Luli i vocërr -Migjeni
Askush s’e njef Lulin. As shokët e tij, që për para tij lozin, nuk e njofin. Ma mirë me thanë se e njofin, por ata lozin për hesap të vet e Luli i shikon për hesap të vet.
Sot gjithkush ka punët dhe telashet e veta, ashtu edhe fëmijët, ashtu edhe Luli. -More Lul!
Shumë herët ke fillue me shikue punën tande.
Kur Luli hyn n’oborr të shkollës, buza i qeshet nga pak, por askujt as një fjalë s’i thotë.
Ecën ngadalë, tue shikue djathtas e majtas, por gjithnjë tue ecë, deri sa të mrrijë në cak të vet. Aty te dera e rruginës shkollore shumë i pëlqen te qëndrojë.
Aty asht caku i tij, i prarume me rrezet e ngrofta të diellit në këto ditët e vjeshtës.
Mbshtetet Luli për mur, grushtat e vegjël i shtije ndër xhepa, hundën picrrake të kuqun nga i ftohti i mëngjezit ja sjell diellit dhe...shikon. Gjaja që ma tepër ja tërhjek vrejtën janë çizmet, që i kanë të veshun disa shokë të tij.
Sa të bukura janë! Si shkëlqejnë! — mendon Luli dhe pa dashje i shkojnë syt ndër tollumbat e veta, nëpër të cilat shifen mirë të pesë gishtat e kambve të zbathuna. Nga kureshtja i afrohet një shoku që ka çizmet më të reja.
Ulet dhe shef në lustrin e çizmes kambët e veta të zbathuna - aq shumë shkëlqejshin çizmet !!! Mbasi shoku me çizme fluturoi, Luli ngadalë shkoi te caku i vet, në diell, ti ngrofi kambët . - Po kur nuk ka diell, si ja bën i shkreti Lul!
Ndoshta ja bajnë disi hallin apostujt e mëshirës apo të dashunis’...
Ndoshta,ndoshta...
Nga një herë i afrohet mësuesi Lulit. Dhe kur e ka ftyrën e dlirtë dhe pa puça,mësuesi ja ledhaton faqet,gushën,e Luli i afrohet,ja merr dorën, e shikon me sy pllumbi dhe kishte dashtë t’i fali diçka mësuesit.
Por vjollca nuk ka. E Luli i vocër çka mundet t’i fal mësuesit tjetër? Veç në ja faltë tollumbat e veta që kanë hapun gojën si me dashtë me e hangër mësuesin.
Po, po, tollumbat e Lulit të vocër kanë me e hangër mësuesin.
Postime të ngjashme:
Migjeni Biografia
Bukuria që vret
Studenti në shtëpi
Poema e mjerimit - analiza
Poema e mjerimit - vargjet
Migjeni luli i vocerr, Migjeni luli i voccer, luli Migjeni, Luli i vocerr Migjeni
loading...
Lexo edhe: