Dituria është themel i çdo vlere dhe burim i çdo virtyti, andaj sa më shumë e shton njeriu diturinë aq më shumë i pakësohen fatkeqësitë dhe problemet, pakësohen hyrjet dhe hilet e shejtanit, nëpërmjet të cilave ia prish adhurimin besimtarit.
Ai që humbë shpresën në mëshirën e Allahut, atij i mungon dituria mbi gjerësinë e mëshirës, dhuntive dhe bujarisë së Allahut.
Ai që i mburret veprave të veta dhe ka vetëpëlqim, atij i mungon dituria mbi mangësitë dhe dobësinë e vet dhe i mungon dituria mbi sasinë e obligimit që ka ndaj Allahut.
Ai që e humbë kohën në gjera të padobishme ose në gjera me rëndësi të vogël, atij i mungon dituria mbi prioritetet, etj.
Andaj sa më shumë që mëson njeriu aq më mirë e bënë më të mirën dhe largohet nga shumë gabime dhe fatkeqësi.
S'ka gjë me dobi aq të madhe për individin dhe shoqërinë sa dituria dhe nuk ka gjë me dëm dhe prishje më të madhe se sa injoranca.
Për këtë, shkaku kryesor i shumë problemeve është injoranca dhe zgjidhja e tyre gjendet vetëm në dituri.
Burimi:Bekir Halimi
loading...
Lexo edhe: