Ora News: “Ekstradohet nga Athina 32-vjeçari për skema mashtruese me TVSH” plus 9 more |
- Ekstradohet nga Athina 32-vjeçari për skema mashtruese me TVSH
- Chloe Khan “shokon” me veshjen provokuese
- Demarkacioni drejt dështimit? Lista serbe bojkoton seancën
- Nuk ndalet droga, asgjesohen 13500 rrënjë kanabis në Memaliaj
- Formojnë një kullë 15 metra, ja si rrëzohen
- Gjashtë lëkundje tërmeti brenda 2 orësh, epiqendra Librazhd
- Të tjera tërmete në Amatrice. Prokuroria nis hetimet për shembjet
- Zjarret, Kadeli: 6 helikopterë në pritje për ndërhyrje. Urdhëri nuk u dha
- Erdogan miraton marrëveshjen e normalizimit Turqi-Izrael
- Rita Ora zbulon në “Tonight” këngën që do këndojë në Vatikan
| Ekstradohet nga Athina 32-vjeçari për skema mashtruese me TVSH Posted: 31 Aug 2016 11:54 PM PDT Një 32-vjeçar nga Tirana është ekstraduar nga Athina drejt vendit tonë, i cili ishte shpallur në kërkim pasi prej një viti ishte i implikuar në skema mashtruese me TVSH-në, në fushën e tregtimit të çimentos, në Korçë. "Specialistët e Seksionit kundër Krimit Ekonomik-Financiar, në Drejtorinë Vendore të Policisë Korçë, bënë ekzekutimin e vendimit penal nr 307, të datës 12.08.2015, ndaj shtetasit të shpallur në kërkim Sotiraq Beçi, 32 vjeç, banues në Tiranë.Gjykata e Rrethit Gjyqësor Korçë, ka caktuar ndaj këtij shtetasi, masën e sigurisë: “Arrest me burg” për veprën penale : “Krijimi i skemave mashtruese lidhur me tatimin mbi vlerën e shtuar”, parashikuar nga neni 144/a i Kodit Penal", sqaron policia. Beçi është shpallur në kërkim më datë 12.08.2016, si i implikuar në ngjarjen, në të cilën u zbulua, një skemë mashtrimi me Tvsh- në, në fushën e tregtimit të çimentos, në qytetin e Korçës. Si rezultat i bashkëpunimit të Interpol Tirana me Interpol Athinën, u bë i mundur arrestimi i tij në Greqi, me qëllim ekstradimi drejt vendit tonë. Të parët për lajmin e fundit. Ndiqni Oranews.tv në Facebook dhe në Twitter |
| Chloe Khan “shokon” me veshjen provokuese Posted: 31 Aug 2016 11:46 PM PDT Chloe Khan i ka qëndruar besnike karrierës së saj në revistën Playboy. Ylli i Big Brotherit britanik duket se i është rikthyer edhe njëherë të kaluarës mbrëmjen e së mërkurës me një veshje provokuese me veshë lepurushi. 25 vjeçarja është fotografuar në rrugët e Manchester me një xhaketë të zezë që i ekspozonte gjoksin e që linte përtej imagjinatës.
/Oranews.tv/ Të parët për lajmin e fundit. Ndiqni Oranews.tv në Facebook dhe në Twitter |
| Demarkacioni drejt dështimit? Lista serbe bojkoton seancën Posted: 31 Aug 2016 11:32 PM PDT Teksa seanca parlametare pritet të nisë në orën 11 e 30 minuta të ditës së sotme për të votuar marrëveshjen e demarkacionit me Malin e Zi, një veprim i paparashikueshëm vjen nga Lista Serbe, e cila me urdhër të Beogradit ka vendosur të bojkotojë seancën. Në fakt deri tani problemet ishin parashikuar nga brenda polikës së Kosovës, por gjithcka u qetësua pas konfirmimit të numrave nga ana e dy partnerëve të koalicionit, PDK dhe LDK, pasi një pjesë e mirë e deputetëve të LDK kishin deklarauar votën kundër marrëveshjes. Por, sipas mendiave vendase, kundër demarkacionit ka dalë edhe një parti e koalicionit qeveritar, Partia e Drejtësisë, e cila në Kuvend përfaqësohet nga deputetja Labinotë Demi-Murtezi. Një situatë e tillë krijon paqartësi edhe më të mëdha nëse koalcionin PDK-LDK i ka votat e mjaftueshme për ratifikimin e marrëveshjes së demarkacionit më Malin e Zi. Që marrëveshja të jetë fuqiplotë duhen votat e dy të tretave të deputetëve, minimumi 80 vota. Sipas ndarjes në Kuvend, mazhoranca ka 84 deputetë, opozita 30, kurse gjashtë deputetë janë të pavarur. Nëse numrit të deputetëve të shumicës i shtojmë votat e 6 deputetëve të pavarur, ky numër shkon në 90. Por nëse deputetët e Listës Serbe nuk marrin pjesë në seancë, atëherë dështimi i demarkacionit është i qartë, sepse në asnjë variant nuk mund të bëhen 80 vota. Që gjërat të komplikohen edhe më shumë për pozitën, janë deklarimet e disa deputetëve të koalicionit të cilët prej kohësh kanë deklaruar se do të votojnë kundër demarkacionit. Në këtë listë janë Shpejtim Bulliqi dhe Adem Salihaj i LDK-së, Nait Hasani dhe Raif Qela nga PDK. Ndërkaq lëvizja vetvendosje ka paralajmëruar se do të protestojë jahstë parlamentit në prishtinë kundërmarreveshjes, duke u shprehur se protesta do të jetë paqësore, por jo e qetë. Të parët për lajmin e fundit. Ndiqni Oranews.tv në Facebook dhe në Twitter |
| Nuk ndalet droga, asgjesohen 13500 rrënjë kanabis në Memaliaj Posted: 31 Aug 2016 11:20 PM PDT Nuk ndalet droga në Shqipëri, pas aksionit të një ditë më parë, ku u asgjesuan mbi 80 mijë rrënjë kanabis në disa qytete të Shqipërisë, policia ka vijuar aksionin. Ne Memalij janë asgjesuar me anë të djegies 13500 rrënjë. “Nga kontrolli i ushtruar nga Shërbimet e Policisë , për goditjen e veprimtarisë kriminale të kultivimit të bimëve narkotike në vendin e quajtur “Përroi i Vastrave”, Krahës 1 ,Memaliaj, u konstatuan dhe u asgjësuan në 16 parcela 3 100 bimë të dyshuara Cannabis Sattiva. Nga kontrolli i ushtruar nga Shërbimet e Policisë ,në vendin e quajtur “Sheshi i Vreshtit” ,Kalivaç , Memaliaj , u kanstatuan dhe u asgjësuan në 5 parcela rreth 8 800 bimë të dyshuara Cannabis Sattiva. Gjithashtu nga kontrolli i ushtruar nga Shërbimet e Policisë në afërsi të fshatit Kalivaç,Memaliaj , në 11 parcela u konstatuan dhe u asgjësuan 1 600 bimë të dyshuara Cannabis Sattiva.Bimët u asgjësuan në vend me anë të djegies , ku disa prej tyre u sekuestrua në cilësinë e provës materiale.” Policia po punon për identifikimin dhe kapjen e autorëve. Të parët për lajmin e fundit. Ndiqni Oranews.tv në Facebook dhe në Twitter |
| Formojnë një kullë 15 metra, ja si rrëzohen Posted: 31 Aug 2016 11:20 PM PDT Disa nga performuesit në festivalin spanjoll "St Felix Day", përjetuan disa momente marramendëse kur formuan sëbashku kullën e tyre njerëzore në lartësinë 15 metra- derisa e u shemb e gjitha, vetëm nga një lëvizje e gabuar. Mijëra vetë u mblodhën në Villafranca del Penedes në Katalonia për të ndjekur skuadrat që konkuronin për të ndërtuar kullën më të lartë, njohur ndryshe si "castell". Video shokuese tregon se si vepra e artit një prej ekipeve u shkatërrua para të gjithë spektatorëve pasi nuk arriti të ruante ekuilibrin. Festivali është një traditë spanjolle që daton që nga shekulli i 18.
/Oranews.tv/ Të parët për lajmin e fundit. Ndiqni Oranews.tv në Facebook dhe në Twitter |
| Gjashtë lëkundje tërmeti brenda 2 orësh, epiqendra Librazhd Posted: 31 Aug 2016 11:10 PM PDT Disa lëkundje tërmeti janë regjistruar nga Instituti i Gjeoshkencave në Tiranë. Janë regjistruar gjashtë lëkundje tërmeti nga ora 22:20- 23: 52 të mbrëmjes së të enjtes 31 gusht 2016. Lëkundja më e fortë ka qenë në orën 22: 20 kur është regjistruar me forcë 4.2 dhe epiqendër Gështenjë, 14 km në veri të Librazhdit Lëkundje të tjera janë ndjerë në Ora: 22:33:35, Ora: 22:50:35, Ora: 23:14:53, Momentalisht nuk raportohen për dëme apo të lënduar. Tërmeti është ndjerë në Tiranë.  Harta ku jane regjistruar lekundjet e termetit, me te kuqe epiqendra /Oranews.tv/
Të parët për lajmin e fundit. Ndiqni Oranews.tv në Facebook dhe në Twitter |
| Të tjera tërmete në Amatrice. Prokuroria nis hetimet për shembjet Posted: 31 Aug 2016 11:10 PM PDT Toka vazhdon të dridhet në territorin e zonave të dëmtuara nga tërmeti i 24 gushtit që goditi Italinë Qëndrore duke shkaktuar deri më tani 294 viktima. Në orën 5.53 minuta të mëngjesit të sotëm një lëkundje tërmeti e shkallës 3.6 është regjistruar në komunën e Amatrices me epiqëndër 10 km në thellësi të tokës. Ndërsa në orën 00.14 minuta të natës së shkuar në Arquata del Tronto lëkundja e tërmetit ka qënë e shkallës 3.5. E po e shkallës 3.5 ka qënë lëkundja e tërmetit e regjistruar një natë më parë në ora 23.42 në komunën e Norcias. Prokuroria vë nën sekuestrim serverin dhe arkivin e komunës së Amatrices Ndërkohë Prokuroria e provincës së Rietit, pjesë e së cilës është komuna e Amatrices ka nisur zyrtarisht hetimet mbi shëmbjet e shkaktuara nga tërmeti në këtë qytezë e konsideruar si një territor me një rrezik të lartë sizmik. Prokuroria e Rietit ka vënë nën sekuestrim serverin e komunës së Amatrices , arkivin e zyrave teknike në këtë komunë si dhe një dokumentacion administrativ e teknik prej 12 mijë faqesh nga tenderat publik të lëshuar nga kjo komunë për punimet e kryera në ndërtesat publike. Ajo cka ka ngeluar nga ndërtesa e komunës së Amatrices është vënë nën sekuestrimin e autoriteteve italiane e po punohet për të rikuperuar të gjithë sitemin informatik, i cili ka mbetur nën gërmadha. Një vëmënjde të vecantë në këtë hetim po i kushtohet punimeve të kryera në shkollën e Amtarices të cilat duhet të përmbanin dhe vënien e e saj në siguri nga rreziku sizmik. Gjithashtu policia finaciare italiane po kryen kontrolle e ka mbledhur dokumente në disa seli entesh publike e sipërmarrjesh që kanë ekzekutuar punimet në disa ndërtsa në komunën e Amatrices. Një ditë më parë qeveria italiane ka emëruar Vasco Erranin, ish guvernatorin e rajonit të Emilia Romanjës, komisar teknik për rindërtimin e zonave të dëmtuar nga tërmeti i 24 gushtit. /Oranews.tv/ Të parët për lajmin e fundit. Ndiqni Oranews.tv në Facebook dhe në Twitter |
| Zjarret, Kadeli: 6 helikopterë në pritje për ndërhyrje. Urdhëri nuk u dha Posted: 31 Aug 2016 10:49 PM PDT Situata e zjarrve në zonën e Lezhës këtë verë ka qenë shumë shqetësuese, ku në disa raste janë rrezikuar edhe banesat. Deputetit i LSI, Gjovalin Kadeli bëri përgjegjëse qeverinë për mospërballimin e situatës. Në në postim në profilin e tij në FB, Kadeli thotë se kompania e helikopterëve, me 6 helikopterë në dispozicion ka qenë në pritje të një urdhëri për të ndërhyrë dhe për të shuar zjarret që ranë për disa ditë në malin e Rrepsit ne Shëngjin Sipas deputetit të LSI, "ky urdhër nuk u dha asnjëherë, por thjesht u përdor një helikopter për të thënë se po bëjmë diçka". Deputeti i LSI e mbyll postimin e tij duke thënë “turp që u la të digjej ajo perlë e natyrës”
Postimi i Kadelit në FB Shengjini ! Sapo mbaroi sezoni veror dhe jam i bindur se c’do pushues qe ka kaluar pushimet ne Shengjin eshte larguar me pershtypje me te mira mbi sherbimin e permiresuar hotelier dhe akomodues dhe sidomos guzhinat tradicionale shqiptare me ushqime bio te kerkuara aq shume nga pushuesit.
/Oranews.tv/ Të parët për lajmin e fundit. Ndiqni Oranews.tv në Facebook dhe në Twitter |
| Erdogan miraton marrëveshjen e normalizimit Turqi-Izrael Posted: 31 Aug 2016 10:30 PM PDT Presidenti i Turqisë, Rexhep Taip Erdogan ka miratuar dje marrëveshjen për normalizimin e marrëdhënive me Izralin, i cili u miratua pak ditë më parë në parlamentin turk, raporton Daily Sabah. Sipas marrëveshjes pritet që të rivendosen marrëdhëniet diplomatike ndërmjet dy vendeve, të cilat do të shkëmbejnë ambasadorët në javët e ardhshme. Ligji në lidhje me miratimin e marrëveshjes mes Turqisë dhe Izraelit mbi kompensim i është dorëzuar kryeministrit për shpallje. Marrëdhëniet mes Turqisë dhe Izraelit u prishën në vitin 2010 pas një sulmi detar izraelit drejt një anije truke, ndërkohë që po jepte ndihma humanitare në Rripin e Gazës. Nga sulmi u vranë 10 aktivistë. Të parët për lajmin e fundit. Ndiqni Oranews.tv në Facebook dhe në Twitter |
| Rita Ora zbulon në “Tonight” këngën që do këndojë në Vatikan Posted: 31 Aug 2016 01:50 PM PDT Këngetarja shqiptare Rita Ora ka shprehur entuziazmin për pjesmarrjen në koncertin që do të mbahet në Vatikan me rastin e shenjtërimit të Nënë Terezës gjatë një bisede me Jimmy Fallon në puntatën e mbrëmshme të emisionit të tij. Ajo tha se të këndosh për Papën është diçka e mrekullueshme, duke shprehur me nota humori edhe befasine kur kishte lexuar ftesën dhe emrin e Papës në listën e të ftuarve. "Nesër nisem për në Vatikan. Unë jam një person me shume spiritual, por ta takosh Papën mendoj se është diçka e mrekullueshme. Do të ndodhë një mrekulli. Nenë Tereza do të shpallet shenjt", tha Ora. "What child is this who laid to rest" është kënga që Rita do tw performojë në Vatikan, të cilën e zbuloi gjatë intervistës në "Tonight show" me Jimmy Fallon. Në koncert nuk do të mungojnë edhe emra të tjerë të njohur të skenës shqiptare të njohura botërisht, si soprano e famshme Inva Mula dhe Ermonela Jaho. Më 4 shtator bamirësja shqiptare Nënë Tereza do të shpallet shenjt, 12 vjet pas lumturimit të saj nga ana e Papa Gjon Pali i II. Të parët për lajmin e fundit. Ndiqni Oranews.tv në Facebook dhe në Twitter |
| You are subscribed to email updates from Ora News. To stop receiving these emails, you may unsubscribe now. | Email delivery powered by Google |
| Google Inc., 1600 Amphitheatre Parkway, Mountain View, CA 94043, United States | |
Lexo edhe:
