Fakulteti është sikur shkolla ku mësohet ngasja e makinës dhe shkolla ku merret patent shoferi. Mësuesi në autoshkollë t’i mëson rregullat themelore; si ta ngasësh makinën në përputhje me shenjat dhe udhëkryqet në rrugë, si ta parkosh veturën, si ta ngasësh mbrapa dhe të jep udhëzues me shënime teorike rreth rregullave e parimeve që përkojnë me rrugët, makinën, shenjat, ligjin, shëndetësinë e të tjera. Ti do të mësohesh ta ngasësh makinën në një rreth të ngushtë (në një qytet dhe përqark fshatrave), por pasi ta kalosh provimin teorik dhe atë praktik, do të ndryshon çështja.
Ti duhet ta ngasësh makinën nëpër rrugë më të gjerë, më të largëta dhe prore të panjohura, krahas asaj që ke mësuar në autoshkollë. Do të ballafaqohesh me raste që nuk i ke mësuar në autoshkollë, pranë të cilave duhet të gjendesh dhe jo të dorëzohesh vetëm pse nuk i ke mësuar më herët në autoshkollë.
Kështu është edhe me fakultetin. Do t’i mësosh disa gjëra në fakultet, porse rastet e ndryshme në jetë kërkojnë aftësi dhe gjindshmëri përtej asaj që ke mësuar. Me pak fjalë; fakulteti është autoshkolla, diploma është leja për ngasje, ndërsa ngasja e makinës nëpër rrugë të gjata e të ndërlikuara është vendi i punës dhe rastet tjera që vijnë në jetë pas mbarimit të fakultetit!
Iljasa Salihu
loading...
Lexo edhe:
