“Në rajonin e Ferizajt, 74 raste të dhunës në familje për 8 muaj” plus 9 more Ferizaj Press |
- Në rajonin e Ferizajt, 74 raste të dhunës në familje për 8 muaj
- 25 të arrestuar brenda 24 orëve të fundit në Kosovë
- Në Prishtinë protestë kundër Jeremiqit
- PDK në Ferizaj sërish akuzon kryetarin e Ferizajt për shkelje të ligjit
- Filloi pjesa e dytë e provimit të maturës
- Tre të vdekur nga aksident i rëndë në magjistralen Prishtinë-Ferizaj
- Nisi edicioni i katërt i “FERFILM” nē Ferizaj
- SHENJTËRIMI – VENDOSENI NË PROFIL NËNËN TEREZË
- Shqetësime sociologjike
- Një fotografi me vlerë e gjyshit tim
Në rajonin e Ferizajt, 74 raste të dhunës në familje për 8 muaj Posted: 03 Sep 2016 09:00 AM PDT Gjatë periudhës janar-gusht të këtij viti në regjionin e Ferizajt janë shënuar gjithsej 74 raste të dhunës në familje duke e përfshirë edhe Komunën e Hanit të Elezit, Kaçanikun, Shtërpcën dhe Shtimen.Në krahasim me periudhën e njëjtë të vitit të kaluar, këto raste kanë shënuar një rënie nga 26 deri në 60 për qind, varësisht nga komunat, shkruan sot Koha Ditore. Sipas statistikave të Policisë së Ferizajt gjatë kësaj periudhe, kjo komunë prin me 42 raste të dhunës në familje, Kaçaniku me 13 raste, Shtimja me 11 raste, Shtërpca me 4 raste dhe Hani i Elezit me 4 raste. Ndërkaq muaji maj dhe ai mars të këtij viti kishin prirë me nga 12 raste të dhunës në familje, duke shënuar një rritje të lehtë prej 9 për qind në krahasim me periudhën e njëjtë të vitit të kaluar. Rrjeti i OJQ-ve "Avonet" në Ferizaj gjatë monitorimit të gjykatave ka bërë një hulumtim në fushën e dhunës në familje, njëkohësisht ka realizuar edhe projekte për parandalimin e saj |
25 të arrestuar brenda 24 orëve të fundit në Kosovë Posted: 03 Sep 2016 04:52 AM PDT Policia e Kosovës bën të ditur se për 24 orë ka arrestuar 25 persona të dyshuar për vepra të ndryshme të kundërligjshme, dhe ka shqiptuar 991 tiketa për kundërvajtje të ndryshme në trafikun rrugor “Bazuar në informacionet e pranuara sot, se në rrugën rajonale Prishtinë-Ferizaj është shkaktuar një aksident trafiku me fatalitet ku kanë humbur jetën tre (3) persona, Policia e Kosovës apelon tek të gjithë pjesëmarrësit në komunikacion që të jenë më vigjilent, të respektojnë rregullat dhe procedurat që dalin nga ligji mbi komunikacionin rrugor dhe të shtojnë kujdesin maksimal gjatë vozitjes për të ruajtur jetën e vet dhe të pjesëmarrësve tjerë në komunikacion, pasi që rastet e humbjes së jetëve si rezultat i pakujdesisë dhe mos respektimit të ligjit të komunikacionit rrugor janë tepër shqetësuese.” thuhet në komunikatë. Policia e Kosovës, përveç masave parandaluese njofton se; masa rigoroze ndëshkuese do të ndërmerren, në bashkëpunim me autoritetet kompetente ligjore ndaj të gjithë atyre që bien në kundërshtim me rregullat dhe procedurat ligjore me të vetmin qëllim për të shmangur rastet e tilla. |
Në Prishtinë protestë kundër Jeremiqit Posted: 03 Sep 2016 04:11 AM PDT Protestuesit kundër kandidatit të Vuk Jeremiqit për sekretar të përgjithshëm të OKB-së, kanë filluar të mblidhen te sheshi Zahir Pajaziti. Në protestë veç qytetarëve po marrin pjesë edhe aktivistë të Lëvizjes Vetëvendosje, si dhe deputeti i LDK-së, Armend Zemaj. Në pankartat e protestuesve theksohet se në Kosovë “janë vrarë 11.840 persona, të zhdukur 1.666 persona dhe mbi 20 mijë gra të përdhunuara". |
PDK në Ferizaj sërish akuzon kryetarin e Ferizajt për shkelje të ligjit Posted: 03 Sep 2016 03:59 AM PDT PDK në Ferizaj,në një konferencë të mbajtur për medie sërish ka akuzuar kryetarin e Ferizajt, Muharrem Svarqa, për shkelje të ligjit. Lulzim Aliu,nënkryetar i PDK-së në Ferizaj , me këtë rast ka akuzuar kryatarin Svarqa se nuk po respekton ligjin për shpenzimin e parasë publike dhe menaxhimin e pronës së komunës. Aliu ka ngritur shqetësimin se pa asnjë ankand publik dhe në mënyrë të paligjshme i është dhënë në shfrytëzim një hapësirë brenda objektit t komunës kompanisë "Vllesa co" Shpk nga Suhareka. "Në këtë rast kompania financiare "Vllesa co" shpk është favorizuar, po ashtu në mënyrë të paligjshme, që të mundësojë pagesat e qytetarëve për të gjitha dokumentet që nxirren brenda komunës përfshirë edhe taksat" ka thënë Aliu. Deklaratën ë plotë nga kjo konferencë mundë ta lexoni në vazhdim. Partia Demokratike e Kosovës edhe me këtë konferencë po përpiqet që në vazhdimësi të kryej obligimin e vet qytetar dhe ligjor që e ka marrë në dhjetor të vitit 2013. Qëndrimi ynë i përhershëm karshi pushtetit ka qenë, është dhe do të jetë qëndrimi konstruktiv dhe progresiv. Qëllimi ynë kryesor ka qenë dhe është që, edhe më tutje, në vend të një qeverisjeje paushalle, të imponojmë një qeverisje të bazuar në rregulla dhe ligje. Ndërsa shumë shqetësuese për ne është fakti se, përkundër kujdesit tonë, vërejtjeve të vazhdueshme, këshillave kolegiale si në mbledhjet e Kuvendit të Komunës ashtu edhe në prononcimet tona publike, Kryetari i Komunës së Ferizajt po tregohet tekanjoz dhe mospërfillës. Përkrahja e paligjshme që i është bërë nga Qeveria e Kosovës, në rastin kur Grupi Parlamentar i PDK-së, në mënyrë të argumentua, pat kërkuar suspendimin e tij, e ka bërë Muharrem Svarqën të ndjehet i paprekshëm. Mosrespektimi i ligjeve që e rregullojnë shpenzimin e parasë publike dhe menaxhimin e pronës së komunës është rrezik i madh për shtetin tonë. Përpos dëmeve të mëdha materiale që qeverisja paushalle e Svarqës po i bën vendit, më e rënda është ajo që, monarkia që ka ndërtuar ai, po shkakton jo besim të pariparueshëm të qytetarët tanë. Për atë që kemi parë në tri vitet e udhëheqjes së Muharrem Svarqës konkludimi është i pashmangshëm: ai është jo vetëm cenues i Kushtetutës së Kosovës por është përdhunues i saj. Me keqardhje, të nderuar qytetarë të Ferizajt, më duhet të dëshmoj se ai, Kryetari i Komunës sonë, jo vetëm në të kaluarën, por edhe tash, i ka shkelur dhe po i shkel të gjitha ligjet, ama bash të gjitha ligjet, që e rregullojnë funksionimin e pushtetit në nivel lokal. Asnjë euro e parasë publike nuk mund të harxhohet nga Qeveria lokale dhe asnjë cm e pronës së komunës nuk mund të ipet në shfrytëzim nga Kryetari pa vendim të Kuvendit dhe pa procedura të hapura të konkurimit. Dëshmia e jonë e sotshme për ju, të nderuar qytetarë, është një kontratë për dhënien e pronës së komunës me qera e cila është bërë në mënyrë rreptësisht të ndaluar. Fjala është për një hapësirë brenda objektit të komunës, mu në hyrje të sallës së Kuvendit, të cilën kryetari i komunës, me datën 07.07.2016, ia ka dhënë për shfrytëzim, në mënyrë të parregullt, kompanisë "Vllesa co" Shpk nga Suhareka. Në këtë rast kompania financiare "Vllesa co" shpk është favorizuar, po ashtu në mënyrë të paligjshme, që të mundësojë pagesat e qytetarëve për të gjitha dokumentet që nxirren brenda komunës përfshirë edhe taksat. Sipas Ligji Nr. 04/L-144 PËR DHËNIEN NË SHFRYTËZIM DHE KËMBIMIN E PRONËS SË PALUAJTSHME TË KOMUNËS, neni 5 pika 1, Procedurat për dhënien e pronës së paluajtshme komunale në shfrytëzim afatshkurtër, realizohen përmes konkurrencës së hapur publike dhe procedurave të parapara me këtë ligj. Sipas nenit 7 të po këtij ligji, Kryetari i Komunës i propozon Kuvendit të Komunës për miratim paraprak pronën e paluajtshme të Komunës për dhënien në shfrytëzim personave fizik dhe juridik, duke paraqitur arsyet dhe interesin publik. Ndërsa në Nenin 10, ku shpjegohet Dhënia e pronës së paluajtshme të Komunës për rastet e veçanta, ky rast nuk është i përfshirë. Dmth në rastin e lidhjes së marrëveshjes në mes të komunës dhe "Vllesa co" shpk nga Suhareka nuk është respektuar asnjë procedurë e paraparë me ligjin e vetëm që e rregullon këtë çështje. Si përfundim, ftojmë sërish Prokurorin e Shtetit që të ndërmarr masa konkrete për të mbrojtur vendin tonë që të mos rrëshqas drejt anarkisë. |
Filloi pjesa e dytë e provimit të maturës Posted: 03 Sep 2016 02:50 AM PDT Komisioni Shtetëror i Maturës (KShM) njofton se ka filluar në të gjitha qendrat në Kosovë pjesa e dytë e Provimit të Maturës Shtetërore (afati i gushtit) dhe sipas raporteve të kryetarëve të qendrave tesimi i maturantëve ka filluar me kohë dhe gjithçka është duke shkuar në rregull. Janë mbi 8.500 maturantë të cilët nuk kanë mundur të arrijnë prakun e kalueshmërisë në afatin e qershorit, të cilët sot po testohen në pjesët e dytë të Provimit të Maturës, në lëndët profesionale. Provimi i Maturës është organizuar në 86 qendra të testimit në gjithë vendin, poadministrohet nga 600 administrues dhe po monitorohet nga monitorues të angazhuar nga MAShT. |
Tre të vdekur nga aksident i rëndë në magjistralen Prishtinë-Ferizaj Posted: 03 Sep 2016 02:21 AM PDT Një aksidenti rëndë komunikacioni ka ndodhur në magjistralen Prishtinë-Ferizaj, përkatësisht te fshati Llugaxhi, në të cilin ka edhe të vdekur.Indeksonline ka kontaktuar me stacionin policor në Lipjan, i cili ka konfirmuar aksidentin. Sipas policisë, aksidenti ka ndodhur mes një kamioni dhe një veture me targa të huaja. "Po aksidenti ka ndodh në magjistrale, te fshati Llugaxhi, ekipet policore tashmë janë në teren si dhe vetura e ambulancës", kanë thënë nga ky stacion. Zëdhënësja e policisë për rajonin e Prishtinës, Flora Ahmeti e ka konfirmuar se në këtë aksident ka të vdekur. “Sot në orën 7:30 ka ndodhur një aksident trafiku në mes një veture civile dhe një kamioni në magjistralen Prishtinë – Ferizaj, në fshati Llugaxhi. Nga ky aksident ka edhe të vdekur", tha Ahmeti, duke shtuar se nga aksidenti kanë vdekur tre persona. “Dy femra dhe një mashkull ka vdekur në aksident”, tha ajo |
Nisi edicioni i katërt i “FERFILM” nē Ferizaj Posted: 03 Sep 2016 01:55 AM PDT Ferizaj – Edicioni i katërt i festivalit ndërkombëtar të filmit FERFILM, nisi mbrëmë në Shtëpinë e teatrit "Adriana" në Ferizaj, i mirëpritur nga qindra shikues. Festivali u hap me një film të shkurtër për Nënë Trezën, si përkujtim për shikuesit që këto ditë bëhet shenjtërimi i saj në Vatikan dhe me dy këngë, interpretuar nga këngëtarët e njohur ferizajas Veli Sahiti e Mentor Haziri. Festivalin e shpalli të hapur kryetari i Komunës, Muharrem Svarqa, i cili shfaqi gatishmërinë e pushtetit lokal për të mbështetur ngjarje si kjo. Ai u tha mysafirëve dhe shikuesve ferizajas se festivali ofron një rast të mirë që edhe krijuesit, por edhe shikuesit të njihen me krijimtari e përvoja nga vende të ndryshme të botës.
Sipas programit të publikuar, në këtë edicion do të shfaqen qindra filma të shkurtër e të gjatë, ndërsa në tapetin e kuq do të kalojnë mbi 30 filmbërës ndërkombëtarë.
|
SHENJTËRIMI – VENDOSENI NË PROFIL NËNËN TEREZË Posted: 02 Sep 2016 01:08 PM PDT Nga sot 2 shtator 2016 e gjer të hënën 5 shtator 2016 (përvjetori i vdekjes së Nënës Terezë), do ta mbaj si profil fotografinë e krenarisë shqiptare, Nënën e Madhe të gjithë Njerëzimit – Nënës Terezë (Madre Teresa) – Gonxhe Bojaxhiu. Jam falënderues ndaj të gjithëve që kontribuuan që ta shpallin Nënën Terezë të Shenjtë, pasi ajo ishte dhe mbetet e tillë. Po ashtu ndiej veten fatlum se Ajo do të Shenjtërohet në ditëlindjen time me 4 shtator 2016. Këto ditë mendoj se bile ne, çdo shqiptar i vërtetë duhet ta mbajë si profil të tij në facebook fotografinë e Nënës së Botës – Nënës Terezë, në shenjë përkrahjeje e përulje para një Shenjtërie të vërtetë! Me përulje para Lavdisë, Bashkim Fazliu Migjeni |
Posted: 02 Sep 2016 12:15 PM PDT Të jetosh sot, e të mendosh sikur dje!, është një paradox që po ndodh fatkeqësisht tek ne… Unë,si një studiues i vogël,dhe si një gardian i shqetësimeve të qytetarisë aktive më dhembë,shumë më dhembë forma e "urbanizmit politik" që po e përjetojmë ne si qytetar të thjeshtë, pas luftës në Kosovë,gjegjësisht në Ferizaj. Do ti qasem nga dy kënde kësaj problematike: Qasja e parë thuhet se "Urbanistët"e mbajnë qëndrimin se dinamika fizike dhe sociale e hapësirës publike duhet të luajë një rol qendror në formimin e publikut dhe kulturës publike, rrugëve, parqeve, shesheve, si dhe hapësirave të tjera të përbashkëta të një qyteti,që i shohin si simbole kolektive për mirëqenien dhe mundësit e shprehjes së lirë, vendet e takimit publik dhe formimin e kulturës qytetare, si dhe hapësirave të rëndësishme të reflektimit politik. Ndërsa qasja e dytë: nga "komentatorët urban" dhe "praktikuesit urban" qëndrojnë stoik krahas mendimit se ekzistojnë lidhje e fortë në mes të hapësirës urbane publike, kulturës qytetare, dhe formimit politik. E në vendin tonë,ku shtrirja urbane po ecën pa u konsultuar fare sociologët urban, dhe përdorimin e shumëfishtë të hapësirës publike dhe përhapjes së vendeve të shprehjes politike e kulturore, politikanët po e duan vetëm të përmbushin rolin e tyre politik,sepse aty po e imponojnë më lehtë "bindjen qytetare", nëpërmes stihisë së urbanizmit politik . Nuk jemi larg nga koha kur hapësirat qendrore publike të qytetit tonë ishin të "rezervuara" për një "hero" të gjallë të partisë, për një kryetar partie, kryeministër ,kryetar shteti, gjithnjë duke u thirr së pari nga aspekti "kulturor" e "patriotik" e më shumë politik. Nuk na duhen aq sheshe,e aq buste nëpër qytet,që ta ngarkojmë hapësirën publike me politikë e luftë,e të anashkalojmë historinë,artin,kulturën,sportin,dijen ,etj! Dy shembuj:
Edhe turisti i huaj ikën…(ne themi si zakonisht- punë e madhe!).
Prandaj duhet menaxhuar mirë hapësirën publike në mënyrë që të krijojmë veprimtari shoqërore ku do të shpërfaqet angazhimi qytetar i takimit me të huajt,të afrohet potencial për bashkim social ,ku heqim shikimin tonë nga problemet e përditshme, dhe rrisim disponimin tonë ndaj tjetrit. Dhe nuk duhet anashkaluar konsultimi me sociologët urban,gjatë hartimit,përpilimit dhe planifikimit hapësinor të qytetit, që fryma e qytetarisë të reflektoj tek secili i huaj që vjen të na vizitoj, e jo të vet kënaqim sytë dhe shpirtin tonë me patriotizëm folklorik,sepse nga lidhja e fortë në mes të publikut urban dhe hapësirave publike ruhet virtyti urban,qytetar dhe identiteti i shtetësisë së Kosovës. Në fund të kësaj kam edhe propozime konkrete: – Pse, nuk krijohet për shembull në Jezerc " Parku i UÇK-së ",dhe atje të vendosen buste e përmendore të ndryshme në forma e në hapsira që shpërfaqin një qëndresë heroike të dëshmorëve tanë? -Pse, "Parku i Lirisë" mos të emërtohet "Parku i sportit dhe rekreacionit",dhe atje të vendosen buste e përmendore të sportistëve të qytetit tonë,që kontribuuan me dekada për qytetin tonë? -Pse, te qendra e kulturës mos të krijohet "Parku i artit dhe kulturës",dhe atje të vendosen buste e përmendore të artistëve të qytetit tonë,që kontribuuan me dekada për qytetin tonë? Shkruar nga Raif Musa |
Një fotografi me vlerë e gjyshit tim Posted: 02 Sep 2016 12:00 PM PDT Besim Zymberi -Kjo fotografi është bërë në vitin 1941 në Ferizaj, para objektit shkollor, i cili edhe sot shfrytëzohet si shkollë dhe gjendet ngjitur me objektin e shkollës ekonomike. Në fotografi shihen paraardhësit tanë, prindërit e gjyshërit tanë, të etur për të mësuar gjuhën shqipe, pas ndalesave shekullore. KURSI VERUER I GJUHËS SHQIPE Ferizoviq 29-VII-1941-XIX Mësojtore e dashun (Nuk i njoh të tjerët përveç gjyshit tim, ndaj shpresoj që edhe ferizajas të tjerë të kenë rastin të gjejnë këtu prindin apo gjyshin-katragjyshin e tyre) U jam mirënjohës gjyshit dhe babait që e kanë ruajtur me fanatizëm këtë fotografi historike dhe shumë dëshmi tjera të kohës! |
You are subscribed to email updates from FerizajPress. To stop receiving these emails, you may unsubscribe now. | Email delivery powered by Google |
Google Inc., 1600 Amphitheatre Parkway, Mountain View, CA 94043, United States |
Lexo edhe: