(shkëputur nga libri "Kërko dhe do të Jepet")
A Mund Të Kem Vërtetë Besim Tek Ligji I Tërheqjes?”
Ligji i Tërheqjes gjithmonë ju jep esencën e balancës së mendimeve
tuaja. Pa përjashtim. Ju merrni atë për të cilën mendoni – nëse e doni
apo jo. Dhe me kalimin e kohës, me praktikë ju do të arrini të kuptoni
se Ligji i Tërheqjes është gjithmonë në përputhje. Asnjëherë nuk jua bën
me hile. Asnjëherë nuk ju mashtron. Asnjëherë nuk ju bën konfuz, sepse
Ligji i Tërheqjes i përgjigjet saktësisht vibrimit që ofroni ju. Por
për shumë persona, konfuzioni vjen sepse ata ofrojnë vibrime që ata vetë
nuk e kuptojnë që po e bëjnë. Ata e dinë që kanë një dëshirë në një
drejtim të caktuar, dhe e dinë që ajo dëshirë nuk është realizuar akoma,
por ajo që ata shpesh nuk e kuptojnë që po bëjnë është se ata ofrojnë
pjesën më të madhe të mendimit të tyre të kundërtës së dëshirës së tyre.
Momentin që ju kuptoni Sistemin tuaj Udhëzues Emocional, ju kurrë
nuk do të ofroni më vibrime në injorancë. Dhe me kohë, ju do të arrini
një vetëdijshmëri të emocioneve tuaja të vlefshme, dhe ju do të dini në
çdo moment se mendimi në të cilin ju jeni fokusuar aktualisht po ju çon
drejt apo larg asaj që ju dëshironi. Ju do të mësoni që të ndjeni rrugën
tuaj drejt asaj që ju dëshironi, në të gjitha çështjet.
Baza e
botës tuaj është ajo e Mirëqënies. Ju mund ta lejoni ose jo, por baza
është Mirëqënia. Ligji i Tërheqjes thotë: Gjërat që janë të ngjashme me
njëra-tjetrën tërhiqen. Dhe kështu, esenca e çfarëdo gjëje së cilës ju i
kushtoni vëmendje do të shpaloset në eksperiencat tuaja. Prandaj, nuk
ka asgjë që ju nuk mund të jeni, bëni, apo keni. Ky është Ligji.
Burimi:Qendra E Mendimit Pozitiv
loading...
Lexo edhe:
