Pyetje më fëmijërore nuk kam dëgjuar se ta pyesësh dikënd se shqiptar më parpara je apo musliman? Pyetësit sikur harrojnë se edhe njëra edhe tjera janë identitete të njeriut dhe nuk ka rëndësi e para apo e dyta ose e dyta apo e para, ato janë dy krahët e një pëllumbi, ndërsa pëllumbi i bardhë është Islami për neve muslimanët, ndërsa të tjerët le të përgjigjen vet për pëllumbin e tyre, sepse prej tyre kam dëgjuar se fenë nuk e pandehin për sistem jete, por për një copëz jete, duke qenë se ajo nuk qenka në gjendje t’i ofrojë përgjigje për shumë rrjedha në këtë botë. Mësojeni njëherë e mirë këtë çështje, mbase u habita edhe me disa hoxhallarë, të cilët nuk qenë të aftë, ose të guximshëm ta jepnin një sqarim të duhur, edhe pse bëhej fjalë për një pyetje të paduhur.
Feja Islame është sistem, platformë e udhërrëfim, ndërsa identiteti shqiptar dhe ai musliman janë vetëm pika dalluese dhe identifikuese kundrejt të tjerëve, të cilat parimisht nuk të bëjnë as më të mirë as më të keq sesa ata që kanë identitete tjera, porse është platforma ajo që i jep jetë këtyre dy segmenteve, që nuk përzihen njera me tjetrën, por që ecin së bashkë dhe paralelisht!
Burimi:Iljasa Salihu
loading...
Lexo edhe:
