej më shumë se një dekadë dhe fluksi i pushuesve vazhdon të jetë në rritje të vazhdueshme nga viti në vit. Pushues të ardhur nga gjithë vendi, të cilët kanë dëgjuar apo e kanë provuar famën e QafëShtamës për të kuruar sëmundjet, falë ajrit dhe ujit të cilësisë së lartë. Por jo gjithçka e zgjidhin bukuritë e mrekullitë e natyres. Pushuesit kërkojnë më shumë kushte për parkun kombëtar, të mbetur prej dekadash pa investime, përveç rrugës se re për të ardhur deri aty. "Gjafshtamën e vlerësojmë shumë për ujin, për klimën , për mikpritjen. Psh mungon një dyqan që tjetë i përgjithshëm" tha njëra nga pushueset. " Zakonisht vijnë shumë ata që janë asmatik apo që vuajnë nga ftohjet, për mushkëritë, është një kurë e vërtetë" theksoi një banor i zonës." "Vendi shumë i mirë, një shërbim i mirë e njerëz shumë të mirë e të edukuar. Ktu cilësia duhet më e mirë e ushqimit" tha një tjetër pushues. |
| Rreshen, mbetjet urbane derdhen në lumin Zmeja Posted: 15 Jul 2017 06:45 AM PDT Lumi Zmeja qe përshkon anën veriore të qytetit të Rreshenit ndodhet në një gjendje skandaloze. Në të aktualisht po qarkullojnë vetëm ujërat e zeza të qytetit të cilat kanë krijuar një situatë jo normale, duke përhapur një aromë mbytëse por edhe duke u bërë një rrezik serioz për përhapjen e sëmundjeve dhe epidemive. Në këtë lumë gjithashtu hidhen çdo ditë mbetje të shumta urbane. E megjithë këtë gjendje skandaloze, bashkia e Rreshenit nuk ka marrë asnjë masë madje, siç thonë banorët, as që duken fare. Mbetjet urbane nuk janë të vetmet që hidhen në këtë lumë pasi gjatë gjithë gjatësisë së tij çdo ditë hidhen edhe mbetje dhe inerte të shumta, duke zvogëluar shtratin natyror të tij. Për pasojë në raste shirash të rrëmbyeshëm ai shkakton dëme dhe përmbytje të mëdha siç ka ndodhur dimrin e kaluar ku u përmbyt e tërë unaza e qytetit të Rreshenit. |
| Atentat në qendër të Shkodres, plagosen tre persona Posted: 15 Jul 2017 06:32 AM PDT Tre persona janë plagosur pas një atentati me armë zjarri mesditën e sotme në Shkodër. Ngjarja ndodhi në sheshin demokracia të qytetit, ku dyshohet se shtetasi me iniciale T. L, i cili po lëvizte me një golf ngjyrë jeshile, ka qëlluar tetë herë ndaj një 32 vjecari i cili mendohet se ka qenë shenjetra e atentatit. Si pasojë, shtetasi Dionis Lisi, 32 vjeç, ka mbetur i plagosur, por nga të shtënat kanë mbetur të plagosur edhe dy kalimtarë të rastit, të cilët aktualisht janë jashtë rrezikut për jetën. Pas ngjarjes, autori është larguar drejt Shirokës, ndërsa uniformat blu gjetën automjetin e tij të braktisur në fshatin Zogaj. Arma e krimit u gjet në një kontenier mbeturinash. Policia ka ngritur pika të shumta kontrolli, ndërkohë që po kryhet krehja e zones per kapjen e autorit të dyshuar apo dhe të ndonjë bashkëpunëtori të mundshëm. |
| Mijëra pushues kosovarë drejt bregdetit shqiptar Posted: 15 Jul 2017 06:26 AM PDT Gjysma e parë e Korrikut ka shënuar një fluks të ngjeshur të lëvizjes në kufirin Kosovë-Shqipëri ku mijëra kosovarë udhëtojnë kryesisht për pushime në plazhet e Durrësit, shëngjinit apo dhe Velipojës. Në sportelet e Pikës së Kalimit të Kufirit në Morin punohet me gjashtë sportele me personel shtesë, të ndihmuar edhe nga policia e Kosovës me proçedura të thjeshtuara për të shmangur rradhët e gjata e që mund të krijohen. Pushuesit nisen herët nga zonat e tyre në Kosovë apo Maqedoni, që në orën 03.00 të mengjesit për të përfituar orët me diell në detin e Shqipërisë. "Sot po iki me familje në Shëngjin. Po na duket më pastër, më mirë, më mikpritje. Ka hapsirë më shumë e mund të akomadohemi më shpëjt. Vitin që kaloi mka ndodh që mos me gjet vend në Shëngjin e jemi detyru mu kthy me shku në Durrës" u shprehen disa pushues. Deri në orën 08.00 të ditës së sotme në hyrje janë shënuar afërsisht 11 mijë persona me 3.300 automjete të vogëla si dhe rreth 70 autobuzë. |
| Blair: “Vullneti i britanikëve” mund të ndryshojë kur vështirësitë e Brexit-it të duken më qartë Posted: 15 Jul 2017 06:17 AM PDT Disa liderë të Bashkimit Europian mund të jenë të përgatitur të tregohen fleksibël në lëvizjen e lirë të njerëzve, për ta ndihmuar Britaninë të qëndrojë në tregun e përbashkët. Kështu shprehet ish-kryeministri britanik, Tony Blair, për programin 'Today' në rrjetin BBC. Një mundësi sipas tij është që Britania të qëndrojë në një Bashkim Europian të reformuar, një program që vetë Europa tashmë po shqyrton. Qeveria këmbëngul se Brexit do t'i japë Mbretërisë së Bashkuar kontroll më të madh të kufinjve të saj, por Blair argumenton se situata në Europë ka ndryshuar krahasuar me një vit më parë. Kryeministrja aktuale, Theresa May, është zotuar të mbajë nën kontroll emigrimin në Bashkimin Europian dhe ka përsëritur angazhimin e saj për uljen e migracionit neto në disa dhjetëra mijëra persona.Por kryenegociatori i unionit Michel Barnier është shprehur se lëvizja e lirë e njerëzve, mallrave, shërbimeve dhe kapitaleve, pra parimet kyçe të tregut të përbashkët, janë të pandashme, e për këtë arsye Britania nuk mund të qëndrojë në tregun e përbashkët. Ish-kryeministri Blair e sheh si dëmtues këtë pozicionim të vendit. Ai nxiti lidershipin e Partisë Laburiste të përkrahë një pikëpamje radikalisht të ndryshme për Europën. Blair gjithashtu është ndalur edhe në një analizë të zgjedhjeve të përgjithshme në Britani. Ish-kryeministri argumentoi se humbja e konservatorëve ishte vota e qytetarëve për të ndaluar një Brexit të rëndë dhe për të refuzuar mandatin që Theresa May po kërkonte. |
| Francë: Përkujtohen viktimat e Nisës Posted: 15 Jul 2017 06:13 AM PDT Një koncert madhështor në homazh të viktimave të sulmit që tronditi Nisën vitin e kaluar përmbylli ditën e gjatë të ceremonive përkujtimore në përvjetorin e tragjedisë të premten. Pjesë e koncertit ishte Orkestra e Filarmonike e Nisës, aktorë francezë, kompozitori i njohur Michel Legrande dhe dirigjenti rus Valery Gergiev. Një memorial i përbërë nga pllaka në një segment rruge u kompletua përgjatë ditës nga familjarë të viktimave, banorë të Nicës dhe turistë. Mesazhi 170 metra i gjatë përfshin moton e Francës "Liberte, Egalite, Fraternite". Familjarët e viktimave lëshuan në qiell 86 tollumbacë, aq sa ishin viktimat e sulmit, ndërsa banorë të Nicës lëshuan 300 të tillë. |
| Turqi, një vit nga grushti i shtetit Posted: 15 Jul 2017 03:57 AM PDT Turqia kujton sot një vjetorin e grushtit të dështuar të shtetit, ku të paktën 260 persona humbën jetën dhe 2.196 u plagosen. Një fraksion i ushtrisë u përpoq të merrte pushtetin nga Presidenti Rexhep Taip Erdogan, por përpjekja dështoi. Që prej grushtit, qeveria ka arrestuar 50.000 persona dhe ka shkarkuar më shumë se 150.000 punonjës nga institucionet shtetërore në një spastrim që vijoi deri në prag të përvjetorit. Sidoqoftë, kjo kundërpërgjigje e ashpër e Presidentit ka nxitur tashmë opoziten. Kritikët thonë se Erdogan po përdor spastrimet për të frenuar mospajtimin politik. Një protestë e madhe u organizua javën e kaluar. 15 korriku është deklaruar ditë pushimi kombëtar. Presidenti Erdogan do të marrë pjesë në një tubim në Stamboll, në uren përballë Bosforit, vendi ku turmat u përballen me ushtarët. Në mbarë Stambollin mund të shihen postera gjigande ku tregohen njerëz që përballen me ushtarët pro-grushtit të shtetit. Erdogan e ka konsideruar këtë moment si rilindjen e Turqisë, por shumë mendojnë se grushti kujton përpjekjet për përçarjen e vendit. Autoritetet turke vijojnë të akuzojnë klerikun mysliman Fethullah Gülen si orkestrues të puçit, por ky i fundit mohon të jetë përfshirë. |
| You are subscribed to email updates from RTSH-Radio Televizioni Shqiptar. To stop receiving these emails, you may unsubscribe now. | Email delivery powered by Google |
| Google Inc., 1600 Amphitheatre Parkway, Mountain View, CA 94043, United States | |
Lexo edhe:
