“Fotot më të bukura të nënave para dhe pas shtatzënisë” plus 9 more Lajmet |
- Fotot më të bukura të nënave para dhe pas shtatzënisë
- Beyonce dhe Jay Z mbështesin Hillary Clinton
- Kukësi ngjitet në krye, kalon Vllazninë 3-1
- De Niro refuzon të bëjë fotografi me Arnold Schwarzegger
- Rusi, fenomeni i rrallë natyror habit banorët
- Përleshje e përgjakshme mes pinguinëve për shkak të femrës (Video)
- Horoskopi – 6 nëntor 2016
- E çuditshme: I shpenzoi 100 mijë euro, për ta veshur Fiatin me mbi 100 kilogramë flokë njeriu (Foto)
- Idrizi: I kërkoj urgjentisht qeverisë që të merret me rastet e shqiptarëve që po kthehen në kufi nga shteti grek
- Peshkaqenët me dy koka alarmojnë shkencëtarët
Fotot më të bukura të nënave para dhe pas shtatzënisë Posted: 06 Nov 2016 11:17 AM PST Shtatzënia është një prej periudhave më të bukura të jetës. Gjatë kësaj kohe, nënat përpiqen që të realizojnë gjëra të bukura, të cilat do të mbeten si kujtimet më të veçanta. Më poshtë po ju tregojmë disa foto të mrekullueshme të realizuara nga nënat para dhe pas shtatzënisë. 6 nëntor 2016 (Stilografi.com) Keni lexuar: " Fotot më të bukura të nënave para dhe pas shtatzënisë appeared first on Stilografi.com - Lajmet e fundit, Lajmet Sot, Bota Sot, Kosova Sot, Lajme Sportive, Receta Gatimi, Live. |
Beyonce dhe Jay Z mbështesin Hillary Clinton Posted: 06 Nov 2016 11:13 AM PST Beyonce dhe Jay Z mbështesin Hillary Clinton. Në një koncert të mbajtur në Ohio në mbështetje të kandidates republikane, ata kanë shkëmbyer një puthje të ëmbël me njëri-tjetrin. Këngëtarja 35-vjeçare dhe reperi 46-vjeçar u puthën në sy të gjithë të pranishme me qëllim që të nxisnin personat që të votonin për presidenten e parë femër në Amerikë. Kjo puthje spontane vërtetoi edhe njëherë se martesa e tyre prej 8 vitesh është më e fortë se kurrë. 6 nëntor 2016 (Stilografi.com) Keni lexuar: " Beyonce dhe Jay Z mbështesin Hillary Clinton appeared first on Stilografi.com - Lajmet e fundit, Lajmet Sot, Bota Sot, Kosova Sot, Lajme Sportive, Receta Gatimi, Live. |
Kukësi ngjitet në krye, kalon Vllazninë 3-1 Posted: 06 Nov 2016 07:38 AM PST Kukësi nuk fal. Skuadra e trajnerit Ernest Gjokës shfrytëzon më së miri asistin e Skënderbeut duke arritur një fitore me shumë peshë në "Zeqir Ymeri" që i siguron vendin e parë të klasifikimit. Suksesi 3-1 ndaj Vllaznisë me dy gola të Pejiç, i cili skon në kuotën 8, e zhvendosin ekipin verilindor në vendin e parë me 20 pikë, po aq sa Skënderbeu por me golavarazh më të mirë. Ndeshja nisi vrullshën që në minutën e 3 me Pejic që nuk arriti të fitonte duelin me portierin e Vllaznisë, Agovic, ndërsa Albi Alla tentoi golin spektakolar 5 minuta më pas. Bomberi kroat nuk e humbi qetësinë duke u shkëputur saktësisht në të 18-ën dhe duke djegur në kohë mbrojtësit shkodranë për të zhbllokuar sfidën me një gol që çtensionoi ekipin vendas. Në të 27-ën, Hasani tentoi me një goditje të lehtë brenda zonës por Agovic nuk u ka në befasi, në krahun tjetër, Vicer nuk arriti të shënjestronte saktësisht portën. Vllaznia tregoi pak forcë sulmuese madje 10 minuta nga fundi, Vicer shkaktoi një penallti që e mori përsipër Pero Pejic i cili u ndal sërish nga Agovic. Pak minuta më vonë ishte portieri i shkodranëve ai që gaboi përballë shtatlartit kroat. 11 metërshi i dytë i akorduar brenda pak minutave për Kukësin dhe këtë herë Pejic tundi rrjetën. Ky ishte goli që zgjoi nga gjumi skuadrën e Armando Cungut pasi në minutën e 44, Shtubina ndëshkoi Koliçin. Ndeshja mund të kishte marrë një tjetër rrjedhë pasi goli i Shtubinës hapi oreksin e shkodranëve që rrëzikuan me Krymin në të 45-ën dhe Cicmil në minutën e 3 shtesë. Me rikthimin e skuadrave në fushë, loja nuk dhuroi emocione deri në minutën e 59 kur Pejic këtë herë në versionin e shërbyesit, dhuroi një asist për Gurin që tundi rrjetën për herë të tretë në prekjen e parë të topit. Një gol që ndryshoi rrjedhën e ndeshjes sepse Kukësi zgjodhi të ms ulmonte më duke u kthyer në gjysmëfushë për të mbrojtur rezultatin ndërsa Vllaznia kërcënoi disa herë portën e Koliçit. Gardiani i verilindorëve devijoi me vështirësi goditjen e kroatit Vicer në minutën e 68, ndërsa pak sekonda më vonë ishte radha e Cicmil që të ndalej nga Koliçi. Ishte sërish Vicer që kërkoi të ngushtonte diferencën (74), ndërsa në minutën e parë shtesë, i njëjti lojtar kërkoi të kapte në befasi portierin vendas, por pa ia dalë mbanë. Vllaznia e mbylli këtë sfidë në sulm por pa arritur të largohet me asnjë pikë, duke mbetur në vendin e 7 me 11 pikë në klasifikim. Në krahun tjetër, Kukësi konfirmohet skuadra për t'u mundur në Kategorinë Superiore pasi ende nuk e njeh shijen e humbjes. 6 nëntor 2016 (Stilografi.com) Keni lexuar: " Kukësi ngjitet në krye, kalon Vllazninë 3-1 appeared first on Stilografi.com - Lajmet e fundit, Lajmet Sot, Bota Sot, Kosova Sot, Lajme Sportive, Receta Gatimi, Live. |
De Niro refuzon të bëjë fotografi me Arnold Schwarzegger Posted: 06 Nov 2016 05:32 AM PST Robert De Niro refuzoi të bëjë fotografi me Arnold Schwarzegger në një mbrëmje të premten e kësaj jave. "Nëse ju mbështesni Trump-in, nuk dua të kem të bëj me ty", i tha De Niro duke refuzuar realizimin e fotos. Ai dhe Schwarzenegger, ish-guvernatori republikan e Kalifornisë, shkuan së bashku në festën gala në Beverly Hills. De Niro më herët ka bërë një video ku kritikonte dhe fyente kandidatin republikan për zgjedhjet e 2016, Donald Trump. Gjithashtu ai u kërkonte qytetarëve amerikanë që të mos e votonin sepse Trump ishte një idiot, një derr dhe që do të donte ta gjuante me grusht. 6 nëntor 2016 (Stilografi.com) Keni lexuar: " De Niro refuzon të bëjë fotografi me Arnold Schwarzegger appeared first on Stilografi.com - Lajmet e fundit, Lajmet Sot, Bota Sot, Kosova Sot, Lajme Sportive, Receta Gatimi, Live. |
Rusi, fenomeni i rrallë natyror habit banorët Posted: 06 Nov 2016 02:03 AM PST Natyra ka dhuruar një spektakël të pazakonte në Gjirin Ob, në veriperëndim të Siberisë në Rusi.Mijëra topa bore mbuluan një pjesë prej 18 kilometrash të bregdetit, madhësia e të cilëve arrin gati një metër, shkruan BBC. Topat janë rezultat i një procesi të rrallë të natyrës, kur pjesë të vogla të akullit rrotullohen nga era dhe uji për të krijuar këta topa gjigant. Vendasit në fshatin Nyda kanë thënë se kurrë më parë nuk kanë parë diçka të tillë. 6 nëntor 2016 (Stilografi.com) Keni lexuar: " Rusi, fenomeni i rrallë natyror habit banorët appeared first on Stilografi.com - Lajmet e fundit, Lajmet Sot, Bota Sot, Kosova Sot, Lajme Sportive, Receta Gatimi, Live. |
Përleshje e përgjakshme mes pinguinëve për shkak të femrës (Video) Posted: 06 Nov 2016 01:32 AM PST Një video brutale është publikuar në internet, ku shihet një pinguin mashkull që dhunon fizikisht rivalin e tij në dashuri, duke i shkaktuar njëri-tjetri edhe rrjedhje gjaku. Pinguini kur u kthye në fole, e gjeti rivalin në një moment intim me partneren e tij. Videoja është filmuar nga "National Geographic' , dhe shihet qartë kur mashkulli e sheh partneren e tij me një tjetër mashkull. Kaq ka mjaftuar që dy meshkujt të përleshen me njëri-tjetrin, duke i përdorur sqepat si shpata në luftën për dashuri. Kjo situatë zgjat për disa minuta, ku luftëtarët përdorin edhe krahët si armë. Ata i kanë kockat e forta e për pasojë e lëndojnë shumë njëri-tjetrin. Pasi gjakosen, meshkujt e ndalin përleshjen dhe thërrasin femrën, e cila do të vendosë se më kë ajo do të qëndrojë. Si përfundim ajo qëndron me partneri e ri, të cilët shkojnë në fole. Por mashkulli që kishte në fillim, nuk i ka dhënë ende fund, sepse nuk do që të humbë nënë e të vegjëlve të tij. Ai i ndjek ata deri në fole dhe përleshja vazhdon. Në fund të luftës, ish-partneri i saj humbet dhe lihet jashtë në të ftohtë e pa fole.
6 nëntor 2016 (Stilografi.com) Keni lexuar: " Përleshje e përgjakshme mes pinguinëve për shkak të femrës (Video) appeared first on Stilografi.com - Lajmet e fundit, Lajmet Sot, Bota Sot, Kosova Sot, Lajme Sportive, Receta Gatimi, Live. |
Posted: 06 Nov 2016 01:47 AM PDT DASHI Do të gjendeni në një udhëkryq e do ju duhet të zgjidhni mes një historie që zgjat prej kohësh e një të reje që ju bën të ëndërroni. Kujdes! DEMI Ndikimet yjore gjatë ditës së sotme do ju japin mjaft forcë për tu përballur me vështirësitë. Në aspektin afektiv mund të merrni sot një deklaratë dashurie nga një njohje e re. BINJAKET Gjatë ditës së sotme diçka nuk do të shkojë në drejtimin e duhur, sidomos në aspektin afektiv. E kundërta do të ndodhë në ambientin e punës ku do të merrni sot vlerësime. GAFORRJA Yjet gjatë ditës së sotme do të përmirësojnë formën tuaj fizike. Në ambientin e punës do të mundoheni të vini rregull mes shumë parregullsive. LUANI Ndikimet planetare do ju përkrahin në të gjitha drejtimet. Në punë do të ndiheni të vlerësuar nga kolegë duke ju dhënë detyra të reja. VIRGJERESHA Do të keni një formë mjaft të mirë psiko-fizike gjë e cila do ju ndihmojë që pa shumë sforcime të mbyllni detyrat tuaja në ambientin e punës. PESHORJA Një ditë e pasur me momente të bukura sidomos në aspektin afektiv. Në ambientin e punës do ju duhet ti jepni zgjidhje një problemi teknik, ndaj mos hezitoni të kërkoni ndihmë. AKREPI Do të jetë mjaft e lehtë për ju të mbyllni gjithë impenjimet tuaja sot. Në ambientin e punës do të tregoheni paksa të nxituar sot. Kujdes! SHIGJETARI Do të përfshiheni sot në marrëveshje të rëndësishme për punën tuaj. Në aspektin afektiv nëse jeni singëll do të keni mundësi të njihni persona të rinj për të kaluar një mbrëmje të këndshme. BRICJAPI Do të keni mjaft mundësi për të përmirësuar situatën tuaj financiare. Në aspektin afektiv është i mundur sot një diskutim me partnerin i cili ndihet si i lënë pas dore. UJORI Suksesi në ambientin e punës do të jetë në anën tuaj. Në aspektin afektiv do të merrni një telefonatë e cila do ju gëzojë. Një këshillë: qëndroni me këmbë në tokë dhe pranoni ftesën. PESHQIT Do të dini të përballeni me një pengesë të madhe nga e cila nuk do të keni frikë. Në ambientin e punës një investim do ju sjellë fitime. Keni lexuar: " Horoskopi – 6 nëntor 2016 appeared first on Stilografi.com - Lajmet e fundit, Lajmet Sot, Bota Sot, Kosova Sot, Lajme Sportive, Receta Gatimi, Live. |
E çuditshme: I shpenzoi 100 mijë euro, për ta veshur Fiatin me mbi 100 kilogramë flokë njeriu (Foto) Posted: 06 Nov 2016 12:12 AM PDT Lucia Mugno nga Padula e Italisë, i ka shpenzuar 20 ditë dhe afro 100 mijë euro për ta mbuluar një Fiat 500 me flokë njeriu. Me 100 kilogramë material të dezinfektuar, të lyer dhe përpunuar, ky ekzemplar ka hyrë në Librin e Rekordeve të Ginisit, si 'Vetura më Leshatorë ne Botë', transmeton Telegrafi. Mbi 80 për qind e automobilit të prodhuar në vitin 1975, është me flokë të dy ngjyrave, ndërsa të zbuluara janë vetëm pjesët elementare. Me gjithë gërshetat e shumta dhe pjesët tjera të lëshuara, vetura lëviz në mënyrë normale në rrugë dhe nuk e ka asnjë pengesë. "Është një veturë e rrallë dhe e punuar me përkushtim, që ka thyer edhe rekord botëror", është përshkrimi që e shoqëron makinën që ka dalë në ankand. Sidoqoftë, blerësit që mund ta ketë në posedim, i rekomandohet të mos e vozisë në mot me shi. /Telegrafi/ Keni lexuar: " E çuditshme: I shpenzoi 100 mijë euro, për ta veshur Fiatin me mbi 100 kilogramë flokë njeriu (Foto) " në Stilografi.com Keni lexuar: " E çuditshme: I shpenzoi 100 mijë euro, për ta veshur Fiatin me mbi 100 kilogramë flokë njeriu (Foto) appeared first on Stilografi.com - Lajmet e fundit, Lajmet Sot, Bota Sot, Kosova Sot, Lajme Sportive, Receta Gatimi, Live. |
Posted: 06 Nov 2016 12:12 AM PDT Shoqata Patrotike "Çamëria" ka zhvilluar një aktivitet mbi veprën e autorit të shquar Bilal Xhaferri. Në këtë aktivitet morën pjesë Kryetari i Partisë Drejtësi, Integrim dhe Unitet, z.Shpëtim Idrizi, kryetari i Shoqatës Patriotike "Çamëria" Dr. Abaz Hado, si edhe studiues e historianë të shumtë. Kreu i PDIU-së z.Idrizi, vlerësoi figurën e Bilal Xhaferrit si një njeri me përmasa të mëdha. "Jemi mbledhur për kujtuar ditëlindjen e një njeriu me përmasa të mëdha, një talenti që ndoshta nuk do vijë më kurrë, të një trimi, i cili të gjithë guximin e tij intelektual e derdhi në letrat shqipe. Bilal Xhaferri nuk uli kokën para fatkeqësisë familjare, persekutimit, por pati fuqinë dhe u bë vetë. Mendoni sot, një punëtor krahu që shtron rrugën Bajram Curri-Fierzë dhe has kalanë 3 mijë vjeçare të Rosujes në Tropojë. Në mbrëmje i lodhur, i kequshqyer me dritën e zbehtë të llampës me vajgur shkruan një rrëfenjë për Baton e Ilirisë. Një djalë i Çamërisë që ngre në lart majën e hartës së Shqipërisë, kulmin e gegërisë. Ky njeri, të cilit nuk i dhanë shkollë, ju imponua me talentin e tij shkrimtarëve të realizmit socialist. I bëri që ta shihnin edhe ata burrat e propagandës të Lidhjes së Shkrimtarëve", u shpreh kreu i Partisë Drejtësi, Integrim dhe Unitet. Ndërkohë z.Idrizi bëri me dije se do kërkojë që të hapen shkollat shqipe në Çamëri. "Ne të gjithë e dimë që sot në Çamëri jeton një komunitet shumë i madh i shqiptarëve të Çamërisë. Do të kërkojmë të hapen shkollat shqipe në Çamëri, status që shqiptarët e Çamërisë e kanë patur që në vitin 1927. Duhet të kthehet drejtësia për shqiptarët e Çamërisë, për çështjen e pronave, për çështjen e njerëzve dhe për të gjitha të drejtat që kanë patur para vitit 1944. Sot çështjen çame nuk ka asnjë gjë që e ndal", theksoi z.Idrizi. Gjithashtu kreu i PDIU-së bëri me dije se do i kërkojë Ministrisë së Jashtme dhe Ministrisë së Brendshme që të merren me rastet e kthimit në kufi që po u bëhet shqiptarëve, nga ana e shtetit grek. "Unë dua t'i adresohem fort dhe qartë qeverisë shqiptare. Përtej përshëndetjes që ne japim për qëndrimet që ka mbajtur për çështjen çame. Nuk mund të le dot pa përmendur, në radhë të parë Ministrit të Jashtëm dhe Ministrit të Brendshëm, për rastet e kthimit në kufi të shqiptarëve të Çamërisë, kryesisht pleq. Rasti i fundit është një rast që i ilustron të gjitha ato që kemi thënë. Bëhet fjalë për një zonjë 80-vjeçare, Ildize Bajrami. Pasi kishte jetuar 10 vjet në Greqi erdhi në Shqipëri dhe më pas u ndalua nga Policia Greke në kufi, për arsyen e vetme se kishte vendlindjen në Arpicë të Çamërisë. I kërkoj urgjentisht Ministrisë së Jashtme, Ministrisë së Brendshme që të merren me rastin në fjalë dhe me të gjitha rastet e shqiptarëve që po kthehen në kufi nga policia greke. Do bëjmë gjithçka që kemi në dorë, në mënyrë që të lajmërojmë kancelaritë europiane, do i drejtohemi trupit diplomatik dhe do të kërkojmë si deputetë të Parlamenti të Shqipërisë që të investigohet për rastet e kthimit në kufi" – u shpreh Shpëtim Idrizi. Ndërsa në fjalën e tij Kryetari i Shoqatës Patriotike "Çamëria" Dr.Abaz Hado vlerësoi rolin e Bilal Xhaferrit në letërsinë shqipe, sidomos kontributin që ka dhënë për pasqyrimin e genocidit që u bë ndaj shqiptarëve të çamërisë në vitin 1944. Po kush ishte Bilal Xhaferri? Bilal Xhaferri ka lindur në 2 nëntor 1935 në fshatin Ninat të Bashkisë Konispol, në Çamërinë e Veriut. I përket trungut të familjes së dijetarit të shquar, Hasan Tahsini. Gjatë periudhës së tij të rinisë, ai punoi në disa kantiere ndërtimi, duke mos lënë pas dore në asnjë rast pasionin e tij për letërsinë dhe kryesisht për poezinë. Publikimi i tij i parë është "Rrugë dhe Fate", një vëllim me poezi. Periudha e tij e krijmtarisë ishte shumë e shkurtër. Në vitin 1967 ai shkroi novelën "Krastakraus", e cila e pa dritën e botimit pas vdekjes së tij, në vitin 1993. Bilal Xhaferi është shkrimtar dizident. Ai u përndoq gjatë periudhës së komunizmit dhe për t'i shpëtuar arrestimit dhe burgut, u arratis në gusht të 1969-ës për të ikur në SHBA. Bilal Xhaferri ndrroi jetë në Çikago të SHBA-së, në 14 tetor 1986. Si shqiptar i Çamërisë, një prej veprave të tij është edhe "Balada Çame", vargjet e së cilës tregojnë qartë, genocidin ndaj popullsisë çame. Poezitë e Bilal Xhaferrit për Çamërinë për sa i përket përmbajtjes, janë të vetmet në të gjithë poezinë mbarëkombëtare që mbartin dramën e Çamërisë dhe dëbimin e hershëm të shqiptarëve të Çamërisë. 6 nëntor 2016 (Stilografi.com) Keni lexuar: " Idrizi: I kërkoj urgjentisht qeverisë që të merret me rastet e shqiptarëve që po kthehen në kufi nga shteti grek appeared first on Stilografi.com - Lajmet e fundit, Lajmet Sot, Bota Sot, Kosova Sot, Lajme Sportive, Receta Gatimi, Live. |
Peshkaqenët me dy koka alarmojnë shkencëtarët Posted: 05 Nov 2016 01:04 PM PDT Një peshkaqen me dy koka, tingëllon si një përbindësh i marrë nga filmat horror, por shkencëtarët janë duke gjetur gjithnjë e më shumë si këta lloj në të gjithë botën. Disa thonë se ky fenomen ka nisur që në 2008, kur peshkatari Christian Johnson kapi një peshkaqen ngjyrë blu, me dy koka në brigjet e Australisë. Në 2013, një grup peshkatarësh nga Florida, kapën një peshkaqen blu, të cilës në mitër iu gjet një këlysh me dy koka. Duhet thënë se femra mban deri në 50 të vegjël në mitër. Kohët e fundit, kërkuesit spanjollë kanë gjetur një tjetër peshkaqen që kishte në bark të vegjlit e saj. Ata zbulua se një prej embrioneve ishte me dy koka dhe shkencëtarët e hapën me kujdes vezën për të studiuar embrionin e çuditshëm. Profesori që drejton studimin Valentín Sans-Coma, është i paqartë nëse embrioni do të mbijetonte nëse ata do ta linin të lirë. Është e mundshme që këto embrione nuk jetojnë për një kohë të gjatë dhe kjo shpjegon se pse nuk janë gjetur më parë peshkaqenë me dy koka. Lindja e peshkaqenëve me dy koka mbetet një mister për shkencëtarët dhese nuk dihen se kush janë faktorët që shkaktojnë këtë mutacion gjenetik. Ndërkohë numri i tyre është në rritje. Paraprakisht dyshohet se kjo ndodh për shkak të ndotjes, prezencës së lartë të kimikateve në ujë apo rrezatimi. 5 nëntor 2016 (Stilografi.com) Keni lexuar: " Peshkaqenët me dy koka alarmojnë shkencëtarët appeared first on Stilografi.com - Lajmet e fundit, Lajmet Sot, Bota Sot, Kosova Sot, Lajme Sportive, Receta Gatimi, Live. |
You are subscribed to email updates from Stilografi.com – Lajmet e fundit, Lajmet Sot, Bota Sot, Kosova Sot, Lajme Sportive, Receta Gatimi, Live. To stop receiving these emails, you may unsubscribe now. | Email delivery powered by Google |
Google Inc., 1600 Amphitheatre Parkway, Mountain View, CA 94043, United States |
Lexo edhe: