Ora News: “Dua Lipa dhe Dj Martin Garrix pushime romantike në Miami” plus 9 more |
- Dua Lipa dhe Dj Martin Garrix pushime romantike në Miami
- Të shtëna me armë gjatë natës, terrorizohen banorët
- Këngëtarja e famshme mahnitëse në MMVA
- “Mos shpërndani lekë për fushatë”, kërcënohet me armë 33-vjeçarja
- 74-vjeçarja profesioniste në bodybulding
- Grabitet kantina e verës, autorët lidhin rojen dhe marrin kasafortën
- Divjakë, qëllon tre herë me thikë 60-vjeçarin, arrestohet autori
- Aksidentohet familja shqiptare, 4 të plagosur, 2 prej tyre fëmijë
- Nëndetësja luksoze që mban brenda 20 pasagjerë
- Partia e Macron fiton shumicën parlamentare
| Dua Lipa dhe Dj Martin Garrix pushime romantike në Miami Posted: 19 Jun 2017 12:35 AM PDT Ylli më i ri i popit Dua Lipa dhe Dj Martin Garrix po shijojnë së bashku pushime në Miami. Ata janë fotografuar së bashku teksa DJ i famshëm përqafonte këngëtaren me origjinë shiptare dhe e puthte në faqe. Asnjë nga ata nuk e ka konfirmuar që janë në një lidhje por fotot flasin vetë. Çifti 21-vjeçar ka realizuar dhe një këngë së bashku “Scared To Be Lonely”. Martin Garrix është votuar si një nga DJ më të mirë në botë nga revista DJ Mag.
/Oranews.tv/ Të parët për lajmin e fundit. Ndiqni Oranews.tv në Facebook dhe në Twitter |
| Të shtëna me armë gjatë natës, terrorizohen banorët Posted: 19 Jun 2017 12:28 AM PDT Në orët e para të mëngjesit të sotëm është raportuar për të shtëna me armë zjarri. Policia sqaron se ngjarja ka ndodhur në rrugën "Njazi Meka" në Tiranë. "Më datë 19.06.2017, rreth orës 02:30, në numrin e emergjencave civile 112, ka ardhur një njoftim se në rrugën “Njazi Meka”, ka të shtëna me armë zjarri. Nga verifikimet ka rezultuar se në këtë segment është qëlluar një herë në ajër me armë zjarri", tha policia. Në cilësinë e provës materiale është sekuestruar një gëzhojë model 56. Grupi hetimor po punon për identifikimin dhe kapje e autorit/ëve. /Oranews.tv/ Të parët për lajmin e fundit. Ndiqni Oranews.tv në Facebook dhe në Twitter |
| Këngëtarja e famshme mahnitëse në MMVA Posted: 19 Jun 2017 12:20 AM PDT Këngëtarja e famshme, Iggy Azalea i ka mahnitur të gjithë me veshjen e saj në Much Music Video Awards të dielën. Bukuroshja 27-vjeçare kishte veshur një fustan ngjyrë rozë të çarë që ia tregonte format trupore bombastike në mënyrë perfekte. Ajo performoi në skenë këngën e saj “Switch” dhe është nominuar për çmimin Most Buzzworthy International Artist. Këngëtarja është në konkurim me yje të muzikës si Kendrick Lamar, Lady Gaga, Lorde, dhe Ed Sheeran për marrjen e çmimit.
/Oranews.tv/ Të parët për lajmin e fundit. Ndiqni Oranews.tv në Facebook dhe në Twitter |
| “Mos shpërndani lekë për fushatë”, kërcënohet me armë 33-vjeçarja Posted: 19 Jun 2017 12:17 AM PDT Një 33-vjeçare nga Dajçi i Lezhës ka denoncuar në policisë se është kërcënuar nga disa persona të armatosur. Ngjarja ka ndodhur ditën e djeshme rreth orës 14:50 ku në sallën e Komandimit u mor njoftimi se në fshatin Gjadër, Njësia Administrative Dajç, shtetasja M.N., 33 vjeçe, banuese në Gjadër është kanosur me armë zjarri nga disa persona. "Nga tërësia e veprimeve të deritanishme rezulton se rreth orës 14:30, shtetasja M.N. së bashku me vëllain shtetasin E.N., kur po lëviznin me automjetin e tyre në Gjadër janë ndaluar nga një mjet fuoristradë tip ‘Benz’, nga ku kanë zbritur 3 persona. Sipas kallëzimit të shtetases M.N., njëri prej tyre nën kërcënimin e armës së zjarrit pistoletë i ka kanosur ata dhe familjarët e tyre, me motivin që mos të shpërndanin lekë për fushatë elektorale", sqaron policia. Nga veprimet hetimore rezulton se autorë të dyshuar të kësaj vepre penale janë shtetasit: Veprimet në lidhje me këtë ngjarje janë kryer në bashkëpunim me Prokurorinë e Rrethit Gjyqësor Lezhë dhe vazhdojnë hetimet për dokumentimin e plotë ligjor të kësaj ngjarje. Strukturat e Policisë po punojnë për kapjen e personave të shpallur në kërkim në lidhje me këtë ngjarje. /Oranews.tv/ Të parët për lajmin e fundit. Ndiqni Oranews.tv në Facebook dhe në Twitter |
| 74-vjeçarja profesioniste në bodybulding Posted: 19 Jun 2017 12:02 AM PDT Është në formë fizike të shkëlqyer, ka një bashkëshort 23 vite më të vogël dhe bën me shumë ushtrime fizike se çdo adoleshent. Ajo është Janice Lorraine, 74 vjeç dhe është profesioniste në bodybulding. Gjyshja nga Canberra po përgatitet për të udhëtuar drejt Tajlandës për tu bërë pjesë e konkursit të bodybulding me bikini që të fitojë titullin ndërkombëtar. Janice ka hyrë në botën e bodybuilding gati 20 vite më parë, pasi u tërhoq nga puna e saj si këshilltare në një shkollë. Ajo bën 60 pompa çdo në ditë, vrapon 32 km në javë dhe përdor 13 makina të ndryshme në palestër. Fillimisht familja e saj nuk ishte aq e impresionuar nga arritjet e saj dhe bashkëshorti me të cilin ka 26 vite e martuar shpesh e ngacmonte. Por tani Janice është në rrugën e saj drejt titujve botërore dhe shpreson që përpjekjet e saj do të vazhdojë të frymëzojë njerëzit në moshë madhore për të jetuar jetën e tyre në maksimum.
/Oranews.tv/ Të parët për lajmin e fundit. Ndiqni Oranews.tv në Facebook dhe në Twitter |
| Grabitet kantina e verës, autorët lidhin rojen dhe marrin kasafortën Posted: 18 Jun 2017 11:59 PM PDT Një kantinë vere në Rrashbull të Durrësit ka rënë pre e grabitjes. Ngjarja ka ndodhur në orët e para të mëngjesit të sotëm rreth orës 04:00. Policia sqaron se: Më datë 19.06.2017, rreth orës 04:00,në Rrashbull, në Kantinën e Verës "Gjergj Kastrioti", tre persona me maska, kanë hyrë në ambientet e Kantinës, kanë lidhur rojen dhe në një nga zyrat kanë marrë një kasafortë. Më pas kanë marrë edhe mjetin e Kantinës, furgon tip Benz me targa DR 3538 D dhe janë larguar. Me të marrë njoftim menjëherë në vendngjarje kanë shkuar Efektivet e Policisë, të cilët po punojnë për identifikimin dhe kapjen e autorëve. /Oranews.tv/ Të parët për lajmin e fundit. Ndiqni Oranews.tv në Facebook dhe në Twitter |
| Divjakë, qëllon tre herë me thikë 60-vjeçarin, arrestohet autori Posted: 18 Jun 2017 11:55 PM PDT Policia e Divjakës ka arrestuar një 38-vjeçar pasi ka tentuar të vrasë me thikë një 60-vjeçar. Blutë e qytetit të Divjakës thanë se "ngjarja ka ndodhur mbrëmjen e djeshme në vendin e quajtur “Tregu i fruta perimeve” Divjakë, shtetasi Kujtim Ymeri ka tentuar të vrasë me thikë duke e qëlluar 3 herë shtetasin N.S, 60 vjeç, banues në lagjen Nr 2 Divjakë. Menjëherë në vendngjarje ka shkuar policia dhe falë veprimeve të shpejta bëri të mundur kapjen dhe arrestimin në flagrancë të autorit, shtetasit Kujtim Ymeri, 38 vjeç, banues në fshatin Shën e Premte, Divjakë." Ndërkohë shtetasi N.S pasi mori mjekim në Spitalin Rajonal Lushnje u largua për në banesë. Materialet i kaluan Prokurorisë pranë Gjykatës së Shkallës së Parë Lushnje për veprën penale ” Vrasje me dashje e mbetur në tentativë” parashikuar nga Nenet 76 dhe 22 të Kodit Penal. /Oranews.tv/ Të parët për lajmin e fundit. Ndiqni Oranews.tv në Facebook dhe në Twitter |
| Aksidentohet familja shqiptare, 4 të plagosur, 2 prej tyre fëmijë Posted: 18 Jun 2017 11:28 PM PDT Katër anëtarë të një familje shqiptarë janë plagosur në një aksident në Itali. Ngjarja ka nodhur pasditen e djeshme në autostradën e Villafallettos në Saluzo. Mediat italiane raportojnë se makina e drejtuar nga një shqiptar është përplasur me një tjetër makinë, ku kanë mbetur të plagosur drejtuesi i mjetit, bashkëshortja e tij dhe dy fëmijët 10 dhe 7 vjeç. Policia raporton se familja shqiptare është dërguar menjëherë në spital, ndërsa gjendja e dy fëmijëve, e djalit 10 vjeçar dhe e vajzës 7 vjeçe është më e rëndë. Ndërkohë që në mjetin tjetër ndodhej një çift i ri, të cilët janë jashtë rrezikut për jetën pasi kanë marrë ndihmën e parë në spital. /Oranews.tv/ Të parët për lajmin e fundit. Ndiqni Oranews.tv në Facebook dhe në Twitter |
| Nëndetësja luksoze që mban brenda 20 pasagjerë Posted: 18 Jun 2017 11:26 PM PDT Jeni të lodhur nga jahti juaj privat apo helikopteri? Nuk duhet të shqetësoheni pasi shumë shpejt mund të keni nëndetësen tuaj. Neyk është 18 metra e gjatë dhe ka kapacitet për të mbajtur 20 pasagjerë. E kompletuar me sallë pritjeje, një restorant, kuzhinë dhe bibiotekë nëndetësja luksoze arrin një thellësi prej 500 metrash brenda në det. Prodhuesit e saj thonë se ajo është shumë e shpejtë dhe nuk është fare e zhurmshme. Ndërsa ndriçimi dhe sistemi i ajrit të kondicionuar do të jenë të dizanjuara me porosi për nevojat specifike të secilit klient. Neyk, në bashkëpunim me Ocean Submarine dhe Rolls-Royce, po ndërtojnë prototipin e parë në Hollandë dhe do hedhin në treg në jannar 2018. Çmimi i saj akoma nuk është bërë i ditur, por me shumë siguri duhet të punojmë shumë fort për ta përballuar atë.
/Oranews.tv/ Të parët për lajmin e fundit. Ndiqni Oranews.tv në Facebook dhe në Twitter |
| Partia e Macron fiton shumicën parlamentare Posted: 18 Jun 2017 11:13 PM PDT Partia e qendrës e presidentit të Francës, Emmanuel Macron, fitoi shumicën në zgjedhjet parlamentare të 18 qershorit. Rezultatet e pjesshme pas rrethit të dytë të zgjedhjeve tregojnë se Partia Republika Përpara dhe aleatët e saj do të fitojnë 355 deri në 425 ulëse të Asamblesë Kombëtare prej 577 vendesh. Rezultatet, nëse konfirmohen, do t'i japin presidentit Macron, 39 vjeç, mandat të fortë për t'i çuar përpara planet për reforma. Ato po ashtu do të ndryshojnë në mënyrë dramatike hartën politike, e cila është dominuar tradicionalisht nga Republikanët konservatorë dhe Partia Socialiste. Pritet që Republikanët dhe aleatët e tyre të formojnë bllokun më të madh opozitar me 107 deri në 133 ulëse në Parlament, ndërsa Partia Socialiste, e cila ka qenë në pushtet gjatë pesë vjetëve të kaluar, dhe partnerët e saj të sigurojnë 30 deri në 49 ulëse. Pjesëmarrja në zgjedhje ka qenë rreth 44 përqind. Kryeministri i Francës, Edouard Philippe, tha se votuesit francezë i kanë dhënë "shumicën e qartë presidentit të republikës dhe qeverisë". Ai e pranoi se pjesëmarrja në zgjedhje ka qenë e ulët, duke thënë se "abstenimi nuk është kurrë lajm i mirë për demokracinë". Liderja e ekstremit të djathtë, Marine Le Pen, ka fituar ulëse në Parlament për herë të parë dhe rezultatet e pjesshme tregojnë se partia e saj Fronti Kombëtar do të fitojë katër deri në tetë ulëse. Ndër synimet e shprehura të Macronit janë zbutja e rregullave strikte të punës në Francë dhe reduktimi i dhjetëra-mijëra vendeve të punës në sektorin publik./REL/ Të parët për lajmin e fundit. Ndiqni Oranews.tv në Facebook dhe në Twitter |
| You are subscribed to email updates from Ora News. To stop receiving these emails, you may unsubscribe now. | Email delivery powered by Google |
| Google Inc., 1600 Amphitheatre Parkway, Mountain View, CA 94043, United States | |
Lexo edhe:
