Ora News: “Bolt tradhëton të dashurën me studenten braziliane” plus 9 more |
- Bolt tradhëton të dashurën me studenten braziliane
- Ja pse femrat janë më të prekura nga dhimbja e kokës
- Zjarri në pyjet e Repsit, riaktivizohen sërish tre vatra zjarri
- Daçiç: Në Bruksel nuk është diskutuar ndryshimi i Kushtetutës
- Filmi kosovaro-shqiptar fiton në Festivalin e Sarajevës
- Sot në Itali, takim për të ardhmen e BE-së
- Nje analize dhe projeksion per zgjedhjet ne Bashkine Diber…
- Qeveria premton kompensim për dëmet nga vërshimet, banorët pesimistë
- Jemi hilacak ndaj veriorëve dhe verilindorëve
- Chloe Goodman në qendër të vëmendjes
| Bolt tradhëton të dashurën me studenten braziliane Posted: 21 Aug 2016 11:27 PM PDT Ai ishte padyshim fenomeni Lojërave Olimpike verore të mbajtura në Rio. Megjithatë Usain Bolt duket se në Xhamajka nuk do të marrë me vetë vetëm trofeun e medaljeve, por dhe kujtime nga skena të nxehta në jetën sentimentale. Një studente 20-vjeçare në Rio ka ndarë foto të saj ku shihet me Bolt pas një nate intime fundjavën e fundit të Olimpiadës. Fotot intime tregojnë yllin në shtrat me studenten në orën 7 të mëngjesit sipas kohës lokale. Në dy fotot e publikuara, Jady Duarte shfaqet e veshur me një kanatjere duke përqafuar në shtrat Bolt gjysëm të zhveshur, ku vlen të theksohet se ky i fundit ka një dashur prej dy vitesh. Vrapuesi i shpejtë xhamajkan i cili mbushi 30 vjeç të dielën, ishte fotografuar edhe në një klub nate deri në orët e para të mëngjesit në Barra de Tijuca, në periferi të Rios. Edhe këtu atleti shfaqet në pozicione kompromentuese me një femër. Nuk dihet se cili do të jetë reagimi i të dashurës së Bolt, Kasi Bennett, apo ‘First Lady’, siç e thërret atleti. Sa i takon studentes, ajo tha për mediat lokale se nuk ishte në dijeni se Bolt ishte atlet i famshëm dhe e përshkroi takimin e tyre si një natë normale.  Read more: http://www.dailymail.co.uk/news/article-3752215/Usain-s-Olympic-blowout-Rio-student-20-shares-WhatsApp-photos-appearing-bed-Bolt-following-wild-30th-birthday-bash-girlfriend-say.html#ixzz4I2ZKxCRD
Të parët për lajmin e fundit. Ndiqni Oranews.tv në Facebook dhe në Twitter |
| Ja pse femrat janë më të prekura nga dhimbja e kokës Posted: 21 Aug 2016 11:21 PM PDT Femrat janë më të prekura nga dhimbja e kokës në krahasim me meshkujt. Një nga tezat kryesore që shpjegojnë pse femrat vuajnë nga dhimbja e kokës apo migrena është edhe faza ovulatore apo para ciklit mestrual, pasi në këtë periudhë vërehet një rritje e estrogjenit dhe pakësim të progresteronit. Një tjetër arsye është edhe jeta e përditshme shumë e tensionuar i shtyn femrat të kontrollojnë emocionet e tyre dhe zakonisht preken më shumë femrat në karrierë. Ndërkohë, sipas statistikave zakonisht dhimbja e kokës në 50 për qind të rasteve është e trashëguar, nëse të dy prindërit vuajnë nga dhimbja e kokës, 30 për qind në rast se vuan vetëm një nga prindërit dhe 20 për qind në rast kur asnjë nga prindërit nuk është prekur nga dhimbja e kokës. Të parët për lajmin e fundit. Ndiqni Oranews.tv në Facebook dhe në Twitter |
| Zjarri në pyjet e Repsit, riaktivizohen sërish tre vatra zjarri Posted: 21 Aug 2016 11:20 PM PDT Riaktivizohen vatrat e zjarrit në Reps të Mirditës. Zjarri i rënë prej ditës së djeshme në masivin e pyjeve me pisha u lokalizua gjatë orëve të natës pas një operacioni shumë orësh deri në orët e vona të natës, nga Viva Helicopters. Por në mëngjes janë riaktivizuar sërish 3 vatra zjarri. Helikopterët e Vivës qëndruan në gadishmëri në Reps të Mirditës dhe sot që në mëngjes janë nën komandën e Qendrës Operacionale të Emergjencave Civile Shqiptare, ku kanë filluar operacionin për shuarjen e zjarreve. Të parët për lajmin e fundit. Ndiqni Oranews.tv në Facebook dhe në Twitter |
| Daçiç: Në Bruksel nuk është diskutuar ndryshimi i Kushtetutës Posted: 21 Aug 2016 10:37 PM PDT Ministri i Jashtëm i Serbisë, Ivica Daçiq, tha se çështja e heqjes së preambulës së Kushtetutës së Serbisë, e cila e definon Kosovën si “pjesë të këtij vendi”, nuk ka qenë pjesë e asnjë rrethi të bisedimeve që është zhvilluar në Bruksel. Daçiç, në një konferencë për media në Beograd, tha se Serbisë, gjatë bisedimeve për anëtarësim në Bashkimin Evropian, do t'i bëhen kërkesa të caktuara që duhet t'i përmbushë për t'u bërë anëtare e bllokut. "Ato (kërkesa) nuk i referohen preambulës. Ajo nuk ka qenë temë e asnjë dialogu në BE", tha Daçiç. Ai shtoi se Serbia duhet të mbajë kontaktet me të gjitha vendet që nuk e njohin pavarësinë e Kosovës, sepse disa prej tyre kanë "presion të madh" për të ndryshuar qëndrimin. Daçiç tha se javën e ardhshme do të marrë pjesë në seancën e Këshillit të Sigurimit të Kombeve të Bashkuara, ku do të diskutohet raporti i fundit tremujor i sekretarit të përgjithshëm, Ban Ki-moon, për situatën në Kosovë. Mësohet se në këtë raport, Ban ka thënë se zbatimi i marrëveshjeve midis Prishtinës dhe Beogradit nuk ka shënuar përparim të konsiderueshëm./REL/ Të parët për lajmin e fundit. Ndiqni Oranews.tv në Facebook dhe në Twitter |
| Filmi kosovaro-shqiptar fiton në Festivalin e Sarajevës Posted: 21 Aug 2016 10:07 PM PDT Producentja e filmit "Looking for Venera", shqiptarja Belina Jano, ka fituar kësisoj në Festivalin e Sarajevës i cili mbylli këtë edicion dhe ndau shpërblime për më të mirët. Kur Kosova dhe Shqipëria bëhen bashkë nuk kanë suksese vetëm në sport, por edhe në kulturë, përkatësisht film. Bashkimi i një producenteje nga Shqipëria dhe një skenaristeje nga Kosova, ka sjellë rezultat ndërkombëtar. Me skenar dhe regji të Norika Sefës dhe producente Belina Jahon, projekti filmik "Looking for Venera", ka fituar vendin e parë në MidPoint, një ndër laboratorët më të rëndësishëm të zhvillimit të skenarit në Evropën Qendrore. Producentja e filmit "Looking for Venera", shqiptarja Belina Jano, ka fituar kësisoj në Festivalin e Sarajevës i cili mbylli këtë edicion dhe ndau shpërblime për më të mirët. Lajmin e ka bërë të ditur Arben Zharku, drejtor i Qendrës Kinematografike të Kosovës. Belina Jano është pjesë e "Looking for Venera", filmit me regji nga Norika Sefa. Jano ka marrë Bursën MDM EAVE, e cila ndahet nga EAVE – European Audiovisual Entrepreneurs ose Ndërmarrësit Audiovizuelë nga Evropa, dhe e cila nënkupton mbështetje për të marrë pjesë në programet e këtij institucioni që më pas të krijohen projekte artistike nën ombrellën e këtij institucioni. Filmi "Looking for Venera" sjell ngjarjen që zhvillohet në një qytezë në Kosovë, me një djalë në mesin e dy shoqeve tinejxhere të cilat jetojnë dukshëm në mentalitet tradicional. Shpërthim hormonal, histori e bazuar në mentalitet ku dëshira për të shprehur përfundon në shpërthim temperamenti duke i lënë dy vajzat të mbyllura në rrethin sharmant të limiteve të tyre. Projekti ka fituar vendin e parë në MidPoint, një ndër laboratoret më të rëndësishme të zhvillimit të skenarit në Evropën Qendrore. Jano punon në një prej Universiteteve private në Kosovë, ndërsa ka punuar edhe në projektet tjera si "Femrat", "The Bar", "Guido" etj. /albinfo.ch/ Të parët për lajmin e fundit. Ndiqni Oranews.tv në Facebook dhe në Twitter |
| Sot në Itali, takim për të ardhmen e BE-së Posted: 21 Aug 2016 10:00 PM PDT Udhëheqësit e Gjermanisë, Francës dhe Italisë pritet të takohen sot në Itali për të diskutuar se si ta ruajnë projektin e Bashkimit Europian. Ky është raundi i dytë i bisedimeve mes udhëheqësve të tre ekonomive më të mëdha të grupit, që pas rezultatit shokues të referendumit të Britanisë për largimin nga blloku. Kryeministri italian Matteo Renzi është organizatori i takimit, ku do të marrin pjesë kancelarja gjermane Angela Merkel dhe presidenti francez Francois Hollande. Takimi do të zhvillohet në një ishull pranë Napolit dhe ai i paraprin një takim të muajit shtator të BE-së për të diskutuar mbi pasojat e votimit të Britanisë për t'u larguar nga grupi. Zyrtarët në Bruksel druhen se referendumi i 23 qershorit në Britani mund të çojë në një referendum të ngjashëm në Holandë, një nga vendet themeluese të BE-së, lidhur me largimin nga blloku. "Takimi i së hënës synon t'i tregojë botës unitetin e tre ekonomive më të mëdha të Europës, pa krijuar një grupim në veçantë dhe përgatitjet për takimin e Bratislavës", citohet një burim diplomatik francez. Analistët thonë se përballë rrezikut të ekzistencës kancelarja gjermane Merkel kërkon të forcojë BE-në eskzistuese dhe jo zgjerimin me anëtarë të rinj. Zoti Renzi kërkon të Italia të ketë një rol më të rëndësishëm në mënyrën e funskionimi të BE-së në të ardhmen, pas largimit të Britanisë, ndërsa zoti Hollandë kërkon dyfishimin e planit të investimeve të BE-së./VOA/ Të parët për lajmin e fundit. Ndiqni Oranews.tv në Facebook dhe në Twitter |
| Nje analize dhe projeksion per zgjedhjet ne Bashkine Diber… Posted: 21 Aug 2016 02:57 PM PDT Sherefedin Shehu me zgjedhje te lira e te ndershme do te fitonte me nje rezultat qe do te levizte (ne opsionin realist) ne kufijte 55 % +/-3 % te votave… *(Kjo analize u postua ne facebook me 21 gusht 2016 nga deputeti i PD-se Kastriot Islami) Të parët për lajmin e fundit. Ndiqni Oranews.tv në Facebook dhe në Twitter |
| Qeveria premton kompensim për dëmet nga vërshimet, banorët pesimistë Posted: 21 Aug 2016 01:43 PM PDT Edhe pse kanë kaluar dy javë nga vërshimet vdekjeprurëse që goditën disa zona të Shkupit, gjendja vazhdon të jetë e rëndë pasi shumë familje nuk do të munden edhe për një kohë të gjatë të kthehen në shtëpitë e tyre të përmbytura. Gjatë kësaj periudhe, fshatrat Hasanbeg, Straçinë, Stajkovcë dhe vendbanime të tjera janë ndihmuar nga institucionet dhe ekipe të shumta vullnetarësh, por gjendja vështirë të normalizohet për shkak të sasive të mëdha të ujit dhe baltës që kanë depërtuar nëpër objektet e banimit, shumë prej të cilave edhe janë shembur. Veç kësaj, ekziston frika e paraqitjes së ndonjë sëmundjeje infektuese pasi ka shtëpi që ende nuk janë dezinfektuar tërësisht. Nga Qeveria e Maqedonisë thonë se po punojnë intensivisht për normalizimin e gjendjes, ndërsa premtojmë nisjen e procedurave për kompensimin e dëmeve. "Unë pres që deri të martën e javës së ardhshme të bëhet pagesa prej 30 mijë denarësh (500 euro) për të gjitha familjet e goditura. Bëhet fjalë për një ndihmë fillestare në formë të paradhënies”. “Vendimi tjetër i Qeverisë ka të bëjë me propozimin që tani e kemi dërguar në Kuvend për rishikimin e buxhetit. Ne kërkojmë që të miratohen rreth 2 miliardë denarë apo diku afër 34 milionë euro, para këto me të cilat planifikojmë të kompensojmë të gjitha dëmet për familjet e goditura në rajonin e Shkupit dhe të Tetovës", ka deklaruar kryeministri i Maqedonisë, Emil Dimitriev. Por, banorët nuk janë edhe aq optimistë nga premtimet e Qeverisë. Ata thonë se premtime të tilla ka pasur edhe për banorët e Tetovës, por edhe një vit nga vërshimet, banorët e asaj zone, po përballen me probleme për shkak të mungesës së fondeve. Samet Islami, banor i fshatit Hasanbeg, thotë se një komision qeveritar ka vizituar pronën e tij për të bërë vlerësimin e dëmit. "Ata ishin dhe morën shënime aq sa mundëm se nuk mundet të evidentohen të gjitha. Kemi humbur gjithçka, si ai që ka pasur më shumë, si tjetri që ka pasur më pak. Premtimet janë të mëdha, por unë nuk e di ende Tetova a ka marrë diçka. Nuk besoj se do të kompensojnë 100 për qind, por shumë më dobët", thotë Sameti. Një tjetër banor thotë se pa ndihmën e institucioneve vështirë se do të ngrihen në këmbë. "Po premtojnë, por çka dhe si do të japim, një Zot e di. Nëse na ndihmojnë faleminderit, nëse nuk ka ndihmojnë sërish faleminderit. Çfarë të themi tjetër. Nëse nuk na ndihmojnë, me vite nuk do të mund t'i kompensojmë dëmet. Kemi përjetuar tmerre të papara deri më tani. Viktima në njerëz dhe dëme të shumta. E gjithë ajo çfarë kemi punuar gjatë tërë jetës, është shkatërruar brenda një nate", thotë Tomisllav Mlladenovski, banor i fshatit Stajkovcë. Ndërsa, një tjetër banor thotë se dëmet janë aq të mëdha saqë jeta normale nuk beson se do të kthehet para dy tre vjetëve. "Asnjëherë nuk do të mund ta kthejmë jetën e mëparshme. Më së paku do të na duhet dy-tre vjet për të normalizuar jetën. Ishte një katastrofë e vërtetë, humbëm njerëz dhe gjithë pasurinë. Nuk dimë nga t’ia mbajmë, shpresojmë se do të na ndihmojmë për t'i kthyer kushtet më elementare për jetë", thotë Jovica Stojanovski, banor në Stajkovcë. Vërshimet kanë dëmtuar rëndë edhe shtëpinë e Bujar Ramiut nga fshati Hasanbeg. Ai me familjen, tashmë po jeton te të afërmit, me shpresë që institucionet do t’i dalin në ndihmë për ngritjen e një shtëpie të re. "Ata vlerësuan se kjo shtëpi duhet të prishet krejtësisht. Evidentuan të gjitha dëmet që janë bërë, pasi edhe unë kisha mbajtur shënime. Na thanë se është në rregull dhe se këto të dhëna tani i dorëzojnë në Qeveri", tregon Bujari. Nga vërshimet e mbrëmjes së 6 gushtit që përfshinë fshatrat e Shkupit, janë goditur rreth 5 mijë familje, 22 persona e kanë humbur jetën, ndërsa dhjetëra të tjetër janë lënduar. Një foshnje16 muajsh rezulton e zhdukur. Për gjetjen e trupit të saj janë angazhuar institucione e vullnetarë të shumtë, por deri më tani përpjekjet nuk kanë dhënë rezultat. Të parët për lajmin e fundit. Ndiqni Oranews.tv në Facebook dhe në Twitter |
| Jemi hilacak ndaj veriorëve dhe verilindorëve Posted: 21 Aug 2016 01:09 PM PDT Zakonisht e quajmë “nxitje e urrejtjes veri-jug” por më duket se ky emërtim është pak ..hilacak. Se në fakt (ta themi troç) aty kemi thjesht një prirje të ulët të pak pseudoshqiptarëve “jugorë” ndaj Veriut, ndaj bashkëkombasve të trevave veriore e verilindore. Shpesh mes “intelektualësh” kjo nuk bëhet direkt dhe troç, i biet rretherrotull me dal’ po aty: që veriorët janë pak..ndryshe! Them është e njëanshme, sepse në fakt unë nuk kam hasur as një “verior” të vetëm që të shfaqë hije zhvlerësimi për korçarin, beratasin, përmetarin, kolonjarin, lushnjarin, skraparlliun, sarandjotin etj. I njëjtë është edhe qëndrimi dominues i anës tjetër. Për vete jam korçar, ndër dy shokët më të mirë deri sot -njëri shkodran, ndër dy studentët më të mirë (dhe më vonë kolegë) -njëri dibran, ndër dy shefat më të lartë -njëri tropojan, me kuksianët, hasianët, kosovarët (e kisha një bashkëstudent në dhomë me origjinë andej), etj. etj, kemi shkuar vetëm mirë. As na ka shkuar mendja të pyesin se “sa veriorë janë”, palè t’i dallojme nga bashkëkrahinorët tanë. Dhe kjo s’është punë “brezash”. Djali im psh, shokun më të ngushtë e më të afërt sot e prej 10 vitesh e ka ..nga Tropoja! Kjo s’na pengon që të ndihemi ..po aq korçarë! Nuk ka asgjë më qëllimkeqe, më të shëmtuar, por fatmirësisht edhe ..më të dështuar, se sa kjo e kësaj dasie mes shqiptarëve. Përveçse po aq e poshtër kjo është edhe më e pakuptimtë se sa psh dasia fetare, e cila fundja është sfidë e përbotshme dhe ka edhe shtysën e vet doktrinore. Të parët për lajmin e fundit. Ndiqni Oranews.tv në Facebook dhe në Twitter |
| Chloe Goodman në qendër të vëmendjes Posted: 21 Aug 2016 01:06 PM PDT Chloe Goodman i pëlqen të jetë në qëndër të vëmendjes. Edhe këtë herë 23 vjeçarja e ka arritur qëllimin e saj teksa është fotografuar në plazhin e Floridas këtë të shtunë. Ylli i Ex On the Beach dukej mahnitëse e veshur me bikinit që i nxirrnin në pah format seksi.
/Oranews.tv/ Të parët për lajmin e fundit. Ndiqni Oranews.tv në Facebook dhe në Twitter |
| You are subscribed to email updates from Ora News. To stop receiving these emails, you may unsubscribe now. | Email delivery powered by Google |
| Google Inc., 1600 Amphitheatre Parkway, Mountain View, CA 94043, United States | |
Lexo edhe:
