INSAJDERI: ““Nuk e kuptoja përse Ibra luante në Francë”” plus 2 more |
- “Nuk e kuptoja përse Ibra luante në Francë”
- “Lagjja e Shpellave” apo aty ku jetesa bëhet nën tokë
- Dhjetëra të lënduar si pasojë e një aksidenti hekurudhor në Francë
“Nuk e kuptoja përse Ibra luante në Francë” Posted: 17 Aug 2016 10:23 AM PDT Sulmuesi i Saint-Etienne, Nolan Roux, ka pranuar se ai mendon që Zlatan Ibrahimovic ishte aq i mirë sa ai nuk e kuptonte përse suedezi luante në Ligue 1. Ibrahimovic luajti për katër sezone në kategorinë elitare franceze me Paris Saint-Germain, duke shënuar 113 gola në 122 ndeshje të luajtura në Ligue 1, ku fitoi katër herë titullin kampion. Sulmuesi nuk e rinovoi kontratën me kampionët e Francës dhe shkoi në Premier League te Manchester United. Roux mendon se Ibrahimovic ishte një sulmues që mbrojtjet në Angli nuk mund ta ndalnin. "Eshtë një turp që na iku nga kampionati ynë," ka thënë Roux për "L'Observateur de Beauvais. "Në të njëjtën kohë, e pamë duke luajtur me ne dhe ishim të shumtë ata që pyesnim veten se çfarë donte një lojtar i tillë në Ligue 1. Në fushën e lojës, ishte gjithmonë i qetë dhe me besim te ajo që bënte sepse dukshëm i përkiste një niveli tjetër. Ndoshta duket arrogant, por është pjesë e lojës. Normale që ai sillet si i tillë sepse veprat tregojnë se është më i miri. Unë e adhuroj, është i pamarkueshëm. Mbrojtjet në Francë nuk e ndalën kurrë", ka shtuar ai, shkruan telesport. Ibra është transferuar si lojtar i lirë tek Djajtë e Kuq ndërsa fillimi i këtij stinori duket mjaft premutes për të.
The post "Nuk e kuptoja përse Ibra luante në Francë" appeared first on INSAJDERI. |
“Lagjja e Shpellave” apo aty ku jetesa bëhet nën tokë Posted: 17 Aug 2016 10:05 AM PDT Me të arritur tek stacioni i autobusëve, Guadix duket si çdo qytet tjetër i vogël andaluzian, me shtëpi të bardha dhe një pamje piktoreske. Por, nëse ngjiteni më lart në një kodër, një pamje paksa e çuditshme do të dali përpara jush: oxhakë të vegjël vërehen duke dalë nga përfundi kodrës. Në "Lagjen e Shpellave" në jug të Spanjës, shumica e popullatës jetojnë nën tokë. Një jetesë e këtillë bëhet tash e qindra vite, shkruan BBC. "Kur përmenden këto shpella, njerëzit mendojnë se ato janë vende të errëta dhe të ndyta. Por sic mund ta vëreni, kjo nuk është e vërtetë," thotë jose, njëri nga banorët e kësaj ane. Ai me krenari pret vizitorët në shtëpinë e tij, duke treguar dhomat dhe gjërat që ndodhen aty, njofton Insajderi. Ai thotë se i pëlqen të jetojë në këtë vend. "Nuk mund ta imagjinojë ndryshe," thotë ai. "Disa gjenerata të familjes time kanë jetuar kështu. Kam gjithçka që më duhet. Nuk mund ta mendoj një shkëmbim me një shtëpi normale. Këtu bëhet shumë nxehtë gjatë verës dhe këtu disi jemi më të mbrojtur," tregon ai. Ai beson se shpella ku ai ka ndërtuar shtëpinë është e vjetër rreth 500 vite. Guadix është një prej vendbanimeve më të vjetra në Evropë. Besohet se në këtë vend kanë jetuar njerëz që nga koha e gurit. Por këtu qyteti kryesor është bërë gjatë Perandorisë Romake – ata vinin këtu pasi që ndërtuan një minierë. Aty janë rreth dy mijë shtëpi të tilla. Më herët, ato shtëpi konsideroheshin si vende për të varfrit, por sot ato janë duke u transformuar në restorante, hotele e të tjera./Insajderi.com
The post "Lagjja e Shpellave" apo aty ku jetesa bëhet nën tokë appeared first on INSAJDERI. |
Dhjetëra të lënduar si pasojë e një aksidenti hekurudhor në Francë Posted: 17 Aug 2016 09:48 AM PDT Dhjetëra persona janë lënduar, tetë nga të cilët seriozisht, si pasojë e një aksidenti herkurudhor në jug të Francës. Siç njofton BBC, një tren ka humbur drejtimin dhe është goditur në një lis. Dëshmitarët thonë se një udhëtar është hedhur jashtë nga dritarja si pasojë e forcës së përplasje. Shërbimet emergjente njoftojnë se një person është në gjendje kritike dhe është dërguar me helikopter për në një spital të afërt./Insajderi.com The post Dhjetëra të lënduar si pasojë e një aksidenti hekurudhor në Francë appeared first on INSAJDERI. |
You are subscribed to email updates from INSAJDERI. To stop receiving these emails, you may unsubscribe now. | Email delivery powered by Google |
Google Inc., 1600 Amphitheatre Parkway, Mountain View, CA 94043, United States |
Lexo edhe: