Kishte doktoruar edhe Ragmi Mustafa, Kryetar i Komunës së Preshevës. Ky vërtetë duhet të jetë gjeni. Ta mbash mbi supe gjithë atë bjeshkë dertesh e hallesh të popullit dhe sërish të gjesh kohë për të bërë shkencë, njëmend është për t’u përshëndetur ky zell politik dhe shkencor. Madje se ky është gjeni patëm rastin ta shohim edhe me mbjelljen dhe çrrënjosjen e lapidarit në Preshevë.
Ky siguroi se ai lapidar nuk do të hiqet. Nëse eventualisht hiqet, ai do të jepte dorëheqje të parevokueshme prej pozitës së kryetarit dhe se Komuna e Preshevës do të ndërpriste çdo marrëdhënie me Serbinë. Ndërsa ky gjeni në mënyrë gjeniale mashtroi pupullin “gjinihall”! Sot ky ende është kryetar, kryen marrëdhënie edhe me Serbinë ose ka marrëdhënie me Serbinë (problem sintaksor), si dhe tani është edhe doktor shkence.
Nesër ky pas gjithë atij mali dështimesh e përçarjesh, do të bëhet një profesor i rruar, më falni i rryer, derisa natyrisht do të kënaqet së shituri mend atyre që nderojnë autoritetin e profesorit dhe nuk shikojnë të bëmat e njeriut si njeri dhe si njeri me karrier të dështuar politike. Mirë që nuk kishte doktoruar në Prishtinë, sepse Serbia nuk do t’ia njihte tërësisht doktoraturën, por kishte doktoruar në Tiranë!
Burimi:Iljasa Salihu
loading...
Lexo edhe:
