Forumi Shqiptar: “2016-17 Bowl schedule, scores, TV listings, matchup information” plus 16 more

---

• 2016-17 Bowl schedule, scores, TV listings, matchup information
• have been in the College Football Playoff discussion
• games and played in the Pac-12
• Perënditë dhe Perëndeshat Ilire
• Ju lutem per ndonje keshille !
• Urim shoqnor :
• Urim viti ri miqve shum te dashtun .
• Ndihme per projekt ide
• Historia e fjalorit të gjuhës shqipe me 20 mijë fjalë të Konstandin Kristoforidhit
• Shuhet ylli i skenës shqiptare Bujar Lako
• Prokuroria për KQZ: Shkarko nga detyra Selamin, Tahirin dhe Elvis Rroshin. Kanë të shkuar kriminale.
• Blushi kryeminstrit Rama në parlament: "Nuk e kap Eskobarin e Metës se ke frikë se të bie qeveria!"
• Greqi: Leje qëndrimi biometrike për emigrantët duke filluar nga prilli 2017
• Sot festojnë ditëlindjen :
• Shqiptarët të pakënaqur me qeverinë, shumë të pakënaqur me opozitën
• Kajmaqin(qumeshtore)
• Sot festojnë diiëlindjen :

2016-17 Bowl schedule, scores, TV listings, matchup information Posted: 29 Dec 2016 05:56 PM PST Oklahoma State vs Colorado Live Stream Alamo Bowl 2016 Live Stream Alamo Bowl 2016 Live Stream

have been in the College Football Playoff discussion Posted: 29 Dec 2016 05:53 PM PST Oklahoma State vs Colorado Live Stream Alamo Bowl 2016 Live Stream Alamo Bowl 2016 Live Stream

games and played in the Pac-12 Posted: 29 Dec 2016 05:47 PM PST Oklahoma State vs Colorado Live Stream Alamo Bowl 2016 Live Stream Alamo Bowl 2016 Live Stream

Perënditë dhe Perëndeshat Ilire Posted: 29 Dec 2016 12:39 PM PST Varrosjet dhe Besimi te Iliret Ne i njohim ilirët kryesisht nga varret e tyre, në të cilat ata kanë investuar shumë, sikur shpirtërisht ashtu fizikisht. Ne menyre te veqant karakteristike e Ceremonies e varrimit ilir ishte një grumbull gurësh dhe dheun mbi varr. Edhe pse varret e tilla nën tuma gjetur ne disa rajone të Evropës, Epoka e Bronxit, ilirët kane vazhduar edhe jashtë për vazhdimin e praktikave të tilla edhe në disa zona, edhe në periudhën romake. Në mungesë të fragmenteve të kockave, vetëm te varrosurit objekte mund të tregojnë dallimin në mes të një mashkulli dhe një varr femër, siç është rasti me varret mbretërore në Atenica pranë Qacakut. 28 Kalimi gradual nga rituali për vendosje trupi rituale djegje, në kohët romake përgjithësisht interpretohet si një shenjë respekti të madh për jetën e përtejme. Por pas të gjitha të dhënat në dispozicion, adhurimit te mishërimin e gjarprit e Nënës së Madhe, Thane dhe Vidasusit ishin të zakonshme për të gjitha fiset ilire kryesisht për shkak se kjo hyjni të lidhura me kultin e bujqësisë dhe pjellshmërisë. Sipase gjetjeve jane te regjistruar mbi 66 Perendi e Perendesha ilire Perendit dhe Perndeshat Ilire Bindi (zot i detit dhe ujit në përgjithësi, të ngjashme me Neptunit Romak ), Vidasus (zot i kullotave, e cila ishte e ngjashme me zotin Silvan), Draconi dhe Draccena: çift hyjnor. Perëndeshë Nutrika: mbrojtës i fëmijëve. Sentona - perëndeshë që ishte i lidhur me kultin e bujqësisë. Ika- Nimfa e një lumi në Liburni (po dhe në Flamona) perëndeshë e pjellorisë. HistrijA (Histria) - perëndeshë mbrojtës i të gjithë zonën gjeografike të Istrise. Mezana ka qenë hyjni supreme e daunëve dhe mesapëve Boria - zot i erës. Nebra - perëndeshë e stuhive dhe mjegullave. Trita - perëndeshë e shëndetit. Emri i saj nuk ka ne zonen përkatësia te Istrias tashmë mund të shihet në emrat e territorit të Bosnjës dhe Hercegovinës në format Tritan, Tritanon ose Traitan. Melosoka - ilire lokale zot mbrojtës . Anzotika-Hyjneshë e liburnëve me atribute të hyjneshës së bukurisë dhe të dashurisë (Afërditës, Prende: perëndeshë e dashurisë. Boa: gjarpri hyjnore.). Verbti: Perëndi i zjarrit dhe eres veriore që shkakton zjarret. (në shqip: Bukuri e qiellit) në kohë të lashta ilire tre perëndit që ndanë botën në qiell, deti dhe nëntokës. Thana, Tana, Thiana ose Zana (te shqiptarët): perëndeshë ilire barazohet me Diana romake,ata kishin tri dhi me brirë të artë. Dioni Duali ishte hyjni e ilirëve paionë. Derroni është hyjni e ilirëve peionë Andini apo Deus Andinus ishte hyjni e trevave dardane. Në malet shqiptare Zana jeton si ora e malit, stolisur me guxim dhe bukuri. Medauri ose Armatosi: zot i luftës,kanë emra etnikisht ilirë. Paraqitur hipur një kali, me një shtizë në dorën e majtë. Deo Andin dhe se janë gjetur vetëm në veçanti ne rajonin Dardan - perëndi ilire dedikuar Tatu Redon: mbrojtës i marinarëve. Epidamni është hyjni i taulantëve Perëndi në fytyrën e djalit afere për të cilën duket delfin. Perendi ose Shurda: zot thunder, burri i perëndeshës Prende. Tadenus (perëndi i bukurisë, muzikës dhe i shërimit, e cila është identifikuar me Apollonin greke), Parthinusi (ndoshta zot suprem i fisit Parthinian) dhe disa perëndi të tjera dhe perëndesha. Perëndia Zbeltiurdus (Zbeltiurdud, Zbelsurdus) përmendet në tre mbishkrimet e gjetura në monumente në Dardani (monumente të dedikuara për zot Zbeltiurdus u gjetën në Kaçanik (Kaçanikut), Lubanci afër Shkupit (Shkup) dhe në Dovezencu pranë Kumanovës (Kumanov). "Megjithatë, pavarësisht nga fakti se ai ishte zot suprem i fiseve trak Denteleta. i cili ishte identifikuar me Zeusin dhe Jupiterin romake, beson se ai mund të adhurohet si Perëndi vendase dardane 1.lloj ene prej balte nga Donje Doline Bosne 2.Altar nga Vedenisa pran Podujeves dedikim perendeshese Dardane 3.Altar nga fshati Smire Viti, Kosove dedikuar perendeshes vendase Dardane 4.Fig. 4. Monument perëndi ilire dedikuar Tatu Në Buljesovce ( Vranjë) (Bulesovc Vramjes) gjetur një monument (Fig. 4) e cila është ngritur nga një oficer i ushtrisë, i cili ka një shfaqje të mirë dhe ka një përkushtim Deo Attonipal, që është, përveç në këtë mbishkrim të panjohur. Fotografitë e Bashkëngjitura

Ju lutem per ndonje keshille ! Posted: 29 Dec 2016 12:11 PM PST PErshendetje un jam nje vajz 18 vjeqare jam ne fakultet .. aty kam pa nje djal i cili eshte me ndryshe nga te tjeret. Eshte i shoqerueshem me gjinine mashkullore por nuk e kam pare duke biseduar ndonjehere me ndonje vajze apo duke e shikuar ndokend. Kam pas shum deshire ta kem nje shok te tille ne jeten time , pra ky ka qene qelllimi im i vetem. Keshtu ne pamundesi te afrimit me te ne ndonjem enyre tjeter vendosa te hap nje instagram fake dhe i shkruajta duke i thene se jam nje vajze te ciles ai i pelqen shume e gjera te tilla. Mirepo me kohen nuk munda pa i treguar se kush ne te vertete jam une dhe para se tja tregoj te verteten i tregova edhe arsyen pse e kam bere gjith ate .. ai tha se kishte deshire ti paraqitesha ne fk dhe perseri ti flas dhe tha se nuk do me bllokonte mirepo pasi i tregova me bllokoji .. pas dy ditesh ma heku bllokun .. pastaj perseri me bllokoi dhe kur ma heku per heren e dyte e bllokova une ! ne fakultet shpesh e shoh duke me shikuar por nuk mund te kuptoj se nese ai nuk deshiron te me flase pse me shikon ose psee me hiqte bllokun ?!:^naterres

Urim shoqnor : Posted: 29 Dec 2016 07:05 AM PST pershndetje i nderuemi lexues gezuar vitin e ri , e kalosh gezushem ,e ishalla me shndet e bollek z'bashkut me familje . Fotografitë e Bashkëngjitura

Urim viti ri miqve shum te dashtun . Posted: 29 Dec 2016 03:40 AM PST pershndetje i dashtuni lexues viti 2017 qoft vit gezimesh per ju . Fotografitë e Bashkëngjitura

Ndihme per projekt ide Posted: 29 Dec 2016 12:45 AM PST Pershendetje ! Dua te bej nje projekt program qe ti perkase fushes se trajtimit te personave te keqtrajtuar qe vijne nga vendet e luftes per arsye feje,etnie,race,gjinie,e tjera me sygjeroni ndonje teme dhe pse jo te jemi te gjithe pjese aktive ne kete projekt i cili do te jete merita juaj gjithashtu dhe e imja. Pse jo te jete nje nder projekt propozimet me te mira persa i perket kesaj fushe. Ky projekt duhet te permbaje disa ceshtje. *Titulli i projektit *Organizata propozuese. *Organizata zbatuese. *Data e fillimit te projektit. *Kohezgjatja e projektit. *Data e paraqitjes se projektit. *Pershrim i shkurter i projektit *Qellimet dhe objektivat e projektit. *Rezultatet e projektit. *Grupi i synuar. *Forma e organizimit te projektit. *Pershkrimi aktiviteteve te projektit. *Skedulimi i projektit. *Buxhet i detajuar i projektit. *Alokimi i burimeve. *Grupi i projektit. Do isha shum i lumtur ku secili prej prej nesh qe ndodhet ne kete forum te jepte mendimin e tyre . Faleminderit!

Historia e fjalorit të gjuhës shqipe me 20 mijë fjalë të Konstandin Kristoforidhit Posted: 28 Dec 2016 11:48 PM PST Kristoforidhi, historia e një fjalori të gjuhës shqipe me 20 mijë fjalë Në një numër të revistës "SHKOLLA KOMBËTARE", Organ i Ministrisë së Arsimit Viti i V, Nr.58, Prill 1943-XXI. Apostujt e Idealit Kombëtar, me autor profesor Aleksandër Xhuvanin, të bën përshtypje një jetëshkrim për rilindasin dhe babain e gjuhës shqipe, siç e quan Xhuvani Konstandin Kristoforidhin, por mbi të gjitha hidhet dritë për historinë e botimit të Fjalorit të Gjuhës Shqipe me njëzetmijë fjalë dhe kuptime fjalësh të përgatitur nga Kristoforidhi. Konstandin Kristoforridhi lindi në Elbasan më 1830. Mësimet e para i mori në shkollën fillore të Elbasanit dhe ato të mesme në gjimnazin grek të Zosimesë në Janinë. Mbas mbarimit të këtyre studimeve me ndërmjetësinë e një konsulli anglez, miku të babait të tij, i cili e kishte njohur qysh në Elbasan Kristoforridhi, vajti në Maltë, ku studjoi në një seminar protestantësh duke mësuar këtu gjuhët italisht dhe anglisht. Prej këtej ai shkoj si mësues në një shkollë fillore të greqishtes në lagjen orthodokse të Tiranës. Propozimin e kishte bërë patrioti Stefan Koja, i cili e njihte mirë Kristoforidhin. Më pas me fillimin e luftës së Krimesë me ndihmën e konsullit anglez ai u bë përkthyesi i forcave shqiptare, të cilët luftonin me rrogë në ushtrinë angleze. Me të hollat që fitoi nga kjo punë u nis për në Londër për të vazhduar studimet e larta. Këtu ai qëndroi për tre vjet dhe u njojt me "Shoqërinë Biblike" e cila kërkonte një njeri të zotin që të përkthente në gjuhën shqipe librat e shenjta. Siç shkruan më tej profesor Aleksandër Xhuvani, nuk dihet pse Kristoforidhi u nis për në Tunizi dhe ku punoi si mësues i greqishtes dhe i italishtes në një shkollë greke. Këtu ai bie në dashuri me një vajzë të një pasaniku grek dhe nga ky fryt dashurie ai pati katër djem edhe dy vajza. Përsëri e thërret Shoqëria Biblike për përkthimin në gjuhën shqipe të Shkrimit të Shenjtë. Ai punoi për këtë Shoqëri Biblike për afro 20 vjet me qendër në Stamboll, por ai duhej të vinte e shkonte shpesh në Shqipëri për të mbledhur nga goja e popullit lëndën e parë të gjuhës shqipe. Edhe pas një viti e thërriti Shoqëria Biblike me qendër në Stamboll por nuk e ftoi më për pëkthimin e librave të shenjtë e kështu ai u gjend i papunë në Stamboll. Ngeli keq ekonomikishte dhe përsëri u gjend në Elbasan në shkollën greke të lagjes orthodokse në vitin 1888 dhe më pas duke ditur shumë mirë gjuhën turke u bë anëtar gjyqi deri sa vdiq në vitin 1895. Kristoforidhi në kohën që ishte pranë Shoqërisë Biblike botoi gjithsej 13 vepra në gjuhën gegënishte dhe toskërishte. Nga të cilat 10 janë përkthime të librit të "Shkrimit të Shenjtë" dhe "Dhjata e Re" dhe pjesë nga "Dhjata e Vjetër" Psallme dhe Katakizma në gegërishte dhe toskërishte, tri të tjera prej këtyre janë pjesë origjinale si Abetare, "Historia e së Shejtës shkronjë" dhe gramatika. Për hartimin e këtyre veprave Kristoforidhi krijoi dy alfabete njërin latinisht dhe tjetrin në greqisht. Këto të fundit i shkrojti në dialektin toskërisht dhe atë gegënisht e shkrojti në latinisht. Këto vepra u shkrojtën në Stamboll sa ishte gjallë. Pas vdekjes së tij u botuan nëpër gazeta të ndryshme dhe shumë dorëshkrime të tij e gjetën dritën e botimit. Ndër to është për tu përmendur Fjalori i tij "Shqip-Greqisht" dhe me kuptimësinë e fjalëve shqipe. Aleksandër Xhuvani e quan një monument të gjuhës shqipe këtë fjalor me 502 faqe dhe me 20 mijë fjalë e format të madh, më i miri deri në atë kohë dmth në vitin 1943. Në këtë fjalor, të cilin Aleksandër Xhuvani siç thotë edhe vetë në këtë shkrim, nuk e ndaja nga dora. Shohim se si me një zell të pashoq, me siguri e përpikmëri i mbledh fjalët Kristoforidhi e po me kaq kujdes e hollësi i jep kuptimësi fjalëve. Sigurisht që fjalori i Kristoforridhit është bërë në një kohë kur leksikologjia nuk ishte aq e përparuar, nuk kishte sistemin organik siç bëhen fjalorët e sotëm të gjuhëve të huaja, por mbetet një thesar i paçmueshëm. Thuajse për çdo fjalë Kristoforidhi tregon edhe vendin se ku përdorej ajo në krahinat e ndryshme të Shqpërisë, tregon edhe për trajtat e ndryshme të fjalëve në gegënishte dhe toskërisht e jo vetëm në këto dialekte, por edhe në nëndialektet, tregohen sinonimet dhe kundërvënien e fjalëve, por shpesh bën edhe përkufizimin e tyre me përpikmëri dhe bukuri të madhe. "Meqë shumëkush nuk e di historinë e këtij fjalori dhe ende ka shumë gojëdhëna ja po ua tregoj historinë e tij", - shkruan Aleksandër Xhuvani. Kristoforidhi krahas punës për Shoqërinë Biblike punoi për fjalorin të cilin e pruri në Elbasan në formë dorëshkrimi. E gjithë bota shqiptare e dinte se Kristoforridhi e kishe hartuar një fjalor, ndaj dhe të gjithë prisnin me padurim daljen në dritë të tij, si një e mirë e madhe për gjuhën shqipe. Ata e dinin se Kristoforidhi e njihte me themel gjuhën shqipe e quhej babai i saj, dhe kjo vepër do të kishte sikur ka një rëndësi të madhe për gjuhën shqipe. Në anën tjetër Austriakët edhe Grekët u interesuan për ta botuar këtë vepër. Pas vdekjes së Kristoforidhit puna e solli që Fjalorin e bleu konsulli grek në Durrës i cili ia dërgoi qeverisë Greke. Në atë kohë shkruan Xhuvani unë isha në univesrsitetin e Athinës. Mbaj mend se në një gazetë të Athinës për disa politikanë botimi i këtij Fjalori ishte në dëm të interesave kombëtare greke në Shqpëri. Pasi siç e dimë helenizmi grek nëpërmjet kishës dhe organeve të saj është armike e betuar e gjuhës sonë edhe sot. Por ishte edhe një parti politike greke e cila e influencuar nga veprimtaria e Ismail Qemalit mendonte se duke e lejuar botimin e këtij Fjalori e duke e lëvruar këtë gjuhë shqiptarët do të bëheshin më të ndërgjegjshëm për kombin dhe miqësinë mes popujve. Për fat tonin zotëroi ky mendim i kësaj partie dhe qeverija greke e aprovoi botimin e këtij Fjalori. Diogjen Harito, shqiptarit nga Përmeti i cili ishte mësues në shkollën e mesme të Athinës, iu besua kjo punë. Kur unë isha student në Ahtinë në vitin 1904 u botua ky Fjalor e gëzimi i studentëve shqiptar në Athinë ishte i madhë. E u tha më pas se grekët si kundërshtar të çështjes shqiptare(si edhe serbët) mund të kenë vënë dorë mbi origjinalin dhe do ta kenë botuar sipas interesave të propogandës së helenizmit. Po kjo nuk është aspak e vërtetë. Së pari kur u vendos që të botohej nuk kishte arësye që të vihej dorë. Së dyti duhet një kohë e gjatë dhe një dije e thellë albanologjike dhe linguistike si e Joklit për ta marrë përsipër për ta kthyer sipas qëllimeve të propogandës së helenizmit. Fjalori është botuar krejt sipas dorëshkrimit të Kristoforidhit vetëm ka disa gabime shtypi që mund të diktohen lehtë nga ata që e dijnë mirë gjuhën shipe dhe atë greke, shkruan Aleksandër Xhuvani. Dorëshkrimi që edhe sot mund të gjendet në arkivat e Ministrisë së Jashtëme Greke( e që mjerisht nuk u bë gjallë asnjë qeveri shqiptare për ta kërkuar këtë dorëshkrim). Sido që të ketë qenë qëllimi i Grekëve të cilët e blenë këtë dorëshkrim të Fjalorit paska qenë një fat i mirë për ne. Ngjarjet e ndryshme që pasuan më pas Shqipërinë do të kishim ndoshta një fjalor të humbur apo të djegur, prandaj duhet me ua dit për nder atyre që u bënë shkak për botimin e këtij monumenti të gjuhës e një falenderim për Diogjen Hariton i cili u kujdes për botimin e këtij Fjalori. Si për hartimin e Fjalorit, por edhe përkthimi i Shkrimit të Shenjtë, duket se Kristoforidhi e njihte shumë mirë gjuhën shqipe. Ai njihte shumë mirë dialektin gegë e toskë, por edhe të folmet labërishte edhe të folmen e çamërisë si dhe të folmen e viseve të tjera të Shqipërisë. Shënon emrat e katundeve dhe qyteteve të Shqipërisë ku flitet akçe fjalë nga shkrimtarë si Budi dhe Bogdani. Kristoforidhi ka pasur një otografi si të Budit e të Bogdanit që edhe pse sot duket arkaike ai hendjen e gjuhës të lidhurit e fjalëve i ka shqipe pa asnjë ndikim të huaj. Kristoforidhin nuk mund ta kaloj kush edhe sot për nga niveli i njohjes së gjuhës shqipe prandaj me të vërtetë është babai i shqipes. Kristoforidhi ishte një burrë i madh e i pashëm, fliste kthjellët dhe kishte një timbër të rëndë, por të këndshëm. Ishte shumë i shoqërueshëm edhe pse ishte i gjezdisur e kishte parë vende e njerëz të shumtë nëpër botë, shumë herë e pyesnin. Por ishte dhe hokatar e kur u plak nuk i vinte fre gojës, por fliste me shpoti edhe fjalë të palara. E mbaj mend që vinte shpesh herë në kishë dhe predikonte shqip se ndër othodoksët është e lejuar predikimi edhe prej njerëzve të dijshëm. Kur vdiste në lagje ndonjë njeri i përmendur vinin Kristoforidhin me mbajtë shqip ligjëratën e varrimit dhe Lef Nosi mbaj mend ka copa të këtyre ligjeratave. Kur ishte plak Kristoforidhi e mbaj mend kur shkonte në gjykatore ose në Pazar. Unë isha atëhere në klasën e tretë qytetëze shkollë greke dhe gjuha shqipe me librat e Naimit ishte përhapur në Elbasan dhe lexohej fshehurazi prej njerëzve, një ditë më caktuan shokët të pyesja Kristoforridhin se si përkthehej fjala "Arete" nga greqishtja në shqip. Ai po pinte e duke ngritur shishen e rakisë mu përgjigj i thonë (punë e mirë). Vajta me vrap tek shokët e ata ngelën të pakënaqur e donin të ishte vetëm me një fjalë. E pyeta përsëri Kristoforidhin e ai mu përgjigj se nuk ka me një fjali. Të shumta janë anekdodat që ka lënë ai edhe sot e kësaj dite e u thoshte njerëzve që ta përsëritnin së bashku frazën në mënyrë që ta mbanin mend. Kristofridhi ka bërë histori për gjuhën shqipe. Prej atij u përhap shqiptarizma në Elbasan dhe prej tij mësuan gjuhën shqipe shumë njerëz. Edhe gratë e mësuan gjuhën shqipe dhe abetaren e Kristoforridhit. Prej Konstandin Kristoforidhit u fut gjuha shqipe në kishën orthodokse të lagjes Kala, - shkruan Aleksandër Xhuvani një dishepull tjetër i gjuhës shqipe. Kristoforidhi një jetë për gjuhën shqipe Leu në Elbasan më 1827, ndër burime të tjera figuron më 1830, i biri i tregtarit e kujunxhiut Anastas Ndelkas/Nelkos. Kur ishte 14 vjeç, mbaroi mësimet e shkollës qytetëse greqishte të qytetit dhe i ati e dërgoi në gjimnazin Zosimea të Janinës prej 1847 deri më 1850. Në Janinë u njoh me zv/konsullin austro-hungarez J. G. Hahn, i cili merrej me studimin e gjuhës shqipe dhe muar mësime për një kohë të gjatë prej tij për të studiuar shqipen mbi tekstin e Dhiatës së përkthyer nga Vangjel Meksi e të redaktuar prej Grigor Gjirokastritit. Ndihmoi po ashtu për "Studimet Shqiptare" të konsullit të përmendur. Vitet që vijuan e gjetën mësues në shkollat greke në Tiranë më 1852, Elbasan e Berat. Më 1853 i vdesin prindët, detyrohet të shesë gjithçka dhe u vendos në Durrës ku punoi te nuni i tij Mimi Xhufka. Udhëtoi mbarë Shqipërinë për tregti dhe në fillimin e 1857 e gjejmë në Izmir ku me gjasë u poq për herë të parë me misionarët protestantë amerikanë, ku u rekrutua nga filologu dr. Rigzi, mbrapa më 1 mars në Stamboll ku nisi punë si përkthyes për Shoqërinë Angleze dhe të Huaj Biblike. Ndoqi për katër muaj kurse në Robert College në lagjen Babek të Stambollit. Mbasandej duke parë se qe premtues e shpunë në Maltë (fund korriku 1857-1860) në kolegjin protestant, ku përfundoi përkthimin e Dhjatës së Re në të dy dialektet e shqipes. Dorëshkrimet e tij u dërguan në Londër më 15 mars 1860, por nga Londra nuk erdhi ndonjë përgjigje inkurajuese. U hodh në Tunis ku u martua me Eleninë dhe mësoi greqishte në një shkollë nga 1861 deri më 1865. Në fund të majit 1865 u gjend në Stamboll me përkthimin e kryer të Dhiatës së Re në gegnishte. Aleksandër Tomson i Shoqërisë Biblike përmes një njohtësie me një riosh shkodran të shkolluar, Nikollë Serreqin, i cili me të shkuar në Stamboll e ndih Kristoforidhin me redaktimin dhe sugjeron alfabetin latin me të cilin qe shkruar gegnishtja në Shkodër si traditë e autorëve të vjetër. Në nëntor të 1869 zgjedhet anëtar i Komisionit për Alfabetin e Shqipes. Me Eleninë pati shtatë fëmijë: Anastasin, Poliksenin, Anastasian, Kleopatrën, Aleksandrin, Stefanin dhe Filipin. Prej 1874 gjer më 1878 pati një ftohje në marrëdhëniet mes tij dhe Shoqërisë Biblike, prejse dyshohej që nuk besonte sipas qasjes protestante nga një keqkuptim që kishte pasë në Maltë. Me ndikimin e Alexander Thomson-it të degës së Stambollit u bë e mundur që të vazhdonte punën me Shoqërinë Biblike duke përkthyer e botuar, kështu që u zhvendos me këtë shkas në Stamboll familjarisht. Më 1884 u kthye në Shqipëri dhe i ndërpreu marrëdhëniet me Shoqërinë Biblike njëherë e mirë. U përpoq të hapte një shkollë shqipe në Tiranë, por qe e pamundur duke qenë se autoritetet osmane nuk e lejonin këtë gjë prej ndodhive të pas-Lidhjes së Prizrenit. Më 1888 u kthye në Elbasan ku punoi si gjyqtar, punë të cilën e ushtroi derisa vdiq më 1895 te shtëpia e Taq Budës. U varros mbrapa absidës kryesore të kishën Shën Mërisë. Kostandin Kristoforidhi Shqiptarja Fotografitë e Bashkëngjitura

Shuhet ylli i skenës shqiptare Bujar Lako Posted: 28 Dec 2016 11:38 PM PST Pëson atak ardiak, ndahet nga jeta aktori i madh shqiptar Bujar Lako. Rolet e paharrueshme që luajti Aktori i njohur shqiptar Bujar Lako është ndarë nga jeta në moshën 68-vjeçare, si pasojë e një ataku në zemër. Ngjarja ndodhi mëngjesin e sotëm rreth orës 8:30. Bujar Lako, aktori i mirënjohur shqiptar lindi në Tiranë më vitin 1948. Karrierën si aktor ai e filloi në Teatrin Kombëtar pas mbarimit të studimeve në Institutin e Lartë të Arteve në Tiranë, më 1973. Shumë shpejt u bë i njohur nëpërmjet filmave "Në fillim të verës" i G. Erebarës dhe "Përballimi" i V. Gjikës. Pas kësaj ai realizoi një serë figurash në rreth tridhjetë filma midis të cilëve mund të përmendim: "Gjeneral gramafoni" V. Gjika, "Udha e shkronjave" V. Prifti, "Ballë per ballë" K. Çashku, P. Milkani, "Kthimi i ushtrisë se vdekur" dhe "Gurët e shtëpisë sime" Dh. Anagnosti, "Amiko" Cizia Zyke, produksion francez. Në teatër ka interpretuar rreth shtatëdhjetë role, midis të cilëve veçojmë: "Vizita e inspektorit" Xh. Pristli, (Dh. Pecani), `Monserati" E. Robles (P. Mani), "Vdekja e një komisioneri" A. Miler (F. Haxhiraj), "Vdekja e Dantonit" Byhner (V. Milçin), "Ditë vere" Mrozhek, (B. Lako), "Ariu" Çehov (S. Duni) etj. Në vitin 1992 interepreton në Teatrin e Kombësive ne Shkup në produksionin "Varrtarët" . Në vitin 1975 është nderuar me çmimin e veçantë per filmin "Përballimi". Në vitin 1979 çmimin e veçantë për filmin "Ballë për ballë". Në festivalin e filmit të vitit 1979 vlerësohet si aktori me i mirë i festivalit dhe nderohet me kupën e festivalit për rolin e Halit i Beratit në filmin "Gjeneral gramafoni". Në vitin 1979 është lauruar me çmimin e Republikës së shkallës se parë, për filmat "Gjeneral gramafoni" dhe "Ballë për ballë". Në vitin 1982 është nderuar me urdhrin "Naim Frashëri" klasi i parë, për interpretim në teatër. Në festivalin e filmit të vitit 1991 është shpallur aktori me i mirë për interpretimin e rolit të gjeneralit në filmin "Kthimi i ushtrisë se vdekur". Në vitin 1985 fitoi titullin "Artist i Merituar" Në vitin 2005 ka marrë "Palmën e artë" si aktori më i mirë i Festivalit në edicionin e 29 "Cairo International Film Festival" me filmin "Megic Eye" të regjisorit Kujtim Çashku. Ky është çmimi më i madh i marrë nga një aktor Shqiptar në një festival të kategorisë A. Në vitin 2013 iu dha titulli "Nder i Kombit" nga Presidenti i republikës. Balkanweb Fotografitë e Bashkëngjitura

Prokuroria për KQZ: Shkarko nga detyra Selamin, Tahirin dhe Elvis Rroshin. Kanë të shkuar kriminale. Posted: 28 Dec 2016 11:21 PM PST PROKURORIA/ Dekriminalizimi: Lënë mandatin dy miqtë e Ramës dhe një çam. Ja dënimet që fshehën Prokuroria e Përgjithshme ka bërë të ditur se 2 deputetë dhe një kryebashkiak të cilët nuk kanë deklaruar procedimet penale. Sipas prokurorisë, dy deputet janë Dashamir Tahiri, deputet i PDIU-së dhe Shkëlqim Selami deputet i LSI-së. Ndërsa kryebashkiaku është Elvis Rroshi. Deklarata e prokurorisë Prokuroria e Përgjithshme pas verifikimeve te thelluara, ka konkluduar, se dy deputetë të Kuvendit të Shqipërisë dhe një kryetar Bashkie janë në kushtet e ndalimit të ushtrimit të funksionit, në bazë të ligjit per "Verifikimin e Integritetit të personave që zgjidhen, emërohen ose ushtrojnë funksione publike" ose te njohur ndryshe si Ligji I "Për Dekriminalizimin". Sektori i posaçëm i "Verifikimit të Integritetit të personave që zgjidhen, emërohen ose ushtrojnë funksione publike" në Prokurorinë e Përgjithshme, në bazë të kërkesave të Komisionit Qendror të Zgjedhjeve, ka kryer verifikim të thelluar, në bazë të të cilit ka konkluduar se janë në kushtet e ndalimit të ushtrimit të detyrës, funksionarët: Dashamir Tahiri, me funksion "Deputet" Shkëlqim Selami, me funksion "Deputet" Elvis Rroshi, me funksion Kryetar i Bashkisë Kavajë Në mënyrë të përmbledhur, Sektori i "Dekriminalizimit" në Prokuroria e Përgjithshme ka siguruar të dhënat, si vijon: Shtetasi Dashamir Tahiri, me funksion "Deputet" rezulton se nuk ka deklaruar në formularin e "Dekriminalizimit" të dhëna: Në vitin 1995 është raportuar nga policia në Foggia për krime lidhur me falsifikimin e parave; Në vitin 2009 është dënuar nga Gjykata në Ravena (për të vuajtur 9 muaj burgim) për përdorim të një leje drejtimi shqiptare të falsifikuar. Subjekti është kontrolluar disa herë nga policia; Subjekti Tahiri ka dhënë shpjegimet e tij në Sektorin e "Dekriminalizimit", duke deklaruar se nuk ka qenë në dijeni të dënimit me burgim në Ravena. Ndërsa, lidhur me procedimin për "fallsifikim parash", ka deklaruar se bëhet fjalë për një episod në autostradë, kur ai është mashtruar nga një kamarier lokali, i cili i ka dhënë para fallse. Shtetasi Shkëlqim Selami, me funksion "Deputet", rezulton se nuk ka deklaruar në formularin e "Dekriminalizimit" të dhëna për një masë sigurimi "arrest me burg", nxjerrë ndaj tij nga ana e gjykatës së Brindizit, si i dyshuar për pjesëmarrje në organizatë kriminale që merrej me "Trafikim të qënieve njerëzore". Masa ndaj tij është dhënë në vitin 1994 dhe është ekzekutuar në vitin 2006. Në kuadër të kësaj mase, ai ka qëndruar një javë në paraburgim në Brindizi dhe më pas është lënë i lirë, në vijim të hetimit. Shtetasi Elvis Rroshi, me funksion kryetar i Bashkisë Kavajë, rezulton se nuk ka deklaruar në formularin "Për Dekriminalizimin", si vijon: Një dënim për veprën penale të "Përdhunimit" në grup, në vitin 1995 në Itali Nuk ka deklaruar përdorimin e disa emrave në Zvicër Në prill 1993 ka hyrë në mënyrë të paligjshme në shtetin zviceran dhe ka kërkuar azil, 14 maj 1993, është ndaluar nga policia e Zyrihut për një rast droge dhe është dëbuar 4 muaj më vonë. Në korrik 1997 ka hyrë përsëri në mënyrë të paligjshme dhe ka kërkuar azil. Në gusht 1997 është dëbuar sërish. Në vitin 2015 DEA/US , ka informuar autoritetet zvicerane se po hetonin një shtetas të quajtur Enver Rroshi për trafik droge dhe pastrim parash. Në zbatim të ligjit "Për garantimin e integritetit të personave që zgjidhen, emërohen ose ushtrojnë funksione publike", Prokuroria e Përgjithshme ka njoftuar zyrtarisht mbi rezultatet e verifikimit Komisionin Qendror te Zgjedhjeve, duke konstatuar se subjektet deklarues të mësipërm përfshihen në fushën e ndalimit të parashikuar në nenin 2, pika 1, gërma a) dhe pika 2, gërma a) dhe b) të ligjit. Për të tre këto raste, krahas konstatimit të kushteve të ndalimit për ushtrimin e funksionit, Prokuroria ka nisur edhe hetimet për veprën penale të "Fallsifikimit te for,ulareve, neni 190 I Kodit Penal.. Ndërkohë, po vijon procedura e verifikimit në kuadër të ligjit "Për dekriminalizimin" edhe për një numër të konsiderueshëm zyrtarësh. Syri Fotografitë e Bashkëngjitura

Blushi kryeminstrit Rama në parlament: "Nuk e kap Eskobarin e Metës se ke frikë se të bie qeveria!" Posted: 28 Dec 2016 11:06 PM PST Interpelanca ne Kuvend - Blushi: Feudalizove krimin. S’e kap Balilin se bie qeveria. Rama: Je Saliu Nuk ka munguar ironia dhe batutat mes ish-miqve Edi Rama dhe Ben Blushi në interpelancën e thirrur nga ky i fundit së bashku me 6 deputetë të tjerë për të diskutuar mbi çështjen e integrimit. Blushi akuzoi Kryeministrin se për shkak të miqësive të tij me krimin ka bllokuar integrimin e vendit, ndërsa Kryeministri Rama tha se deputetët kërkues të interpelancës, nuk e kuptojnë procesin e integrimit. Tiranë- Për gati një orë e gjysmë kryeministri Edi Rama ka replikuar ashpër me deputetin themelues të LIBRA-s Ben Blushi. Dikur miq, sot armiq kryeministri Rama dhe deputeti Ben Blushi kanë folur me gjuhë të ashpër ndaj njëri tjetrit sot në seancën e interpelancës për shtyrjen pa afat të hapjes së negociatave me BE-në të kërkuar nga 7 deputetë. Për këtë interpelancë foli vetëm Blushi, të cilin Rama e quajti dembel, kopje e Saliut, por ndryshe nga ky është njeri që të lë në rrugë dhe që nuk ka hallin e datës së integrimit por të zgjedhjeve të ardhshme të qershorit 2017. “ Më vjen keq për Nardin e Vangjelin që flasin përmes Benit, do të ishte më mirë origjinali sesa kopja” tha Rama. Diskutimi kaloi në nivel personal, ku Blushi e akuzoi Kryeminstrin si shok të kriminelëve ndërsa Rama i kujtoi një vlerësim të cilin Blushi ia kishte bërë me marrjen e statusit të vendit kandidat. Blushi: Edi Rama nuk ka aftësinë për të qeverisur edhe në pikëpamjet time është i paaftë. Çfarë the ti? Që kjo interpelancë nuk është urgjente. Po kush është urgjente?Dalja e Lulzim Berishës nga burgu? Nëqoftëse se Gjykata Kushtetuese sot vendos që ligji i vettingut zhbllokohet, a hapen negociatat nesër? Rama: Sikur të mos kishin figurën dhe zërin, çfarë dallimi kishte nga Saliu zoti Beni? Kush ja dha Shqipërisë statusin? Ja dha reformat tona. Dhe nuk do ta kaloj kohën, por do të them që më kujtohet se vetë zoti Beni më ka bërë një kompliment të madh kur Shqipëria mori statusin e vendit kandidat. Vetëm ti tha, mund t’ia dilje kësaj. Hajde mohoje këtu tashi. Blushi: Nuk ke arritur dot të firmosësh aq shumë shkresa sa çka shkruar unë, akoma nuk i ke aq shumë shkresa sa çkam unë libra. Blushi iu drejtua me fjalor të ashpër: Disa herë e quajti frikacak njeri që ka feudalizuar krimin në Shqipëri sepse vetëm me votat e tyre mund të mbajë pushtetin. Në fund, Edi Rama tha se në zgjedhje të gjithë ata që baltosin qeverinë do të marrin përgjigjen e merituar, ndërsa Blushi nënvizoi se Shqipëria po mbillet me kanabis për të blerë zgjedhjet. Ora News po sjell të zbardhur gjithë debatin e ashpër në Kuvend mes Ramës e Blushit, dikur miq por që sot janë rivalë. Replika e pare Blushi: Kundërshtarët e integrimit në Parlament. Rama: Jeni si Saliu Blushi: Sot nuk ka më asnjë alibi dhe asnjë pretendim se ka qenë Europa ajo që s’na ka pranuar. Europa nuk paragjykon shqiptarët, por krimin, padrejtësinë, ekonominë dhe cilësinë e dobët të tregut të punës. Europa ka shpenzuar 10 mld eruo për të zgjidhur këto çështje, po ne kemi bërë më pak sec duhej. Ka ardhur koha ta themi të vërtetën sic është , kundërshtarët e integrimit janë në Shqipëri dhe ata janë politikanë, elitë politike dhe janë në këtë parlament. Ne nuk do lejohemi të shkojmë në Europë si shqiptarë të korruptuar. Kjo qeveri dhe Rama personalisht kanë bërë shumë pak për të mos thene se problemet i ka shtuar. kjo qeveri integrimin e ka parë si diplomaci dhe jo si cështje të brendshme për të përmbushur kriteret që në në fakt nuk janë kritere por kushte që shqiptarët i kanë vënë politikës. Ne besojmë se rama me politikën e tij të tolerancës armiqësore po polarizon shoqërinë. Rama po saboton reformën zgjedhore edhe është përgjegjës dhe kjo është aryseja që e kemi thirrur në interpelancë. Unë personalisht nuk kam shpresë se ai (Rama) ka aftësinë për të pranuar të vërtetat dhe aftësinë për të ndryshuar qeverisjen e vendit. Ben Blushi i drejtohet Valentina Leskajt: Shkoni në shtëpi si përgjegjës që keni sjellë krimin në Parlament. Jam këtu për ta dëgjuar dhe për të thënë të vërtetat e mia dhe të lutëm zonja Leskaj mos më ndërpitet se sot do ti them të gjitha. Edi Rama: Janë të paditur për procesin e Integrimit. Duan të ndryshojnë fatin e tyre në zgjedhjet e ardhshme duke na kërkuar llogari për një datë që nuk e kanë haberin. S’kanë nga ta dinë, as Nardi, As Beni as Vangjeli që ka ndryshuar qasja ndaj procesit të integrimit duke imponuar këto kritere. Rumania e Bullgaria ka 9 vjet që janë anëtare e vazhdojnë të presin raportin sa kanë avancuar në implementimin e reformës në drejtësi. Këta shkruajnë, por nuk lexojnë, këndojnë ata që shkruajnë vetë Këta kanë hallin e datës së zgjedhjeve duke treguar se sa thasë me baltë i kanë hedhur qeverisë. I kanë hedhur aq shumë sa nuk dihet se kush është zoti Saliu, zoti Beni , zoti Vangjeli. Nuk dalloheni nga njëri tjetrit. Në garën kush i hedh më shumë baltë qeverisë vetëm po tretni njëri tjetrin. Zoti Beni mëso sot: Vendet anëtarë kanë nxjerrë Shqipërinë veçmas dhe i kanë thënë komisionit presim vetingun. Ora 12: 15 Replika e dyte Ben Blushi: Edi Rama nuk ka aftësinë për të qeverisur dhe është i paaftë për detyrën që ka. Shumica e probleme që lidhen me integrimin nuk janë vetëm për pasojë të paaftësisë së tij pasi kjo do ishet e justifikueshme . Rama ikën nga seanca. Ben Blushi: Lërë Vangjel se ka frikë, lerë të ikë është një frikacak! Eshtë fikacak Vangjel Le të ikë se është frikacak. (Vangjel Dule flet nga karrigia e tij) Ben Blushi: Dhe si frikacak është i paaftë. Se frikacakët dridhen po rrinë në vend. Eshte frikacak i paaftë dhe ju që e mbështesni aty, ju jeni problemi i tij dhe i Shqipërisë. Zonja Leskaj a mund të vazhdoj Degjohen zera, zeri i Topallit dhe te tjereve nga salla Ben Blushi: Ku e keni frikacakun! Thoni të vijë në seancë se nuk vazhdon se kjo interpelancë është me kryeministrin. Ku e keni frikacakun. Thirre Taulant të vijë këtu! Dua ti tregoj sa i paaftë është edhe si frikacak, silleni këtu dhe mos më numëroni kohën. Silleni firkacakun në seancë se nuk vazhdohet kjo histori kështu. Shkoni nxirreni nga aty se po fshin hundët, po fshin hundët. Dëgjohet zhurmë, flet Dule Ben Blushi: Zonjë a ka interpelancë duke mos pasur këtu njeriun. A mund të ketë interpelancë të tillë. Leskaj: Dule mos e ndërprit mos ndërhyj nga vendi pa leje Blushi: A mund të ketë interpelancë pa personin që duhet këtu? Leskaj: Ju lutem vazhdoni Ben Blushi: Vangjel lëre të ikë. E kam me Shqiptarët Rama kthehet në seancë duke qeshur Ben Blushi: Erdhi frikacaku erdhi .O frikacak hajde po të shpjegoja sa i paaftë je. Ti nuk je vetëm i paaftë për shkak të detyrës por dy herë. Se nuk kupton sa i paaftë je. Por kjo nuk është personale por po kthehet në barrë për Shqipërinë. Sepse kostot e tua na kanë çuar aty ku nuk ka datë për integrimin prandaj interpelancë ishte urgjente dhe duhej të ishte urgjente. Po ti thua nuk është urgjente. Po kush është urgjente. Dalja e Lulzim Berishës nga burgu?! Shkarkimi i Elvis Rroshit?! Edhe mbrojtja e Elvis Rroshit. Mbjellja e Shqipërisë me kanabis. Kjo është urgjente?! Bamirësia e Gjushit është akt mizor. Vettingu nuk e bllokon një njeri që ka vrarë 5 vetë. Nuk e bllokon vettingun faktin që Vangjush Dako shkëmben në natyrë vota me kriminelë në Durrës. A ka gjykatës që mund ti rezitojë në këtë rast presionit të Vangjush Dakos. Shok i ngushtë i joti që e mban në avion, në trotuare, dreka. A ka gjykatës që mund ti rezistojë presionit të shokut të ngushtë të kryeministrit! (Dëgjohen zëra nga salla) Ben Blushi: Pardje prokuroria tha Elvis Rroshi… Blushi i drejtohet Braçes: Pusho ti miush (Flet Braçe nga salla) Leskaj: Zoti Braçe mos nderhyni Ben Blushi: Pse e mban Elvis Rroshin në punë?! Pse nuk e shkarkon. Çfarë ka lidhje vettingu me faktin që Elvis Rroshi firmos akoma për qytetarët e Kavajës dhe ti e ushqen me tendera dhe punë publike të Rilindjes urbane për të shëmtuar Kavajën. E mban se e ke shok. E pra shoku Edi, apo Elvis, apo shoku Vangjush. Këta na qeverisin dhe kjo është arsye pse nuk ka integrimi. Cfarë mendoni se Europa nuk i di, ShBA nuk e di çfarë bën ti, Rroshi, Vangjushi e Mark Frroku?! Nuk e dinë që këta njerëz kanë vrarë, kanë paguar për të dalë nga burgjet sepse ligji i dekriminalizimit nuk i kap dhe nuk mund ti kapë, dhe vettingu nuk mund ti kapë përsa kohë ti i mbron dhe i sjell në Parlament. Nuk është vetëm kaq, që me shokët e tu ke ndërhyrë për të nxjerrë vrasës nga burgjet apo i ke sjellë në parlament. Ti ke cënuar moralin e kësaj shoqërie. Dhe të gjithë të huajt që vijnë në Shqipëri thonë si ka mundësi që shtete si Kavaja, Shkodra e Lezha votojnë këta kriminelë. I votojnë sepse ia kërkon ti të votojnë në mënyrë konvencionale por poshtë votës ti i fut një kriminel, vrasës, të korruptuar dhe cfarë lidhje ka vettingu këtu. Cfarë lidhje ka vettingu këtu. Ku hyn vettingu këtu?! E dini pse nuk arrestohet Klement Balili? E thonë këta (drejton gishtin nga minsitrat) Nuk arrestohet thonë sepse është i LSI-së dhe koalicioni bie. A ka qeveri në europë që thotë nëse një kriminel arrestohet na bie qeveria. A ka qeveri në Europë që thotë nëse një kriminel arrestohet na bie?! Kjo është qeveria jote, e Klement Balilëve, e Vangjush Dakëve, e Elvis Rroshëve dhe e shokut Edi. Kjo është qeveria e shokut Edi që bllokon integrimin e Shqipërisë. Për çfarë i do këta njerëz? Pse i mban?! Për të blerë vota. Votat e tua nuk mjaftojnë për të të mbajtur në pushtet. Këta të sigurojnë vota nga Shkodra në Lezhë, në Kavajë. Ti ke feudalizuar krimin në Shqipëri. Ke ndarë krimin me feude. Në Shkodër dihet kush janë feudet. Dy prej tyre janë në burg. Ai është feudi i krimit në Shkodër. Në Lezhë dy tre të tjerë. Amerikanët i kanë thënë emrat e tyre. Në Kavajë Elvis Roshi shkëlqen si feudal i vogël i Kavajës. Në Vlorë, deri dje kishim profetin e kanabisit, shokun Koço. Atij nuk i mjaftonte Vlora e zgjeroi shkoi deri në Gjirokastër. Deshi të shkonte deri në kufi me Greqinë. Në Durrës Vangjush me Lulzim Berishën. Këto janë feudet e krimit në Shqipëri që i ke sponsorizuar duke e kthyer Shqipërinë në një arë kanabisi që duket nga Berlini e Brukseli. Rasti jot është tipik i një njeriu që për të hipur në një pemë bën gjithçka por fatkeqësisht ajo pemë është e mbushur me krimba e ti nuk hipën për ta pastruar por kërkon lartësinë e saj dhe ta kapësh atë bashkëpunon me krimbat në vend që ta pastroje. Në këto tre vjet i shtove krimbat në pemët e Shqipërisë. Nuk u bëre vetëm mik por je pronari i Vangjush Dakos, Elvis Rroshit, Arben Ndokës e nuk do të falet kurrë se cfarë damke i vure Shqipërisë për tre vjet dhe kjo damkë nuk do të shqitet as kur të mos jesh më. A iu shqit Kolumbisë damka e kokainës?! Nuk i është shqitur më. Shumë shpejt ke për të rënë nga pema dhe ne do e pastrojmë nga krimbat dhe do të të zbresim nga ajo pemë, por damkën që do i lësh është ajo e një vendi të mbjellë me kanabis. Paratë e kanabisit shkojnë për të blerë vota dhe për të hequr nga Shqipëria investitorin libanez. Gjushët e Lulzim Berishë e dëbuan për ti marrë tokën, sepse këto para kanabisi, tenderash dhe industrisë së zezë do të investohen në këto territore duke zbuar investitorët e huaj. Ti ke aftësinë të jesh i paaftë por nuk është vetëm kaq, të jesh mizor e të mos kuptosh cfarë varfërie ka në këtë vend. Nuk mund ta kuptosh duke jetuar me Vangjushin dhe me Lulzim Berishën, Elvis Rroshin e të gjithë të tjerët. Nuk mund të kuptosh se 400 mijë shqiptarë jetojnë me 400 lekë në ditë. Ti këta i quan dembelë. Unë po të garantoj se parazitët më të mëdhenj që ke në qeveri e administratën tënde nuk kam parë. Procedura për lirimin e Lulzim Berishës ka zgjatur tre muaj, procedura për të lidhur energjinë një familjeje prej 7 vetash në 4 metra katrorë ka zgjatur 2 vjet. Ky është shteti që përfaqëson ti (Bie gongu) Pusho frikacak, o frikacak, se 5 minuta i harxhova duke të pritur ty të vije nga aty ku shkove. Ky është korrupsioni më i madh në Shqipëri, pa folur për faturat që paguhen në këtë parlament për të sjellë ligje dhe ka njerëz që e dinë që marrin para për të votuar e për të marrë ligje Ora 12: 20 “Ndersa Blushi flet: Ke kthyer arratisjen. Ke 500 mijë vende pune” Leskaj i mbyll mikrofonin: “Ka mbaruar koha jote” Fatura e krimit, korrupsionit dhe ekomonike është shkaku që procesi ka ngrirë. Unë për vete ta njoh këtë meritë. Nëse do të konsideroja thjesht si kundërshtar do të bëja atë që bën Napoloni, mos ndërprit kurrë një kundërshtar kur është duke gabuar Rama ikën nga seanca. Blushi: Rama është frikacak. Thirre Taulant se është kryeministri. Shkoni nxirreni nga aty se po fshin hundët. Rama kthehet në seancë Dil fol pas meje dhe shpjegoi Edi pse ke shok Vangjushin, e Vangjushi shok Lulzimin. Pse ke shok Elvisin dhe Mark Frrokun dhe si ka mundësi që me këta njerëz do të na çosh në BE. Ti zotëri ke sindromën e emigrantit dhe kur të mbarojë sindroma do të ikësh por problemi do mbetet Ora 12: 25 Rama i pergjigjet Blushit: Zoti Nardi e kujtoj që ke të drejtë të jesh i zhgënjyer. Herën tjetër mos ia delego leximin e mendimeve tuaja zotit Beni se e sheh të lë në baltë. Dhe zoti Vangjeli ka të drejtë të jetë i zhgënjyer. Ju mund të çuditeni por unë jo. Sikur të mos kishte figurën e zërin, çfarë dallimi kishte nga Saliu zoti Beni. Saliu ka gjithë jetën që thotë frikacak, frikacak, por sot zoti Beni, shkoi më tej kur thotë ja u them unë. Dembel s’i kam thënë shqiptarëve. Dembel i kam thënë vetëm zotit Beni. Më vjen keq për Nardin e Vangjelin që flasin përmes Benit, do të ishte më mirë origjinali sesa kopja. Zonja Jozefinë mbaj zotin Saliun. Se Saliu është punëtor, nuk të lë në rrugë. Beni të lë në rrugë. Ti rri me Saliun, me zotin Beni të rijë zoti Nardi e Vangjeli. Ben Blushi: Ike prapë, ishe qesharak. Cështja e integrimit është themelore e s’dua të humb kohën me ty. Shakatë e tua janë si të Duçes. E vërteta është se integrimi i Shqipërisë është bllokuar për arsyen e krimit, korrupsionit, varfërisë, mjerimit, politika, dhe sigurisht kanabizimi i vendit. Cdo qeveri bën një bilanc dhe bilanci yt është gallatë. Jemi kthyer në një komb që mbjell kanabis. Ti je totalisht i paaftë për të qeverisur. Aftësia jote shoku Edi është vetëm për ët bërë miq si shoku Edi, shoku Vangjush e shoku Mark. Të gjithë këta që ti beson se kanë në dorë feudet e vogla të Shqipërisë që ti i ushqen me fonde publike dhe ata me ato fonde marrin vota.

Greqi: Leje qëndrimi biometrike për emigrantët duke filluar nga prilli 2017 Posted: 28 Dec 2016 10:55 PM PST Greqi, një lajm i mirë për të gjithë emigrantët: Leje qëndrimi biometrike nga prilli 2017 Që nga prilli i 2017 në Greqi do të nisë procesi i pajisjes së emigrantëve me leje qëndrimi biometrikë. Ministri i Politikës së Emigracionit Janis Muzalas shpjegoi projektin e qeverisë greke. Gjithë emigrantët në Greqi do të pajisen nga viti i ardhshëm me leje qëndrimi biometrike. Ky proces do të fillojë të vihet në zbatim në muajin Prill. Lajmi është bërë konfirmuar nga Ministri i Politikës së Emigracionit Janis Muzalas. Gjatë një konference për shtyp dhe i pyetur nga gazetari i ABC News në Athinë Robert Goro, Muzalas dha detaje për këtë projekt. Me lejet e qëndrimit biometrike, do të pajisen gjithë emigrantët, gjatë rinovimit apo marrjes së lejes fillestare. Deri sa të vijë momenti i rinovimit, emigrantët do të mbajnë lejet ekzistuese, që janë të ngjitura në pasaportat e tyre. Në fakt, pajisja e emigrantëve me leje biometrike, është një detyrim komunitar. Që Greqia duhej ta kishte përmbushur që në vitin 2011. Por Ministri i Emigracionit, tha se kjo po bëhet për të modernizuar sistemin dhe e përshpejtuar procedurat, si dhe për të luftuar rastet e falsifikimeve. Sipas ministrit Muzalas, pajisjet e nevojshme janë instaluar faktikisht në drejtoritë e emigracionit të administratës greke në të gjithë vendin. Ministri komunikoi edhe një masë tjetër: Aplikimet për leje qëndrimi për arsye të jashtëzakonshme nuk do të bëhen më vetëm në Ministrinë e Brendshme, por në gjithë shërbimet përkatëse të prefekturave, apo periferive, siç quhen tashmë. Kjo masë konsiderohet si jashtëzakonisht favorizuese, pasi emigrantët nuk do të duhet më të shkojnë në Athinë, por do të aplikojnë në vendbanimin e tyre. Nga kjo masë përfitojnë veçanërisht emigrantët shqiptarë, të cilët për shkak të krizës nuk kanë mundur të rinovojnë lejet e qëndrimit dhe rrezikonin të deportoheshin nga Greqia. Koha Jone Fotografitë e Bashkëngjitura

Sot festojnë ditëlindjen : Posted: 28 Dec 2016 07:23 PM PST SOT FESTOJNË DITËLINDJEN : ardit33, Mr_Bean, Erion T (35), faruk_fashion, shpilti_vockel (19) PERSHNDETJE I NDERUEMI LEXUES . DIT T'MIRA E TGEZUESHME Fotografitë e Bashkëngjitura

Shqiptarët të pakënaqur me qeverinë, shumë të pakënaqur me opozitën Posted: 28 Dec 2016 01:10 PM PST Një sondazh i Institutit Demokratik Amerikan tregon që shumica e shqiptarëve i japin një notë ngelëse qeverisë te drejtuar nga kryeministri Edi Rama dhe opozitës të udhëhequr nga kreu i Partisë Demokratike Lulzim Basha. Sipas sondazhit i cili u publikua të premten 59 % e shqiptarë janë të pakënaqur me punën aktuale të qeverisë dhe 69.3 % janë të pakënaqur me punën aktuale të opozitës. Vetëm 25.4 % të pjesëmarrësve në sondazh shprehen të kënaqur me punën akutale të qeverisë dhe 13.8 % me atë të opozitës, ndorkohë që pjesa tjetër e të intervistuarve japin një përgjigje asnjanëse. Sondazhi është ndërmarrë si pjesë e studimit Analiza e Angazhimit Politik, i cili është një studim bazë që realizohet për herë të parë në Shqipëri, i modeluar nga seritë e raporteve të Analizës Politike të Shoqërisë Hansard në Britaninë e Madhe Ky studim u realizua nga Instituti për Demokraci dhe Ndërmjetësim (IDM) me mbështetjen e Institutit Demokratik Amerikan (NDI). Sipas IDM, studimi ka për qëllim të masë “pulsin e angazhimit politik” të pjesëmarrësve në studim dhe ofron një bazë të dhënash unike në Shqipëri në lidhje me politikën dhe angazhimin e qytetarëve në proceset politike. “Studimi synon të eksplorojë qëndrimet publike ndaj një sërë treguesish të angazhimit politik që evidentojnë njohuritë dhe interesin e pjesëmarrësve për sistemin politik; nivelin e veprimit publik dhe të pjesëmarrjes në procese politike; kuptimin e efikasitetit dhe kënaqësisë nga institucionet dhe proceset politike,” tha IDM nëpërmjet një njoftimi për shtyp mbi gjetjet etj. “Përveç treguesve bazë të angazhimit politik të grupuar rreth kategorive të njohurive dhe interesit, pjesëmarrjes dhe efikasitetit si dhe të kënaqësisë, ky studim ka edhe një seksion shtesë që lidhet me perceptimet për Parlamentin dhe përfaqësuesit e zgjedhur, duke qenë se një organ ligjvënës efikas dhe i aftë përbën themelin e qeverisjes demokratike,” shtoi IDM. Përveç pakënaqësisë së shprehur për punën aktuale të qeverisë dhe opozitës, sondazhi tregon gjithashtu që 57.5 % e të anketuarve janë të pakënaqur me punën aktuale të kuvendit. Shumica e pjesëmarrësve raportojnë se nuk janë anëtarë të ndonjë partie politike (75.4%) dhe 2 nga 3 pjesëmarrësit raportojnë se nuk janë mbështetës të asnjë partie politike. Megjithëse nuk janë të anëtarësuar në parti politike shumica e shqiptarëve besojnë akoma te institucioni i zgjedhjeve. Nëse zgjedhjet do të mbaheshin javën që u administrua pyetësori, 1 nga 2 pjesëmarrësit raporton se do të votonte ndërsa vetëm 22.6% ka deklaruar se nuk do të votonin. Edhe pse nuk janë të kënaqur më punën aktuale të parlamentit shumica e pjesëmarrësve mendojnë se parlamenti shqiptar është thelbësor për demokracinë tonë (53.2%). Ndërsa në lidhje me përbërjen e parlamentit shqiptar: thuajse 2 nga 3 pjesëmarrësit mendojnë se parlamenti nuk përbehet nga përfaqësues të respektuar të shoqërisë që punojnë në mënyrë etike (65.4%) ose që ka një përfaqësim të drejtë të të gjitha grupeve të shoqërisë (thuajse 60%). Gjysma e pjesëmarrësve në sondazh (53%) gjithashtu shprehet se parlamenti shqiptar nuk është transparent në mënyrën si funksionon. Fotografitë e Bashkëngjitura

Kajmaqin(qumeshtore) Posted: 28 Dec 2016 05:45 AM PST

Sot festojnë diiëlindjen : Posted: 27 Dec 2016 06:38 PM PST SOT FESTOJNË DITËLINDJEN : shiu i verës, miko, Soccerluv04, keli_pej (37), DJAL_BERATI (36), GloriaOrJoana (35), NADA_11111_EL (35), snajperet (35), florian (34), cy_flo (34), Prince (34), dija (32), leonora (31), eja (30), vajza e Vores (23) PERSHNDETJE I NDERUEMI LEXUES . KALOJSH DITË TË GEZUESHME . Fotografitë e Bashkëngjitura

You are subscribed to email updates from Forumi Shqiptar. To stop receiving these emails, you may unsubscribe now.	Email delivery powered by Google
Google Inc., 1600 Amphitheatre Parkway, Mountain View, CA 94043, United States

loading...

Lexo edhe: