“Studimi zbulon se heqja e dhëmbit të pjekurisë nuk sjell ndonjë të mirë” plus 1 more Telegrafi Keshilla Mjekesore
“Studimi zbulon se heqja e dhëmbit të pjekurisë nuk sjell ndonjë të mirë” plus 1 more Telegrafi Keshilla Mjekesore |
Studimi zbulon se heqja e dhëmbit të pjekurisë nuk sjell ndonjë të mirë Posted: 23 Sep 2016 03:03 AM PDT Edhe pse heqja e dhëmbit të pjekurisë është gjë mjaft e zakonshme, ende nuk ka studime të cilat tregojnë për përfitimet shëndetësore që i sjell kjo procedurë. Dhëmballa e tretë, apo i ashtuquajturi dhëmb i pjekurisë, zakonisht shfaqen komplet apo pjesërisht mes moshës 17 dhe 26 vjet në hapësirë të kufizuar dhe shpeshherë bllokohet në dhëmballën e dytë. Kjo gjë e shkakton ënjtjen, dëmtimin e rrënjës etj., dhe në këto raste ekspertët pajtohen se dhëmbi i pjekurisë duhet të hiqet. Por, nëse nuk ka simptoma, është e paqartë se cilat janë përfitimet shëndetësore që i sjell heqja e tij, shkruajnë hulumtuesit në Cochrane Database of Systematic Reviews. Heqja e këtij dhëmbi përmes ndërhyrjes kirurgjike kushton shumë dhe nuk është e nevojshme të hiqet nëse nuk keni simptoma të dhimbjes apo çfarëdo simptome tjetër. /Telegrafi/ The post Studimi zbulon se heqja e dhëmbit të pjekurisë nuk sjell ndonjë të mirë appeared first on Telegrafi. |
Përcaktimi i faktorit Rh të gjakut Posted: 22 Sep 2016 01:57 PM PDT Personat me grupe të ndryshme të gjakut, në sipërfaqe të eritrociteve (qelizave të kuqe të gjakut) përmbajnë proteina (antigjene) të cilat janë specifike për grupin e tyre të gjakut. Grupi A i gjakut ka njërin lloj të proteinave, grupi B tjetrin, grupi AB të dy llojet, ndërsa grupi O asnjërin. Krahas këtyre proteinave, në bazë të të cilave përcaktohet se cilit grup të gjakut i takojmë, ekziston edhe një lloj tjetër proteine, që gjendet në qelizat e pjesës më të madhe të popullatës, ndërsa te të tjerët nuk ekziston. Kjo proteinë quhet "Rhezus factor". Ata të cilët në qelizat e tyre e përmbajnë këtë faktor janë Rh-pozitivë, ndërsa ata të cilët nuk e kanë janë Rh-negativë.
Si funksionin e gjithë kjo? Shumica e njerëzve, në fakt afër 85% e popullatës janë Rh-pozitivë. Nëse femra është Rh-negative, ndërsa mashkulli Rh-pozitiv dhe ata dy fillojnë fëmijë, ekziston rrezik potencial për inkompatibilitet. Çfarë ndodh në të vërtetë? Mund të ndodhë që fëmija i cili zhvillohet në barkun e nënës Rh-negative të trashëgojë grupin e gjakut Rh-pozitiv nga babai (dhe kjo ndodh në 50% të këtyre rasteve). Atëherë vijnë problemet, por jo në shtatzëninë e parë, sepse gjatë saj gjaku i fetusit nuk kalon në qarkullimin e gjakut të nënës. Megjithatë, gjatë lindjes, gjaku i foshnjës depërton në qarkullimin e gjakut të nënës me ç'rast organizmi i saj fillon të prodhojë antitrupa (molekula proteine të cilat më vonë i shkatërrojnë antitrupat "e huaj" në organizëm). Antitrupat Rh janë të padëmshëm derisa e njëjta femër mbetet sërish shtatzënë. Atëherë antitrupat do të nisen në 'luftë' kundër eritrociteve të fetusit sepse i konsiderojnë ato si trupa të huaj. Antitrupat shumë shpejtë kalojnë nëpër placentë dhe arrijnë në qarkullimin e gjakut të foshnjës së palindur dhe shkaktojnë shkatërrim masovik të eritrociteve, që mund të sjellë deri te anemia e rëndë, ndërsa në rastet më të rënda mund të vdesë foshnja në mitër. Po ashtu mund ta shkaktojnë edhe gjendjen e quajtur sëmundje hemolitike ose sëmundja Rh. Si mund të parandalohet sëmundja Rh? Sot, femrave, te të cilat ekziston mundësia e zhvillimit të antitrupave në shtatzëni, iu jepet një ose dy doza imunoglobulinë Rh. E para jepet gjatë javës së 28 të shtatzënisë, ndërsa e dyta në 36 orët e para pas lindjes së fëmijës (më së largu në 72 orët e para). Dhënia e imunoglobulinës Rh pengon formimin e antitrupave Rh. Imunoglobulina Rh, po ashtu mund të jepet edhe pas abortit, amniocentezës ose gjakderdhjeve gjatë shtatzënisë, shkruan Shegaime. Ky injeksion pengon formimin e çfarëdo antitrupash potencialë, të cilët mund t'u shkaktojnë dëm foshnjave të ardhshme. Çka nëse foshnja megjithatë sëmuret? Nëse me anë të analizave tregohet se femra që në shtatzëninë e parë ka të zhvilluar antitrupat Rh në qarkullimin e gjakut (që mund të jetë si pasojë e kalimit të gjakut të fetusit nëpër placentë dhe në qarkullimin e gjakut të nënës), ekziston dyshimi i ekzistimit të sëmundjes hemolitike të fetusit ose sëmundjes Rh. Në këtë rast mund të bëhet amniocenteza për t'u llogaritur niveli i bilirubinës në lëngun amniotik. Sipas nevojës vlerësohet edhe niveli hemoglobinës dhe ekzistimi i anemisë së fetusit, ndërsa gjatë gjithë shtatzënisë do të përcillet mirë numri i antitrupave. Rrallëherë (nëse inkompatibiliteti është shumë serioz dhe shëndeti i fëmijës është i rrezikuar) preferohet transfuzioni i gjakut të fëmijës derisa është në barkun e nënës ose menjëherë pas lindjes. Qëllimi i këtij transfuzioni është zëvendësimi i gjaku të fëmijës me ç'rast arrihet stabilizimi i nivelit të qelizave të kuqe të gjakut dhe rregullohet edhe dëmi eventual i shkaktuar nga qarkullimi i antitrupave Rh në qarkullimin e gjakut të foshnjës. Megjithatë, falë efikasitetit të imunoglobulinës Rh, ky lloj transfuzioni bëhet te më pak se 1% e rasteve. /Telegrafi/
The post Përcaktimi i faktorit Rh të gjakut appeared first on Telegrafi. |
You are subscribed to email updates from Keshilla Mjekesore – Telegrafi. To stop receiving these emails, you may unsubscribe now. | Email delivery powered by Google |
Google Inc., 1600 Amphitheatre Parkway, Mountain View, CA 94043, United States |
Lexo edhe: