Ora News: “A është ky momenti kur u shkatërrua martesa e Angelina dhe Brad?” plus 9 more |
- A është ky momenti kur u shkatërrua martesa e Angelina dhe Brad?
- 2000 lekë ryshfet policit për të shmangur, arrestohet
- Berisha deputet i PD në 2017? Basha: Sa herë të dëshirojë, do të jetë
- Sflitatat: Ja çfarë ndodh prapaskenave
- Trupi mahnitës i Bar Rafaeli 6 javë pas lindjes
- Shqipëria pjesë e Kongresit Botëror të Turizmit Aventurë
- Pse nuk e la Rama ligjin për mbetjet mandatin e dytë?
- Masat dhe kamerat nuk po parandalojnë dhunën në shkolla
- 32-vjeçari gjendet i varur në një pemë në oborrin e banesës
- Shkon në dy numri i viktimave nga aksidenti në Blinisht
A është ky momenti kur u shkatërrua martesa e Angelina dhe Brad? Posted: 22 Sep 2016 11:52 PM PDT Martesa në shkatërrim e Angelina Jolie dhe Brad Pitt mund të ketë qënë para syve të të gjithëve një vit më parë gjatë udhëtimit të çiftit në Legoland,Windsor. Fotot e papara të realizuara në Britaninë e Madhe tregojnë atë që duket si mesi i një debate të ashpër të 52 vjeçarit me aktoren. Brad shihet duke prekur krahun e Angelinës, para se ajo ta tërheqë drejt vetes. Jolie i kërkoi divorcin aktorit këtë të hënë, duke cituar diferenca të papajtueshme, dy vite pasi ata lidhën kurorë në Chateau Miraval.
/Oranews.tv/ Të parët për lajmin e fundit. Ndiqni Oranews.tv në Facebook dhe në Twitter |
2000 lekë ryshfet policit për të shmangur, arrestohet Posted: 22 Sep 2016 11:50 PM PDT Goditet një tjetër rast i “mitdhënies”. 41-vjeçari, Festim Mina, banues në fshatin Metoq të Sarandës është arrestuar nga policia e Fierit pasi i ka ofruar ryshfet punonjësit të policisë rrugore për të shmangur masën administrative për tejkalimin e shpejtësisë. "Arrestimi i këtij shtetasi u bë pasi në aksin rrugor Lushnjë-Fier, duke udhëtuar me mjetin tip "Renault", me targë AA 754 KN, i ka ofruar 2000 lekë punonjësit të policisë së qarkullimit rrugor për ta falur për shkeljen e bërë, për shpejtësi tej normave të lejuara". Materialet i kaluan Prokurorisë pranë Gjykatës së Shkallës së Parë Fier për veprën penale “Korrupsion aktiv i personave që ushtrojnë funksione publike” . Të parët për lajmin e fundit. Ndiqni Oranews.tv në Facebook dhe në Twitter |
Berisha deputet i PD në 2017? Basha: Sa herë të dëshirojë, do të jetë Posted: 22 Sep 2016 11:36 PM PDT Ish-kryeministri Sali Berisha do të jetë në listën e deputetëve për zgjedhjet parlamentare të 2017. Kreu i demokratëve Lulzim Basha deklaroi se Berisha do të jetë deputet i Partisë Demokratike sa herë që ai të dëshirojë, duke argumentuar se ky vendim është i padiskutuar, duke pasur parasysh kontributin e tij të padiskutuar në vite. Basha: Për këtë rast, përjashtimisht për këtë rast absolutisht që sa herë Sali Berisha të dëshirojë të jetë kandidat për deputet, për shkak të kontributit të tij që është unik në Partinë Demokratike do të jetë kandidat për deputet. Në studion e emisionit "Opinion", Basha nuk u tregua kaq zemergjerë kur u pyet mbi të ardhmen politike në këtë parti të zërave të fundit kritikë, mes tyre dhe ish-Ministrja, Majlinda Bregu. Kreu i PD-së tha se me emrat e tjerë do të veprohet sipas rregullores së përcaktuar nga vetë Partia Demokratike. Basha: Për çdo rast tjetër, absolutisht për çdo rast tjetër do të veprohet sipas rregullave dhe në përputhje me statutin. Të parët për lajmin e fundit. Ndiqni Oranews.tv në Facebook dhe në Twitter |
Sflitatat: Ja çfarë ndodh prapaskenave Posted: 22 Sep 2016 11:30 PM PDT Nëse gjatë shfaqjes mbizotëron shkëlqimi dhe perfeksioni, çfarë ndodh para sfilatave është një tjetër histori: modele të përgjumurua,grimierë vizionarë, ushqime në momentin e fundit dhe tavolina të mbushura me flokë shumëngjyrëshe. Prapaskena është një univers paralele, me ritualet dhe krijesat e veta. Video e publikuar nga Repubblica.it tregon disa moment nga jeta në prapaskenë e sfilatës së Emilion Pucci. /Oranews.tv/ Të parët për lajmin e fundit. Ndiqni Oranews.tv në Facebook dhe në Twitter |
Trupi mahnitës i Bar Rafaeli 6 javë pas lindjes Posted: 22 Sep 2016 11:15 PM PDT Ajo solli në jetë vajzën e saj Liv vetëm gjashtë javë më parë. Por duket se Bar Rafaeli ka ardhur menjëherë në formë. Modelja bukuroshe, e cila u bë mama për herë të parë, ka postuar një foto në Instagram me të brendshme duke treguar trupin e saj mahnitës pas lindjes.
/Oranews.tv/ Të parët për lajmin e fundit. Ndiqni Oranews.tv në Facebook dhe në Twitter |
Shqipëria pjesë e Kongresit Botëror të Turizmit Aventurë Posted: 22 Sep 2016 11:14 PM PDT Kongresi Botëror i Turizmit Aventurë këtë vit është mbajtur në Alaska të Shteteve të Bashkuara të Amerikës. Kufiri i fundëm i Botës nga 19 deri në 22 Shtator ka pritur rreth 850 delegatë nga 65 shtete të cilët i janë bashkuar komunitetit të aventurës duke promovuar destinacionet më të mira botërore turistike. Federata Shqiptare e Rafting prezantoi Shqipërinë nëpërmjet projektit inovativ Albanian Adventure Resort duke treguar historinë e riciklimit dhe transformimit të një reparti ushtarak të braktisur, simbol i izolimit në një qendër për aktivitete sportive, vend i shpresës për një jetë mirë dhe lirisë për t’u përfshirë në aktivitetet e aventurës duke transformuar një zonë të tërë nëpërmjet turizmit. Në një prononcim nga shteti i Alaskës, Blerina Ago e Albania Rafting tha: "Kongresi Botëror i Turizmit Aventurë ishte shumë frytdhënës dhe në të njëjtën kohë frymëzues pasi u dhanë shumë shembuj nga e gjithë bota mbi zhvillimin e turizmit të aventurës. Në mënyrë të veçantë më bëri përshtypje se ndryshe nga vendet e tjera të zhvilluara, në vendin tonë ka një mungesë të theksuar të ndërgjegjes kolektive për mirëmbajtjen e pasurive natyrore. Ndryshimi është po aq i dukshëm dhe në cilësinë e shërbimit të bizneseve pritëse, restoranteve, etj të cilëve iu mungon një vizion për të ardhmen dhe përqendrohen te modeli i fitimit afat-shkurtër kryesisht gjatë sezonit të verës. Në evente të tilla e kupton vërtet rëndësinë që ka turizmi për mirëqenien e vendit, për zhvillimin e zonave të izoluara dhe për ruajtjen e pasurive kombëtare dhe traditave. Për mua ishte një mundësi e jashtëzakonshme të isha pjesëmarrëse dhe të përfaqësoja një vend të jashtëzakonshëm si Shqipëria dhe njëkohësisht do bëj të pamundurën që kur të kthehem nga ky event të përcjell mesazhin e turizmit të përgjegjshëm, të cilësisë në shërbimin turistik dhe të konsideratës për natyrën sa herë të më jepet mundësia. Padiskutim që ne mund të kthehemi në një destinacion botëror duke i dhënë turistëve sa më shumë arsye për të na vizituar dhe duke e parë veten si pjesë e diçkaje më të plotë dhe të madhe, Ballkani. Prandaj gjatë këtyre ditëve punuam sëbashku me përfaqësuesit e Ballkanit për strategjinë 3-vjeçare në zhvillim të turizmit të qëndrueshëm, duke mos e parë njëri-tjetrin si konkurrent, por si partnerë e që ndajnë vlera dhe trashëgimi, duke rritur standardet dhe sasinë e cilësinë e produkteve turistike." Të parët për lajmin e fundit. Ndiqni Oranews.tv në Facebook dhe në Twitter |
Pse nuk e la Rama ligjin për mbetjet mandatin e dytë? Posted: 22 Sep 2016 11:06 PM PDT Le te hyme pak real politike, ti leme te gjitha per momentin…Rama shpreh nje siguri maksimale per fitimin e zgjedhjeve te ardhshme. Rama flet per rritje te ekonomise, per rritje te investimeve te huaja. Rama flet per ulje te papunesise. Rama dhe ministrat e tij flasin per rritje te turizmit shqiptar. Pra ne kete aspekt industria e perpunimit te mbetjeve sic mbeti off per vite e vite me radhe mund te rrinte dhe 8 muaj sa te vinin zgjedhjet e ardhshme. Nga ana tjeter pikerisht, pse jemi 8 muaj para zgjedhjeve qeveria po ul gjobat per biznesin, po flet per rritje rrogash etj etj, si cdo qeveri po perpiqet te mbaroje disa vepra qe te lere gjurme per mire pikerisht per kete dite. Perkunder gjithe ketyre perpjekjeve, duke e ditur te gjithe, pasi e ka deshmuar dhe vete qe eshte nje nga qeverite qe kujdeset me shume se cdo gje tjeter per fasadat, kujdeset me shume se gjithcka per imazhin, pikerisht kjo lloj qeverie, shkon dhe varros pikerisht 8 muaj para zgjedhjeve nje kauzat e veta me te medhaja morale, duke e ditur shume mire qe do te kete pasoja per te, madje duke rrezikuar dhe me mesazhin perfundimtar pikerisht 8 muaj perpara zgjedhjeve: duke pare ne Parlament per here te pare pikerisht ne nje kohe gati gati fushate, numrin e frikshem 63 si mazhorance. Cfar tregon kjo? Thjesht, paster, shqip, kjo tregon qe Kryeministri ka pushuar se menduari si politikan, thjesht po mendon si biznesman. Kaq lexohet qarte. Të parët për lajmin e fundit. Ndiqni Oranews.tv në Facebook dhe në Twitter |
Masat dhe kamerat nuk po parandalojnë dhunën në shkolla Posted: 22 Sep 2016 10:59 PM PDT Pavarësisht masave të marra, siguria e shkollave është vënë sërish në pikëpyetje sidomos me ngjarjen e fundit të ndodhur në shkollën "Çajupi", e cila edhe pse ndodhi jashtë saj ngarkon me përgjegjësi shkollat por edhe policinë e shtetit e cila është ngarkuar të jetë e pranishme jashtë ambjenteve të shkollave në tre momente të ndryshme. Drejtoresha e Drejtorisë Arsimore të Tiranës e pyetur për Ora News, tha se pavarësisht plagosjes së 17 vjeçarit jashtë shkollës "Çajupi" dy ditë më parë, plani i masave është ende në fuqi dhe se shkolla është e pajisur edhe me kamera sigurie. "Shkollat si institucion janë terësisht të sigurta. Policia është prezent në shkolla në mëngjes, me patrullimin e mëngjesit kur nxënësit hyjnë. Në orën e pushimit, mos të harrojmë që gjatë gjithë kohës këto lloj fenomenesh negative midis nxënësve ndodhin kur ata janë në kontakt me njëri-tjetrin dhe nuk ndodhin brenda orës së mësimit kur ata janë fokusuar në proçesin mësimor.Po ashtu edhe pasi mbaron proçesi mësimor". Rasti konkret sipas Drejtoreshës ka pasur si nxitje debatin në rrjete sociale dhe se goditja është bërë me një mjet rrethanor. "Incidenti ëhstë bërë me një copë xhami e gjetur në koshin e mbeturinave afër shkollës. Në gjimnaze sigurisht, por edhe shkollat nëntë vjeçare ne i kemi pajisur me kamera vëzhgimi.Në këtë rast u pa konflikti dhe u ndërhy. Po ta shikoni dhe nga videot e marra nga amatorë, ndërhyrja e parë ka qenë nga mësues të shkollës të cilët e kanë vënë re nga kamerat, kanë dalë jashtë. Po të shikoni keni zonja me përparëse të bardhë që i vinë në ndihmë menjëherë nxënësit të tyre”. Raste të ngjashme kanë ndodhur jo vetëm në kryeqytet, por edhe në shkollat e rretheve ku duket që jo vetëm plani i masave mund të ketë ndikim parandalues. Dy ditë më parë një 17 vjeçar u plagos me mjete të forta në këmbë nga bashkëmoshatari i tij. Jeta e tij u shpëtua falë një ndërhyrje të specializuar në Spitalin e Traumës. Të parët për lajmin e fundit. Ndiqni Oranews.tv në Facebook dhe në Twitter |
32-vjeçari gjendet i varur në një pemë në oborrin e banesës Posted: 22 Sep 2016 10:44 PM PDT Një 32-vjeçar është gjetur i varur në një pemë mëngjesin e sotëm. Policia e kryeqytetit bën me dije se rreth orës 06:46, në rrugën “Besim Alla”, në oborrin e banesës është gjetur i varur në një pemë, shtetasi Gerard Avxhia. Nga hetimet paraprake të bluve, dyshohet që ky shtetas të jetë vetëvarur. Grupi hetimor në vendin e ngjarjes po punon për gjetjen e motivit të këtij veprimi.
Të parët për lajmin e fundit. Ndiqni Oranews.tv në Facebook dhe në Twitter |
Shkon në dy numri i viktimave nga aksidenti në Blinisht Posted: 22 Sep 2016 10:37 PM PDT Shkon në 2 numri i viktimave nga aksidenti i një ditë më parë në kryqëzimin e Blinishtit. Policia bën me dije se në ambjentet e spitalit të Traumës në Tiranë ka ndërruar jetë edhe një nga të plagosurit, konkretisht shtetesja Fatmira Ndregjoni, 61 vjeçe, banuese në Shtetet e Bashkuara të Amerikës. Mësohet se 61-vjeçarja ishte pasagjere në makinën "Benz" ku udhëtonte edhe 50-vjeçarja me të njëjtat gjeneralitete me Ndregjonin e cila gjetur vdekjen e menjëhershme nga përplasja e mjetit të tyre me një "Audi". Ndërkohë vijojnë të marrin mjekim në spital katër të plagosurit e tjerë. Nga hetimet e para të policisë është bërë e ditur se shkak për aksidentin është bërë dalje në mënyre të menjëhershme e automjetit tip Benz në superstrade. Drejtuesi i mjetit nuk e ka parë mjetin tjeter i cili po lëvizte me shpejtësi, duke sjellë edhe përplasjen. Vendosja e barrierave në kryqezimin e Blinishtit ka bllokuar pamjen e drejtuesve të mjëtëve, dike krijuar një kthese 90 gradë. Kjo ka bërë që ky vend të kthehet një burim të sigurtë aksidentesh.Vetem një javë më parë ndodhi një aksident i tillë por fatmirësht pa viktima. Të parët për lajmin e fundit. Ndiqni Oranews.tv në Facebook dhe në Twitter |
You are subscribed to email updates from Ora News. To stop receiving these emails, you may unsubscribe now. | Email delivery powered by Google |
Google Inc., 1600 Amphitheatre Parkway, Mountain View, CA 94043, United States |
Lexo edhe: