Në një vend ku fuqia punëtore është e lirë, aty kemi varfëri të thellë dhe papunësi të lartë. Ndërsa, fatkeqësisht Maqedonia përpara kompanive të huaja shumëkombëshe po krenohet me fuqinë punëtore të lirë. Pastaj fuqia punëtore e lirë është edhe tregues i arsimimit dhe përgatitjes së ulët profesionale në vend, përkundër se tanimë Maqedonia përbëhet prej një rinie të arsimuar, që edhe gjendet në rrugëtimin e përgatitjes profesionale.
Thirrja e kompanive të huaja shumëkombëshe vetëm sa për ta shtrydhur, vjelur dhe dërrmuar punëtorin dhe burimet tjera natyrore është thirrje për viktimizim ekonomik. Kjo bëhet edhe me qëllim të tërheqjes së lëndës së parë për në vendet tjera duke i lënë vetëm zgjyrat në vendin tonë, mbase duke përfituar aty-këtu ndonjë pushtetar. Një shtet që pranon të huaj pa asnjë kusht, atëherë nesër po këta të huaj do të vendosin kushte dhe rregulla në dëm të këtij shteti dhe të kësaj shoqërie. Jemi për kompani të huaja, pa dyshim, por jo edhe vetëm për ndrydhje të kapitalit natyror dhe atë njerëzor.
Burimi: Iljasa Salihu
loading...
Lexo edhe: