Nijeti është kusht (arab. Shart) prej kushteve të një adhurimi
(Ibadeti) të saktë qoftë ai agjërimi apo ndonjë adhurim tjetër sipas
fjalës së Dërguarit sal Allahu alejhi we sel-lem:” Me të vërtetë veprat
shpërblehen sipas nijetit dhe çdokujt i takon ajo çka ka pasur për
qëllim” (1)
Kështuqë cilidoqoftë adhurim prej adhurimeve nuk
saktësohet përveçse me nijet, sikurse natyrisht edhe agjërimi nuk është i
saktë përveçse me nijet ngase i Dërguari sal Allahu alejhi we sel-lem
lidhur me këtë tha:” Nuk ka agjërim ai i cili nuk ka bërë nijetin prej
Natës” (2) Pra nijeti është kusht i agjërimit dhe për agjërimin e
obliguar (sikurse p.sh. agjërimi në Ramazan) është e domosdoshme të
bëhet nijeti prej Natës e deri para agimit dhe i obligohet agjëruesit të
bëj për çdo ditë nijet të ri sepse çdo ditë është adhurim në veti e
cila ka nevojë për nijet të ri me ripërtrinjën e ditëve për shkak fjalës
së Pejgamberit sal Allahu alejhi we sel-lem: ” Me të vërtetë veprat shpërblehen sipas nijetit dhe çdokujt i takon ajo çka ka pasur për qëllim”
Kur agjëruesi zgjohet për syfyr atëherë ky është nijeti dhe në qoftë se
nuk zgjohet përveçse pas agimit por ai ka pasur të bërë nijetin për
agjërim para se të flejë ai agjëron dhe vazhdon kur zgjohet e agjërimi i
tij është i saktë për shkak prezencës së nijetit prej Natës.
(1) Muttefekun alejhi (Buhari dhe Muslimi)
(2) Hadith sahih (i sakt): Nxjerr Nesaiu (2334) prej hadithit të Hafsës
radij Allahu anha, dhe këtë hadith e saktëson Shejh Albani në “Sahih
Sunen en-Nesai”
[ Shejh Salih el Fewzan: El Muntekà 424 ]
Nga arabishtja: Ardian Elezi
loading...
Lexo edhe:
