“Ndizen qirinj për Astrit Deharin (Foto)” plus 9 more Ferizaj Press |
- Ndizen qirinj për Astrit Deharin (Foto)
- Pacolli, LDK-së: Për inat të nuses, më vdektë djali
- Parashikimi i motit, gjatë kësaj jave temperaturat bien në zero
- Ndërtimi i objekteve të IBM-së nis në nëntor dhe dhjetor
- Pritet raport i veçantë nga Shërbimi Korrektues për Deharin
- Mbyllet Arsenal-Tottenham, a e keni pritur këtë rezultat? (VIDEO)
- Palermo-Milan, formacionet zyrtare
- Real Madrid-Leganes, rezultat “shkatërrues” (VIDEO)
- UNË DHE QYTETI IM
- Arsenal-Tottenham, autogol qesharak (VIDEO)
Ndizen qirinj për Astrit Deharin (Foto) Posted: 06 Nov 2016 08:24 AM PST Siç edhe paralajmëruan aktivistët e Lëvizjes Vetëvendosje, por edhë qytetarë të shumtë po ndezin qirinj në nderim të aktivistit Astrit Dehari, i cili dje ka humbur jetën në rrethana ende të paqarta në burgun e Prizrenit. Një numri i madh i aktivistëve të VV-së, por edhe figura të tjera publike janë mbledhur para Teatrit Kombëtar të Kosovës për homazhe, raporton lajmi.net. Atje është parë edhe lideri i Lëvizjes Vetëvendosje, Visar Ymeri dhe nënkryetarja e Kuvendit të Kosovës, njëherësh deputete nga Vetëvendosje, Aida Dërguti, deputeti Smajl Kurteshi, deputeti i Grupit Parlamentar Glauk Konjufca dhe shumë personalitete të këtij subjekti. Kujtojmë se, Astrit Dehari, ishte i arrestuar pas sulmit që ka ndodhur ndaj Parlamentin të Kosovës, dhe që 68 ditë ishte i paraburgosur në burgun e Prizrenit. Ndryshe, Astriti është djali i veprimtarit Avni Dehari, të cilit vite më parë i është mbytur edhe djali tjetër, duke rënë nga ndërtesa ku banonte. /Lajmi.net/ . |
Pacolli, LDK-së: Për inat të nuses, më vdektë djali Posted: 06 Nov 2016 06:06 AM PST Pacolli po konsideron se komuna e Pejës në krye me Gazmend Muhaxhirin, veproi sikurse thotë fjala popullore "për inat të nuses, më vdektë djali". "Pra për Inat të emrit Behgjet Pacolli, le të mbyllet klubi. Fondacioni BP ua la rekuizita, pa marr parasysh këtë akt qyqar por veprimi i njerëzve të LDK në komunën e Pejës vetëm dëshmon sa këta njerëz janë të përkushtuar për shoqërinë", ka deklaruar Pacolli. Reagimi i plotë i tij: Faqja e zezë e faqezinjëve… Nga Arbëri, aktivist i devotshëm i AKR-së nga Peja, marrë një kërkesë, ku thotë se është urgjente për ti ndihmuar klubit të basketbollit të femrave "Penza" nga Peja. Më tha se ato nuk mundën me vazhdu lojrat për mungesë të rekuizitave. Si gjithmonë që i kam përkrahur të rinjët, Fondacioni Behgjet Pacolli mori përsipër që të mbështes këtë Klub. Në fakt, mbrenda një nate është organizuar prokurimi i materialeve dhe prodhimi i rekuizitave fanellave dhe veshjeve tjera përcjellëse në fabrikën e Gjakovës dhe iu kanë dorëzuar në mënyrë solemne, një ditë para ndeshjes me Ferizajn. Dorëzimi është bërë në Pejë. Sipas kërkesës së klubit, fanellat mbanin shenjën e fondacionit "Behgjet Pacolli". Rastësishtë isha në Pejë të enjten e kaluar dhe aty erdhen pjestarët e Penzës që të falenderohën. Bëmë edhe fotografi. Të premten, në ndeshje në Ferizaj, paraqiten lojtaret me të njëjtat fanella por logoja e fondacionit që ua kishte dhuruar paisjet dhe kishte në plan të vazhdonte me sponsorizimet tjera, ishte mbuluar. Për këtë qështje, zyrtarëve të Fondacionit u është komunikuar zyrtarisht se mbulimi i logos është bërë me urdhër të komunës të Pejës, me kërcënimin se do tu ndalohej të përdornin palestrën dhe autobusin nese ato perdornin llogon e Fondacionit. Siç thotë fjala popullore "për inat të nuses, më vdektë djali", ashtu paska vepruar edhe Kryetari i Pejës. Pra për Inat të emrit Behgjet Pacolli, le të mbyllet klubi. Fondacioni BP ua la rekuizita, pa mar parasysh këtë akt qyqar por veprimi i njerezve të LDK në komunen e Pejës vetëm deshmon sa këta njerz janë të përkushtuar për shoqërinë. Një porosi për ata klerka të mjerë; Emri i Fondacionit "Behgjet Pacolli" është ndërtuar me vlera, e ju asnjëherë nuk do ta zbehni më sjelljet e juaja kushtezuese, lokaliste e primitive. Shoqëria e gjërë dal ngadal po e kupton të keqën që po e bëni dhe po e kuptojnë se qka jeni në gjendje të bëni për të ruajtur pushtetin duke shkelur mbi të ardhmën dhe suksesin e rinisë e tërë shoqerisë. . |
Parashikimi i motit, gjatë kësaj jave temperaturat bien në zero Posted: 06 Nov 2016 06:06 AM PST Shtypja atmosferike përkohësisht do të ulet nën vlerat e normales, duke krijuar kushte për një mot jostabil dhe të paqëndrueshëm, i përcjell me erëra dhe reshje shiu, derisa në viset malore serish priten që reshjet e shiut të jenë të përziera me dëborë. Temperaturat minimale do të lëvizin ndërmjet 8-11 gradë Celsius, kurse nga dita e enjte, pas reshjeve temperaturat minimale do të ulen rreth vlerave të zeros. Temperaturat maksimale do të lëvizin ndërmjet 14-17 gradë Celsius, kurse nga dita e merkurë maksimalet parashihen të bien deri në 5 gradë Celsius. Do të fryjë erë nga jugperëndimi dhe më pas nga veriperëndimi me shpejtësi deri 11m/s. . |
Ndërtimi i objekteve të IBM-së nis në nëntor dhe dhjetor Posted: 06 Nov 2016 06:06 AM PST Ministrja për dialog, Edita Tahiri, ka bërë të ditur për KosovaPress se ndërtimi i objekteve të përhershme të IBM-së ka rëndësi të madhe, sepse me ketë proces rrumbullakohet zbatimi i plotë i Marrëveshjes së IBM-së dhe i Protokollit Teknik, si dhe praktikisht të dyja shtetet do të bashkëpunojnë në fushën e Menaxhimit të Integruar të Kufirit sipas standardeve më të larta të BE-së. Sipas saj, finalizimi i marrëveshjes për ndërtimin e këtyre objekteve është kontribut i të gjitha palëve, që do të mundësojë lehtësimin e lëvizjes së lirë të njerëzve dhe mallrave, rritjen e kualitetit dhe sigurisë së kontrollit kufitar, dhe është në funksion të përmbushjes së kritereve për liberalizimin e vizave për Kosovën. Ajo nuk ka precizuar kur do të përfundojnë punimet e këtyre objekteve, duke thënë se kjo varet nga dinamika e punëve të cilat do t'i zhvillojë UNOPS-i. Kryeministri i Kosovës, Isa Mustafa, theksoi se ndryshimet pozitive të arritura në veri të vendit janë rezultat i drejtpërdrejtë i dialogut të Brukselit, edhe pse siç tha ai, mbetet akoma shumë për t'u bërë dhe për të krijuar një gjendje çfarë vërtetë dëshirohet. Duke folur për projektet e BE-së në atë pjesë, ai potencoi ndërtimin e objekteve të përhershme të menaxhimit të integruar të kufirit, për të cilat tha se do të nisin gjatë këtij muaji dhe muajit të ardhshëm.Në anën tjetër, qytetarët e Mitrovicës thonë se me ndërtimin e objekteve të përhershme të menaxhimit të integruar të kufirit, po bëhet një punë shumë e mirë. Shpresa Rafuna, tha për KosovaPress se me ndërtimin e këtyre objekteve do të mundësojë qarkullim më të lehtë të qytetarëve, por edhe siguri më të madhe për ta.Liridon Selimi, ka potencuar se ndërtimi i objekteve të përhershme mes Kosovës dhe Serbisë veç tjerash do të plotësojë edhe kriterin për liberalizimin e vizave, në mënyrë që qytetarët e Kosovës të mund të lëvizin lirshëm nëpër vendet e ndryshme sa më parë. . |
Pritet raport i veçantë nga Shërbimi Korrektues për Deharin Posted: 06 Nov 2016 06:06 AM PST "Ende nuk është bërë obduksioni. Ende nuk kemi se çka të themi. Një ekip i shërbimit korrektues është atje. Ata dalin me një raport të veçantë. Sot kam drejtuar edhe një ekip tjetër që t'i hetojnë rrethanat", tha shkurt Zogaj. Ndërkohë, Ministria e Drejtësisë, nëpërmjet një komunikate, deklaroi se me qëllim të, siç tha, garantimit të transparencës në hetimin e rastit, ka marrë vendim që t'ia mundësojë, 'përfshirjen e ekspertit të kërkuar nga familjarët e të ndjerit Dehari, në cilësinë e vëzhguesit në procesin e autopsisë'. Gjatë ditës së diel, kryeprokurori i Prokurorisë Themelore në Prizren, Sylë Hoxha, deklaroi për Radion Evropa e Lirë se Prokuroria dhe ekipet përkatëse, kanë kryer të gjitha hetime në bazë të rregullave për vdekjen e aktivistit të Lëvizjes Vetëvendosje, Astrit Dehari, në burgun e Prizrenit. Dehari ndodhej nën masën e paraburgimit, pasi u arrestua javë më parë me akuzën për përfshirje në sulmin me armë zjarri mbi ndërtesën e Kuvendit të Kosovës. . |
Mbyllet Arsenal-Tottenham, a e keni pritur këtë rezultat? (VIDEO) Posted: 06 Nov 2016 06:06 AM PST Rezultati përfundimtar në "Emirates" ishte 1:1. Vendësit kaluan me autogolin e Kevin Wimmer në fund të pjesës së parë. Në fillim të pjesës së dytë, Harry Kane shënoi nga penalltia për barazimin e rezultatit. . |
Palermo-Milan, formacionet zyrtare Posted: 06 Nov 2016 05:02 AM PST Palermo: Posavec; Cionek, Andelkovjc, Rajkovic, Aleesami; Bruno Enrique, Gazzi, Hiljemark; Embalo; Nestorovski, Sallai. Milan: Donnarumma, Abate, Paletta, Romagnoli, De Sciglio, Kucka, Locatelli, Pasalic, Suso, Bacca, Bonaventura. . |
Real Madrid-Leganes, rezultat “shkatërrues” (VIDEO) Posted: 06 Nov 2016 04:49 AM PST "Los Blancos" kanë marrë tri pikë ndaj Leganes, të cilën e kanë mposhtur 3:0. Dy gola për ekipin e Zinedine Zidane i realizoi Gareth Bale, ndërsa të tretin Alvaro Morata. . |
Posted: 06 Nov 2016 04:48 AM PST UNË DHE QYTETI IM Unë dhe qyteti im Shpresë dhe dritë e vendit. Unë dhe qyteti im Jetë më të mirë për fëmijët tanë. Të dy së bashku rritëmi dhe duam Në çdo cep atdheu dhe zemrën e çdo njeriu. Sepse vetëm kështu, ndërtohet ardhmëria. Unë dhe qyteti im SHQIPËRI e bekuar e ne bijtë e saj krenar. Xhevrije Kurteshi Nimani |
Arsenal-Tottenham, autogol qesharak (VIDEO) Posted: 06 Nov 2016 04:46 AM PST |
You are subscribed to email updates from FerizajPress. To stop receiving these emails, you may unsubscribe now. | Email delivery powered by Google |
Google Inc., 1600 Amphitheatre Parkway, Mountain View, CA 94043, United States |
Lexo edhe: