Romani ,,Era dhe Lisi'', për nga angazhimi është në vazhdën e romaneve të këtij shkrimtari, por tani Sinan Hasani ndalet te koha e deformimeve shoqërore, e cila përfundoi dhe u gjykua në Plenumin e Brioneve. Nga porosia e veprës dhe simbolika e saj kuptojmë se deformimet qenë një erë e fortë, që deshi të shkulë dhe të rrënojë edhe lisa të qëndrueshëm. Por, era si çdo erë është kalimtare, prandaj edhe lisat mbesin lisa, përkundër asaj force qëllimkeqe. Era është ajo erë e deformimeve, që u gjykua nga komunistët, ndërsa Lisi, një individ — luftëtar i dyzetenjëshes, si Ramë Ahishta, të cilit iu hapën shumë dosje.
Pra, rreth këtyre raporteve sillet romani i Sinan Hasanit dhe vihet përherë në ndeshje të vazhdueshme, herë-herë jo edhe të barabartë dhe me mjete të njëjta, në të cilën, me në fund fitojnë forcat e reja progresive shoqërore. Përmes një retrospeksioni të qëlluar hedhemi në jetën e Lisit — Ramë Ahishtës, një revolucionar i pakompromis, i cili nuk kursen asgjë që të triumfojë revolucioni popullor dhe të sendërtohet ideali i tij. Ai nga fronti kthehet me dekorata për të vazhduar një front të ri në ndërtimin e vendit, por pikërisht në frontin e dytë i vehet ndërskëmbëza, presa e pyka të ndryshme që e hedhin në zhgënjim të madh.Ramë Ahishta, Lisi, keqkuptohet dhe pengohet me dashje nga ca individë të cilët dëshirojnë të vihen mbi shoqërinë dhe ta vejnë çdo lëvizje të saj nën një mbikqyrje të rreptë, kështu që në këtë konflikt me ta ai menjëherë pensionohet dhe i bëhen një sërë intrigash të ndryshme të paskrupullta. Dosja e tij, e cila del në dritë pas Plenumit, vërtet është tronditëse dhe pasqyrë më e paskrupullt e një deformimi që i është bërë një revolucionari me qëllime të caktuara, që ai të eliminohet nga jeta politike dhe shoqërore përgjithmonë. Nga kjo dosje shkrimtari shfrytëzon nga një pasus që e vë në fillim të çdo kapitulli në formë konstatimi e që, për ta zhvilluar pastaj dhe për ta treguar në disa faqe anën e vërtetë të medaljes, atë që ka të bëjë me Lisin dhe jetën e tij, në dosje hidhen dhe mbledhen lloj-lloj ,,shënimesh” dhe shpifjesh të tjera që i bëhen Lisit e për ,,mbledhjen” e të cilave merita të posaçme kanë Tahiri dhe Luma, dy prej shumë veglave të deformuara, të cilët shkrimtari i vë në kontakt të drejtpërdrejtë me Lisin. I pari është mik i tij, ndërsa i dyti është fqiu i parë — një emigrant shpirtshitur, që kërkon biruca të tilla për të jetuar.
Nëse doni analiza letrare të veprave tjera kliko mbi analiza letrare
Nëse doni analiza letrare të veprave tjera kliko mbi analiza letrare
romani era dhe lisi, romane shqip, kritika letrare, sinan hasani, kritike per vepren era dhe lisi, veprat e sinan hasanit, vepra letrare, veprat e letersise, letersia, kritika per vepra
loading...
Lexo edhe: