“Ka një makth që i lë femrat më shpesh pa gjumë” plus 1 more Shëndetësia |
Ka një makth që i lë femrat më shpesh pa gjumë Posted: 21 Aug 2016 11:27 AM PDT Studimi tregon se femrat shohin më shpesh ëndrra të këqija se meshkujt dhe kanë makthe më të shpeshta. Sipas një studimi, femrat përjetojnë më shumë makthe sesa meshkujt. Madje ëndrra më e zakonshme për to, është të shohin partnerin duke e tradhtuar. Të paktën kështu thotë studimi i realizuar nga kompania "Amerisleep" në SHBA, i cili ka marrë në analizë rreth 2000 persona. Studimi zbuloi se ëndrrat që shihen më shpesh në Amerikë janë: rëniet nga lartësitë dhe seksi me një njeri të ndaluar. Por kur bëhej fjalë për krahasimin midis gjinive, makthet ishin më të shpeshta për femrat. Meshkujt kanë tendencë të ëndërrojnë gjëra të gëzueshme dhe emocionuese. Përveç tradhtisë, tri ëndrrat e tjera më të shpeshta për një femër janë; duke i rënë dhëmbët, duke i ndjekur dikush dhe merimangat. Ndërsa meshkujt shohin ëndrra duke fluturuar, takim me një bukuroshe të panjohur ose para. "Shkalla e lartë e çrregullimeve të ankthit te femrat, mund të jetë arsyeja pse ato shohin më shumë makthe"- thotë Dr. Jennie Parker. Studimi i "Amerisleep" zbuloi gjithashtu se femrat kanë më shumë gjasa t'i mbajnë mend ëndrrat që shohin. 24% e femrave i mbajnë mend ëndrrat që shohin pothuajse çdo natë, krahasuar me 14% të meshkujve. /Telegrafi/ Burimi: Daily Mail The post Ka një makth që i lë femrat më shpesh pa gjumë appeared first on Telegrafi. |
Studim i ri: Partnerët që dehen së bashku janë më të lumtur Posted: 21 Aug 2016 02:29 AM PDT E keni menduar ndonjëherë se alkooli mund të bëjë martesën tuaj më të lumtur dhe më të qëndrueshme? Pse duhet të pinë të dy? Sipas një studimi të botuar në "Journals of Gerontology: Psychology Sciences", partnerët që herë pas herë dehen së bashku kanë një marrëdhënie më të lumtur e më të qëndrueshme se çiftet që nuk e bëjnë këtë. Sipas Reuters ky studim ka marrë në analizë rreth 3000 çifte, të cilët ishin të martuar mesatarisht prej 33 vitesh. "Ne nuk po ju sugjerojmë të ndryshoni mënyrën se si ju pini, dhe se sa shumë pini. Ne nuk jemi të sigurt pse ndodh kjo. Gjithsesi mendojmë se çiftet që kryejnë më shumë aktivitete bashkë kanë një marrëdhënie më të lumtur, dhe këtu përfshihet edhe të pirit."- tha për Reuters autorja e studimit, Dr. Kira Birditt nga Universiteti i Michigan. Megjithatë duhet theksuar se çiftet ku vetëm njëri nga partnerët pi alkool, priren më shumë të kenë probleme martesore, sidomos nëse është gruaja ajo që pi. Ndërsa çiftet ku asnjëri nga partnerët nuk pi, kanë tendencë të kenë një marrëdhënie të qëndrueshme dhe të shëndetshme. Sipas Birdit, zakonet tona të të pirit ndikojnë shumë dhe te partneri. Nëse njëri ka probleme me alkoolin, ose ka probleme shëndetësore edhe tjetri duhet të heqë dorë patjetër. Kështu që herën tjetër kur të dilni në darkë niseni mbarë me tekila! /Telegrafi/ Burimi: Reuters (Anabel) The post Studim i ri: Partnerët që dehen së bashku janë më të lumtur appeared first on Telegrafi. |
You are subscribed to email updates from Shendetesi Lajme – Telegrafi. To stop receiving these emails, you may unsubscribe now. | Email delivery powered by Google |
Google Inc., 1600 Amphitheatre Parkway, Mountain View, CA 94043, United States |
Lexo edhe: